小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年12月3日 星期一

女主人收息組合換倉 我可以唔撈嗎 43

講投資

十一月尾開始,港股上番黎。




以上係三球倉,繼續蝕到HIHI!

只計今日大升,已經為整個組合帶來六十多萬脹面升幅(與上星期比),可惜有唔少都係2018年中買,蝕到HIHI。

相反,美股真心好慘。。。
ATVI被迫接貨,而且已經跌到50蚊邊,賬面虧損HKD三十萬!其實當時係想做SC點知做左SP,我又求X其唔理佢。。。哈哈。

為左維持貸款水平係一千萬港元內,我自願回左加元計0既EIT.UN,從此遠離此市場。

另外,現在只剩五隻債券,未能搵到適合月份0岩心水0既換貨。。。

再另外,因為女主人0既BCS.PRD 被贖回,入左DKT@24.8


因女主人個倉係我包底,賬面其實係蝕少少。。。

再另外,今日做左即月(十二月)建行SC@7.25,收番四千幾HKD。


講工作

十一月忙完一輪,十二月似乎都幾HONEY MOON。工作日數時數雙雙減少,幸好有小弟吹水WHATSAPP GROUP 提供飲食地圖,等每一日番工搵野食多好多選擇。

講完又講,踏入2019年,四天工作,將番工時間減至最低,番一番去又回家。所以,要增加行街睇玩具0既時數。

二月開始,要將鋪頭模型做個了斷,另外出售噴油箱同氣泵。。。

四月開始,要搵新地方噴油。

重有,六月走時,要洗走個魚缸,雖然只得番一條金青苔。。。

六月真係唔做,財政有否壓力?係呢個跌市時,我真係有諗過,不過解決方法都係個句,慳D駛咪得,再者太太重有工作(哈)!

十二月,女主人將一個PART TIME轉左做FULL TIME,希望個同事快D跟得上,等女主人可以得閒同男主人玩下深圳遊。。。

講生活

外母懷疑工人打斧頭!估計每日可能打十至廿蚊。。。當然,唔知真定假,佢個人正正常常又幾客氣,係有時可能懶懶地。其實我都OK,出聲就無謂,唯有係買送地點限制一下吧。

另想講下自己個女,今個學期後段已無跟佢D功課,見佢自己做又唔係太多錯,應該又可以放手由得佢自己做,今年只要過到乘數表,咁就應該OK了。第一次考試完左,佢考全級第八,雞校當中算係咁,我地以為佢今年會考十幾。



自己電腦換左KEYBOARD,CHERRY 青鈾PBT鍵,係幾爽,不過好嘈。。。哈哈!台灣牌子IROCKS,應該都係大陸製。


講資產

好耐無講過。簡單兩句。以下係淨資產計,已減貸款,真材實料絕無水份。

女主人連佢D股票561萬(對比上年438萬)

男主人不計建行倉297萬(八月高位351萬,上年比234萬),可見美股港股男主人皆蝕到入肉,工作帶來的現金流都幫唔到幾多!

唔計收息建行,兩人加埋都八球了,選擇?幾時都有。

不過,女主人的確後勁淩厲!軟飯王非我莫屬!

13 則留言:

  1. //外母懷疑工人打斧頭!估計每日可能打十至廿蚊。。。當然,唔知真定假,佢個人正正常常又幾客氣,係有時可能懶懶地。其實我都OK,出聲就無謂,唯有係買送地點限制一下吧。

    家傭姐姐的話,如果工作上交到功課,就隻眼開隻眼閉算啦。小弟唔多理佢有冇打斧頭之餘,仲俾足閣外獎勵,連周日放假都有零用錢俾佢去買下野食。大家開心,屋企乾乾淨淨咪算囉!

    回覆刪除
    回覆
    1. Um...真係睇情況,佢識買靚送都還可以接受。
      可惜唔算。

      刪除
  2. 回覆
    1. //外母懷疑工人打斧頭!估計每日可能打十至廿蚊。。。
      我唔係好同意隻眼開隻眼閉,自己俾額外獎勵係一回事,打斧頭落袋係另一回事。另外仲要視乎工人性格,我前後請過四個工人,好多人嘅性格係唔縱得,一縱就變本加厲。唔使出聲,叫佢以後去超市買餸,有單有據,佢自然知咩事。

      刪除
    2. Yes. 不過惠康無咁新鮮。
      外母已間接問過佢,睇佢醒唔醒水啦。

      刪除
    3. 真係完全無check過佢的單據,大數正常就算了。哈哈!

      刪除
  3. //外母懷疑工人打斧頭!估計每日可能打十至廿蚊。。。
    唔識打斧頭,會比雷公劈.
    街市買菜買魚都有收據提供,要有收據計數佢地自會收歛

    回覆刪除
  4. “相反,美股真心好慘。”
    美股跌起來真係誇張過港股好多,所以IB我也改持特別股為主。

    近期少咗睇市,大家可多哋煲劇丶打下機👍

    回覆刪除
  5. 點解你仲用到HSBC個舊野!?冇迫你轉用手機apps咩

    回覆刪除
  6. 最終你都係用左機械keyboard...好難番轉頭...青鈾最大聲,我用茶鈾

    回覆刪除
  7. 我請工人每次買嘢實報實銷所有單據, 鋪鋪清,一縱你就知味道!
    大哥你點會係軟飯王呀,你係軍師先啱👍🏻

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...