以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

2019年3月12日 星期二

退休倒數100天 我可以唔撈嗎 45

離金盆XX之日,重有100日。

圖文不符,吹水GROUP講開搬屋
原來有搬屋公司代PACK的!!仲要唔貴!
上圖係老婆親自幫我搬高達模型,其他野才找搬屋吧。

雖租約6月30日完,但應該6月尾就開始唔做,留番十日八日去清場。

為免自己唔記得,100天內,完成以下動作,立文以作紀錄

事有分緩急,如A為要先做,C就不需急

A申請東亞張理大舊生信用卡
A申請理大圖書館証



因為申請需時,同埋現在都用得,所以應該做左先!
申請圖書証原因有三,一黎可以靜靜地寫下BLOG,又可以寫下書(如有);二黎有個地方可以放空(屋企/公共圖書館/會所閱讀空間都比唔到咁正環境);三黎,比自己出下街,長期懶洋洋留係屋企,絕對對身心都唔徤康。

四樓自閉位原來變成咁


B賣高達波子機
B賣噴油泵
B賣噴油抽風箱
B賣高達模型(暫定唔賣?)


二手都賣緊五千幾,我平過佢啦。。。

上圖連結

尋找蘇眉的故事


都係模型相關,最初呢D野,算係工作上一種調劑。除左波子機外,其他野平走就走吧。波子機,希望遇到有心人,最好係有鋪頭會接收佢,咁我第時都可以去睇下。。。

C清左個得一條魚0既魚缸
C清理雜物

清走一切儀器工具雜物,應該踏入6月先做。尤其有D幾重0既搵食工具,可以送比行家,可能佢都唔知原來有呢D用途。仲有D消耗品,送哂比行家實有人要。至於個魚缸,真係唔識攪,抽走D水,條魚(??),D泥(???)。

題外話,鋪頭二十步之內,開左另一間炒旦,老闆好後生,市場好相近,不過應該係唔太搵到錢。唔知佢係咪開頭個陣見到有我才搬進來,似乎。。。佢個如意算盤打唔響了。

D停工具合約(應該六月完,不用賠)
D停寬頻會約(好似要賠一年。。。)
D清走店內傢具(錢可解決)

呢D應該可以最後做,比錢就得,要例個清單唔難,錢可以解決到。

止凡問,會否攪個飯局?當然唔會啦,退出工作是另一個開始!不過就會同自己現實世界的朋友,係鋪頭食下乳豬西餅影下相吧。

當年開鋪𨾏乳豬!

至於退休後D錢點分配?留下一篇再講吧!

38 則留言:

  1. 回覆
    1. 申請圖書証原因有三,一黎可以靜靜地寫下BLOG,又可以寫下書(如有)
      //老闆出書,萬眾期待!
      老闆日日出博文,又係萬眾期待!

      刪除
    2. 理大圖書館仲有好多美女呢!
      小子考試多數都去中央溫, 唔敢去理大溫書....太過分心了, 哈哈!

      刪除
    3. 三兄: 出BLOG 文就應該會,不過到時日日講讀書講小朋友, 就唔係講買左咩貨啦.
      谷小子: 你應不是理大人吧....為何會知道?

      刪除
    4. 小子係理大ALUMNI 呀, 師兄你好 (雖然唔同科)

      刪除
    5. 拉把,我最鐘意去四樓。。。

      刪除
  2. 你有伴有時間,可以周遊烈國喎
    有d好奇,你唔做,會唔會公開炒蛋係乜??睇下有幾多人估到炒蛋係乜東東

    回覆刪除
    回覆
    1. 如果會有著作講炒旦財自路, 就會公開炒旦係乜.

      否則, 免好似止凡兄咁, 被人講三講四.

      刪除
  3. “長期懶洋洋留係屋企,絕對對身心都唔徤康。”

    Can’t agree more👍 多哋出街𥄫下靚仔靚女,個人都會醒神哋。長期喺屋企對住四面牆,只會加速老化。

    回覆刪除
    回覆
    1. YES.
      視覺享受!
      講開老化, 我老豆七十幾歲都有hip avascular necrosis, 同樣要小心唔好跌斷...

      長期匿埋, 好易諗埋一邊, 見到新聞又對社會不滿...從而變網絡維園阿伯.

      刪除
  4. 回覆
    1. 你誤會了, 沒有出書呢.
      只是假設.
      出書也未必和財務相關吧....

      刪除
  5. 以前返Poly仲可以經過Soc牆睇下果年d師妹仔…而加變曬貼校內通告了

    回覆刪除
    回覆
    1. 我無睇SOC WALL 好耐了.
      記得LOCKER 係XXXXX486

      刪除
  6. // 二黎有個地方可以放空(屋企/公共圖書館/會所閱讀空間都比唔到咁正環境)

    我一睇到個“正”字就忍唔住偷笑。。。非常認同囉

    回覆刪除
    回覆
    1. 拿, 不要誤導別人....
      一陣老婆以為我為左睇女, 唔比我申請...

      刪除
    2. haha!
      公共圖書館實在太多阿伯, 會所閱讀空間缺私隱。

      刪除
  7. 你就好啦!就快退休可以去睇女。
    另如果有Z Gundam可以賣俾我嗎?

    回覆刪除
  8. 唔知校友有無得申請入李嘉誠樓用電腦呢?果度先多靚女(誤)!

    回覆刪除
    回覆
    1. 竟然係咁, 2001年畢業的我, 未去過...
      我個科, 成日去左實習, 想識人都難...

      刪除
    2. 皮老闆你好似係讀物理治療?我以前實驗室係你果系既隔離,好似都有唔少靚女(逃)。

      刪除
    3. 噢,你係生物科學個類。
      靚女應是DESIGN果邊,物理治療果D,靚極有限度。

      刪除
    4. 哈哈,我係工程L一名啊!

      刪除
  9. 又可親眼見證到 Blogger 財自,真是太好了。十分期待這一天!(幾時到我呢...)

    Btw, 唔經唔覺得返三個月,有否不捨?

    回覆刪除
    回覆
    1. 可能最後唔夠駛, 又要番番出黎做呢?

      不捨, 有架, 不過唔行出第一步, 又點知之後會點?

      我一路做落去, 錢係有, 生活係爽, 但係咪咁樣就算?

      刪除
    2. 人人都好似我地咁諗就好了,世上會少好多old seafood霸住啲機會。
      佢地搵少啲,又唔會搞到咁多父幹半推半迫子女向樓看,樓價又唔會咁一面倒,社會氣氛會更好...

      刪除
  10. 恭喜恭喜唔撈之日在即

    回覆刪除
  11. 恭喜晒老闆, 期待你退休生活既分享!!!

    回覆刪除
  12. 恭喜老闆榮休與出書,哈哈。

    回覆刪除
  13. 諗定本書叫咩名未? 不如參考下三人行兄果邊啲好建議

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...