小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年3月8日 星期四

人生不只一條路 智取與力敵

先講題外話,今朝早和女主人飲茶(廣東式點心),講開匯控槓桿加期權後,一年可以有20%利潤。舉例,五十萬本金可以有10萬年息(我也可以開班吧???)。

轉個頭,下午三時佢就心癢癢叫我去馬(真易SELL!)。。。買左一球5仔!

先待我完成整個操作再行文講解,其實不難估計。

幾個月沒砌模型。RE龍飛素組,還沒心情去塗裝。

******

小弟不是高大威猛型,只是攪笑型!所以即使有什麼衝突,只能咀砲,不能動手,只會自討苦吃。(當然,不高不代表瘦弱)

自母親離世後,多口叫爸爸不要太多和人正面衝突,其實你討厭一個人一件事想對付,有很多方法。以下三事作例:

1欺負老弱的大叔

以前我住公屋,樓下有個大叔,投訴我隔壁婆婆早上煮飯太用力,騷擾他睡覺,還不停用腳踢她閘門。結果我的睡眠也被打擾。

最後,我趁晚上沒人經過,走到樓下大力關掉水掣銅環開關。我猜大叔應該開不了水洗不了澡煮不了飯。

2噴廢氣的校巴

每天帶小朋友上校車,一般家長都會早到,人等車。唯某同屋苑讀某知名學校家長,常常遲到,造成車等人。

結果我們一眾家長都要吸廢氣。

解決方法?打去該幼稚園投訴,亦聯絡管理處。表面投訴校車,實際給壓力該家長(貌似林慧思!)。

該家長也不是等閒輩,第二天十分激動鬧我們沒查清楚法例,校車停車是不用關引擎(豁免的!),語氣非常差。

不過,我當天小朋友病了,她鬧不到我。

其實,只要我令到校巴司機不做他生意(都是自顧的),那八婆應該幾頭痕!再者,一驚動學校,教師們都知是哪一個小朋友家長。

最後,這校巴從此便消失了,我猜去了其他泊位吧。

本來,若該八婆再找我麻煩,只要幫校巴記低時間地點,去運輸處網頁投訴,驗一次黑煙都有兩個星期可以令她沒校巴坐。

3搶玩具

就是在公共遊戲室發生的。

有些較霸道的小朋友,霸佔幾件大型軟墊玩具,還去搶其他好欺負的。

我兩個小朋友也想玩,當然他們不給。

其實很簡單,幾件玩具三個小朋友看管不了,我叫我仔女一人分開拿一件。

結果,家姐成功了,令其"首領"追出去,可惜弟弟不明白,否則應該可以搶多兩件。

其間發生動手事件,就事新移民家長家教不足了。

******

老生常談,處事不只一種方法,對付一個人也不用正面衝突。

老生常談X2,投資也不只一個方法一條路吧。

財自也一樣,不一定要靠物業。若似某80後求死人士,心中只有收租樓一道求生門,或許他真是一個傭材(我認為世上無用的人很少,只是太多人找不到以己之強攻被之弱的方法而已)

講收租樓,上車就是人生全部的,
就好似上面呢條傻仔咁,被人不停恥笑罷了!
(貴族?200年前坐時光機來的嗎?)

香港十年間正處於樓房大時代中,依我能力,即使到了現在,我還有"TO BE WITH IT"0既本錢,不過,或許我執著,或許我ON9,現在的投資模式使我訓得安心,對得住後輩對得住自己。

面對北斗之拳的終極BOSS雷奧,你選擇做拳四朗還是做雷奧身邊的嘍囉?自認傭材真的可以裝作看不見,置身事外嗎?

做不了拳四朗高大威猛,至少用用腦筋(去抄人),智取也可以吧?

許多收租仔講自己財商如何,把握機會如何,講到自己咁X醒目咁X正義,點解走去做嘍囉?留點路給後輩吧,反正他朝君體也相同。

******

以下小弟FACEBOOK直播打機,小試牛刀。

37 則留言:

  1. 昨天5號仔一個月低位靚價! :D

    精人出口,__人出手,智慧決定高度。

    回覆刪除
    回覆
    1. 係, 我老婆係技術派.
      佢用咩黎睇? 得一招, 保力加通道, 我教佢的.

      其實我都唔係好識, 係有一晚, 有個朋友教我的.

      以訛傳訛...

      刪除
  2. 教學,教學,教學....Haha

    回覆刪除
  3. 50萬做2倍槓杆,一年約收五萬多D,但未計利息

    再做short call.(每月做?,每季做定最大月份)

    風險? 跌幾多補倉?

    還是short put sin, 先賺一筆?收到貨才做short call: )

    回覆刪除
    回覆
    1. 一般人覺得呢 d 係高風險操作

      刪除
    2. 最大風險係證券商執笠!

      跌幾多補孖展? 我都唔清楚.

      HSBC 只係10% 保證金之內. 而且佢同我成個倉一齊計, 單一隻跌好難要補倉!

      刪除
    3. 請問你用邊間證券行?我見耀才期權分開戶口,無得一齊計?

      刪除
    4. 期權我用INTERACTIVE BROKERS 或者一通。
      耀才極之唔推介,算把啦。佢第一得九個月期權,二黎按金高到可以買正股咁,三黎斬倉無情講。
      唔信可以GOOGLE。

      刪除
  4. 呢家係上一代剝削緊下一代一整代人的努力兼夾焗佢地上車
    條條大路通羅馬, 簡單槓桿買債已夠支出所謂的租金, 俾完租仲要有大把得淨, 怕什麼?

    整埋個安老按揭我先火滾. 根本係政府的陰謀

    回覆刪除
    回覆
    1. 上一代剝削緊下一代我覺得還可以, 因為是上一代的事.

      最差係80後同輩(我差四個月便是80後, 求死和我年紀相差一年不夠), 助紂為虐之餘仲要覺得自己威威豬.

      至於政府如何我唔太理, 反正上有政策下有對策.

      刪除
  5. 看樂活五線譜,5號仲係樂觀線上,似乎還未是時候入貨

    http://invest.wessiorfinance.com/notation.html

    回覆刪除
  6. 我舉手報名, 我願意付費學習 ( ONLINE COURSE 帶高達面具上堂教學 ? )

    回覆刪除
    回覆
    1. 哈哈,你知我唔收錢。
      免費的。

      下次更新會再講,其實好簡單。
      因未完成所有交易,所以未講住不是賣關子。

      刪除
    2. 期待教學, 先謝謝 ! ( 你可以在YOUTUBE 拍片教, 選收費觀看, 以你風格,可以將收益捐款做善事 )

      刪除
    3. 要玩理一份,是否要在IB閞户先較易跟?

      刪除
    4. 當然啦。
      打去問下,有部份手續網上攪掂,有部份要親身上去簽名的。
      個人覺得,方便過一般證券行。

      刪除
  7. 70兄,我要多多學習,预留位给我可以嗎?��

    魚兒妹

    回覆刪除
    回覆
    1. 哈,其實好普通。
      得閒留意blog update 就會講了。

      刪除
  8. 我覺得身教小朋友處理複雜人際關係比學術能力更重要,70兄好野。。。

    回覆刪除
    回覆
    1. 哈哈,我人際技巧都一般,只係單打獨鬥下,可以贏到比較豬既人而已。

      刪除
  9. 匯控槓桿加期權~ keep住做cover call賺兩邊息?

    回覆刪除
    回覆
    1. Haha... 我上年都有做過啲,不過個時hsbc 60升到上而家的水平,俾人call走晒無再買番再做.... Hsbc iv唔算大,但勝在一年派幾次息,坐艇都可以無限加時。

      刪除
  10. 請問是這種做法嗎?謝謝

    http://www.etnet.com.hk/mobile/tc/news/topic_news_detail.php?category=special&newsid=7010

    回覆刪除
    回覆
    1. 如果跟林一鳴咁,2017年3月做建行期權,上年六七蚊已被人挾走左了。。。
      享受唔到現有升幅。

      刪除
  11. 70兄,我也買了EIT.UN,但IB收我25%Tax,而我LiveChat他們查詢都係話要25%,想請問你是15%或25%,thx?

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...