小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年7月13日 星期五

亂博君飯局 安能辨我是雄雌

先謝謝亂博兄送0既玩具!文末再講!


小弟扁桃腺發炎,發左成個星期,今日都未好番。。。



止凡亂博都已行文,我又寫下,以免過多兩日就唔記得。

今年5月初收到一個令人興奮0既邀請,開心到我即時叫醒訓緊覺0既女主人。

原來亂博兄佢會出第二本書,而佢想搵我寫個序。

簡直係小粉絲巧遇偶像~ 即時LUR飯應啦梗係~

以下係書商連結,有興趣可直接網上訂,去書局0既時間都可以慳番。


寫序之時,亦睇過本書,同時見到亂博0既自序,嚇左一跳,原來十年間(可能唔止),佢一路隱藏自己性別!

原來她是個女的(國語腔)!!

呢個消息應該比收租仔BLOGGER賣自住樓更爆~

其實我自己當年開始紀錄財自之路,有諗過用女主人身份去寫,感覺係女可能多人睇D。

我估我月入二十萬,但男人之家,呢個數好叻咩?女主人廿幾歲女月入十個以上,可能仲吸引眼球。當然,正如亂博君所講,話自己係女,咁做仲會引埋一D HATER 或者古古怪怪0既留言者啦。CHERRY 兄呢類出埋樣0既就更加不得了!

好多男讀者都係八卦0既,最經典有人憑一隻貓0既樣,搵到某女BLOGGER真身。。。即時成為該月份花生一大碟。相比求死個樣,可能好多人都見過佢個裝修佬樣(其實都唔少人見過),但女BLOGGER不理好醜,出左樣就自然多人評頭品足。

我唔想出樣唔想講工作係乜,就係因為講左就無NOISE。全部都只係平凡東西,講出黎換來一聲"哦~~~"就無鬼謂。


*****

直到七月,亂博君約我地飯聚見個面。

呢間MANGO TREE 係THE ONE,的確係幾好風景架!
我地就係坐近窗口個排!

我以為我好早,點知去到已經見到止凡亂博到左,之後REXH兄,SAM兄,同亂博個先生都到左。

至於個晚講左乜?睇佢地二人網誌好過我講。除左我講個D八卦廢野之外,大家都有好見地好專業。

以下為兩人有關飯局當日連結


比較有亮點0既,除左亂博君外,就係一向做開人肉BLOGGER WIKI 0既REXH兄今日滔滔不絕講佢專長,好明顯今日開正佢個樣,非常正呢。

另,亂博君個老公,應該都係一個FUNNY GUY(除非唔係啦),如果唔係佢太太係度制肘住佢,肯定佢會爆好多笑野出來(^_^)。下次可以考慮掉底太太一個人出席BLOGGER飯局。

番到屋企,病情惡化。。。我估一係就係碗冬陰公,一係就係個青檸梳打吧。好在唔駛點番工,又休息下無事。

最後,不得不讚多一次,亂博君真係極理性,比佢發現我有開班L潛質。

無錯,如果我係宗教傳導人/開班L,應該係呢類範疇入面會大有所為。所以FB個班開班L真係唔好得罪我,唔係我一怒之下搶9左你個飯碗就無謂,無論內容幾空洞無聊,一到我手你就無運行了。嘿嘿哈哈哈~~~~(揚長而去)

(尤其果D上完人地期權班再自己收貴D開個D,又或者教人慳錢苦行投資果D。。。)

最後,多謝亂博送比仔女0既拍片玩具,開頭兩個可以一齊玩,後尾得番家姐拍片扮TAKE 1。

今天,滿載而歸!
後面仲有一本亂兄送0既書!

******

港股反彈左兩三日,估唔到組合已經蝕少左好多。


表現最差唔係碧桂園,佢派左股(6098),其實係端聲!銀娛番家鄉之日不遠了。

我相信女主人半撈底個D已有利潤!
我相信女主人半撈底個D已有利潤!
我相信女主人半撈底個D已有利潤!

扣埋權金,賬面已經打和唔駛蝕,呢個都係SHORT COVERED CALL 好處。

30 則留言:

  1. 作者已經移除這則留言。

    回覆刪除
  2. 睇題目:安能辨我是雄雌 --> 還以為七十後兄是女仕呢!

    回覆刪除
    回覆
    1. 努力推下70後兄出書先!推呀!

      刪除
    2. 我是麻甩一個。
      去書局看看吧,睇完序記得睇內容。

      刪除
    3. 今次替人寫序,下次要出返本書了!
      再推多次先!

      刪除
  3. 回覆
    1. 謝謝支持。
      見到你留言,我都忘了好欠沒更新過雪球了。

      刪除
  4. 寫作手法都好難睇到係男定女...hahaha

    回覆刪除
  5. 單係 70後兄的序言已經值回書價,哈哈!

    回覆刪除
  6. 其實買得股票,都預咗逆景時要坐下貨。當股市係個數字遊戲,平常心面對會舒服一點,畢竟生活上仍有其他重心。

    相反,全職開班L在經濟不景氣時,就真係R晒頭了🤣

    回覆刪除
    回覆
    1. 再坐一會,不停坐,三年坐兩年。
      習慣左就無乜野,眨下眼買入價已低過股價要唔少就更開心。

      開班L,股市個班,的確吹過冷風。
      樓市個班係穩定一點。

      刪除
  7. 你對仔女好認真玩亂博送的玩具,我大仔都未識玩,只當普通公仔玩,哈哈。

    回覆刪除
    回覆
    1. 我細仔k2其實都係跟家姐玩。
      佢地youtube 睇過呢類動畫,所以覺得好得意。

      Keep 起佢,兩年後佢地有手機咪拎番出黎認真玩。

      刪除
  8. 下次標題收租仔BLOGGER原來是女的賣了自住樓租劏房更爆^_^

    回覆刪除
    回覆
    1. 將所有爆事合埋一齊炒作?
      不過你太多隱形粉絲,當佢地知道後,無一不嚇一跳呢。

      刪除
    2. 呢個正爆, 如果收租80後小卒是女人, 賣了自住樓, 當然是為了貼錢養大隻佬, 哈哈

      刪除
    3. 真係失禮晒,之前我留言時重用亂博兄

      刪除
    4. 唔失禮,好多人都這樣稱呼我,原因是我的profile 設定為男性,我今次拙作的自序解釋了原因

      刪除
  9. 請問點解要做遠期貼價的short covered call? 咁年幾後,個價應該比現價大幅上升,咪要比佢低價call 走貨?
    因我只做短期價外的short covered call, 所以唔係好明你咁樣操作的原理。請多多指教! thx!

    回覆刪除
    回覆
    1. 你落過盤未?
      權金多少決定一切。

      人人都想做超價外即見call, 月月收錢。
      但邊有咁理想

      刪除
    2. 價外的short covered call 想收多啲錢又要價夠遠, 要等某一日突然大幅波動等IV狂升先有機會

      刪除
    3. 我同老婆講, 世上邊有咁著數0既事丫!

      刪除
    4. 有呢種機會, 不過到果一刻有冇guts做先得

      刪除
    5. 如有呢d機會,long 一定著數過put.
      不過又係唔夠guts...

      刪除
  10. 70兄文風咁麻甩,好難扮女人喎
    不如同時間開多個 blog, 用女性文筆寫下

    回覆刪除
    回覆
    1. 諗諗吓有d女仔都幾麻甩,我上面咁講都有啲政治唔正確添 😝

      刪除
    2. 正常無乜麻甩女仔, 師奶都未必係咁.

      果種女人唔係叫麻甩, 係叫哩啡/老土/七!

      刪除

各位每個留言,係我繼續9UP動力,必覆。

Related Posts Plugin for WordPress, Blogger...