以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2020年3月30日 星期一

建設銀行2019年派息 退休生活依舊

話說, 一年一度建行業績又出左.

抄下人, 總結下:

****
建行去年多賺4.7% 不良貸款增逾百億

建行(939)去年淨利潤錄2667.33億元(人民幣.下同),按年升4.74%,每股派息0.320元人民幣。

全年盈利增長與另外三間已公布業績的大型內銀一致,若單計第四季,建行賺413.89億元,按年升2.1%。

期內,利息淨收入增5.%至5,106.8億元,淨利息收益率略收窄5點子至2.26%;手續費及佣金淨收入按年升11.58%,至1,372.84億元;信用減值損失增7.87%,至1,630億元。

不良貸款僅現單降,全年不良貸款達2,124.73億元,按年增115.92億元或5.8%;不良貸款率改善4點子至1.42%,撥備覆蓋率升逾19百分點,至227.69%。核心一級資本充足率保持高水平,升5點子至13.88%。
****

有咩分析? 道聽途說話第一季不良貸款會更勁! 會唔會沽? 我唔會,

無乜原因, 一個字:懶! 兩個字:唔識, 三個字: 是但啦!

****

大行估計又中唔中?

睇下邊間行估得中? (最接近2667億)

券商│2019年純利預測(人民幣)│按年變幅

大華繼顯│2,714.07億元│+6.6%
招銀國際│2,703.45億元│+6.2%
高盛│2,692.91億元│+5.7%
中銀國際│2,690.03億元│+5.6%
中信証券│2,685.59億元│+5.5%
摩根大通│2,683.66億元│+5.4%
摩根士丹利│2,679.1億元│+5.2%
中金│2,677.61億元│+5.1%
海通國際│2,676.58億元│+5.1%
工銀國際│2,662.91億元│+4.6%
匯豐環球研究│2,618.64億元│+2.8%
按建行2018年純利2,546.55億元人民幣推算


****

幾間內銀業績

建行(939)去年淨利潤按年升4.74%至2667.33億元,每股派息0.320元人民幣(+4.57%)。

中行(03988.HK)去年淨利潤升4.1%至1,874.05億人幣符預期 末期息19.1分人幣(+3.8%)

中銀(02388.HK)去年多賺4.7%至335.74億元 派末期息0.992元(+7.47%)

工行(01398.HK)去年多賺5%至3,122億人幣符預期 末期息每10股派2.628元人幣(+4.8%)

交行(03328.HK)去年淨利潤升5%至772.8億人幣 末期股息0.315元人幣(-10%)


****

最重要係, 派息人仔 0.32, 除淨日同派息日都未定!

今年建行派息, 已夠一家駛用! 租屋, 工人, 買餸, 父母家用, 自己駛, 及少量皮太太駛費!

其他投資, 多為收息組合, 只要唔執, 又維持派息, 都幾和味!

皮太太自己生意自己袋, 今個月營業額, 同之前實體店環境差時相若, 但因為唔駛交鋪租, 其實係賺左! 真係估佢唔到.

最近試下開通YOUTUBE 會藉功能, 有機會加入一齊吹下水. 講明先, 今次要課金(我貪玩), 等YOUTUBE 批左先算. 預計每月可以UPGRADE 下部電腦/買下GAME 打咁上下.


(只要按右上角個加入按鈕就得! 不過出文之日, YOUTUBE 仲未審批好, 可能要等多一天! 批左先再另文詳述!)


另, 如無意外, 每星期會玩下YOUTUBE LIVE! 始終自己講野靈活過寫字, 同埋互動又好過棟篤講, 若有興趣, 一齊玩下吧!





2020年3月19日 星期四

輸錢不重要 我不要做鄧小閑!

呢一刻,當然無心情拍 YOUTUBE。(曼谷之旅續集無限期押後啦~)

見有人日日LAW LAW LUN, 其實我日日打機睇劇....剛全家睇完鬼滅之刃第一季!





身家蒸發,小弟視作等閒,唔係扮勁。2007 2011 都過到,今次唔會例外。

有冇平倉?無,由得佢無人駕駛,槓杆由1.6x 升到呢一刻 2.1X

估計, 跌多2成左右便會觸及自動LIQUIDATE 位置.

預計我見到就手動選沽, 見唔到(訓左覺的美股)就由佢自動沽.

最大壓力, 不是來自金錢, 也不是生活成問題, 而是剛接手太太的錢....同2007一樣, 一有別人錢, 不輪多少, 在手上蝕便最有壓力.

向來, 獨來獨往, 自己管自己, 免母親一份擔心. 口裏孝順不了, 只能讀讀書管好自己這樣.

最壞打算? 資產跌6成, 但收息數目難料.

此文也從別的方向考慮, 非何時結束跌市, 亦非如何救倉(我唔識, 我佛系, 一如以往, 唔會價投變睇線, 睇線又變收息)

有了吹水谷, 知道自己NOT ALONE, 並非運氣, 是在於如何管理. 若似我, 投資不知進退之人, 自要有在海飄浮的方法.

我唔會, 亦不要做鄧小閑! 一時跌市不會令我消失! 各位放心好了. 相信有更多人, 在尋找其他可行之路, 每在生命交叉點中作出選擇時, 也許能GOOGLE 到小弟劣文, 有點啟發, 正反面教材也好!

每每氣餒, 我不會睇理財BLOGGER 心靈雞湯咁ON9, 我會睇 http://allanlin998.blogspot.com/ , 呢位台灣BLOGGER, 即使生命無常突然走了, 至少知識依然留下來.


最後, 講下我之前講過0既, "若他日大跌, 最多慳D駛" 有咩PLAN

1 搬去平D 0既屋苑
2 自己同太太唔駛番工, 基本上控制支出不難
3 小朋友無上私校, 基本上同一般公屋仔無異
4 控制下工人買餸支出, 呢個好重要! (哈哈, 我地佛系無管佢)
5 長老支出, 唔減

基本上, 賤物鬥窮人之下, 每月支出維持係4萬以下唔難. 尤其係1 非常靈活.

仲有...唔知點解皮太太網店有生意, 仲忙過番工, 日日睇電腦...今次真係軟飯喇!

我會否炒旦? 不會, 客觀上, 行家大部份得番半條人命, 我走甩算好彩! 主觀上, 我唔會走回頭路, 否則有違我人生選擇之意.

錢, 重要過生命經歷嗎?

2020年3月4日 星期三

今年最好彩的三件事 資產NLV 變化

3月3 日傍晚剛從泰國回來 ,現在是3月4日凌晨四點!


上圖為一個月NAV變化,2月3日至3月3日。

IB 去ACCOUNT MANAGEMENT HOME, 再選PORTFOLIO/ANALYST 就有呢個圖,相信好多人都知,大家可以試下。

上圖係SHOW NAV,而非IB 平時見的NLV, 有咩分別?不妨留言教下小弟。

感覺係跌市期間,我係少左HKD一球左右的,但睇IB REPORT 又唔覺。(途中無出入金)

今日入左幾隻ETD,本來想等除淨先入,但價錢已係射程之內,而質素仲要比本來自己有個D更好。應該唔駛猶豫吧。

泰國一遊,雖然我上到網,但份人就係懶,結果我無沽過貨又無買過貨,番黎香港先睇啦。

人生漫長而又短,多一分鐘鬧小朋友,都好過等係電腦前面睇股幾粒鐘吧!

帶番兩張圖,現過D乜?留番係YOUTUBE放片,今次部GOPRO係幾好用!

圖一

圖二
(也可看看小弟番深圳植髪七個多月的成果?同右上東方訪問條片比較!)

圖三

圖四
(酒店我覺得還可以啦,要有兩張雙人床,除民宿外,選擇唔多)


今年度(以六月為界),做左三件好彩事情!

1講完又講,就係將我個小生意結業!本以為我炒旦生意基本上唔會出事,因為賣點是我自己,除非技術退步,否則剛性需求極高!仲要我做高端門市場!點知今次疫情,一眾行家似乎全軍覆沒,或者咁講,將之前搵到的,用黎蝕。社會運動都打唔死,竟然一個病毒可以咁巧妙地KO呢個行業!

2星夢郵輪假期,我1月17朝早落船,當晚就有確診病患上船,再之後滯留香港!避過一劫!

3今日去完泰國番黎,泰政府即時宣佈,港澳中台四地,入境泰國要隔離!其實我知點解,因為中國一路都封國,成個行程唔見有中國人,只有台灣同香港!直到最後兩日,中國似乎解禁外遊,即時聽到好多大陸口音。。。

4唔知算唔算,就係太太都退出埋!但係見佢仲日日係網店覆客,有時我會諗,可能我YOUTUBE的微不足道收入,會好過佢網店經營!(原來有第四件!)

最後,推一下片

公屋出租廢老業主唔退按金! 牆要全新? 無綘交接? 比人上黎睇樓? 大家去以按代租! 老人廢老(三)


超好用證券行! 話你知IB 5個好處! 唔止低息咁簡單, 好多野你未試過唔代表無!


踢爆IB 班! 我點利用證券行, 借錢唔還本! 唔入錢買股票! 每年收息雙位數而不用蝕價?

如果覺得有用,不妨訂閱小弟頻道,BLOG文更新未必夠YOUTUBE更新得密!

2020年2月17日 星期一

齊手擊破的士牌霸權!

再過多12小時, 女主人交埋間鋪, 我同佢可以話正式進入食老本行列.

本來, 未有疫情前, PLAN 左唔少野, 包括去一D 平價搶食旅行團(唔係慳, 係我同太太拍拖時有趣回憶之一)

而家, 要去旅行, 便要全家走, 大家有冇平平地好提議?

另外, 太太資金要買600萬投資物先滿足到佢月月出糧夠洗目標. 即佢槓桿比會係1.71, 比我現在1.6X 為高.

預計三月中四月頭會分段買入呢D 資產, 除非近會大跌, 否則唔會咁快入, 免蝕息.

************

講番正題, 真係好多年無遇過賤物鬥窮人時代.

仲記得SARS 果陣, 入戲院無人睇戲, 又一城餐廳直入唔駛排, 而家應該去到呢D 情況.

各行各業? 我唔知, 我好好彩咁已經執左自己間鋪, 唔駛交鋪租, (文章最底有片講下感受!)

而家坐85折的士, 任何時間都CALL 到, 路面仲好暢順! (為左預防密閉空間中招, 已停搭巴士及地鐵) 近日開始發現連UBER都無加成, 可以試下用UBER FLASH, 兩邊一齊CALL!

價錢? 無加成的話, 同85的差唔多!

近日係連登開左個POST, 連結如下:

https://lihkg.com/thread/1874848/page/1

當然, 回應預左會有攻擊, 不過比想像中合理同易接受. 為左接觸我想接觸0既人, 死就死啦!

我係咩色, 重要咩? 至少我唔係偽裝色!

講番的士, 近日的士車租由最高位$4XX/DAY 回落一半(求FACT CHECK), 合理預計, 的士牌價都應該應聲回落吧?





結果? 無喎, 依然企穩五球以上!!!

點解? 因為貨源歸邊, 而最大利益持有者, 一D 大車行聽聞已經唔收的士牌! (即係你肯賣佢都唔接貨!), 所以成交價仲可以企硬5球! 你估班單頭老人車主, 一百幾十萬買個牌番黎, 如果450萬甩身, 買其他野/慢慢洗, 都已經好唔錯!

高位買0既, 有牌可以自己做番一更! 不過我聽TVB新聞, 有士司係最差環境交完車租打埋氣要蝕一百! 我同其他司機都傾過計, 日更做得600蚊生意, 打埋氣得番一百蚊多D, 但係要番10個鐘!

玩下手, 做個FOODPANDA / DELIVEROO 步兵, 可能仲好搵仲安全! (求意見!)

我覺得, 有一堆藍色豬隊友係要教訓的! 政治取向並非考慮自身私心利益! (補番一刀, 黃0既一L樣, 我YOUTUBE 咪有講過, 有個40叔佢只係人生唔如意, 搵野發洩厄LIKE, 佢0既婚攝生意而家應該食哂屎!)

講番最後想講0既野, 既然而家UBER 無加成, 其實可以用UBER FLASH!

UBER FLASH, 即係同時叫TAXI + UBER X! 不過本人相信唔係好多的士有加入.

既然係咁, 坐開85的既朋友, 係咪可以考慮改坐UBER FLASH? 反正一樣錢但可能多車D, 至少, 你會知道司機去到邊!

咁樣, 或許令更多司機加入UBER 行列, 又可以順手打擊呢一班藍豬的士牌隊友(其中更加唔少內地人持有的士牌!)

投資的士牌? 月包租服務? SO99Y, 的士行已經講明唔會出番全租比投資者, 聽聞有D 仆街車行新年初一二三講明無租收! 何解? 因為咁少錢又危險, 無人開工!

的士多老人司機, 基本上係過日晨, 何必搵命搏?

聽聞無司機開工, 車行都要搵位泊車! 結果的士牌投資者, 反被收$60/日停車費, 否則自己拎番部車走....WELL.

的士牌會否跌? 相信車行同銀行都唔想, 但係呢種"我唔開價就無成交, 無成交就無跌價"可以維持幾時??

強烈由今日開始, 大家轉用UBER FLASH!

用以下連結註冊, 你同我首程都可以平$50! (即係你坐左一百, 只要比 $50)


我好少會貪呢D 小便宜! 支持下我0既想法, 今次係難得機會可以打低的士牌霸權!

仲有一個好處, 比信用卡唔駛比現金, 慳番去櫃員機時間!

的士問題, 我已經發現左好耐(又一個搾乾司機以自肥, 仲大條道理扮慘)!

幾時到收租仔? 拭目以待!




最後, 放番最近兩條講經濟環境有幾差0既片出黎! 係度補多句, 有番都好唔番, 即使疫情完左, 好多人都元氣大傷....大陸人唔黎, 會一環扣一環咁死. 年青人做D 咩好, 大把機遇, 百廢待興之時, 就係奇兵突出0既日子啦~

2020年2月4日 星期二

女主人勉強財自路 (一) 350萬 INVESTMENT

話說,皮老闆太太(皮太太)將於二月中正式唔撈。

不過,佢話佢唔算唔撈,只係將生意轉型,我就唔太睇好,不過當係興趣做下也不錯。

問題來了,佢自己舊錢應該係唔夠佢生活的!

佢既洗費來自:
1自己用(交通 上網 飲飲食食)
2外母家用
3家中糧油雜貨

佢0既投資,可以睇下面兩條LINK

一百萬買到D乜? 女主人99萬收息基金
上面每月為太太帶來$6000現金流,不足/蝕0既係我包底。


女主人之匯控期權 抽中天仁茗茶
上面只有匯控股息,蝕到HIHI,但平均每月依舊為太太帶來4000現金流。

今次,太太只留番部份理財戶口(例如渣打就無CUT,貪佢每年有張Priority Pass)

佢今次將大部份現金比哂我,大約350萬,如果每年5厘,每月只有$14000,真係外母家用都唔夠比!

問題來了,咁要幾多回報先夠?好睇你個RRR同SWR

咩黎?下面條片!





如果每月要有 $30000 回報,即一年收息$360000

上面個X係每月計(方便我自己),即8%回報要450萬資產,得350萬點攪?

唯有用槓。。。

以6%回報計,要600萬資產,即要做600/350 = 1.71 槓桿!

至於買乜,諗左好多日,未有定數,買左至講啦。因用槓桿,實際要買7厘左右0既投資物,也是另一個煩惱,回報及風險問題。

都係得一招,買完轉去借EUR 或者JPY 減低利息開支!

最大問題係,呢個回報呢個SWR其實係追唔到通漲!所以追通漲呢部份,結果就留番係我度出。。。

2020年1月12日 星期日

GOF 究竟收左幾多WITHOLDING TAX?

係上幾篇文度, 我講過話想止蝕GOF....

見一眾BLOGGER 不論港台, 都一致放棄呢隻野, 當連小弟呢D 蟹貨王都諗住走貨之時, 仲唔係大家入貨機會咩?

呢個月, GOF又上番來了...我無止蝕啊.

因為, 即使ROC, 都係派番自己錢, 息係收少左, 但又未至於會蝕.

GOF 話自己無槓, 即係如果有槓, 就可以正常派番息吧?

拿, 我乜都唔識, 真係蝕死無命賠, 如果你自問聰明過我, 你都係去買樓把啦~~~

另一個令人想沽GOF 的原因, 係呢隻野有30% WITHOLDING TAX! 如果派番本金(ROC) 而又要收稅, 咪好唔抵?

非也, 係2018稅務年度, GOF 0既ROC, CAPITAL GAIN 都有退番稅.

睇IB REPORT 係有BREAKDOWN 番每月既真WITHOLDING!

我用我作文F 0既英文程度, 問過IB職員, 得到回覆如下:




*******************************************

IBCS 2019/12/30 04:00:19
Dear Mr. Wong,

Thank you for contacting Interactive Brokers’ Client Services team.

Please note that the tax classifications for distributions of Closed End Funds / Exchange Traded Funds are provided by the issuers and we only apply tax classification treatments upon receiving information from them.

即係佢地每年收到GOF料先會同你去退!

Per our record, historically, the distributions of GOF were classified as a majority of Interest from RIC (Non-Qualified Dividend) and a minority of Unqualified Dividend and Qualified Dividend.

However, the distributions would first be withheld and then re-classified after we received the tax classifications. For GOF, tax classifications were generally conducted at the beginning of next year. Since we have not received the tax classifications for distributions of GOF for 2019, 30% withholding is applied and we will adjust the withholding, as appropriate, when the tax classifications become available.

即係IB 會先扣起30%, 直到每年年頭(三月), 等GOF 出左TAX CLASSIFICATION 先再退比你!

Interest from RIC (Non-Qualified Dividend) is exempted from US withholding tax while Unqualified Dividend and Qualified Dividend are subject to withholding tax.

咩黎? 下面用個圖解, 拿, 我都唔係好識!

On a side note, a W-8BEN form is only valid for 3 years and resubmission is required every 3 years to update the form. Any interest earned from your holdings will be subject to US withholding tax after the expiration of the form.

Please update your W-8BEN form before expiration. You may navigate to Settings > Account Settings > Profiles> Info on your Client Portal. The profile window opens, displaying the information of the people and/or entities associated with the account. The available Tax Forms are displayed at the bottom of the window.

點UPDATE? 留番YOUTUBE 拍片!




For more information, you may refer to the following page:
LINK../taxforms.htm
Should you have any questions, please let us know.

Regards,
Alan C
IBKR Client Services

*******************************************
咁GOF 實際係2018 年收左幾多稅? 當然少過30%啦

拿, 2019 係未知0既, 因為GOF 未出個張TAX CLASSI....如果各位係2018 年度已經持有GOF, 可以去REPORT 度睇下


其中一個月係咁, 收左4.6%



另一個月係咁, 收左15%

2018年度, 我只持有GOF 9個月, 除番都係大約7%稅! 咩係RIC? 大家GOOGLE 下啦, 我已經唔係太想知道事情0既真相, 大約如下:


最後的懶人包, 就係GOF 因為有RIC 又有派本金又乜又七, 所收0既息有部份係唔駛比30% 稅, 但係會收定一年, 係每年稅務年度完結時, IB 再退番比你! 總之有得退, IB 要厄9你都無計...

要厄你, GOF 都可以, 佢真係無槓桿? 又係咪真係無/有ROC?

點都好, 有錢收我就唔理, 最多, 只係諗換馬與否.

歡迎留言討論教下我....

BLOGGER 界面臨大問題, 就係越黎越少人寫, 如果你有提過GOF, 我唔介意LINK 埋你個BLOG 入黎, 好讓文字版心血得以延續落去!!

再一次謝謝各位支持!

2019年12月26日 星期四

2019 回顧 首年達到FIRE (Financial Independence, Retire Early)

小弟好少做年度回顧

搜一搜自己個BLOG, 回顧年度只有兩次.

2017 因為我人生中其中一位重要人物走了...

2014 呢個好笑, 自己傻仔2014走去回顧2007, 非年度回顧....

今日, 是小弟首年達到FIRE (Financial Independence, Retire Early), 雖已一早有準備, 但改變同預期落差依然有不少, 也許今年作個記錄, 方便自己再看一次, 同時亦可以作個正/反面教材, 好等後輩(不論年紀, 只論時序)有個借鏡.

唔講財務自由呢四個字啦...哈哈!

小弟定2019年六月三十日為最後一天工作(實際為6月19日, 月尾方便計算), 至今日約179日! 有APP 計的, 不用逐日數! 以前個APP 用黎倒數, 而家用黎向後數!



會唔會做義工? 做PART TIME? 去旅行? 去學下野? 當時全部都給予否定.

七月開始為強身健體修身做下運動, 可惜堅持是有, 但一波多折.

有興趣可以看下片, 有我跑步片段!



七月份去了大陸深圳植髪, 有一個月要停止劇烈運動.

十月尾因莫名感染入院(醫生猜是上半年有病過但未清), 又停了兩星期.

十一、十二月份有腰痛困擾, 又停了大半個月.

結果如何? 因恒常操練, 體重下降兩KG 之餘, 肌肉雖有排未到彭于晏, 但太太摸過都話有進步. 哈哈!

七月尾去過植髪, YOUTUBE 一連三集跟進, 下次會是半年後結果.



七月亦係頒發母校獎學金日子, 謝謝各位讀者一路支持, 所有網誌廣告收益會全部成為獎學金! 唔夠就我自己補貼, 下年將會加碼雙倍.

同時, 九月份開始半認真製作小弟YOUTUIBE 頻道, 唔知醜字點寫? 因為我見好多口齒不靈都可拍片, 對住個無人公園9UP 又有, 至少我先天條件都較好吧.

最初, 批評來自太太, 對於這個外行人, 我的回應是:"保留進步空間", 走出第一步更為重要吧?

中段開始有少少起色, 就一如網誌, 要為做這頻道作個定位. 不出樣貌+語音為重+教學輔助, 不坐政治順風車, 只坐投資熱話題! 反正不為錢, 只為交些朋友, 同時將聲音傳得更遠(我知好ON9, 比錢賣廣告係最快升LEVEL...就當我係非課金玩家吧!)

當中, IB教學及期權教學比較好拍, 黎緊再拍XXX投資法, 我好強調, 簡單0既指標教學, 係唔駛比錢學, 至於將指標變得複雜0既, 你比左錢都未必學得識, 學得識都未必用得著.

 


十一月, 搬屋, 由同屋苑兩房搬左去三房, 多左36%, 租金多左21%, 最有趣係, 對上一個兩房租成交, 比我個三房租成交, 只差9.8%, 可想而知, 未見有經濟大幅裁員, 租金樓價已經先行.

 


十二月, 去左母校做代課, 心中興奮非常, 當然亦怕做得不好, 也怕一些老師以為我R 撈,

只能心存激戰張家輝金句,


經代課一次, 還有一月份一次! 到時再YOUTUBE分享! 也感到做一些自己喜歡/感覺舒服的PART TIME 也不錯, 收入用來補貼買東西購物吧!



網誌多記錄投資, 以給自己找回之前記錄, YOUTUBE 多為教學及分享生活, 因為比較容易省時, 因為小弟說話能力比文字表達好得多!

最後, 對來年沒有目標, 只有挑戰!

出書? 希望做到吧!

以一位物理治療師搵錢? 希望有人理我...哈!

用皮老闆搵錢? 唔好啦...拿, 搵到都只會捐左佢. 對我黎講, 不是初心, 都係不義之財.

最後, 等三月份女主人都 FIRE (Financial Independence, Retire Early), 又睇下佢會遇到咩困難吧!

最後的最後? 無講投資, 因為其實升好跌好, 夠用就OK, 三百萬期權倉應該好快又再三返家鄉, 而ATVI 呢隻過一球蝕本貨都已經可以做期權了!

SC AUG 2020 ATVI@75, 權金萬幾蚊, 拉埋每月都有千幾蚊架! 即使升穿, 都已經高過我買入價了~

GOF? 可能真的要止蝕, 投入左上年建行股息, 睇下點吧!

2019年12月19日 星期四

2019 聖誕前夕期權曙光 三百萬股票及期權倉(六)

呢個星期真係大奇蹟週!

話說, 2018年(當時恒指31000點左右)我有立左一個三球港股倉, 加上一年期價外股票期權, 最大收益可達15-20% (假設股票上升而又被CALL, 收埋權金加股息). 詳程如下連結:

<10%年回報計劃 賣球員不務正業> 題外話, 今日恒指27700左右!

當然, 世事無咁美好, 足球隊前鋒都可以跛腳0既!!

最壞情況, 三球唔見左一百一十萬!! 哈哈哈~ 都話買入時機比一切重要.

一眾球員呢期又升番上黎少少, 現虧損減少至負60萬, 如下圖!


阿Q地諗, 扣埋最初權金, 只係負30萬, 10% 好易追了!

兩年先打個平打, 真係息都蝕埋比佢, 買樓好過啦, 不過我硬係唔做.

YOUTUBE 出左條片, 我覺得新口號幾正, 引HATER 一流! 有HATER 先証明擊中了, 佢地先係最忠實個批讀者朋友呢!


講番正題, 今日大部份球員, 都出哂黎搵錢了! 連碧貴園都做到期權.

咩策略? 如下文:

<唔夠長咪做下短 三百萬股票及期權倉(五)>

意思係, 蝕得少0既做即月期權, 平手做遠期! 大蝕唔理佢!

A平手或以上有
2319 蒙牛乳業 SEHK (MEN) Jun29'20 34 CALL @SEHK
等六月再算, 若升穿至少股價有一成以上利潤, 小弟買入價 $28.7


B蝕得少0既有
27 銀河娛樂 SEHK (GLX) Jan30'20 62.5 CALL @SEHK
一升穿就轉倉, 去六月!
1928 金沙中國 SEHK (SAN) Jan30'20 45 CALL @SEHK
一升穿就轉倉, 去六月!
700 騰訊 SEHK (TCH) Dec30'19 380 CALL @SEHK
一升穿就轉倉, 去六月!

C蝕得比較多0既有
2007 碧貴園 SEHK (COG) Feb27'20 16.5 CALL @SEHK
佢終於都上番黎了!!!好難升穿, 應變廢紙了!
175 吉利汽車 SEHK (GAH) Dec30'19 19 CALL @SEHK
好難升穿, 應變廢紙了!
1211 比亞迪 SEHK (BYD) Dec30'19 49 CALL @SEHK
好難升穿, 應變廢紙了!
3333 中國恒大!SEHK (EVG) Dec30'19 24 CALL @SEHK
好難升穿, 應變廢紙了!
2382 舜宇光學 SEHK (SNO) Feb27'20 120 CALL @SEHK
呢隻升得太快, 我追唔到了, 只能乖乖交貨, 或轉至六月, 蝕15%左右(扣減最初權金)

D勁蝕0既有
仲有一隻, 就係蝕得最勁0既2018 端聲科技, 又坐下艇啦~

題外話, 2018年度0既股息我無計算在內, 同樣 2019年6月後0既權金收入, 我亦無計算在內, 應該COVER 到貸息有突.

今日恒指27700, 建倉當日31000, 應該恒指唔番家鄉, 我D 股票都就快番家鄉了!

死坐爛坐, 咁又過關, 若再升, 肯定可收復所有失地, 不過, 若有早知, 當然唔應該果陣建倉啦~~~~

留下反面教材, 引以為鑑, 
若茫茫人海中你找到我, 留個言交過朋友.

LOVER 我太太唔比我收, 
HATER 我多多都唔拘呢!

最後, 昨日買左新鏡頭, 影落好似靚左好多! 睇下下面張高達相!


所有期權倉文章, 可按

2019年12月2日 星期一

每月持倉更新 [19年12月號]

受腰痛困擾,上月運動量大減,不過操肌依舊,反正日日得閒,慢慢來也可以。

上月臨尾又跌,期權金袋袋平安,十一月結算日再開十二月新倉,如下:


連張數都SHOW埋出黎,可以計到其實權金極少!

加埋都唔知有冇三千蚊....哈哈。

其他債/ETD/優先股唯持不變,可參考11月號網誌

講下工作,不過我無,唯有講太太。

佢終於鼓起勇氣同佢個員工講做埋十二月就唔請佢了。原因唔係表現,係生意淡簿,再加上三月完鋪租約後,我太太將會同我一齊日日係屋企食老本過活。。。

佢唔認佢退休,話轉營做網店,又睇下佢做唔做到?!

其實呢,我都黎緊有工作。。。竟然我又有得去做代課老師!(有得聽人叫GOOD MORNING SIR喇!!),而家代課都幾好PAY,成$1477—1594/日,視乎佢用咩RANK請你啦!

之前停課無左,以為無得去玩,點知又有番。真係人生無常。

財自剛5個月,悶唔悶?好舒暢,每日諗下做乜好,無乜壓力。

講好0既湊仔,其實無乜做過。。。哈哈!

剛剛係NEWEGG買左電腦,淘寶買左機箱,香港買左火牛。



如無意外,星期四送到,到時有新電腦用了!

上月,YOUTUBE停左一星期,呢排又開始玩番,不過為健康著想,唔會日日上片。

大家0岩聽又支持下丫!

經濟被催毁後的社會,對年青一輩更有利!地產佬有立場寫文安撫班廢老,你咁都信?



IB Interactive Brokers 月供股票[四] 如何每月買入定量股票 MONTHLY INVESTMENT WITH IB



番大陸植髪 (三) 植髪四個月後外觀如何



DKT redemption 贖回了! 停課期間我的財自生活!

2019年11月20日 星期三

DKT 贖回記 沽貨定等贖回

簡單記錄一下, DKT 被贖回了!

Deutsche Bank Contingent Capital Trust V
Wilmington, Delaware, U.S.A.

50,600,000 8.05% Noncumulative Trust Preferred Securities
having an Aggregate Liquidation Preference Amount of
US$ 1,265,000,000 and
4,800,000 8.05% Noncumulative Trust Preferred Securities
having an Aggregate Liquidation Preference Amount of
US$ 120,000,000
(Liquidation Preference Amount US$ 25 per Trust Preferred Security)

CUSIP Number: 25150L108
ISIN: US25150L1089

The Regular Trustees and the Property Trustee of Deutsche Bank Contingent Capital Trust V have been notified that on December 30, 2019, Deutsche Bank AG will redeem its Initial Debt Securities and Deutsche Bank Contingent Capital LLC V will redeem its Class B Preferred Securities. We therefore hereby give notice that subject to receipt of the Redemption Price in full by the Property Trustee, the 50,600,000 8.05% Noncumulative Trust Preferred Securities having an aggregate liquidation preference amount of US$ 1,265,000,000, issued by Deutsche Bank Contingent Capital Trust V with an issue date of May 9, 2008 and the 4,800,000 8.05% Noncumulative Trust Preferred Securities having an aggregate liquidation preference amount of US$ 120,000,000, issued by Deutsche Bank Contingent Capital Trust V with an issue date of March 30, 2010, will be redeemed on December 30, 2019 at their liquidation preference amount of US$ 25 per Trust Preferred Security plus any accrued and unpaid capital payments for the current payment period to but excluding the redemption date. All regulatory preconditions are met.
派埋12月份息$0.5 就贖回, 現價做緊 $25.47

點算? 我成日計錯數, 不過計落貨息

25 X 0.03 /12 = 0.0625

即係呢, 25+0.5-0.0625 = 25.4375 賣出會較有著數.

昨晚即沽, 再加注買入幾隻本來已持有既優先股/ETD.

簡短作個報告, 所以, 太過ABOVE PAR 而又近贖回日/已過贖回日0既ETD / 優先股, 係有贖回風險0既.

上次HSEA HSEB 未學精的, 今次DKT 又上課了!

 最後, 小弟唔知點解有SCIATICA 特徵, 但係SLR 同 figure Of 4 都係陰性....PAT 痛腳底踩棉感覺, 又繼續留意下是否張椅問題....拍YOUTUBE 坐得太耐吧.

今日太太休息日, 又去食下野.

第一次食, 原來仲有幾日要執笠...太子始創中心.


之後又食TINO'S PIZZA, 小弟深水埗飯堂 


Related Posts Plugin for WordPress, Blogger...