以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

2019年7月4日 星期四

年青退休生活如何比較? 我的香港財務自由路(三)

本來應該講下要預留多少BUFFER財自,不過放低左就無寫,開番篇草稿又唔記得想講咩重點,哈哈。

今日應該係我財自第十天。

昨天交番鋪頭鎖匙比業主,拎番按金,總算正式停止哂所有炒旦小茶飯。

有冇唔捨得?少少啦,不過而家去玩去街去食野,少左好多牽掛,同平時放假好唔同,完全係兩種感覺。

另外,減重大計開始中,其實都係去會所跑下步(管理費業主交,無理由唔用下。),點解會所無 iMoney 睇?否則可以做完運動嘆下。

十日間,磅數減少左,頭幾日我覺得係疴左屎,流左汗而成。

不過今日再磅,由最初67.X𥑇到65.X,應該不是屎吧!(同埋每天我去哂廁所先去跑)



點跑?我覺得同投資一樣。我唔會辛苦自己,正正常常去做就得,不信秘方,不催谷。

吹水WHATSAPP GROUP 中,除左投資勁人外,仲有好多運動鐵人!比左好多有用建議我,不過我自己就會就住自己跑,慢慢跑,唔好心急,一下子耗盡體力,第二日累到無心機再繼續,其實前功盡廢!(女主人都係咁,一開始就谷到最盡)

同人比?大家方向唔同,我自出娘胎都無試過咁固定去運動(同同學打下波,上PE堂才會運動,不會刻意定量),我一早已經知道自己一做運動,只係增加心跳呼吸已經可以燒脂減磅,同埋戒掉晚上狂食零食已應可非常成功!

同樣,十幾年前我發現,我收入係同年同系同學三倍時,我都知道提早退休財自跟本是必然做到,只在乎何時退同埋等待一個決心而已。

*****

財自路,其實也一樣,只要了解自己,定個目標,其實人人都做得到。

呢幾日,遇到識我0既人,口中都係講:

"你就好啦,退休喇,我都想好似你咁"

呢D真係唔知係佢潤我定係客套說話,其實財自又好,減肥又好,有需要同人比?

YES & NO

減重,梗係成效同人比,不過又唔駛過份執著。當你發現成效好WORK果陣,同自己比更有用!講重點,如果成績見得人,同人比只能自high,有乜9用?應該同自己比吧。

同自己比?財務狀態都一樣,我開支少物質慾念低,所要用既錢比一般同年中產同學可能較少,要被動收入追到唔難。而且,我又無諗過要留錢比子女,即使蝕通脹又如何?

同人地比?更加有趣,因為我贏既唔係錢多錢少,我贏既係時間同青春。

“咁你咪好叻仔?” yes or no,我放棄左可以住大屋揸靚車豪華遊既後續生活。

你以為我無所事事好得閒先去做運動? 非也,就係我有青春去花,追求健康身體,沒工作煩惱的個人意志,更精要既係,我有“無任何逃避理由”去負擔的家庭責任。

我記得,風兄講過,醫院內好多患者都無乜親人陪,因為要番工(詳略吧);同樣,好多爸爸放工番屋企就休息,因為已經盡左搵錢義務,家務及照顧小朋友是否可放埋一邊??

同樣,為工作犧牲了的家庭崗位,只要財自,便責無旁貸地要背上。

"我見你平時都幾得閒” 

你咁講我,唔會刺激到我神經,我有家庭有目標有未來有後代仲有好多人生achievement 趕住要去unlock,你話我得閒我真係覺得你讚緊我,因為我時間管理好

除非人生只係剩下等死,否則聽到呢句應該開心。

時間點用係相對既,同人比?我比人話我得閒,我會沾沾自喜;同自己比? 我覺得每朝30分鐘運動,平時我hea 睇新聞都用左啦!如果可以換來身型同健康,不是十分美好嗎?

財自最多人唔敢面對以下三點

一是怕唔夠錢
二是缺乏工作成就的生活
三應該是如何使用(不是打發)時間

我建議係,先試下同人比,覺得自己感覺良好的,再同自己比!
時機成熟與否,自己決定吧。
因為大部份對你指指點點0既人,都係未自由過,沒有FREE WILL的。

最後,感謝女主人比我放縱一下,間房變左高達房(通常都係港女HELLO KITTY),等我SETTLE好D高達後,再補番張靚相!

上面部高達波子機好重啊!!!

32 則留言:

  1. 每日keep住操, 好快就會變有型中佬

    回覆刪除
    回覆
    1. 至少唔好比自己差落去。。。。
      我唔想過多幾年成個吹夢之巨人咁啊~

      刪除
  2. 搶唔到沙發。
    期待老闆既六舊腹肌。

    回覆刪除
    回覆
    1. 應該難等過XXXXX
      我成個女人咁,再食可能有肥仔波就真

      刪除
    2. 肥底先易練~! 瘦底既話,好多都變咗鋼條 :D
      一星期UPDATE一次減肥進展吧 XD

      刪除
    3. 免你嬲嬲豬, 我QUOTE 番REFERENCE....

      "我見你平時都幾得閒” (RYAN - 2019)

      刪除
  3. 恭喜減肥成功,向鋼條型身材出發!

    回覆刪除
    回覆
    1. 未成功
      我唔係減肥,係減重。
      本身唔算肥(遮掩之下),不過就可以再好睇D。

      鋼條應該無可能。

      刪除
  4. 回覆
    1. 我唔預佢會睇我BLOG,除非佢係一個無朋友又八掛0既ON9仆街死老坑啦。

      刪除
  5. 正,每日都運動,要盡量keep 住~~~~

    回覆刪除
    回覆
    1. 都不是每日,只是隨心去健身室
      例如昨日同老婆出去,就無戒口無運動一整日。

      總之,盡量簡單輕鬆就得。

      刪除
  6. 中晒point:
    "因為大部份對你指指點點0既人,都係未自由過,沒有FREE WILL的。"

    回覆刪除
    回覆
    1. 是的。
      可能佢地覺得我食穀種係傻仔,不過我係屋企發霉都依然好爽。

      刪除
  7. 皮老闆,請問吹水whatsapp仲可以加入嗎?

    回覆刪除
    回覆
    1. 呢個問題我唔答的。
      即係咁,捐錢無得入,是否不捐?
      比著我,做左先,咪鬼諗,厄你我又無著數。。。又唔係捐比我。

      刪除
  8. 皮老闆確係醒,週圍同人講自己做運動,就係最初階段維持自己做運動決心既最佳方法

    部波子機唔係唔要咩??

    回覆刪除
    回覆
    1. 波子機本來想賣,點知無人買,有價無市。
      抬番屋企都中幾爽。

      刪除
  9. 每日Keep 住做,忍少少口,好快有回報!期待筋肉老闆練成!

    回覆刪除
  10. 试下搵吾揾吾得翻checker(投資168)

    回覆刪除
  11. 保持身體健康真係重中之重, 無左健康, 無論幾有錢幾幸福都無 L 用.
    做運動同投資一樣要保持紀律.

    回覆刪除
    回覆
    1. 錢可以買時間
      年輕時間無價,用黎換Tesla? No way.

      刪除
  12. 皮老闆踏上人生另一階段,由炒蛋轉洗碗,屋企吸塵。

    然後我就可以自HEA比皮老闆過得好><

    財自真係羨慕嫉妒恨><

    回覆刪除
    回覆
    1. 我估你係比我fb page block 左個位。
      網上講野咁叻,不如出黎團秋?
      如認錯請見諒。

      刪除
  13. 我也做開運動, 不過目的不是為身體健康, 而是可以吃得更開心...
    跑得幾慢都好, 辛苦就緊架啦, 至緊要堅持信念, 加油!

    回覆刪除
    回覆
    1. 呢個都係好理由喎。
      我好想食譚仔啊。。。。

      刪除
  14. //不過我自己就會就住自己跑,慢慢跑,唔好心急,一下子耗盡體力,第二日累到無心機再繼續,其實前功盡廢!

    小弟談不上運動建將,但也有恆常運動習慣(跑步、健身、龍舟)
    在減肥/減重上,飲食佔7成、運動佔3成,控制飲食是非常非常重要
    如果想操肌肉/身型的話,就留意三大元素: 操、食、抖

    //不過我自己就會就住自己跑,慢慢跑,唔好心急,一下子耗盡體力,第二日累到無心機再繼續,其實前功盡廢!(女主人都係咁,一開始就谷到最盡)
    中長跑減重(肥)效果唔錯,均速已經足夠
    在運動時計算心率可以提升performance/避免跑得太hea

    回覆刪除
    回覆
    1. 我見健身室隔離個大叔慢跑,成兩粒鐘。
      不過實在太花時間
      我慢快慢快慢快咁跑,保持心跳呼吸足以增加一段時間身陳代謝便算。

      刪除
  15. 老實講,香港不是財自的好地方,唔係唔好玩,唔係生活費貴,係旁人會用奇異的眼光望你。一係覺得你係廢中,有手有腳唔返工;一係好葡蔔你唔使返工,酸溜溜講啲"你就好啦"之類廢話;一係扮好心係咁問你做乜唔返工,平時有咩寄託。。。
    相反台灣大把早已財自的港人,大家心領神會自動埋堆各有各玩,行山組、單車組、打波組、環島組。。。最宅最無朋友其實係我。

    回覆刪除
    回覆
    1. 所有留言最到point係你呢個
      果然只有財自左先明白有幾正。

      聽到身邊越多酸溜溜說話,會越係証明我無錯既原動力。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...