小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年4月26日 星期四

心態決定境界21 誰上誰一課?

今日又係全日湊仔,佢仲要唔駛番學。

明天星期五繼續唔番工,兩件小朋友都唔駛番學!

坐車回家之際,聽到個女人講電話,應該同我咁上下年紀,但肯定老過我老婆。

講句衰D,老蚌生珠,幫小朋友攪百日宴。

大約就係,A客比左訂,但未決定跟咩配套;但B客(呢位大生珠嬸)遲過A比錢但決定左配套。

可惜間野(我唔知係酒店定酒樓定點啦),最後HOLD左比A客,結果B客(車上大嬸)要選過其他。

當然咁做法有問題,但B客本住香港人最鐘意講道理,連珠砲發地同間野講左好多道理(態度如何?一貫中產港豬咁啦),大嬸一貫港人態度出左唔少反建議,被一一駁回。

最後,大嬸問:"咁即係你想我退訂啦?",得到回覆應是肯定,再講:"你地公司D服務態度咁",再講:"我同先生商量下"

有骨氣0既,即時退訂啦。

男主人意見,遇到呢D西人港豬,唔做佢生意係最多。多多錢都唔好做。


TEACH THEM A LESSON

(女主人常常有呢D情況,唔做佢生意,一黎唔好自己受氣,二黎留番佢煩下D行家!)



********

小弟早一個月隱身玩TG,發現唔少連登仔都幾淺視。講佢知又唔信,唔信又唔問以為你吹水,或者以為你離地(其實IB真係好多野可以買到,只是風險要自負)。當左幫人加按層樓放數係創業,其實咪又係打工仔。。。

或者,樓市真係造左好多怪人怪事出黎。

怪事A

http://finance.discuss.com.hk/viewthread.php?tid=27386138&extra=page%3D1&page=1

當人人都買左或租緊PS4個陣,佢買左部PS2!係咪真係咁勵志?

怪事B

(某程度上,求死思維都係佢讀書唔夠人黎,十幾年後笑番自己讀書叻D同學。。。)


仲記得第一次見止凡(2016年8月,當年仲有東昇,REX),佢問我點解咁唔鐘意求死,無他,莫名懶正義加上覺得佢獨學寡聞,眼光淺窄。本著搭左兩程順風車,就判定佢0既後輩唔點點點就會死,永不翻身個隻。

原來,當時已經激起某人寫BLOG,如果唔係佢,我都唔識去IB買野(當然風險自負),利息回報差不多升左一倍。邊個係某人?STARMAN是也。到今時今日,我都覺得佢頭個幾篇文極度有用。小弟財自路,佢間接幫左唔少忙。

最初小弟寫BLOG,都係只係想後來者學下(無論我成功與失敗都好),因為網上唔靠物業唔做大生意而提早財自唔多。後期已經希望比多一D資訊,等大家投資之路多個選擇(帶番個頭盔,風險自負)。

後來,竟然引到風中追風兄開BLOG,結果人人有功課抄又唔會比人話伸手黨!(助人自助!)

本來開個TG A/C諗住都係咁,點知都係浪費心機同時間,倒不如喂喂喂學其他BLOGGER,開黎吹下水好過,有興趣留個言吧。

98 則留言:

  1. 受到大大啟發,我都研究緊好無去IB開account,風中兄個po我有睇,星人兄也有寫嗎?(脆求連結)

    但真係學你話齊,心能決定境界,我既境界係...睇重皮費多過抵玩槓桿,所以發達應該唔到我架啦,搵倒餐晏仔就好!

    依家諗緊既係... 致富同8 security兩者揀一間,前者貪佢收息平,後者買賣唔洗佣,點揀好呢...?

    回覆刪除
    回覆
    1. 我文中附有佢地BLOG LINK,直CLICK便可以。
      另,如只買港股唔槓桿,股票揀一通同富途也可。

      我用慣一通,其實乜都網上攪0岩哂我呢D宅宅。

      刪除
    2. 一通我都有睇過,但係唔鐘意佢蝦人唔識字... 大大張圖話免佣,睇清楚啲terms根本呃人既。
      富途都 fake fake 地,大大隻字3蚊一野,點知又有咩平台使用費,頂!
      如無誤會或比人呃,8食蕉就真係免,仲連買世界霸權大國股票都免,已經開緊account中。

      刪除
    3. 應該無乜伏,相比銀行,呢幾間都好平。

      刪除
    4. 不如我講清楚少少, 70兄睇下呢頁: https://www.i-access.com/fee_c.html

      附一﹕每日所有投資產品的實付佣金(扣除當日使用的免佣券價值)每50元(不包括按市價盤佣金收取的佣金),可獲價值5元的免佣券一張。免佣券可於下一個交易日使用,有效期30日。

      即係每十野先免一野,咁都夠膽死叫免佣?(攤手
      其他附二附三應該都伏,太煩了無研究

      刪除
    5. //即係每十野先免一野,咁都夠膽死叫免佣?

      宅宅的attention to details 有待改善. 你quote出來嗰頁明顯有寫明: 以新開戶口計(因為一通舊戶口有另一套計佣規則), 一通買賣港股的確係免佣(不需使用免佣劵), 只係A股或股票/指數期貨期權要每張收5元, 而免佣劵就係for 呢類用途. 下次大大聲之前唔該睇清楚,以免誤導他人.


      刪除
    6. 嘩,你唔講我都唔知新舊客有分別。
      我只係貪佢方便唔駛我出現。。。TRADE期權肯定最平唔係佢,不過轉錢同交易可以網上進行又唔駛用SP TRADER,一通係我港股首選。
      家母全世人身家都放哂係一通,以息養孫。

      刪除
    7. 補多句,其實免佣與否,打去一通問應該最快最清楚。

      刪除
    8. 一通雖是細行, 但admin 做得唔錯, 成日都有updated 的操作手冊寄給用戶,只要你有定期 check email 的習慣, 應該唔會漏.

      18. 免佣券
      免佣券價值為5 港元,可於下一個交易日或之後的任何投資交易後使用,有效期為30 天。
      如要使用免佣券,在成功完成實付5 港元或以上佣金的交易後,當天於一通網按「免佣」,
      選擇要使用的張數(每一個交易只可以使用1 張免佣券) 按「確定」 ,已付的佣金會退回客
      戶的戶口。
      在港股舊收費計劃下,免佣劵仍然適用,使用及取得方法並沒有改動,可於下一個交易日
      或之後的任何實付5 港元或以上佣金的投資交易後使用。

      刪除
  2. 大哥, 你E篇文章非常勵志. 我是有興趣的!

    回覆刪除
  3. //最初小弟寫BLOG,都係只係想後來者學下(無論我成功與失敗都好),因為網上唔靠物業唔做大生意而提早財自唔多。後期已經希望比多一D資訊,等大家投資之路多個選擇(帶番個頭盔,風險自負)。//

    太強了!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

    回覆刪除
  4. 百日宴又係本世紀一大掠水 event。今時今日養得大個仔女有幾稀奇?咪同「生仔有X忽」差不多。

    唔知當事人會唔會幫佢地老豆老母擺六十大壽呢?

    回覆刪除
    回覆
    1. 其一,滿月才是傳統。但多數港豬滿月時未收身/自己太弱未適合擺酒。故較多人攪百日宴。
      一個家族中,有新成員出世是喜事,聯誼一下也並無問題。

      六十大壽好常見呢,雖我都唔鐘意港豬,但公平d講句,大部份人都會攪,唔會慳的。只是規模可能無咁大。

      刪除
  5. 我都係跟你上左 IB 至發現呢個投資世界咁大同咁方便,再次感謝。

    回覆刪除
    回覆
    1. 我都係抄人。
      就讓呢d 高風險動作一傳十,十傳百吧。

      投資非單一買樓既,股票都唔一定蝕。

      刪除
  6. Ib 買美股可槓桿嗎?有什麼手續?謝謝回覆

    回覆刪除
    回覆
    1. 可以,簡單到忘記什麼手續,但先下自己承受風險,近排很波動

      刪除
    2. 而且港元孖展利息也增加了

      刪除
  7. 確實係 "心態決定境界",如果開口埋口都係 "這些機會都不是屬於我的",唔肯去開放自己既心,做下功課,了解和求證,最終就係自我實現這句說話:"這些機會都不是屬於我的",自己封左條財自路。

    回覆刪除
    回覆
    1. 係"心能"決定境界,意思係要心態無左個心先有境界... 好似係(笑

      刪除
  8. IB係高風險動作?原來我地一路間接引人做高風險動作,咁我下次只叫人做定存算啦,哈哈。

    回覆刪除
    回覆
    1. 要看是不是IB(HK)名下,糸既就預埋破產無非港元資產保障.IB(HK) 没有sipc fdic的.

      刪除
    2. 雖然最後無跟你機去買垃圾債,不過好欣賞你公開全套操作過程的雅量。
      引唔引咩野,把口生係人度,真係認真就輸了,就似父子騎驢的故事一樣。

      刪除
    3. 唉,講咗十幾廿次,IB(HK)嘅保障同香港所有證券行一樣,除非你係銀行買美股(假設銀行難執笠啲),否則有乜分別?點解無人講係本地證券行買美股無保障?唔通香港啲豆泥證券行仲穩陣過一間美國上市公司?

      刪除
    4. 食飯都有風險。
      風兄,佢地唔知IB上市市值大過唔少香港土砲銀行。
      早排俄鋁事件,一眾銀行一早戴哂頭盔Tim.

      各有各好啦,好多人唔做槓桿又只買港股,比銀行食下佣係應份的。

      刪除
    5. 哈哈,講起俄鋁單嘢真係笑死我,第一次見識到股票無停牌但證券中介自行決定禁止人買。睇來香港銀行真係大哂架!

      刪除
    6. 話時話,IBKR自己本身都幾堅吓,而家比起二月股災前仲高咗10%,跑贏全世界所有資產。

      現價比我認識它的時候高了一倍,市值已經突破HKD 2400億(P/E只有19倍),比一半香港藍籌股市值都要高(已計入內資股及A股),例如:

      煤氣 2266億
      中電 2045億
      恆基 1962億
      領展 1452億
      電能 1242億
      新世界 1127億
      東亞 953億 (東亞都算香港五大銀行吧, 都不及IB一半)
      信和 858億
      太古 680億

      仲有幾多人話IB唔穩陣? 笑

      刪除
    7. 風兄,前提我是不驚IB 唔穩陣,但有保障是否比沒保障的好,我的就是IBKR.
      方法就自己找,也是合法.不過你們個帳號都很難搞.

      刪除
    8. 既然費用一樣,當然要更好的服務.要怪就怪證監会.(好似是他們搞出來的要求)

      刪除
    9. OK, 方法就自己找, 為何不公開呢?
      原來是你用美國IB, 我地用香港IB 被人笑是白痴了.

      刪除
    10. 您现在位于盈透证劵有限公司(IBLLC)的网站。盈透证券为美国注册公司。如果您是除印度、香港和日本以外的其它亚洲地区居民,并要继续您的账户申请过程,您的账户将会在美国盈透证券有限公司开立。

      其它亚洲地区居民: 中國/澳門...etc 有這住址証明就可以
      不只IB, First trade 也可以香港人大陸住址証明開户

      刪除
    11. 不要說這麼嚴重, 這只是信息不等問題

      刪除
    12. 我之前在淘宝找深圳房1xxx, 租了幾個月,搵間銀行有月結單(國有行的沒有)就開户.有月結單後再開IB ac. 初頭是複習

      刪除
    13. 是否灰色漏洞?講真,我不清楚...
      但我上年問過IBKR, 話我地址轉去Macau, 是否可以由IBHK去IBKR.當時話系可以,但這轉移要4-7weeks. 所以之後我直接開新户.

      刪除
    14. 正啊Raymond!!!
      咁我好奇問下,轉左保障額多左之外,仲會有咩好處或壞處? 今次到我申手。

      刪除
    15. 股 息 稅 不 同 。 美股香港被收的股息稅要30%...除非搞退稅(把非美國收益計算出來就可申請扣回多交了的出來...)
      但你倉位這麼大。。。分多幾個...HaHa

      刪除
    16. 明白了。
      但可以扮大陸人交少d咩???

      刪除
    17. 大陸人個率比香港人少

      刪除
    18. 係。但用樓就扮到? 印象中要証件。
      30% vs 10%
      好吸引。

      刪除
    19. 1.w8 ben, 我填大陸地址,不是拼音版
      2.IB 同上
      3.因我有IBhK 户口(無激活),所以我記得应該用左特区護照申請IBKR
      4.地址證明:銀行月結單+租約副本

      刪除
    20. 租約未必要.
      但地址証明初時真系很難搞,什麼工行建行農行得流水帳單但偏不印上地址,水電煤因只借房,月月計數...电話上台也要証明...雞蛋與雞問題.上面另有派出所手寫蓋章証明,可能就甘申報就会寫吧不肯定.普通話差過英文

      刪除
    21. 其他網友可能諗到PS 文件做証明就得
      千其不好,一陣虚造文書,香港刑事,甘就gg

      刪除
    22. 但IBKR用特區護照,佢都應該當你香港人。
      可能佢地唔識分,只用地址來分。

      刪除
    23. 用了居住地劃分
      因為Firsttrade 也是大陸身份開戶。

      刪除
    24. Jmym 兄,那麼 tax withholding 不是 30%, 变了 10%?.谢。


      刪除
    25. 如果IB 摺得....個區區3幾百個, 陪佢輸又如何?
      銀行都會老破, 買50萬好啦...否則無存款保障....

      刪除
    26. 變成大陸人的話, 美股股息稅由30% 變到10%, 但加拿大又由15%加到唔知幾多(忘了).

      另, 銀行老破, 政府都可能出手. 但證券商老破就無人救了.

      若真係咁黑仔, 我認命了, 繼續做又如何?

      不過樓上有計IB市值, 其實大過唔少香港藍籌的.

      刪除
    27. Raymond, 只用大陸地址應該說不過去, 除非你有在中國大陸有報稅交稅.

      https://www.irs.gov/instructions/iw8ben
      Line 3. Your permanent residence address is the address in the country where you claim to be a resident for purposes of that country’s income tax. If you are completing Form W-8BEN to claim a reduced rate of withholding under an income tax treaty, you must determine your residency in the manner required by the treaty. Do not show the address of a financial institution, a post office box, or an address used solely for mailing purposes. If you do not have a tax residence in any country, your permanent residence is where you normally reside.

      https://www.irs.gov/pub/irs-trty/china.pdf
      ARTICLE 4
      (Residence)
      1. For the purposes of this Agreement, the term "resident of a Contracting State" means any person who, under the laws of that Contracting State, is liable to tax therein by reason of his domicile, residence, place of head office, place of incorporation or any other criterion of a similar nature.

      刪除
    28. 簡單D講,咪試。
      否則變成暪美國稅,或者相反走中國稅。

      為左個少少股息稅,真係唔好玩。。。

      刪除
    29. 好少見有人好似我咁循正途申請退稅.

      刪除
    30. 70後兄!! 多謝指出可長赚的原则!!!!

      刪除
    31. 不敗兄!! 我會去你的 blog 學习退稅. 感謝分享!

      刪除
    32. Raymond兄,其實你個辧法我都諗過,但當時已開咗IBHK,想話轉去台灣,致電問過IBHK熱線,居然話直接轉唔到要開新account,然後賣哂產品再係新account買入,都唔知係咪老點,就hold住咗無再理。

      刪除
  9. 我都係多得Starman先開始接觸債同reits。
    以前無咁多人講IB,有IB其實一個平台可以買唔同產品真係好方便,同埋收費都好平民。

    每個人條路都係自己行出黎,最重要都係自己清楚做緊乜姐。

    TG隨時可以轉名~係啲3唔識7的大Group隱身好方便~
    最正係啲Sticker~~~~~

    回覆刪除
    回覆
    1. 未用IB之前,我用緊中信銀行 條OD,要3厘幾四厘息。
      轉左IB,未加息前一厘半左右咋。
      同埋,可以買既野突然多左好多,美股期權好做過港股期權啦。

      刪除
    2. 美股期權又係增加收入的一個好方法,expire日子又選擇夠多,我做啲蠢蠢地的cover call都可以執番少少錢,幫補收入....

      都係參與下其他market先深深體會港股有幾不足同埋限制多

      刪除
    3. 我都係做無腦covered call.
      買賣差價細,結算日選擇又多,可做股票種類又多。
      港股期權無呢d 好處。

      刪除
    4. 對呀, 美股期權好玩過港股期權多多聲,我依家都是主力玩美股期權

      刪除
    5. 想問下點樣係ib搵到實時股票期權價錢,資訊?
      希望大大指點

      刪除
    6. 比錢。
      港股票期權可睇etnet, free of charge.
      美股期權我就唔知了,直接比錢睇。

      刪除
    7. 美股期權我而家用富途個免費串流睇,近月先有的功能,幾唔錯。

      刪除
    8. IB美股期權報價好鬼平, 平都你唔信
      香港即時報價貴好多

      刪除
  10. TG 好用過whats app 好多,又有sticker又可以獨立save bookmark 對話,只不過係少人用。有興趣係 TG 一齊去吹水

    回覆刪除
  11. 原來七十後兄因為咁開blog? 不過我冇記錯好似我以前係Y!blog果時已經見過你係Sina定Y!開架喎
    不過我印象派可能自己記錯?
    TG冇用過 反而多台灣朋友用Line多D 都係方便過wts一萬倍

    回覆刪除
    回覆
    1. Yblog 有寫過架,最開頭係飲歛食食,同埋講用港股期權供樓租樓。
      當年匯控仲係一百蚊樓上,東尼仲未死日日話匯豐值200蚊。

      十年後,真係大江東去浪淘盡。

      刪除
    2. 我咪就係隨江而去果批囉XD,Y!blog摺左之後就冇再寫了

      刪除
  12. 我當初都係 Blog 中學到好多嘢,但做 CD-ROM 多年突然有一日覺得加入交流應該學得更多,所以本住互相分享心得的心態開 Blog。其實誰上誰一課,都不用分得太清楚,一同研究,各自得著。

    TG Group 當然有興趣! :D

    回覆刪除
    回覆
    1. 福兄,每次你一update 我就狗衝入去睇架喇。

      無乜料既我,只能拋磚引玉,引更多有料之人寫blog.

      刪除
  13. IB買到的好似主要都是美國貨,想買其他地方的債 (例如中國或歐洲) 是否都有?

    - 習慣潛水的blog友

    回覆刪除
    回覆
    1. 只要你答問卷時夠膽 自己係專業投資者的話,基本上全世界乜L都有得買啦(除左中國)
      唔識既咪帶張票上金鐘搞囉

      刪除
  14. 當人買ps4玩,叫人走去買部ps2 租比人絕到到無論。笑到賴屎

    回覆刪除
    回覆
    1. 係。

      其實同等努力下,何苦買PS2?

      可以考慮去下旅行享受人生

      或者溝女

      總之趁後生做左自己鐘意做既事。

      白頭老人,隨左樓,乜都無,唯有用樓大下班後生。

      刪除
  15. 請問IB 係?Investment Banking/Interactive Brokers?係乜銀行?花旗/dbs?個人真係一條七,要點樣了解到,要由頭睇你的文章?對不起!本身真的係ib 白痴。

    回覆刪除
    回覆
    1. 係INTERACTIVE BROKERS。

      刪除
  16. 70兄我想知你的想法,一收租.每年12萬欠108萬,25年市值$530萬,個人想要跳出框框的,已開家庭會議,可惜4佬加老婆都認為供到尾,自己未完全了解 ib 但以自己抄人組合(未知風險)唔要層放租樓就有4球現金,淨ib租合每月應該可以有4萬現金流入,對比兩者,前就係每年12萬,後係每年48萬,有點講唔通點解要算前者。如理解錯請修正。70兄我個人會自負責任的,做多小小報告才再同家人開多一次會,我只會理家人的感受,但無人明白我想跳出個框框,我心想只要產出純現金,對任何人都好。



    回覆刪除
    回覆
    1. 呢D 真係唔敢亂答喎

      最中庸之道, 咪叫你加按.

      若層樓再升, 你錯失順風車良機...

      再者, 要大屋老幼陪你癲, 應該無乜可能. 一動不如一靜啦.

      刪除
    2. 收到,我會慢慢慢慢搞清楚才選擇做或者不做,本想知你的想法,明白的,多謝你替他人著想。
      個人由無到小康可以叫不平凡自己做,但到小康有些事被自己人綑綁了,因為好多成功的操作係自己做,從無向人交代。我係唔明白點解全村人咁驚無左間所謂的收租樓。我可能無講清楚係有1自住1收租。多謝70兄,自己會繼續跟蹤睇文學習。

      刪除
  17. 其實我都唔係好明點解你唔鍾意求死隊長, 不過態度鳩屎同埋否定其他人的付出確實係鼠目吋光

    毛記林生, 轉珠神魔抄下人CONCEPT, 都已夠買N咁多間細價樓

    得個區區幾間, 又何必夜郎自大?

    回覆刪除
    回覆
    1. 佢有幾多底唔難估, 佢第一層加按的樓係亮賢居.
      所以幾本上已經知佢有幾多斤兩.

      唔鐘意佢, 原因你都講左大半. 難得又真係有人當佢係指引明燈.

      刪除
    2. 呢種鍊人春袋的操作,個人不喜歡的,但好多人就係咁樣食人食上腦,自問不算得上好人比市價平25%租比一個家庭(直到佢地唔租),不是光彩的事,自問喜歡係市場上操作開心好多。求死係樓的操作算係好多人的夢想,我就唔喜歡了。借上借用幾十倍的槓桿要食人靠人還債供養自己,一點都唔好。呢種叻把鬼。

      刪除
    3. 70兄你真係有爬佢BLOG...連第一件咩貨都知, 犀利
      另外, CUTTER 兄, 小子間屋都係收市值8折租金, 光唔光采我個人有利益衝突, 無資格COMMENT
      呢個"夢想" 唔難做, 不過其實做到又有咩咁光采呢下?

      刪除
    4. 佢應該無講係咩貨。
      只係佢未成名時,都係去人地d 睇樓班學野,咁岩又有我識既人,爆左佢d野比我知。

      另外講夢想,達到之後,然後呢?

      同財自一樣,同賢者之石一樣,同伊甸園一樣,大家一路未去到,一路無限憧憬。

      其實都係錢同唔駛番工0者。。。

      刪除
    5. 有錢同唔洗返工之後,最後仲剩返D咩呢,一味財自最後咪得返D空氣同四面牆囉
      D人究竟有冇諗過/體驗過咩野係真正既生活架

      刪除
    6. 快兄,我文筆差,表達能力有問題。回答不了。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...