以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

2019年2月9日 星期六

十倍高槓桿保險融資的回報 VS 三倍買REITS

豬年第一篇,其實真係太懶,一路無更新而已。

今個月0既我可以唔撈嗎應該又會脫期,一黎唔想計,二黎一定係少左錢,因為我同女主人都放足半個月假!

感謝 WHATSAPP GROUP 各路猛人,令小弟獲益良多,在此分享近日討論過0既投資。

拿,投資我真係乜七都唔識,咁係咪要去買樓呢(買金又得唔得?)?咁如果我千萬個不願去買樓(並唔係錢銀問題哦。。。親!),又如何?

錢,乃死物,雖然好多人係香港活得不如意,份工又唔太開心,有層樓增下值,可以平衡一下心理;比成功感,香港地莫過於用錢計,我一早知,唔駛人提0既。

雖我又唔係襌師級,並不超然物外,不過我又覺得我有我堅持,關人忍事?

難道,用我炒旦知識,對一眾成年人指指點點,話佢地唔識炒旦就就唔好亂黎?其實我日日都見,日日都同老婆講,太多理論佢未必明,再者明左又要識用,又係另一回事。

講番正題,某開班大師近日又提保險融資,可以用十倍界王拳,46萬買等值800萬。

有朋友計過數,如下:

岩岩略略計算張保單
800萬 借754萬
供期46萬
以2.5%pa計算
每年利息18.85萬
3年合共56.55萬
3年後贖回得881萬
還款754萬
回報係127萬
付出係(46+56.55)=102.55萬
(127/102.55)-1*100%~24%
***但還款利息不是一開始俾的,每月供,所以計番time應有3x%

載番個頭盔,我無驗過真定假有冇計錯數架!(同某開班大師略有不同,一個三年回,一個三年零一日贖回!)

其實以複利計,年息我估都係十厘之內。以我有限認知(又載頭盔喇!),風險如下

1加息,就唔係2.5PA
2提早贖回要罰錢,越早贖罰得越勁,開班大師好似叫七年先好贖回!上文例子只係保單價值,而非落袋現金!
3高槓桿,有咩事(應該唔會有,除左加息),加少少,回報已經差好遠。
4呢個有待証實,保証年回報係可以變的。。。

開頭睇到我都心郁郁,其實邊有咁大隻XX隨街跳?有人講,用黎送比二奶/私生子一流;又有人講,用黎走資;當然有米個班,買幾球只係碎銀,當做個資產配置而已。

抄人我最叻!以下係偷大陸同胞0既圖!


UM。。。近日RW0U升左近一成,大家又開始講。(不過我無貨)

若然三倍槓桿,
以46萬買番138萬等值RW0U又點?

年息HKD32851(我當借SGD息口計,不過轉番HKD好溝通)
收股息約HKD79212(5.74%)
一年淨落袋有(79212—32851)/460000=10%
當然,RW0U股價會變,雖然相對低槓桿,不過股價跌一樣有機會爆。仲有派息可以減(當然可以加!)

以上只係純粹資訊分享,不構成任何建議,我只係拾人牙慧,再深入D?

I KNOW YOU KNOW I DONT KNOW!

小弟呢期無乜現金,乜都無打算買,只係之前跌得低低地個陣買左好少盈富而已。

越近退休之日,越怕唔夠錢駛!不過我相信慢慢會習慣,不用太杞人憂天,再者做多一年,都係多幾十萬,實質幫助不大,倒不如貫徹始終,睇0岩先落手,免得好似上年六月咁,蟹到HIHI!

30 則留言:

  1. 大家都好夜��

    回覆刪除
    回覆
    1. UNKNOWN你好
      我訓唔著,又覺得可以分享,咪左抄右抄一下。

      刪除
  2. 居然咁都搶唔到沙發。。。真係You know I know 我搶唔到。
    老闆Group勁呀!祝谷友新年進步,越傾越起勁,財商滿瀉,大賺特賺!

    回覆刪除
    回覆
    1. 今次你被迅速截糊了。
      祝大家group 中要乜有乜。

      刪除
  3. Hello皮老闆, 新年快樂! 早前發現你個blog, 一路睇一路好多啟發, 希望終有一天學到你財自。

    多謝你無私分享。

    BTW, 我係你隔離系, 遲你一年畢業既校友 (揮揮手)

    回覆刪除
    回覆
    1. 哈哈。
      你係OT?
      如你真係細我一年,你應該記得,當年有條友賣Adam's Anatomy 老翻CD,PT OT 都有賣, 果個就係小弟了。

      刪除
  4. “越近退休之日,越怕唔夠錢駛”

    成日有哋持N層收租樓的四/五十歲夫婦,寫信問報紙專欄點樣退休...可能越近退休之日,越怕人地唔知佢多”資產”😅

    回覆刪除
    回覆
    1. 個堆case 幾好睇,全靠物業資產增值,實際現金唔多。
      租金還要供樓,齋食租唔夠駛。
      明明好有錢,點解仲要番工屈屈不得志咁可憐?

      菩提本無樹

      刪除
  5. Counterparty 係咩?Credit Risk 可能很高?

    回覆刪除
    回覆
    1. 應該係保險公司。

      不過都係個句, you know i don't know.
      我只係比上course 既copycat 港豬釨少少而已。

      刪除
  6. //越近退休之日,越怕唔夠錢駛!不過我相信慢慢會習慣,不用太杞人憂天,再者做多一年...
    皮老闆,其實連埋通漲都係有數得計的,計數方法在Blogger群組內俾過你,真係不需杞人憂天。

    回覆刪除
    回覆
    1. 三兄誤會了,只是在另一個群組給的一條link。你想要可另行給你。

      刪除
    2. 算了,為了三兄,我寫一篇去更詳細解釋吧。

      刪除
    3. 三弟又勞煩風兄了。。。在此先行謝過!

      刪除
    4. 已經睇左加計埋。
      數係死既,最難計個樣,係真正家庭開支係幾多。

      刪除
  7. 「...再者做多一年,都係多幾十萬,實質幫助不大...」

    我都係咁諗...

    回覆刪除
    回覆
    1. 做多一年,唔駛靠息生活仲有多幾十萬。

      但犧牲左個女小三同埋個仔小一同老婆一年四圍去同砌下模型做下運動既時光。

      刪除
  8. 計下數,某大師張保單的回報率得3.27%。息差唔夠1%,但用十倍槓桿去做呢個交易,銀行肯借我都唔敢咁玩。

    因為無資料,直覺就覺得保險走資的投資成份好假。好可能4倍回報係基於「壽險」的形式,即係唔死無得賠,死得早都唔會賠得到咁多。同樣用國內同胞果幅圖,夠狠的話可以話將2200 萬變成11張保單分俾幾房人,總共升值為$8800萬。老實講,我好難相信有保單可以咁保證賠四倍,除非中間賠款條件set 到好辣(例如要買左20年後先賠錢)。

    RW0U 已經升左一成,但照呢個價用3倍槓桿都可以有10% 回報,點睇都穩陣啲呢。(買其他收息股,再做下option 應該可以再拉高啲)

    回覆刪除
    回覆
    1. 所以大陸人幅圖講得好0岩,可以用黎當保險比“其他人”

      張單十年的,提早第三年拎,取唔足架。

      刪除
  9. 其實隻RW0U之前都無咩郁過,極度懷疑係Starman兄早排又提過再加上眾Blog友提提下就拉左上去呢

    回覆刪除
  10. 果個保險融資,以年計IRR有7.5%,但係如果利息加到三厘,IRR即刻跌到3.9%....三點五厘就跌到0.5%,再加就蝕錢了。。。

    回覆刪除
    回覆
    1. 而家加息機會又低左了。
      你都中寫左一篇十倍槓桿保險融資呢。

      刪除
    2. 係呀,搵野寫刷存在感。。。

      之前係度留言計錯左,真正IRR多過十厘,有興趣既朋友可以過黎睇下

      息口對十倍槓桿保險融資的影響

      刪除
  11. 講講親身經歷,小弟就係之前上左乜sir既班教呢個投資方法,聽完覺得心紅就去用4X萬唔等駛既現金流槓上去300萬,仲要比銀行sell美金單,因為年息會再高D。過程詳細唔講啦,完左第3年就頂唔順cut左張單,教訓如下︰
    1. 咁樣槓桿其實銀行會用左你借貸額度,即係呢幾年你都等於多左個按揭係身,你想買樓呀?過唔到壓力測試啦,sorry
    2. 銀行其實只係負責融資個part,借錢比你去買保險公司既單,銀行係控制唔到每年派番比你既bonus。派bonus既保險公司派幾多bonus比你係隨佢鍾意,同佢業績、大市、樓市、天氣都完全冇關係,所以到你入左局之後,所謂往年派bonus既%全部都變左參考。
    3. 銀行十分歡迎客戶購買呢類產品,因為佣高而且穩賺,風險係保險公司度,而保險公司又係全世界最識計風險既,可想而知呢個product係幾咁吸引......去賣比你。
    4. 過早cut單係要比罰款既,小弟過左3年後cut,本金都蝕左少少,叫做贖番借貸額度走得甩。

    回覆刪除
    回覆
    1. 非常感謝,你個留言乃親身經歷,好過我講千萬字。
      2同4 係最大考量。

      刪除
    2. 老闆, 多口一問, 係IB 借錢會否影響 TU?

      刪除

各位每個留言,係我繼續9UP動力,必覆。

Related Posts Plugin for WordPress, Blogger...