小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年9月7日 星期五

我要真改名!

此網誌男主人終於都整番個名比自己。

最自海綿寶寶卡通一角,皮老闆PLANKTON。見過面0既BLOGGER問,以後點叫我?乜都係一句啦。。。不過,過多幾個月就唔係老闆喇。係一條木板(PLANK)!

用此角色,多重意義。

最主要係佢個角色夠廢!同我生意一樣,唔講出黎就無限幻想,一講就係廢野一碟。行內參差不齊,由每月搵幾千至每月搵幾球0既我估都有!只係我地信唔信有呢個可能。如果要出書講創業路,相信只會有同行,又或者對家做烚旦個D人會想睇。

仲有,皮老闆個樣都幾得意!



我一講,兩個小朋友就知係皮老闆!(個人認為SANDY更過癮,可惜佢係女角!)

其他特徵,例如鐘意抄人秘方,就同我0既投資一樣,抄D又唔抄D,成日奶野。

唔講你唔知(無乜人睇),皮老闆有部電腦老婆叫做KAREN,佢發老婆脾氣,呢個同我都一樣喎!不過佢試過熄佢老婆電掣,我就唔會啦,你估我係大學教授咩!?

本身無乜技能等等,亦都好正!

另外,佢對蟹老闆呢條貪錢怪不屑亦是一絕!同樣地,我都好唔鐘意D人計得咁盡,人生有更多值得花心機0既地方,例如打機!哈哈。。。

最後,劇中生意仲係要蝕錢,佢整0既漢堡有腐蝕性結果無人幫襯!呢樣我就同佢唔同,蝕本生意邊有人做丫。

再講,對於中學讀BIO出身0既我,第一次睇英文版已經覺得呢隻野好怪,原來叫PLANKTON!浮游生物都畫到咁大!其實呢堆微細到要顯微鏡先睇到0既生物,養活唔少食物鏈上游0既生物架。

先生,請問點稱呼你呢?我叫70S。。。唔係,不如你叫我PLANKTON啦!哈哈哈!

17 則留言:

  1. 皮老闆,早晨!小弟又搶到沙發了!

    回覆刪除
    回覆
    1. 早晨, 我呢邊無咁多留言, 沙發難度大減.

      刪除
    2. 皮老闆,真識講笑。小弟不知幾耐無搶到沙發了...

      刪除
  2. 海綿寶寶呢套卡通真係好攪鬼

    回覆刪除
  3. 回覆
    1. 你指卡通? 雖然未必會笑得出, 但係幾得意0既.
      尤其係佢D人物性格極其執著.

      刪除
  4. 皮老闆你好! 睇左N咁多年先黎改名有少少唔習慣添 XD

    回覆刪除
  5. 皮老闆,等祝你榮休之喜!

    回覆刪除
  6. 真改名?有無假改名既先?

    回覆刪除
  7. 唔好話小弟一頭冷水淋落黎, 但呢個名好唔掂, 會唔會再改改?

    回覆刪除
  8. 同小朋友睇得好多,Spongebob d角色都好熟,好有feel, '熄老婆制',笑左。不過以die hard抄你書fans身份,吾係好鍾意你改plankton哩個名囉! 反對,,反對,

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...