小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年11月6日 星期二

仲有半年時間退休 我可以唔撈嗎 42

上個月,個市跌到我脫期!哈哈。。。

其實我是去了打機,近來和兩個小朋友(7及5歲)打舊GAME SACRED3。

若STREAM GAME上市,我必定會入,實在太正了。。。

講投資

小弟持有ATVI,昨日美股大跌,APPLE跌穿200,ATVI都就跌到我家鄉了,見微蝕了!



加上我仲持有明年五月80 PUT(現價64.5),看來都兇多吉少。不過,還有半年,又看看未來市況如何吧,接貨金額只是HKD62萬,還可以的。

另外,債卷組合內(Xerium Technologies)XRM 9 1/2 08/15/21 已被全數贖回,回調78萬資金可以用來接貨吧。

只能夠說,收息組合波動相對較少,同時內銀倉成本低,以致整體組合還未爆孖展,嚴格來說,還有好一大段距離。

另一如山不動,就只有ETF金(GLD),佔百多萬港元,只是我太高位買入,用遠期期權收期權金而已。

講工作

近期對工作,感覺忽冷忽熱,時而不捨時而厭惡。個人認為,真係好睇對手,好睇客人。如無意外,最辛苦應該係今個月了,下個月十二月似乎上班日少於十五日,而2019年實行四天工作,每週少於15小時。

講生活

本月還是打機,休息日帶小朋友去飲飲食食而已。唯一較有趣,和太太完成另一高達頭,或許有機會開個YOUTUBE CHANNEL,講投資講打機講砌模型講時事也不一定,見到以下YOUTUBER咁求其咁1999都有人睇,我不會太差吧。。。



講退休

由本月起,少講資產,反正無人睇。跌市雖慘,但家庭淨資產不計物業依然有2000萬以上。

股票市場持續跌市,太太也問,如果不夠錢怎麼辦?其實,大不了省著用,控制開支,再做少少兼職,非常時期賣出資產頂著一年半載,也不算大問題。

沒什麼好擔心的,倒不如擔心一下兒子太依賴,女兒考試常錯不小心更令人擔心。(讀書考試我有另一番見解,不在此文詳述)

預計2019年六月退休,休後實在有太多東西可做,單是網上寫文拍片已比全職工作忙。還有研究同太太去玩,看小朋友成長及身教,即使現在工作非常清閒,還是不夠時間用的。

去了小弟whatsapp吹水群組其中一位朋友的店
柴犬好可愛呢!!(FB搜尋可可店吧!)


有日問女兒"如果他日工作,有一份搵錢的,有一份自己喜歡的,你選哪一份?"

女兒選了後者,加一句回應:"錢並非最有用的"

我自己心裏暗爽了幾下(不只一下),只能夠想,爸爸會照顧好自己,他日你長大不用擔心我,自己想做便做吧。

此文同時在BLOGSPOTFACEBOOK秒投APP發放。

21 則留言:

  1. 回覆
    1. 我好像第一次搶到皮老闆沙發呢,哈哈。
      根據經驗,退休後反而會懶下來,經常有提不起勁去做的時候,做的事反而比未退休前少,希望皮老闆不會啦。

      刪除
    2. 風兄, 你是我的ROLE MODEL!

      而家仲有半年, 可以開始習慣下整個TO DO LIST 呀, 久唔久提下自己有D 咩要做呀...

      刪除
    3. 個個假期都同小朋友去旅行啦!

      刪除
  2. 「爸爸會照顧好自己,他日你長大不用擔心我,自己想做便做吧。」

    呢個都係我希望見到,佢做到自己喜歡嘅事。

    回覆刪除
    回覆
    1. YES. 同時我地應該又諗下, 究竟我地父母又覺唔覺得我地做緊自己鐘意0既野呢?

      刪除
  3. 我爸現在也和 70 兄一樣努力工作,希望將來退休後不用子女太擔心。

    回覆刪除
    回覆
    1. 哈,唔係應該你用實力証明唔駛佢幫手咩。

      刪除
  4. 70兄退休後會否公開炒旦係乜,相信好多花生友想知 :)

    回覆刪除
    回覆
    1. 應該唔會咁快講,比佢過下冷河先。
      不過係另一空間另一身份,我會免費教人去炒。

      刪除
  5. 退休生活好迷人。
    我估二三十年之前游到上岸,小弟應該會日日出文出研究,與生果,醫生,財演之類打對台,不過以本港一眾有青唔啱聽就鬧,連神準的汪生都俾人當傻佬,小弟肯定會俾人送往青山。呵呵!
    期待老闆免費教大家炒蛋!現在報定名!

    回覆刪除
    回覆
    1. 哈哈, 咁多年後分析技術會否已經過時?

      真.退休最好玩的, 就是去攪脫離本業0既野, 同時免費派送本業0既野.

      刪除
    2. 可能用現在這套路,不而要睇十幾廿年,2019年已輸到無影。呵呵!

      刪除
  6. 回覆
    1. 聽你話, 支持下年輕人MA.
      不過原來上面好多超細價股吹捧....

      刪除
  7. 你好,皮
    一星期四天工作不是很理想嗎,其實唔撈會唔會有點悶,我自己就唔抗拒返工,好希望有一天可以財自,再實行4天工作或不定時老兼

    回覆刪除
    回覆
    1. 炒蛋有雪球效應, 若多生意會不停多, 少生意會慢慢陰乾.

      四天工作之後, 肯定生意會越黎越少, 最後KEEP 唔到的.

      與其比人以為撈唔掂執笠, 不如一早停工.

      有冇人工唔係重點, 重點係, 贖回自己.

      好多人無贖回過, 就會好多意見...

      刪除
    2. 謝謝, 贖回自己第一次聽。 希望你繼續分享生活點滴

      刪除
  8. 恭喜恭喜,咁後生退休~~~~~~~

    回覆刪除
  9. // 還有研究同太太去玩,看小朋友成長及身教,即使現在工作非常清閒,還是不夠時間用的。

    老闆能花時間在心愛的人身上,比要小弟用時間換錢錢錢幸福多了!也有不少人跟我說不要提早退休因為生活會變得苦悶死板,很明顯他們的退休準備只有財政儲蓄而沒有為興趣花心思。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...