小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年6月1日 星期五

玩6寸人形 我可以唔撈嗎 39

離唔撈之日, 仲有394日,扣除十二月、二月同埋七月自放0既假,再扣每星期四五放0既假應該少於300日。


無玩高達好耐,呢期改左玩6寸人形。

其實一早已經有儲開SHF亂馬(我應該齊左男女亂馬及其父,珊璞小茜良牙一共六隻。)

其實,玩6吋人形0既獨發點係由一隻估唔到我會買0既人形開始,就係WW (WONDER WOMAN!)

上圖為(SHF HARLEY QUINN SHF WONDER WOMAN)

當然,一不離二,開始買下道具玩下場景啦。。。

以下係老婆拎左我隻高達亂入。。。

講工作

煩0既都係女主人個邊多,人事變動物流變動,再加上立案法團央及池魚行為,今個月真係多事,再加上唔知真定假0既消息話行家做唔住,可能淡季即將來臨。

男主人好輕鬆,黎緊六月更加係HONEY MOON!穩穩陣陣渡過無難度,不過收入得番三份一,預料之內。預計2018年下半年,收入應該唔會少過2018上半年。只係2019年有機會少過六位數了(都係做多六個月0者)。

最後一年工作了,究竟食息過活是否可行?建行股息除番開每月五萬幾,夠哂住屋生活長老家用基本需求,要養埋老婆消費錢就差少少。(其實佢現在都每月除番都九千息一個月)

可參考以下連結

一百萬買到D乜? 女主人99萬收息基金


女主人之匯控期權 抽中天仁茗茶


講投資

近日股市又跌,女主人隻匯控又見紅了。
男主人期權倉如下

<GLD>
SHORT STRANGLE GLD 六月一日 125/128
轉倉六月廿二日 125/128
權金HKD3800左右。(已扣平倉成本)

<ATVI>
SHORT CALL 75 ATVI 六月八日
未夠期,未敢開

<NFLX>
 SHORT CALL 六月一日 317.5,今日交貨,升到爆廠(三十幾蚊)無我份,只能收12蚊左右權金。算吧。

本月無其他入貨紀錄了。

利是基金昨日開倉,繼續SC HKB@80,權金HKD2000。

HSEA HSEB要等到六月四日才諗下買咩吧。

以下是小弟月月收息垃圾低評級高風險唔好跟債券組合圖:


相信七月份建行除淨後,64萬股息左手交右手,對資產影響不大吧。

講資產

女主人486萬,上月485萬,只得一原因係份糧未入賬,同埋上個月一次過入左兩次糧。。。哈哈!力

男主人312萬,上月298萬,升幅多左因為。。。我都唔知,通常建行跌,其他倉位就會升。(我呢個數係減左建行部份之後0既某部份資產)

男主人總資產僅僅跌穿3000萬。


WONDER WOMAN 都要學計數啦!

45 則留言:

  1. 居然又取得沙發位!
    70後兄,計落小弟應該可以與你同一個月退休了。小弟2039年6月左右吧。。。呵呵!

    回覆刪除
    回覆
    1. 我無本事才要早退...
      好多勁人, 越做越有.

      刪除
    2. 70兄太謙了。
      好多人望著銀行月結單上注明退休日期,都覺得越做越有(排做)。呵呵!

      刪除
    3. 無知一問,邊間銀行張月結單咁有趣?

      刪除
    4. 供樓供30年,咪30年後退休囉。退休日期寫到明嫁啦!呵呵... 爛Gag...

      刪除
    5. 撚蛇個招, 加按買收息餐ABC....
      唔駛供架

      刪除
    6. 聽鯰SIR話買左新昌,ABC餐一齊 call哂。逼住賣樓,即刻可以唔駛供啦。呵呵!

      刪除
    7. 最慘係CALL左+ DEFAULT 一舖清袋...真係陰功! 城X銀號CALL LOAN 絕不手軟

      刪除
  2. HSBC呢d pk英國公司, 真係唔明點解好多香港人仲當佢係寶, 我最記得佢2009年冇宣佈利潤警告既情況下突然做一次世紀大供股, 呢個做法同市場上好多老千股其實無異.

    唔通好多人真係對呢間公司有情意結?

    我眼中任何股票只是增加自己回報既工具, 絕無感情呢回事.

    回覆刪除
    回覆
    1. 好多人成世用一間銀行,住一個地方,用同一個牌子的車。。。情意結這家野真好難講。但我估七十後兄純粹因product吸引才買HSBC的優先股。

      刪除
    2. 港股論市值,息率同期權買賣差價,三者加埋似樣的,應只有匯控可選。

      刪除
    3. 藍壽有5% - 7% 息, 相信除左494, 941 之外都無咩邊幾隻, 5仔算係比較好的高息股
      同埋啱啱加番派息, 仆街極應該有個譄了. 好過買2888

      刪除
    4. 係. 蝕都都有息派下丫, 安撫一下心靈都好.

      刪除
  3. 請教:在IB買股後再做 Short Call,如果被行使,是否會自動把名下的股票過戶?還是自動賣掉你的股票?甚或只是扣掉現金差價?

    另外,如果沒有相關的股票在IB,仍可以做SC 嗎?

    謝謝。

    回覆刪除
    回覆
    1. 呢D 梗係打電話問IB職員.

      我全部係COVERED CALL, 若當日被行使, COVERED 股票會唔見左.

      刪除
    2. 股票期權要實物交收, 你Naked short 被行使正常情況下IB會通知你點處理

      刪除
    3. 原來如此, 又學多樣.
      我未試過NAKED....OPTION.

      刪除
    4. 問緊 IB 可唔可以用 IBKR Mobile 落 order 做 covered call (i.e. 買股後跟手做SC)?

      知道後再同大家報告。

      刪除
    5. 有冇貨都得, 只要你個戶口夠錢cover保證金, 何況你有貨

      刪除
    6. 原來用IB 的手機App 都可以做 Covered Call,過程如下:

      Mobile
      - Bring up a quote for the underlying
      - Click Options
      - Tap to activate the strategy builder along the bottom
      - Click the option you'd like to write
      - Tap 'Add Stock Leg'


      刪除
    7. "反應堆"兄

      用STRATEGY BUILDER 加隻STOCK LEG, 就同TWS 一樣.

      不過唔知個BUTTON 係邊, 因為我99.9% TRADE都係用DESKTOP 版.

      美股用STRATEGY BUILDER 一流! 港股要買STOCK QUOTE DATA, 非常古怪.

      我分開兩邊做就算, 唔知佢當唔當我COVERED.

      刪除
  4. 我都諗緊呢幾年退休, 小弟啱啱四張, 我唔係收租佬,同你一樣係收息佬。
    反而我成日諗退咗休之後有咩好做可能我個人比較悶, 可否分享一下你退休之後有咩計劃?
    同埋有冇為咗退休之後買醫療保險,始終呢樣嘢對 退休人士係一個引優。

    回覆刪除
    回覆
    1. 我一向有買醫保. 人壽就買TERMS.

      你要多分享退休生活就真.

      我係有PLAN, 不過大多都係見步行步.

      當初見無乜人講中年(定青年?)退休生活...老人就大把

      你我留文, 相信會幫到唔少迷茫的人. 因為一同人講退休, 佢地又無得退, 實同你講好悶, 然後叉能住你退左休唔通日日做義工/去旅行....

      刪除
  5. 我咪退緊休囉,每日好似噗一聲乜都無做過就過咗一日,唔係覺得悶,係覺得時間過得太快!
    講真個句,做人已經將大半世俾咗與自己生命無關的公司,有日可以攞番自己時間之後,如果竟然唔知要做乜,仲要話番工先有意義嘅,咁都幾悲哀。

    回覆刪除
    回覆
    1. 湊小朋友時間真係好快過!
      其實求其搵番自己一兩件興趣去玩下,都已經好唔夠時間用了。

      建議風兄一眾真退休中年/青年,寫多D文講下可以做D乜。

      咪比果班退唔到又質疑你退左重悶0既"真。工資奴"騎切退休概念!

      刪除
    2. 講真,我係想像唔到呢個世界有人連退休之後,可以做啲乜都唔知,即係連做人都要人教。

      有小朋友嘅,多啲同小朋友相處;上吓興趣班,培養一兩種興趣或學一兩種樂器(琴棋書畫醫卜星相任揀);一星期做幾次運動;多啲睇書,經濟政治散文小說乜書都睇下;煲劇打機砌模型;有車嘅多啲去唔同地方兜風,無車定期去行山;有興趣烹調就研究下新菜式煮俾屋企人食(呢樣我無興趣);寫下Blog;做下義工幫下人;去法院聽審(大陸人最鍾意);乜都唔想做就去Cafe hea下同人打下牙較......(下刪一百樣)

      其實有咩好寫呢?呢啲唔係common sense咩?

      刪除
    3. 你上面篇野, MAKE A CHECK LIST, 無三五七年都做唔哂...
      正!!!!

      我有諗過, 逐區行, 食哂所有旦達, 寫番個全港九瀨TART食評!! 哈哈...

      刪除
    4. 瀨撻好,你講完utuber一定有人搶先瀨

      刪除
    5. 其實旦達好難整得好食架!! 就好似奶茶咁.

      反而豬扒包呀, 西多士呀, 就唔會有好大分別.

      其實我最鐘意食係陳皮魚旦! 可惜街上買少見少...

      刪除
  6. 剛重看「女主人99萬收息基金」,男主人當時用兩年時間由一千萬上二千萬,現在半年已經有三千萬,很厲害呢!尤其是今年,雖然我已經慣性收視地看男主人的文章,但我領略能力低,不知怎樣做到,可略為提點一下嗎?謝謝你

    回覆刪除
    回覆
    1. 一千萬後期就真係生意搵番黎0既. 因有段時間月入廿萬...
      升上二千萬, 都係因為建行股價由五蚊升上八九蚊, 加上本身現金流同生意, 以及借貨.

      三千萬, 利用之前借貸, 造成雪球式現金流.

      謝謝支持.

      刪除
    2. 感謝你的分享,希望我也可以做到....不過,我花了很多年也未能上千萬,不知是否應該利用借貸...

      刪除
    3. http://starnman84.blogspot.com/2018/05/blog-post_31.html

      應否借錢做投資,今期 Starman 講得很明白。

      刪除
    4. 水能載舟亦能覆舟.

      切記槓桿後貪勝不知輸.

      刪除
  7. 你好,HSEA and HSEB 過左redeem data 後,在IB需要手動賣出嗎?or autopay?
    Thanks Alex

    回覆刪除
    回覆
    1. 遲左答你...相信已經自動交左貨啦.
      唔駛手動

      刪除
  8. 今日用70兄的 "女主人99萬收息基金"法,在 IB 買了工行正股,同時 Short Call 了一年期的權。

    謝謝你的指引。

    回覆刪除
    回覆
    1. 選工行是由於我有長期跟開,股息率算是可以,加上下月就除淨。權價是平是貴,我就不太懂算了,只計到約有五厘。

      刪除
    2. AT THE MONEY?
      咁計番工行4.3% 利息, 再加上權金5%

      若股價唔上唔落, 收9厘喎!

      以唔波動又高高地息0既股來計, 都唔錯丫(無計過數齋估!)

      刪除
  9. 但那short call 期權,今日收市睇睇,帳面就跌了13%。

    看來真不能選 IB 的 market price 來買賣期權呢,特別是成交不多的期權。

    回覆刪除
    回覆
    1. 你指期權盈虧? 你有COVER 唔駛理佢的, 佢只影響NAKED CALL 的按金.
      反而留意正股價好過啦.

      題外話, 我前日都做左一年OPTION...做左三百萬.

      不日出文.

      刪除
    2. 我找到你個TRADE 呢!
      XIC (工商銀行), 2019年六月, 150張7蚊CALL@0.391
      剛剛一百萬. 收5.5厘, 未計股息.

      刪除
  10. 就係這張啦。

    新手第一次做 covered call,錯漏百出。但都學到嘢,所以想寫低,希望其他無玩開又想加入做covered call的blog友,可以少行些冤枉路。

    前晩在IB 設定限價$6.5買工行,昨天早上就執行了。最初以為自己"肥手指" 設定時錯,放了按市價買入。之後回想,應該係IB 會把正股和SC 可收取的權金的總價格合在一起算 $6.5。結果昨天就給我買齊。

    另外,事後回想,如果組合的目標係收息,係應該做at the money ($6.75) 的SC,以收取7%的權金 (相對於做$7的收5.5%的權金)。

    其實無需太怕期權被行使,最多到時再做過一套。

    回覆刪除
    回覆
    1. 對, 因為你是一個STRATEGY 咁做, 個價佢計哂的.
      所以我鐘意分開做, 易睇一D.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...