小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年6月9日 星期六

10%年回報計劃 賣球員不務正業

今次篇文打哂尖!

原本預計要出0既"收租三十年"以及另一篇"叻極都係一層屯門樓"全部留番唔出住。

上圖為近期哈比人熱賣的花生!
佢咁樣講野,真係上得山多終遇虎。
比人改圖抽水了!

再者,三人行兄呢篇

瘋狂的磚頭 (八):磚頭撻人 與 佛系收租佬


簡直係一絕!佢講得比我更好吧~

講番買股!

HSEA 同HSEB 回籠資金比我用左黎做左一個好似好RISKY 0既投資。

我今次將此文<女主人之匯控期權 抽中天仁茗茶>方法改一改,主要買入波幅(非跌幅)較大0既股票。

為左懶,我又去左抄人。

抄D乜?人地個D前鋒組合。。。即係用派息率同埋預計增長去組一支十隻八隻0既股票。佢地個D所謂前鋒,一係真有增長(我都想),但同時波幅大,用黎做期權有好有壞。

點知,原來可以抄0既唔多,比較好D0既係美股,但我想做港股呢!

最後,買入實股以及期權如下圖!

用左三百零二萬港紙。
平均一隻三十萬左右,共收權金二十九萬幾。


其實分做四類:

內房:恒大、碧桂園
賭股:金沙、銀娛
科技:騰訊、舜宇、瑞聲
汽車:吉利、比亞迪
其他:蒙牛

留意,期權極為遠期但近價(2019年六月,正是我唔撈之日最後一個工作月),因應權金調整行使價,離買入價約有5-10%

當日發現2007碧桂園期權庄家唔開價,即月差價極大。原來今日有股派!(實物分派:每持有8.7股獲分派1股碧桂園服務控股有限公司股份)

現十隻股票只有九隻有期權做左,十三個月回報9.7%!如果將2007做埋期權,拉埋平均年回報應有10%。

若股市真係大升,全部被行使,約有多7%利潤。若計埋派息,因派息率偏低,應該差唔多吧。

最大危機,就係股價下跌超過一成!呢D情況真係極常見!我比一年時間佢地,如果都唔得,唯有出大技,無限補時。除左某一兩隻,大部份都係好野黎0既。。。

買入後第一天,好多都升,再過一天,跌到HIHI。哈哈。。。現整體約跌1%左右。

如果將股票列做足球陣式呢(我唔睇波的!),我呢種可以算係個D不務正業長期係聯賽榜尾,但又靠賣球員搵到下錢但無FANS個D球會吧!


我唔睇波的!

48 則留言:

  1. 小弟夜半訓唔著,見到70後兄出文,仲未有留文,心諗今次實搶到沙發。打了段留言,不小心,按錯鍵出不了,就給女主人搶了沙發。嗚嗚。。。
    師兄絕對過獎了,小弟篇廢文,如何及得上師兄的鴻文。小弟滿心期待師兄抽起的兩篇鴻文。
    小弟有個惡習,就是越唔明的東西,越會迷上。期權這個物種,很引人著迷,奈何小弟零知識,連半片魚嘴都搭不上,只能做個小粉絲搶下沙發。

    回覆刪除
    回覆
    1. 哈哈, 我太太煲完劇見到, 留左個廢言...
      三人行兄你用數字再用例子, 比我一味恥笑同質疑"收租財自路"實在好多.

      暫時真正收租財自0既, 都係上左年紀至少50個班...有咩意思?

      刪除
    2. 師兄,小弟只識計這些加減乘除數,來來去去得三兩道板斧。又見笑了。
      師兄話五十幾個班先真財自,絕對合情合理,小弟如果學唔識輕資產收下高息或學師兄收期權金,供完樓都睇怕要五十。小弟暫時目標希望早得過政府法定退休年齡財自。笑死。。。
      其實,期權讀書果時有學過,但實務操作真不懂也不敢用。暫時先學下玩住REIT,債券ETF同優先股先。

      刪除
    3. 原來你是商科底子呢!
      咁通常同有物業0既講,點都買下其他野,分散投資嘛!
      通常物業又位佔好大倉位,咁點買都唔會輕資產多過物業價值0既
      4321陣式!

      刪除
    4. 越讀得屎片多(純粹自嘲),越懶醒,結果越蟹得甘。小弟自從知道自己係毛蟹級(街邊阿毛加大閘蟹)股壇明燈後,有錢就買樓,所以家下要惡補返點去儲具現金流輕資產。近排似乎學有小成,仍需巨大努力。。。

      刪除
    5. 我最近看了這本書, 實戰型! 的書, https://www.amazon.com/Bullsh-Free-Guide-Covered-Calls-ebook/dp/B01KDOBNNK, 對我這些 0 財商的很有用.

      多謝70後兄的文章, 啟發了我. 現在我在進行行動篇.

      刪除
    6. 本書幾十蚊, 我估內容大部份上網都可以找到的呢.

      刪除
    7. 70後兄, 你是正確的, 這書特別的地方是有一些兒作者的 real trade. : )

      刪除
  2. 回覆
    1. 月月做, 若遇上急跌, 就有排無得做...

      刪除
    2. 咁如果要個價高過買入價就梗係啦

      刪除
    3. IN THE MONEY過唔到自己個關。。。哈哈。

      刪除
  3. 為何不 SP 先?接貨後至 SC ?

    回覆刪除
    回覆
    1. SP 一年, 一來無息, 二來價內SP 無同價SP 咁SO(我計過, 唔知0岩唔0岩啦.)

      刪除
  4. 2382近期升勢幾好,相信70兄會好快到價👍

    回覆刪除
    回覆
    1. 係,希望唔好大圍一齊跌。剩係跌沙田好喇。。。

      十隻,點都升中六七隻卦。

      刪除
    2. 小第為忠實讀者,請問現在有咩策略?會唔會平左D Short Put再做過?感謝。

      刪除
    3. 打錯,Short Call至真,^_^;

      刪除
    4. 阿Q精神,仲有一年先EXPIRE,邊個知一年後會點?

      刪除
    5. 不變應萬變也好,小第也有些貨底,應該會在3萬左右開個long put做個Protective吧...

      刪除
  5. 好勁的cover call大軍~ 難得70後兄咁勁manage到~
    我之前遇上跌得太多, 改做遠期, 當打番個和....

    回覆刪除
    回覆
    1. 應該難得IB咁好用,MARKET PRICE 無太大DELAY。。。
      其實好想SET哂之後一按TRANSMIT ALL。咁樣可以一次過落哂ORDER。

      睇錯邊復活就預左無肉食了。

      這也是我做遠期,唔月月清的原因。

      刪除
    2. 遠期都有個好處, 佛系收錢, 唔駛睇...月月清有時忙得濟無心情睇...搞到自己都唔記得左

      刪除
    3. 係, 剛開左個APP SAVE 低呢十隻股買入價同量, 可以得閒UPDATE 睇下LUM SUM 係正定負數.

      以前一兩隻就逐隻睇, 十幾隻就仲慘過生意仔了.

      刪除
  6. 作者已經移除這則留言。

    回覆刪除

  7. 可否分享一吓:
    1. 如果跌市,有否計劃將會點應對?會否定位止蝕?
    2. 用高波動性的當炒股來做收息組合,比起用高息和股價較穩定的𣾀豐/內銀來做,相信權金會較高,但就沒太多股息。加上70兄想分散投資,這是這次把新錢放在當炒股的原因嗎?

    回覆刪除
    回覆
    1. 1 短期至九個月跌,死捱。臨到期才跌或跌足一年,唯有坐下艇啦。唔定止蝕,我好低級架咋。

      2 是的,分十隻就係分散風險。另,選呢D大上機會高(大落也是),不用等派息。波幅已夠食。。。其實係對賭吧。

      刪除
  8. 厲害,一買買十隻轉手就SC,我最多都係同時SC或SP三四隻,仲要係月月做個種,從未試過做咁長嘅SC。

    回覆刪除
    回覆
    1. 咁長0既SC,我都只係轉倉做過,同埋建行做過。
      月月做,佢地咁波動
      大升比人CALL走
      大跌做唔番等同買入價0既CALL

      刪除
  9. 70後兄做權同做人一樣咁豪氣,期權好處係不同性格,可以有不同做法,只好最後贏錢就是好方法

    回覆刪除
    回覆
    1. 真人就唔豪氣,好毒L。
      非常同意期權做法受個人風險胃納影響好多,所以好少見多種類一齊用0既人。

      刪除
    2. 70兄,你咁做,似乎做期指會好D。

      刪除
    3. 期指要保證金,SC有貨係手唔洗額外按金喔,風險程度有不同吧(有錯請指正)
      70兄依D閒錢做SC可謂可以輕鬆訓得好既選擇呢

      另外三人行兄,去IB 開個SIM a/c 玩下option 練下感覺先囉

      刪除
    4. 股票期貨成交應該更少!
      如果佢唔升唔跌, 咁期貨大概只能打個和....

      刪除
    5. 艾力兄,70兄好像是用302萬買貨,然後做遠期sc,只能賺7%多D(扣取利息)

      我說先sp2張大期,如接貨,再做sc, 按金只是二三十万,相对用302万,應該不多吧。

      另如練習option, sptrader會好好多。

      刪除
    6. 70兄,小弟說的是恒指期貨,不是股票期貨,而您的玩法,很多pb都有這种组合賣比客人。

      #2800的風险應該比個股少吧,而成交容易得多。

      $31x50,000=1,550,000=一張大期(10万按金)

      刪除
    7. PB 都係有用期權組合達到佢合約要求賣番比客吧。
      另,指數期貨同指數期權,係我有限知識同理解下,指數期貨到期買賣雙方均需行使,同時雙方利潤及虧損均為無限。期權至少有期權金,結果即使個市唔上唔落,期權賣方都能得到期權金,相反期指就大家曾志偉式打和,咁做一年就白白等了,除了股息及期望帶來之高低水。

      2800 期權波幅太低,權金太少,亦不合於今次計劃中使用。

      刪除
    8. TO:艾力兄
      謝謝您的建議!模擬戶口練習完,再晌IB輸下錢,應該好快學識... 哈哈!

      刪除
    9. 輸下錢還可以。
      (沽)期權大忌,貪勝不知輸。小心玩大左。

      刪除
    10. 謝謝提醒。小弟細膽,完全唔識的,最多只會雞仔注,甚至只是塘邊鶴。

      刪除
  10. 作者已經移除這則留言。

    回覆刪除
  11. 70後兄,小弟重看之前留言。該留言其實只是想感謝轉載敝文,及讚一下師兄擁有強大的粉絲團。
    但再看一下,留言卻可能會引起不必要誤會,所以刪除了留言。再次感謝師兄轉載敝文。

    回覆刪除
    回覆
    1. 唔係呀, 剛才出左去同小朋友買玩具未覆你.

      其實我打BLOG 都係當初搵唔到有相同CASE 0既REFERENCE, 不如自己打財自路.

      同樣地, 你個BLOG 好清楚講左大部份中年(30-45)收租仔未必財自到0既情況.

      相信解左好多人疑惑, 其實我都識唔少人無收租樓但勁有錢...

      無論加按又好, 等FULL PAY 一日都好, 都唔能夠一時三刻財自. 除非佢係SSD DSD 之前不停炒賣啦.

      最後, 唔係我粉絲團多, 只係我鐘意LINK 有趣的BLOG, 慢慢變成了一個PORTAL SITE. 總好過全個BLOG 都係投資名人金句王丫!

      刪除
    2. 小弟只想肯定那留言不會讓師兄覺得我在抽水就好了。有時文字很奇怪,心想的,寫出來的,與其他人讀到的是三碼子的事。
      師兄太謙了,你絕對有強大粉絲團,小弟也是成員之一。而且近日大部份流量的確是從你文章中那條link過來的。
      收租佬大把是股蟹來的,只是很多人沒有小弟咁坦白啫。有些反而認為自己高大威猛添。
      熱切期待師兄另外兩篇掃盲掃毒文章出台。

      刪除
    3. 哈哈, LINK 到正BLOG 也是我的榮幸!
      風兄的, 你的, 也很正!!!

      刪除

各位每個留言,係我繼續9UP動力,必覆。

Related Posts Plugin for WordPress, Blogger...