小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2019年1月10日 星期四

悼念我的好友兼BLOGGER

今晚,我去了一個喪禮。

他是我的中學好同學,真的是碩果僅存的好同學,更是難得畢業後還會見面的同學。

同時,佢亦都係一位BLOGGER。

連結如下:




















當年同佢兩個麻甩佬食TEA,老婆幫我BOOK左SKY100,去到唔係情侶就係港女打卡,我兩個麻甩好似HEHE咁。。。

正因走得突然,我也不是同班同學,結果只有收到他妹妹FB訊息才知道人已走,未能在醫院一見。

簡單闡述一下,就是年青高血壓引致中風,留院一星期左右便走了。

這事發生不足一星期,我才在地鐵站見到他,還問他:

"有冇在街上暈倒過?",答案是否定的,當時也不以為然。

依稀記得他還說有吃血壓藥控制病情。

儀式中,播左以下一曲,是他喜愛的歌曲:



這位同學,正直、善良、樂天。表面睇上去佢好似無乜目標,其實了解佢0既人,就知佢其實係有PLAN的。

當年外國讀書會計番香港,做過幾份相關工作,都唔0岩佢心水(佢網誌有提及的)。

正因佢朋友多,有門路拎到某D貨,結果開始想創業。當時我唔知佢係想做淘寶,否則應該會阻止佢,其實香港人錢係最好厄。。。

後尾開始發現身體有問題,去做過唔同工作,連木工都去學,最後,正因揸的士可以彈性時時番工,就做左一排的士司機。

此路不通,總有路會通,這位朋友就係咁有彈性,拎低起又放得低,不會因為大學生身份,只願做文職,只願簡簡單單打份工。

至少,創業0既勇氣,唔係人人都有!

感情方面,可能真係無乜人知,其實佢係有溝女啦,朋友絕對唔毒L,只係低調0者。

人走了,也留下文字,以下是他的網誌連結<努力成為閒人的閒人>。大家如有看過,也可去留個言悼念一下。雖人已走,文字留下的信念還在的。

其中有朋友分享,頗有意思:

"很多人從來都未曾活在當下,只有生存過,但卻沒有生活過;而SCOTTIE他真正有在生活過。"本來應該是英文版本,但我忘記了原句。。。


19 則留言:

  1. 之前曾看過他的blog,RIP
    我都是食藥降血壓中,(還有好幾種病)所以決定收山退隱。
    總之生死面前金山銀山也無用,大家保重身體。

    回覆刪除
  2. 以前有同佢係blog度傾過計,佢係一個有理想ge人,估唔到咁後生就走左,個心都有d唔舒服。身體健康的確係最寶貴ge資產,大家保重x2

    回覆刪除
  3. 最好抽多D時間做運動, 急步行甚至散步也可以, 雖則好多野唔到我地決定, 但做好自己那份先。我剛看了你朋友的BLOG近來的文章, 稍稍感受到他的壓力

    回覆刪除
  4. 與健康面相比,再多的錢財也無意思。願他一路好走,R.I.P.

    回覆刪除
  5. 這是令人傷感的消息。R.I.P.
    人生無常,最重要是健康與家人。

    回覆刪除
  6. 人原來真的可以走得很突然,真的要珍惜健康,保重身體,願他安息,R.I.P, 一路好走,他的家人也保重!

    回覆刪除
  7. Rest in peace...人生無常,重視健康,活在當下,恐怕是惟可以做的事了。

    回覆刪除
  8. RIP...
    人生無常,大家保重身體,珍惜家人朋友。見多啲面,見一次少一次......

    回覆刪除
  9. 願你的朋友安息。有時人很矛盾,我們有理想要追尋,但同時亦要應付生活,我自己也這樣想,不額外追求理想,我可生活無憂,但如果不做,可能這生都不再有機會

    回覆刪除
  10. 人生無常. 好多野唔係必然, 特別係健康. RIP

    回覆刪除
  11. 比起生命長短, 是否有意義地活過, 才是更重要的
    朋友的打不死精神令人敬佩!

    回覆刪除
  12. RIP.

    我都有去過佢個BLOG度睇,覺得佢係一個有主見有計劃既人,肯放下身段跌跌撞撞試唔同既嘢,真係值得佩服。

    回覆刪除
  13. 之前都去過佢個blog,印象係「呢個人都幾拎得起放得低喎,做開文職竟然可以去職訓局學木工,然後又走去考的士牌」,見一排無update 所以無去,點知原來已經去左另一個世界。

    雖云人無遠慮必有近憂,但好多時我地係考慮得太遠,唔記得左諗其實自己捱唔捱到去目標果日。點樣拿捏當下與將來的平衡係一種藝術呢。

    回覆刪除
  14. 有睇過佢個BLOG,太突然,希望佢一路好走

    回覆刪除
  15. RIP.身體最緊要
    做淘寶比人呃?比入呃入貨?

    回覆刪除
  16. RIP,英年早逝,可惜。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...