小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年1月1日 星期四

假如我只一個

圖中為舊居一隻小花貓

如果我只一個人,錢銀上已財務自由。

日子會點過??我估就好似今日咁。。。

去下深水埗,食下野,咁又一日。

上星期, 買左隻512GB SSD 番去換電腦~~~


無錯, 我估我可能係一典型毒男...哈哈...

後記: 之後一日帶女主人去食, 其實兩個人食反而多多意見覺得唔好食, 不過係我而言, 過程比實質味道更重要.

其實, 我估唔少男人結左婚都重好享受一個人在途上個種滋味. (就好似唔少港女有男朋友或者結左婚都好享受有人追一樣.)

28/12 同老婆去左睇SAMMI 演唱會, 拿, 好明顯我係被迫....

上次去睇, 已經係睇黎明, 個陣好多大嬸, 點知今次....重多大嬸!!! 估唔到佢地都係歌迷....




當佢唱到<<放不低>>....鼻子一酸, 我諗起佢...

當年小伙子, 仲係讀緊書, 遊戲人間0既時候....佢離開左我. 或者咁講, 佢叫醒左我...
(因為, 當年我太遲帶佢去睇醫生, 亦無錢去醫佢)

"但求仍然維繫, 不惜一切, 我為你執迷"

一隻由小五養到大學畢業0既花貓, 我對佢許下0既承諾, 我永遠都記得, 亦都唔會放棄, 無論前路有多困難都好,, 十多年了, 你好嗎? 我很好!!

***
講得出就自然要做得到. 由細到大, 我都係要做到就必定要做到0既人, 不論用任方法任何手段.

我試過因為我唔想過穩定0既生活, 穩定0既工作, 而飛左以前一個女朋友...

直到遇到女主人, 我先至覺得, 佢或許會明白我, 或許可以由得我做自己認為對0既事, 或者可能我由始至終都做錯, 但至少, 三十幾年來, 我從沒後悔自己0既選擇.

由細到大0既執迷, 亦係我一路以黎鐘意單打獨鬥既原因, 一人計長, 十人計短. 我身邊0既朋友, 都明白我係咁, 所以先能夠成為朋友.

無論現在鋪頭工作幾辛苦都好, 病左都開工, 我都覺得值得. 亦不容許任何人阻止我繼續沉溺, 因為, 我對佢0既承諾依然未達到.

如果有另一個世界, 我會重遇呢隻貓, 而我又做唔到對自己0既要求, 我無面面對佢,

***

講番投資, 其實真係好個人, 通常跟大隊, 太多其他聲音, 未必有好結果.

男主人性格太執迷, 選股0既時候會好易碰壁, 相反, 個種唔怕死0既精神, 又能夠係人人唔敢買0既時候出手.

都係個句, "平坦的不一定是好, 最安全0既選擇往往係最差0既選擇."

一個人的性格, 七分天註定(我係我個囡身上亦都看到自己), 如果要去刻意改變, 至少其他良好特質都會唔見埋. 所以我0既脾氣, 固執, 係永遠都改不掉. 改掉左就唔係我.

否則, 係一片收租大哂0既氣氛之下, 又邊有人會出文鬧人細價樓收租好折墮呢? 買鋪買商廈實屬投資, 若利用民生所需來吸血, 雖不犯法, 但真係因住收尾個幾年啊.

2015 年, 我會再另行文講下...

A 點樣先唔會比人亂扣按金, 更重要係, 點對付個D 郁D 就話告你個無腦收租仔, 又話律師信又話要賠呢樣賠個樣.

討論區有好多呢D 人, 其實全無實戰經驗.

B. 點樣去用投資方法交租重有錢袋. 

C. 同時, 亦會分享一下過往業主種類, 有好有差, 主要集中講人格而非投資回報.

D. 又講下新居屋, 我無資格住,但的確幫到好多人!!!

各位0既留言同埋訂閱, 將成為我寫落去0既動力!!

27 則留言:

  1. 你依家又唔係一個人啊, 還須養大兩個小孩, 所以更加要努力賺錢 !
    我後生時病都返工呀 ! 我新抱說佢好辛苦又要返工又要帶小孩, 我說你都沒見過我, 左手拿住麵包當午餐, 右手就用來收客買野的錢 ! 無捱過又點得財富 ?
    說到出租物業, 唔係對租客惡死刻薄又點算吸血, 你可以唔租姐 !

    回覆刪除
    回覆
    1. 新年快樂。
      如不太極度辛苦又可得基本財務自由,人生是否更美好?
      "可以唔租" 係指真係有選擇之下,"惡死刻薄"而家無呢d 可能,就亂扣按金,郁d 嚇話告你已經好差。
      要行文講下土審程序,以及一個月通知期如何廷長,以保租客。

      刪除
  2. 期待你的分享。期權運作我重係吾係好明!新年新開始。望能明白實戰多些。thank or sharing

    回覆刪除
    回覆
    1. 因我d 期權只沽不買,其實好多時候正股獲利較多。
      新年快樂

      刪除
  3. 落力加油,寫多些好文章。

    回覆刪除
    回覆
    1. 謝謝支持。
      好文章不敢講,只是寫些其他國度的想法。

      刪除
  4. 70後兄應己不惑之年吧?自明白平坦不單不一定好,還太悶了,是不是?
    2015年要繼續寫好文呀!

    回覆刪除
    回覆
    1. 四十不惑?仲有三五七年先到呢。
      自小讀書是喜歡出奇制勝,不跟大隊,引來別人不滿。我相信寫緊既租客系列會不停比人丙。
      謝謝支持,yahoo 年代我已是你blog 讀者,我有加你facebook 的。

      刪除
  5. 奇怪, 我剛留言看見有登出的, 但再入來便沒有紀錄

    回覆刪除
    回覆
    1. 我代你post 吧

      好喜歡你這遍文內容, 咁Q我又係28号陪人睇Sammi, 同一方向, 不過高很多行,
      好 touching - "但求仍然.....不惜......我為你執迷". 2015今年終於要放棄全世界都話吾值得去愛嘅女人, 七年嘅夢終於要醒.
      "或許由始至終我可能都是做錯, 但我從沒有後悔我嘅選擇' - 我也是這樣固執的人, 性格怎改也改不到.
      繼續努力加油,寫多D好文章, support you always.

      刪除
    2. 總有人因賞你及明白你,如真的做不到,便轉吧。揀到0岩才結婚。

      刪除
  6. 求X隊長?
    上哂腦啦佢

    回覆刪除
    回覆
    1. 匿名朋友你好,
      其實上哂腦唔止佢一個,不過夠膽帶頭引人跟佢個d 價值觀就仆街左d.
      未見過真正資產價格下跌既人真係想像唔到的。
      有時唔係計數咁簡單。

      刪除
  7. 相信花貓亦很感謝你陪伴他一生 >.<

    回覆刪除
    回覆
    1. 當然,由細陪到大。
      還記得佢當天彌留之間都要走過黎hi 我隻腳。。。

      刪除
    2. 我也養了兩隻貓貓,我一定會好好對佢地.....

      刪除
  8. 睇你個blog當日,叮噹配音員走了,想當年小學時既聖誕同復活節,我要朝早捕定係電視睇叮噹大電影.....
    生命有時真係好脆弱

    回覆刪除
    回覆
    1. 小第把聲有兩分似叮噹....N 年前有TVB 做野0既朋友都同我講, 佢就黎退休, 我上位有望...

      刪除
  9. 男主人展現柔情的一面了:)

    回覆刪除
  10. 雖然對你的"出租者係租客的吸血鬼"思想不敢苟同,有點以偏概全不過你的財務及生活分享很值得欣賞!

    回覆刪除
    回覆
    1. 一家唔知一家事. 財務都係靠好彩.
      新年快樂

      刪除
  11. 假如得我一個既話,應該可以儲多唔少錢啦!

    回覆刪除
    回覆
    1. 你在埋怨你女人?
      不過一個人, 又少左活動, 係可以慳到錢.
      但如果你四圍去溝女, 可能洗得更多.

      刪除
  12. 回覆
    1. 不是對付, 只是搏奕. 因好多收租初哥都係ON99....如你又同佢一齊傻傻地, 就會中計.
      香港係法治社會, 乜都要合理合法.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...