以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

2019年4月9日 星期二

心態決定境界 25 呢個年代,你搵到錢唔代表你識字!

睇到某FB PAGE 西客之道,有兩個大嬸對話,其中一句,頗有意思。
(文末有我初完0既高達頭!)


"呢個年代,你搵到錢唔代表你識字!"

其實,可以作出無限改變

"呢個年代,你讀書叻唔代表你搵到錢!"
"呢個年代,你讀書叻唔代表你叻!"
"呢個年代,你叻唔代表你讀書叻!"

我知道,改做其他野一樣WORK,例如"買到樓"/"財到自"

不過香港地,唔講錢講乜?

而中國人,唯有讀書高,唔講讀書講乜?拿,唔好咁包拗頸話你唔介意讀書成績呀,到你有小朋友/可以時光倒流,你係咪會完全放棄學業?

錢、讀書,同老婆個樣一樣,無人會話唔要。。。只係,你有冇本事擁有0者。

"呢個年代,你搵到錢唔代表你叻!"

其實又係一個謬誤!不如大家估下,以下邊種人數量最多?

A讀書好,搵錢多
B讀書唔好,搵錢多
C讀書好,搵錢唔多
D讀書唔好,搵錢唔多

先剔除搵錢一般,讀書一般個班。小明數學85分,佢話好多人84分低過佢,其實呢D比較無意思。

我們只討論特別好/差個堆。

我諗撥FUNDING研究,會比人話SIDE錢~!
當然A同D比例最多。

WHATSAPP 吹水谷做過小統計,大家覺得D係最多。(有人話窮人本身人數多,OK,改改佢,以相同程度出身計。)

不如逆向睇下濕九新聞報導,阿媽係女人就無人會報0既,阿媽有JJ就肯定FB,巴士的報一堆內容農場會不停散佈。

不如又估下,邊樣會吸引眼球?

X碩士生失業多年,最後失業/搵一份低人工工作
Y公屋窮小子物業致富

講到呢度,應該都唔難明我想講乜。

鬼唔知阿媽係女人,唔駛報導;相反水鬼升城隍,符6加勇氣,就可以上新聞扮專家啦!

結果,呢堆人,由小人物變勵志故事。

再而,或者比自以為成功0既人去申訴,我無乜讀書,但都可以咁咁咁,讀書有咩用?
而網上一大堆老屎忽笑大學生無用,亦同樣道理。

所以我話,而家D後生仔鐘意叫老人家做廢老,並非事出突然。

網上大把被訪問者,一開頭話自己出身公屋,其實極其自悲。

正因自悲,老來得錢暴發,為吐一口烏氣,茅頭直指兩類人

1年青人(尤其而家普及教育下,一堆大學生)
2以前佢識得,讀書叻過佢0既人(呢個真心好好笑!)

錢、讀書,同老婆個樣一樣,無人會話唔要。。。只係,你有冇本事擁有0者。

至於讀書有冇用?先唔好講讀書能否用在日常生活中,單單當佢係收藏品,名畫,古董,放係度都無用架喎!?咁又咁多人想擁有?

讀書,更難得0既係,有時間性,後生唔讀書,老來追唔番。讀唔成書0既收租仔,只能葡萄,將之又愛又恨。

講左咁耐,何解呢班讀書唔叻0既人可以吐口烏氣?咪又係樓。。。

唔靠物業,可吐烏氣,有幾人?

我覺得上面呢堆野,講出黎,應該好過寫出黎。。。
POLYU LIBRARY CARD係唔可以租用POLYU個ONE BUTTON STUDIO!即係話我拍片都係要係屋企!

係咪好可愛呢?哈哈哈哈~~~~

27 則留言:

  1. 作者已經移除這則留言。

    回覆刪除
  2. 極同意,有一類人無辦法抬高自己,就唯有踩低別人叻既野泥擦優越感。其實世界咁大,各有各叻

    回覆刪除
    回覆
    1. Yes.
      捱過最沉重的, 才會還似顏色.
      當初比人睇唔起, 比人話無用, 而家仲唔吐氣揚眉咩!
      不過, 本質係點, 無得改變.

      刪除
  3. 正呀~
    好鐘意睇老闆這些文,真係點出咗好多重點、平常人既謬誤、同忽略咗既野。

    回覆刪除
    回覆
    1. 我成日覺得, 呢D 講出黎好過寫出黎,
      不過我又怕1999.
      我估呢期要開始諗下點安排拍成9UP 片了.

      刪除
  4. 不如又估下,邊樣會吸引眼球?

    X碩士生失業多年,最後失業/搵一份低人工工作
    Y公屋窮小子物業致富

    在香港, 絕對係X吸引啲, 因為鐘意睇人PK, 係香港人特質之一
    唔信? 打開份毒果睇下, 係咪負面新聞居多?

    回覆刪除
    回覆
    1. 你google 一下。。。無幾多件。
      係數量問題,你想找黎報導,都好難找。。。

      刪除
    2. Well, 可能呢類新聞呢, 吸引力同報導次數未必成正比...
      需知 "公屋窮小子物業致富" 乃本港重點洗腦工程的一部份, 影響好多人生計架

      刪除
    3. 咁又係, 好多人靠樓搵食/靠教人買樓搵食.

      呢期最興更係失業漢教人買大灣樓啦...但係住細細間村屋好鬼LOW PROFILE....勁過巴老.

      刪除
    4. https://evchk.fandom.com/wiki/%E6%A2%81%E5%81%A5%E9%B5%AC
      https://lihkg.com/thread/739591/page/1
      之前手痕google左下, 呢位中大碩士好似都幾受歡迎, 2011年出道, 2018都仲有人講緊佢

      刪除
  5. 讀書在於對世界有另一層面的理解,讓你有更多機會接觸世界的另一向度。

    世界上最有錢既人個個都充滿好奇心鍾意讀書(睇書同讀書其實都係吸收知識既途徑),對於d老一輩講讀書冇用呀大學生讀屎片呀師奶講買樓好過讀書呀,我只會冷冷地回應一句「哦」😂香港太功利,乜野都用金錢衡量價錢。Too naive

    一個廿幾歲讀過書既後生仔依加冇資產,到左四十幾歲,可以拋開幾條街啦

    回覆刪除
    回覆
    1. YES. 所以有後生留言話我有資產, 我都係回一句, 因為我年紀大而已.
      其實時間累積金錢唔係難.

      反而細個集中讀下書/溝下女, 更加難, 因為老左就做唔番, 做番都唔係果樣野了.

      刪除
  6. 見倒最尾果幅相,心入面爆左句粗(誤)。

    簡單黎講,d人成日用special case黎講 x是y,都可以話係犯左以偏蓋全既錯誤?

    回覆刪除
    回覆
    1. 你咁樣講, 我都覺得我有時以偏蓋全架...又唔係世上所有老人都係迫你買金0既"NO ONE FXXKING CARE"...

      另外, 其實本人好萌的. 哈哈哈.

      刪除
    2. //另外, 其實本人好萌的. 哈哈哈.
      唔小心又爆多句粗(誤)。哈哈哈!

      //你咁樣講, 我都覺得我有時以偏蓋全架...又唔係世上所有老人都係迫你買金0既"NO ONE FXXKING CARE"...

      我一向都覺得讀書無x用係以偏蓋全。大佬,宜家人人手上部手機唔通係宇宙大爆炸出黎?咪又係由理論而黎!咁d理論邊度黎...?搵個無讀過書既路人甲由零開始設計,中途唔俾讀書,佢可能到死果日連最基本既零件都整唔出黎 XD

      我覺得唔覺意犯左邏輯錯誤無咩所謂,最慘係犯左又唔知,仲要囉d special case當做真理訓示人,就都幾令人反感。

      刪除
  7. 公屋窮小子物業致富故事向來都是香港最sell得的故事,現在還可能是碩士畢業生做地盤工人月賺四萬儲第一桶金買樓致富更加勵志,聽得多都開始覺得讀書是讀屎片

    回覆刪除
    回覆
    1. 咁又係...炒股致富難複製, 買股致富又悶得滯(成功人數又好似唔多)...

      所以二百萬富翁呢類學說, 好難升LEVEL...

      要同樓市比, 唯有話自己5蚊買中人壽....比較有得FIGHT

      刪除
  8. 離題一下, 70兄可以留意下, 平時有一些樓市大好友都好中意黎你呢度留言, 但暫時都唔見呢班友呢...

    當然啦, 有樓就覺得自己好醒同係成功人士 (也有人開blog間唔中打下飛機自high, 或找同道人圍爐取暖互相留言讚對方一番), 現實世界中其實係自己在工作中冇位發爛, 或自己讀書唔夠叻做唔到醫生呢.

    回覆刪除
    回覆
    1. "現實世界中其實係自己在工作中冇位發爛"

      EXACTLY.
      不過其實我都係, 工作無同事, 要將自己0既諗法宣揚開去, 一定要靠網上.

      SO WHAT? 我連老婆都係網上識, 有何不可? 呵呵呵~~~~

      刪除
  9. 咦~同一樓撞名。(我係間中留言嘅遠古Yahoo blogger)

    回覆刪除
  10. 依據個人有限眼界,賺錢生涯上半場,打工刷鞋轉工博上位係主流,去到下半場,能夠財自或已經見到出路者,上述班"主流"佔極少數。

    回覆刪除
  11. 新富與舊富行為與心態上已有很大分別的。暴發戶更加不用說。如果連自己做乜發了都唔知的,那行為更加無譜。

    回覆刪除
  12. 我覺得讀書係俾你去養成一個好既人格, 越讀多啲書先知自己識既野越少, 人既眼光先會更遠大 (理論上)

    回覆刪除
  13. 請拍片。。噏出嚟一定超好笑。

    回覆刪除
    回覆
    1. 讀書唔叻 冇💰都可以覺得讀書好有用同做人可以有氣質。。哈哈哈

      刪除
  14. 雖然客觀數據上,Y報導比較多,但想想從受訪者角度看(不是讀者),平心而論,Y自覺是成功改變命運的例子,X剛翻身還有漫漫長路,主觀是X出鏡需要的勇氣比Y高出不知多少倍,由此推論願意被報導的Y肯定比X多很多。

    此外,物業累升多年,升幅可觀是鐵一般的事實,能沿此路略有小成者,肯定比讀碩士失業(十幾年前才常見吧)的人多。當然要找出 rate 是沒可能啦,但也絕不能不考慮 population size 分野的影響吧。

    P.S.: 物業致富的話題講了不知幾多年,人人的故事都差不多一樣,要成功複製又有何難度?真心覺得悶到震。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...