小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年12月20日 星期四

港珠澳大燆實測 VS 坐船過澳門

小弟坐過兩次, 兩次都係白事.

(轉左WIN10 之後,無左全形符號、好唔習慣!唯有用倉頡!)

第一次,應該係開通之後第三四日。果日係星期日!

去時即上金巴,極快,回時點知大擠塞(主要香港人),等左一個鐘先上到。

當然果陣剛剛開,梗係不能作準啦。

今日係星期三!逝世已過一年,我終於可以去拜下我阿媽!!

*************

以下提供方法,肯定唔係最平選擇,不過可能係最快方法。

香港的士+金巴+澳門的士!

今日一早,9:30開始集合,大約9:35上左的士,我CALL一口價的士,雖未算最平,但肯定有車。



到左香港口岸,因為我帶住兩個細路,不能自助過關,要排櫃位,不過其實都好快!

留意,如果用自助售票機,一張八達通係買唔到小童同長者票(買到,但要用小童及長者八達通),所以我又係櫃位買,都係唔駛排!成人港紙hkd65,小童/長者33!



之後基本上係直上金巴,好快就到左澳門口岸。

澳門的士,個邊係無人搭!但的士好多,因為齋出口岸都已經20蚊。



時間用左幾多?其實上面D圖都講左,對住新界人黎講,真係快過坐船!仲有,路程無咁顛簸!

我9:35出發,11:00或更早已經上左澳門的士。連埋過關,1小時25分鐘。
我很肯定的士到碼頭再坐船唔得!噴射飛航話船程60分鐘,我從來未試過60分鐘之內到,因為一黎要等埋發叔上船,二黎佢有時因應海上情況行得較慢,三黎大量不文明人爭住落船。。。仲未計過關同埋香港段的士時間(九龍成日塞,尤其廣東道一帶)。

貴嗎?我又計下

1人坐船
的士到尖沙咀(當你坐85的都要90),船飛170(去零頭,當你遇唔到幾蚊黃牛黨),唔計澳門的士(睇你去邊),要$260。

1人坐金巴經港珠澳
的士到港珠澳香港口岸200(睇你咩位,坐唔坐85),金巴66,唔計澳門的士(睇你去邊),要$266。

咁好睇你程的士去邊!
時間?其實好睇你船程夾唔夾(15分鑵一班都可以無位!),又或者金巴駛唔駛排!

今日我5人過澳門
5人坐船
的士,五人的到尖沙咀(當你坐85的都要90),船飛成人170X2,小童及長者150X3(去零頭,當你遇唔到幾蚊黃牛黨),唔計澳門的士(睇你去邊),要$880。

5人坐金巴經港珠澳
的士,五人的到港珠澳香港口岸200(睇你咩位,坐唔坐85),金巴成人66X2,小童及長者33X3,唔計澳門的士(睇你去邊),要$431。

真係差一個DOUBLE!但係又快左又舒服左呢(金巴VS噴射船)!都係個句,只要金巴有得即上,基本上係唔會慢過坐船,仲有今次我無用自助過關。。。

呢篇想寫好耐,雖然同投資無關,下個星期應該會多番D文架喇!

*********

以下心急人+避旅行團小心得

的士落車後,香港出境大堂自助E道係最右最右!自助過關之後,部自動售票機係最左(人手櫃位係中間邊左)!出番去用中右邊通道較近金巴上車處。

出左澳門口岸,的士站係最右!!右到肉眼都睇唔到。。。(今次去指示多左,應該易搵好多)

*******

重點真係要講多次,方法不是鬥平(我全的士),係鬥快成份多。所以個D咩欣澳轉車、長者優惠坐車、咩鬼又慢又等客0既中港直通巴就唔好計啦!

仲有,小弟新界西選區的,如果你自己住中上環,都係坐番船吧。剛開通時,我由太子坐的士去港珠澳,都仲係快過坐船的!即係如果你係長沙灣美孚荔枝角,港珠澳應該快過坐船,全的士仲平一截TIM!

最後,講錢呢,應該打和點係兩人或以上。一條友係貴過坐船的,若你有四五個人去,單程坐船已經等如大橋來回價了!

9 則留言:

  1. 我都未試過,總要一試,我怕坐船。

    回覆刪除
    回覆
    1. Yes.
      我唔會暈船浪,不過坐車真心舒服好多。

      刪除
  2. //香港的士+金巴+澳門的士!
    之前新聞報道都有話駕車過橋定搭船,好睇你幾多人去,住晌邊同去澳門邊殊!但原來仲有的的這個好方法!如果去澳門,真係要試下。之不過,感覺上澳門好多人,市區又截唔到的士,已好耐無去過,且無乜意願去澳門了...老闆今次去,係咪又係好多人,同市區又截唔到的士呢?

    回覆刪除
    回覆
    1. 之前個d 用最平價既選擇同坐船比,仲要係港島區出發,完全係唔公平既比較。

      只要兩個人或以上,坐船已經無著數。。。

      刪除
    2. 在下間唔中都會過去充下電飲飲食食,坐船用卡換分就得,但要避開D多人時段,船上有wifi都ok既,
      同埋大部份時間係氹仔多過澳門本島,所以,金巴暫時仲未有機會搭。
      下次打風時,如果仲開就可以試下唔洗坐船咁拋啦!

      刪除
    3. 我去本島多。
      氹仔得個食字。
      不過再加程的士去氹仔可能都仲快過坐船呢。

      重點鬥速度,不是價錢啊。

      刪除
  3. 港珠澳令去珠海中山會更方便,有機會也想去珠海玩玩!

    回覆刪除
    回覆
    1. 是的,上珠海一係坐船,但班次好疏。
      否則都係要經澳門上。

      刪除
  4. 金巴唔駛等,呢點好重要,成件事即刻吸引左好多...

    澳門市區入面好難搵的士,相反碼頭、關口、酒店上的士就容易好多...

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...