小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年5月1日 星期二

馬雲好介紹 我可以唔撈嗎 38

離唔撈之日重有425日。

呢個月過得又係好快,工作唔忙,但湊仔忙。

同埋,多左工人後,生活質素提升左唔少,而家餐餐(包括中午)有魚有肉有菜仲有飯後果!真係均衡飲食我做到。

早上星期,我仲同老婆夜晚偷偷快閃出去睇戲。
小朋友訓左,大人去睇午夜場!
可能我少睇戲,戲中唔少彩旦我都發現唔到,
除左RX78同埋一開場STARCRAFT果隻MARINE。

另外,小朋友早左訓,同老婆不停睇戲!(我地用NETFLIX,或者CSL PLAN HMVOD,真係想睇高清,就要BT了!)

為免嘈到出面,通常都係廳細聲聽。感謝馬雲帶來呢件東西:

結果,插呢舊野入電視,兩公婆帶住藍牙耳機聽,同埋佢有雙頻道藍芽,可以同時配對兩個耳機,正呀!我係用AfterShokz Trekz Titanium,可以一邊聽一邊傾計!骨傳導耳機呀!(八百幾,香港買啦,唔係馬雲!)

(網圖!)

另外,仲有呢件。。。唔駛用電!可以安係水龍頭0既沖涼水溫溫度計



從此家姐識自己較溫度,工人同細佬沖涼唔駛估估下。水力自動發電唔駛入電。淘寶人仔$69,不過驚會爆炸就唔好試了。

另,買左呢兩件比女主人。有冇同好識哂三支杖0既名?

講工作

男主人工作都係好嘆,無特別事。反而女主人係供應鍊同員工人手有重大轉變

舊運輸成日蝦女主人份人無所謂,價錢唔好之餘又成日排到佢優先序最後。其實女主人都應該算係佢大客,估計佔佢生意兩三成以上無走雞。轉左運輸後,仲反過來鬧人,算係乜道理?

另員工呢,幾年來生左三個小朋友。真係唔知邊個著數邊個唔著數了,我諗除左政府工,真係有冇邊間可以比你咁樣生法?

另文再述啦。。。

講投資

本月無買入任何股票,只有ROLL OVER 期權或者開新倉。

女主人隻HSBC升到78了,如六月收低於82.5,佢就全袋權金了。

利是基金HSBC如五月升到80,就要交貨。

仲有AEK,買左以來,一次息都未收,佢就要贖回!!!結果帶來七千港元虧損。。。

講資產

女主人上月469萬,本月為485萬。多左16萬,一來係入票(佢份人工)時間不同,二來上月匯控是虧損而本月匯控有盈利。(計番數,十二個月平均每月$106000淨增長)

男主人上月290萬,本月為298萬。只多左8萬,原因係非建行部份錄得虧蝕,而之前大升0既ATVI 打回原形。(計番數,有紀錄後,7個月平均每月$128000淨增長,如果唔係賺息蝕價,增幅應該更多。)

離唔撈之日重有425日。期待單一建行表現令財自之路更順暢,雖然即使刻下停工唔做都可以夠食夠洗。但呢一年工作加埋女主人個筆,能夠於跌市時提供足夠緩衝,又或者提供執死雞機會。

真係升到十蚊?即時賣左佢,零借貸下買入其他收息產品,令利息收入同現在一樣。貪心D,升到11蚊,捐一百萬出黎(已問准女主人,認真的!)。後備貸款額就變成執死雞基金了。

31 則留言:

  1. 個骨傳耳機好正咁...同埋個溫度水制都好正~~~
    睇黎70後兄都遇到個幾好的工人姐姐, 生活質素提升唔少~ 哈哈~

    回覆刪除
    回覆
    1. 係,暫時工人姐姐都幾幫得手。
      又或者我兩公婆要求唔高,有人幫手GET THE JOB DONE 就OK。
      佢主要都係做家務,接小朋友都係我做番,所以唔算太忙0既,相對上其他工作咪會上心一點。

      可能太多港豬用得工人太盡,顧此失被難免。

      刪除
    2. 工人做家務有時會hea做同無咁細心,我家人而家有時都係不斷adjust自己的expectation以免激心...最正一次我聽的投訴係叫佢抹窗,佢無抹埋個窗台邊😅

      始終點人做野要講到好detail又要執到自己想要的,真係要用啲牙力溝通下....

      刪除
    3. 只能adjust expectation 吧。
      咁少好多煩惱。

      刪除
  2. 骨傳導耳機 — 我 exactly 用同一隻,超級好用,真係有如宣傳篇咁多左對耳朵。跑街聽到車聲大汗都唔會「線」落黎,返工又唔駛做到與世隔絕咁(我鍾意聽住輕音樂工作,增加工作效率)。

    回覆刪除
    回覆
    1. 係。
      我多數係往返公司途中聽下歌,塞住耳仔我覺得好辛苦,所以一路都唔用headphone.

      刪除
    2. 搞到我有啲想買黎玩下,唔駛塞住耳仔好似好舒服咁

      刪除
    3. 不過D 音響人話, 唔好拎去同同價0既HEADPHONE 比.

      我無乜要求, 所以覺得都幾正!

      刪除
  3. 果三支野係百變小櫻既魔法杖。

    回覆刪除
  4. //仲有AEK,買左以來,一次息都未收,佢就要贖回!!!結果帶來七千港元虧損。。。//

    多謝分享這經驗.

    回覆刪除
  5. 工人初初幾個月都會勤力啲,佢地頭半年大部份人工都要還Agent,好驚俾人炒。最緊要半年後唔好學壞。

    回覆刪除
    回覆
    1. 係,應該每個月還半個月人工。
      阿Q d 諗,至少有半年蜜月期丫,半年後先懶。
      佢應該係動漫宅又唔扮靚,無咁易學壞卦。

      刪除
  6. 夢之杖 星之杖 封印之杖

    (google search, 我唔識的, 一睇只知係百變小櫻)
    http://www.taghobby.com/archives/262235

    回覆刪除
  7. Ready Player One比我想像中好睇~

    回覆刪除
    回覆
    1. 女主人COMMENT:"幾得意"
      好明顯佢少睇中外電影卡通, 佢最激動係見到高達...

      我自己覺得還OK, 彩旦我唔太識認, 不過劇情0岩哂宅宅的我.

      刪除
  8. “轉左運輸後,仲反過來鬧人,算係乜道理?”

    好多收咗錢的,反而仲惡過顧客。真係要俾哋教訓佢,唔幫襯佢一頭半個月,等佢知驚~

    回覆刪除
    回覆
    1. 應該以後都唔會用佢了。
      由人地主要客戶,變成另一間公司大客。。。服務質素仲好左!

      刪除
  9. 我都試吓藍牙耳機先,我是科技白癡,多謝好介紹。

    回覆刪除
    回覆
    1. 老婆用緊JABRA 有隻講有VOICE PASS THROUGH.
      , 樣聽到人聲, 但要塞住耳.

      刪除
  10. 70兄可以夜晚快閃去睇戲,好幸福呀

    回覆刪除
  11. 70兄有無HSEA同HSEB...
    今次全部贖回

    回覆刪除
  12. 請問女主人如何用四百幾萬資金去平均每月賺十萬元?或是四百幾萬是現金,有另外一筆資金用作投資?謝謝指教。

    回覆刪除
    回覆
    1. 佢被動收入每月六千。
      其他為主動收入,或投資增值。

      刪除
  13. 多謝秒速回覆!請問用多少資金去產生六千被動收入呢?投資美國優先股嗎?謝謝你

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...