小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年4月12日 星期四

急升轉倉 人生有得揀先至係老闆

有時,我估我個工人覺得好奇,先生點解成日係屋企。番工番一陣就回來。。。

星期二,出左去兩個幾鐘,心情麻麻又喉嚨好痛,不如回家吧。。。

今晚就好夜先收工,番到屋企開個IB睇下,噢,GLD升左唔少。

其實SHORT CALL OPTION係一個蝕桌動作,權金又唔多,升過行使價又無份,跌得甘想止蝕又要先平倉後沽貨。真係傻仔先會做,不過每月權金用黎扣下利息支出,GLD變左收息股(哈哈)

結果
GLD SHORT STRANGLE 128/124轉左
GLD SHORT STRANGLE 129.5/125 (五月四日,三星期)

扣減平倉成本,權金HKD二千六百左右。

ATVI SHORT CALL 72轉去同價72(五月四日,三星期)

扣減平倉成本,權金HKD五千六百左右。

以上權金,已等如借一千萬港元一個月利息中的一半,亦係最初買GLD的原因。(GLD及ATVI總共市值HKD120萬左右)


面對記者問佢TSA意見,霸氣小學雞咁樣回應!

都係果句,或者我咁做有點ON9,不過唔試下又點知呢?

我一個人近三千萬0既資產(未計老婆),如果以某D自認傭才只求死0既人黎講,真係唔係咩錢(因為月入二十萬,都唔及得上佢打份自己唔鐘意日日夜夜想唔撈又要撈0既工)。換哂做五層市值600萬收租樓,未計雜費都可以收到90000租金,不過還完比銀行,扣埋稅等等,又真係未必令人可以唔撈。

因為五萬收入生活僅僅夠,十萬又怕追唔到通漲喎!

唯一"逃生門",就係等FULL PAY呢個美夢,即係唔好千祈加按!但想求死0既人,終極係想還哂按揭剩袋租金呢。。。

呢D咁難理解0既矛盾我真係看不透。

我都係乖乖地抄人功課算數!

因為先天質素0既分別,雖然小弟財商頗低(非謙虛),但有勇氣去做一D人地未必會做0既傻事,先至有今日小小小成。

正所謂,有得揀先至係老闆。我有得揀即時唔撈,資產不用變陣,開支不用減少,浪費D講白交餘下鋪租也不難,資產連通漲部份早已計算在內。

昨晚先同老婆講,呢舊錢頂多十幾年應全無問題,十幾年後?小朋友都大哂啦。。。我從來都唔打算留錢比小朋友,有剩咪比。又講多次,好仔不論爺田地!再者,十幾年後,人生里程碑已變,金錢已不重要,親情更有用!(唔係話不可兩者兼得,不各自比重也不同。唔同意?咁你後生個陣溝女感覺要生要死乜你真係唔明白咩?)

家母留下的,大約七十多萬,一如她所願,用以收息給孫兒零用,每日有100元。中學用得比小學多,趁小學時候"以股代息"的話,基本上我不用給零用錢他們。

明天過澳門,新山不能拜,只能祭祖。

22 則留言:

  1. 70兄,大家同是70後,不過我老婆不是80後.
    很喜歡你的blog,深入淺出,不過睇完真要仔細想想才明白,始終財商有限.
    話你知,因著你的分享,我真的開始想"我可以唔撈嗎". 亦因此努力建立現金流組合, 不過現在被動收入只佔主動收入1/8,即使賣樓套現改為租樓,加埋都是現收入的1/2,與真正的財自仍有不少距離.

    回覆刪除
    回覆
    1. 90後老婆!?(講笑)
      我估你大我幾年吧,我自己都財商有限,唯有樣樣都試下。
      賣自住樓咁高風險(聽人講)就唔好試喇,其實隨住年紀增長,可慳0既地方就更多。尤其子女讀完書,父母就算完成任務了。

      刪除
    2. 究竟是曲還是直? 根據我係呢度上堂, 雖然冇比錢, 你又冇收錢, 你好似唔係咁諗喎。
      一話想賣樓, 就有agent打來, 一答話可以考慮, 即晚收到幾個電話, 全是agent.我好懷疑是否有一個跨公司地產搵客大數據庫。
      哎!子女有排都未讀完書....

      刪除
  2. 好叻, 小弟財自之旅仍然龜速前行

    回覆刪除
    回覆
    1. 你好似財自左喎。

      每人情況不一樣,駛費唔同,財自金額也不同呢。

      刪除
  3. 打份自己唔鐘意日日夜夜想唔撈又要撈0既工,同求唔求死未必有必然關係。

    有時份正職可以係一張身份証嚟: 人地問你做盛行, "啊,我做洗廁所既" 好似比起 "我係屋企砌高達既" 對社會有貢獻得多。

    回覆刪除
    回覆
    1. 都唔係架。
      打份一般商業工,最多只是一件商業活動既一粒齒輪仔,仲要好易被替代個種喎。

      除左砌高達,要冠一個名一個職位比自己其實唔難。

      講貢獻,不如先講有冇拎得太多社會資源吧。

      刪除
  4. 所以話做生意+投資先係王道, 可惜香港學校無教, 大部份人出到來"投資"都係攪到一褲都係.
    70兄30M應該可以好快退休啦, 恭喜恭喜!
    的確係有得揀先至係老闆 =P

    回覆刪除
    回覆
    1. 30M 如果唔係香討唔係地產型blogger眼中,應可以即退。
      我無樓要供,股息不用供物業,應該條數好計一點。

      再安全一點,轉買高評級債券便行。

      下一篇其實已寫好,是講人生選擇權。

      刪除
    2. 哈哈, 我都係地產型BLOGGER (其實係股樓債都有)應該真係可以即退 =)
      30M正NAV應該OK啦, 弱弱地20M X 5% 都成M一年, 折合8皮幾一個月, 仲有10M玩下OPTIONS, 不錯吖

      又咁講, 樓的話, 大陸到2047都收番香港啦, 留番俾個仔把鬼, 可能佢到時有其他機會, 兒孫自有兒孫福

      刪除
    3. 好一句兒孫自有兒孫福。
      有d夜狼之輩,非常大口氣講月收50000只能苟存,月收100000只能打個靚和。
      但自己還要日日做睇老細面色,真。好笑無雙。

      刪除
    4. 留太多俾佢地做二世祖又有咩為? 過猶不及, 太多錢財只會成為佢地的負累, 富不過三代, 你睇呀澤楷永遠都係活係佢老豆的陰影下, 自有其煩惱
      小子係港島某名校讀, 個D有錢仔真係話成世都勁唔過老豆...SO SAD

      刪除
  5. 小學雞個回答真係超霸氣!!!

    回覆刪除
  6. 不需大富大貴,能有生活自主權已是贏家了👍

    好多港人話好憎份工要提早退休,點知又係做到65歲...

    回覆刪除
    回覆
    1. 你真明白文中意思。
      與其大大聲講點點點巴閉幾多年之後un un 腳,不如立刻做黎睇。
      現金流要用來還款的話,真係有排等。。。

      刪除
  7. 工人唔會奇怪架,印尼大把人老婆出去打工(做家傭),老公係屋企印印腳。

    回覆刪除
  8. 我都想睇小學雞段片,睇圖已經覺得好過癮,有埋聲畫應該重正

    回覆刪除
    回覆
    1. TVB news 來。
      只搵到改版。。。

      http://static.stheadline.com/stheadline/inewsmedia/20180410/__2018041022463891121.mp4

      刪除
  9. 我好同意個小學雞所講,做人冇接受挑戰的勇氣,怎能成長。

    小朋友如是,大人也如是。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...