小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年4月3日 星期二

理財個案#0001 搵阿媽層樓較飛

呢個係讀者留言,雖然久唔久收到EMAIL都有人問,不過難得長假期,不如扮下(柒SIR/七蛇),亂UP當秘笈!

理財個案#0001(可能然後就沒然後)

想做個案#0002請看文末!

*******

你好,70兄,拜讀了貴blog多篇文章,尤是講及投資心態和收息的,都有很大的啓發。

小弟萌生了一個想法,未知可否給予寶貴意見:家母60歲,自住物業(已供完)估價約400萬,在銀行約略做按揭計算,按100萬,利息2.25%,每月還款7400,做13年。

我便跟她提議一個收息方案:將借來的100萬買入收息股(心水2638港燈),以現價及上年派息紀錄預計,年派$0.4,即每年約收52630。

再假設每一年我都會再補貼60000或更多,連同股息,去減低欠債,經過唔知有無錯既計算,應該在第6年左右可以清除負債,而她就能每年繼續收錢作退休。

這個想法目的想盡快製造現金流,和減少退休後的經濟壓力。這樣的計劃有無盲點,或其他疏忽的地方?謝謝

小薯頭上

*******

女主人師奶答案:"如果加按息,或者港燈唔派息,咁點算?"

男主人答案如下:

阿媽60歲,我估小薯兄都係三十幾。

1既然可以加按,何不將年期拉長?
2個案矛盾之處,莫為賺息差,一邊按13年,但又想6年間泵錢還哂佢,咁為乜?
3將1及2加埋,是否應按盡30年以及按到50%?(除非層樓好舊好舊吧)
4陰謀D,其實讀者係想阿媽有現金流個人安定D?定係若干年後阿媽會送贈層樓比你?定係打算用層樓做平息孖展而供斷港燈?因為每年60000(即5000/月)輸出,用黎考敬老人家好過比股息四幾千蚊佢。

一家唔知一家事,年紀、收入、家庭背景、係咩樓,我全不知,唯有九UP。

按盡層樓,金額一件事,年期是重點。100萬按三十年,息口2.2%的話,月供$3797。

假設想每月多一千比老母,即要收年息4.8%或以上。
股票邊隻做到?自己睇下
http://www.aastocks.com/tc/stocks/market/index/hk-index-con.aspx?index=HSI&t=1&hk=0&s=10&o=0

不過,學風中追風兄話齋,"靠股票派息打造現金流其實好危險,你唔知佢幾時會減派,今次個案X咪瀨野LAW!"。

(咁0岩呢個個案中左我地今日討論0既另一個案X!)

如果你上過我前日四月一號攪0既理財班:"收息靠GUNDAM"或者"佛系收息法"都有提供PLAN A PLAN B比你。你唔係無比錢上堂下話?!

PLAN A 梗係選擇其他定息產品,優先股,或者美國堆垃圾債,都可以有七厘以上。貪心少少做埋槓桿,阿媽出雙糧都得呀!



PLAN B 唔怕死的話,開個平民平息戶口,槓桿借夠150萬買股票。

PLAN B+ 再沽多一年認購期權,至少可增多1-2%回報,如IN THE MONEY可等同一年股息!

去邊度買?個日落左堂咪有個先生坐係度,幫你開戶!(四月一日每年只開班一次!)

或者,可以自己上 INTERACTIVE BROKERS 個網睇下點開戶,至少個息口可能平過你加按!(GOOGLE "IB INTEREST")

************

有問題想我答?老實講難過中MARK SIX,因本人極懶,不過如果夠資料(年紀、收入、目標、家庭背景及開支等,而我老婆又答得到0既,我一定會加把咀~~)

我0既個案#0002就靠各位了(EMAIL/FB PM/BLOG留言也可)!今年四月一班已全滿,山頂0既朋友,明年再見!


對於BLOG上傳輸的任何資料或材料的正確性、實用性或可獲得性,本BLOG不承擔任何責任。對於任何基於此類資料或材料所作的交易或投資決定,本BLOG也不承擔任何責任。

31 則留言:

  1. 今時今日仲有好多人覺得按揭做30年好危險,要盡快還清佢唔好俾咁多利息。甚至我聽見有朋友話想買樓要問屋企人借,屋企人話要朋友兩舊錢加埋 Full-pay 到先願意借⋯

    回覆刪除
    回覆
    1. 應該仲有好多原始人。
      其實上下網搵下,大把人講按揭點點點好啦。

      刪除
  2. 60歲係咪做唔到咁長年期按揭?

    回覆刪除
    回覆
    1. 子女做擔保便可

      http://archive.am730.com.hk/column-248650

      刪除
  3. 個案0002:
    我阿媽最近退休,佢分左20幻退休金比我,但要求我每月比番2000蚊佢,年回報成12%!
    有無辦法用20幻就足可以打造現金流平倒呢條長命債?

    回覆刪除
    回覆
    1. 你得咁少資料
      建議你比番20萬佢, 叫佢去銀行問下職員可以點投資才有2000一個月回報吧.

      話時話, 20幻呢個叫法, 成個80後求死隊長個條廢人咁口吻呢.

      刪除
    2. 銀行啲人最近 sell 我買埋啲咩債基呀,咩股票掛鈎債券呀,一聽就知係掟個債字嚟 fake 人果啲結構性物體嚟,太生面口唔熟玩法既野唔敢玩囉。

      資料?我咪80後廢人一個咁囉,自己控制倒既錢係0,家有老虎全部都要比佢批,夠唔夠 detail?

      刪除
    3. http://hk70s.blogspot.hk/2017/01/blog-post_14.html

      如想私人教授, 請附上老虎半身近照, 哈哈....

      刪除
    4. 嘩~有無咁筍?研究下先

      老虎下半身近照就有張,不過我想學炒蛋多啲XD,有得揀既話

      刪除
    5. 睇完,首先我需要IB。

      投資一定有風險,正如出街都係,明白架啦。多謝指教XD

      刪除
  4. 多谢阿sir 4月1日的理財班,由其是 plan A plan B 和 plan B +. 對吾住,我嗰日走左數冇比錢。

    我自己現在未夠財商,要向這幾個 plan(s) 深入學習。谢谢

    回覆刪除
    回覆
    1. 唔緊要, 當日個D 走數同學已被錄影, 不日會UPLOAD 上THISAV 同PORNHUB 架喇.

      刪除
    2. 阿 Sir, 我真心問 (當然也很低能), 對於 plan A plan B 和 plan B+ , 请問有什麼好書可參考? 可否建議兩本。我希望努力D幫補下其他方面的不足。

      刪除
    3. 真心答,其實我上網抄人多,抄左十年。

      睇書都係書局打書釘,無買番屋企。。。

      同收租仔一樣,努力無乜用,運氣最實際。

      刪除
    4. 我聽 70後 兄話, 繼續睇人地 D Blog, 繼續打書釘. 現在明白多小小. 個腦多左小小野. 真心多謝你.

      刪除
  5. "收息靠GUNDAM"、"佛系收息法",笑死我了!

    回覆刪除
    回覆
    1. 佛系收息法:
      不買股,不存錢
      不看報表
      不看財經新聞
      不看重錢

      緣份到了,戶口自然有息。

      刪除
  6. 點解咁多後生仔女吼住父母層樓呢?除非長者本身有意加按層樓收息,否則夾硬就仔女意願的話,大家長遠盞唔開心。

    回覆刪除
    回覆
    1. 我估有兄弟姐妹的會吼多d,尤其同住的,一陣比其他非同住的冷手執個熱煎堆就so 9 sad 了。
      獨子呢,反正遲早都是自己的。

      刪除
    2. 若有人夾硬挾父母去借錢真係有病,做人是求快樂不是求財,咁搞法令所有最親ge人都唔開心真係多舊魚。

      太短視的人,成就高極有限。

      刪除
    3. 母親是否自願就唔知了.
      不過是否自願都好, "好仔不論爺田地" 應永恒不變.

      刪除
  7. 錯過左,請問四月一號攪0既理財班,請問幾時再有,同埋邊度途期可知道呢?唔該哂

    回覆刪除
  8. 請問有無AB 區收費?
    我想留個位係見到你正面架喎 (唔好帶GUNDAM頭套)
    佛系收息法有無ABC餐架?

    回覆刪除
    回覆
    1. 不買股,不存錢
      不看報表
      不看財經新聞
      不看重錢

      緣份到了,戶口自然有息。

      無AB區收費,唯身材好靚女可面向我坐大比,身材好但無咁靚可背向我坐大比。

      BTW 另一高達紙頭盔制作中。

      刪除
    2. 身材好但無咁靚
      應該係你坐佢大比 (好似洗米X咁)

      刪除
    3. UM...有道理
      下次報名表, 如果係女, 應該要付上全身照一張. (講笑)

      慈善捐款單一張就真

      刪除
    4. 慈善捐款單一張就真 (有呀,捐左好多比馬會)

      刪除

各位每個留言,係我繼續9UP動力,必覆。

Related Posts Plugin for WordPress, Blogger...