小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年10月10日 星期三

打工第一年已經要投資 親子王國改篇文章

BK原文連結如下:

https://www.baby-kingdom.com/家庭理財/投資策略/打工第一年已經要投資千里之行始於足下-37715

小弟並不會一文多用,親子王國篇篇文都不是網誌文章!

不過,若有值得再寫或翻炒翻熱的文章,作個修改再出並無不可。

以下文章與上述連結並不相同,不會變成重覆閱讀。

見到有保險朋友傳來網文,提及有人工作多年,毫無積蓄。萬一失業、結婚或退休時唔知點算。其實文中都是老生常談,叫人慳錢和及早投資。

有日同太太係小弟WHATSAPP 群組見到一條影片連結,呢位BLOGGER我未見過,但當然有聽過啦。BLOGGER間暗笑佢二百萬富翁,以同年紀計,我太太都勁過佢呢。。。唔好話我太太是小生意,其實開班教人搵錢才是大生意呢!

https://www.youtube.com/watch?v=HlMgRFOfBB0

如果你想SKIP,可以由第九分鐘開始。

以免以為我笑佢,我只係想講,我太太開頭睇到皺哂眉,睇睇下變為大笑!建議可以同你身邊另一半睇,相信有釋放壓力功用!

小弟一向唔建議苦行儲錢,同工作一樣,心力要花在有效用的地方!若然要記住每日駛左幾多錢(大數OK,若要準確至每毫子,我真係頂唔順。),再者,收入少未必要慳,反而係要開源(文中個位自由工作女孩都識講啦)。

即使唔做PART TIME,都應該利用時間空間睇下自己鐘意做D乜,例如創業或轉行,又或者網上搵下有冇野可以搵錢!(我D中學同學,貪抽獎貪COUPON其實都幾有效!)

小弟網誌吹水WHATSAPP GROUP中有人介紹呢間
份量較少,但個包底好好食呢!
深水埗唔記得左咩名,係福利模型隔一條街!

另一條片,講呢位BLOGGER同年,炒閃卡我都有,不過唔高調同埋自己都收藏埋一份。不過中學時期,補習搵錢居多。大學?試過做咸SITE又試過燒老翻(醫學教材光碟),不過都係一次性收入,不值一提。

反而,由喜好入手,對我人生收入影響更大。

回想小弟仲係打工(即畢業後頭兩年),頭半年真係唔夠錢駛,人工八千,比左一半屋企,自己駛一半。新界到上環番工,路途遠車費貴,加埋食飯拍拖(窮拍),每月真係無錢剩,最多剩500。

當然,下半年轉工,浮浮沉沉,好時過萬,差時六千。投乜鬼資?

唔夠半年再轉,我剛畢業無人理我JUMPY,反而專業人士資格令人覺得我騎牛搵馬。轉左另一間公司,人工一萬,再加上我秘撈三四千,總算有錢儲下。

之後半工讀左一年,人工好時二萬幾,差時都有一萬。

以下係我小小建議,尤其現在大跌市,買左可能即跌,少少地感覺下收住息0既波動吧!

回想當初,如果一開始打工便買入碎股,即使只有500元,當時可以買中電煤氣也好(買匯豐便慘了),或買盈富也好,三厘息計,每500元每月平均有利息1.2元!哈哈哈!

一年下來,每月利息只有15元,只能在常時食個下午茶。(中電有5厘,每月25元,可以食譚仔了!)

當然,一眾財經導師都係教你,及早投資以及複利效應!鬼唔知阿媽係女人咩!

30年後,儲左18萬,五厘計,每月終於有750現金流了!非常勵志!不過唔好話三十年,二十年後食個下午茶,個價錢都DOUBLE左啦!(中電股價都升左DOUBLE,股息都一樣0既。。。放心)

與其苦行憎咁慳錢儲,不如努力開下源!將秘撈/兼職收入用黎投資。到你結左婚仔都生埋,你就好多兼職都做唔到架喇。

A 知識分子,最易搵就係補習。市價100/小時計,一星期三個鐘(補習仲可以收工晚上做!星期六日又得),一個月都1200!教琴有更好效果!

B 老婆話,做台式兔仔奶茶店,請人都50蚊一個鐘!唔想太多體力勞動?佢鋪頭請個文職妹妹,都有55-65一個鐘。今個月佢個大專生番三日都7500,另一大專生番一日都1600(兩者時數有別!)

C 唔好問我請唔請人,GOOGLE一下,馬會都有$46/HOUR,內行人話一半時間係IDLE!

$1600儲一年,第二年5厘計,平均月息有80。至少可以交半個電話費/睇場戲。同時正職人工自己洗!如是者,不動用自己人工之下,三年間已可年年加自己人工。

若唔介意股息少,可以考慮你日常生活會接觸到0既公司,尤其藍籌!銀行(匯豐恒生中銀),交通購物(港鐵領展),住屋(長實新地),生活必需(中電港燈煤氣),衰極都有個譜丫。

畢業頭三四年,多數同屋企住,食屋企。如能把握最初三年,以正正常常現在畢業人工萬多元計,將正職及兼職收入儲起買收息類股票,雖提供現金流不多,但至少可以幫補一下駛費丫!

講左咁耐,其實都係叫及早投資以及開源比節流好!一來可以享受下微薄投資都有被動收入,二來如果要輸,後生輸好過人到中年先炒單勁!及早遇風浪,好過臨尾收山才來被大浪沖走呢!

11 則留言:

  1. 苦行僧生活, 儲到錢但犧牲左人生。不過做得出嘅人應該樂在其中。

    回覆刪除
    回覆
    1. 作者已經移除這則留言。

      刪除
    2. 千里之行, 始於足下, 少少錢也可以開始月供股票, 二三十年後回望應該有唔錯回報.

      刪除
    3. 是的。
      隨住加工。收埡股息越黎越多,至少唔會感覺一路困境丫。

      刪除
  2. 好認同,依家時薪高,開源好過節流節到計幾蚊數
    同埋試過返完正職再返兼職, 一日做12個鐘後,會覺得世上無難事 XD

    回覆刪除
    回覆
    1. 兼職錢好好駛.
      唔用黎投資, 用黎生活, 質素都可以有所提升.

      總好過三五七年苦行之後, 都仲要落後人一截, 個種心情個種人生...何必呢.

      刪除
  3. //收入少未必要慳,反而係要開源 --> 全中
    因為工資慳哂都係個份, 開創收入係無限可能性
    但也絕不能大使

    回覆刪除
    回覆
    1. 係, 一個月兩三千蚊PART TIME 唔難搵.
      以萬幾蚊一個月文職黎計, 已經係10-20%人工了.

      再者, 可能做做下發掘到新出路呢.

      刪除
  4. 兼職係開源好辦法,同唯一穩陣的辦法。
    用投資去開源真的要好小心,買錯左內地新經濟股,副身家隨時同班升市股神一齊消失。...
    最終可能係唔只兩電一煤最適合退休老人,連想儲錢的後生仔都可能係比較合適的選擇。畢竟連中電都可以一個月跌一成以外,有乜收息股真係安全呢...

    回覆刪除
  5. 人的一生時間有限, 也有認為及時行樂比追求財富更重要的
    要是能把樂趣變成財富來源, 這才是最大的幸福

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...