小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年1月23日 星期五

如果老婆質素同禮金成正比

題外話,女主人勸告,不要出真身。所以在此網誌不便誘露男主人小小藍海生意是什麼,不過係另一平行時空,好多紅海人出沒0既地方,男主人都曾經活躍過。

無奈大家都係執紙皮,佢地唔信可以執到一年有兩至三球收入...更差者有人靠收租(收租仔真係無處不在)黎同男主人現金流比,well,花無百日紅(男主人生意亦應如是),唔通我又同佢講我一個月股息三皮幾(唔駛交稅唔駛還息現兜兜到手)

"哼,乜三皮幾好多咩?我收租x皮一個月啦!(未計還款及開支)"

如買濕九細價樓,full pay要三四層,市值千幾個,有邊個會咁?如有借貸在身,可能要五六層或者更多。

十年前平價買0既,就梗係你叻仔!十年前我身家可能得十萬蚊,點陪你炒0者?哈哈。。。

如果你識我真身,不妨話我知,我都有比blog link 自己某d朋友。如你意外發現左我(我d小朋友樣易認),記得話我知。

講番正題,昨日幾乎唔小心露餡。

<為咗吹大個問題,可以去到幾盡?>


呢篇文幾正,佢成個聯營blog入面我只睇呢個。其他收租佬已自我洗哂腦,可以無視。

我唔係想講文中收入幾多可以買樓,幾成按揭先安全,個d官仔講0既貼近現實與否,都唔係我想講0既野,討論呢d無意思。

文中最值得睇0既節錄如下:

"現在$300萬可以買到乜樓?私樓大約15-30年內舊樓,10年內半新樓唔駛諗。 呎數一般300-400建築呎 (實呎210-280), 呢類單位買咗要你住一世,你接唔接受? 生小朋友又夠唔夠住?
唔好同我講之後upgrade 換樓,即使你買完樓價無再升,upgrade 換樓樓價每多一百萬你人工要加$9,430 先合乎按揭標準。 若果你買完樓一個唔好彩,再次發生樓劫樓價跌3成即係你即時負資產$60萬,如果樓價再次跌5成即係你即時負資產$120萬!
唔供樓要破產,跌5成死供等樓價升返上$300萬即係樓價要升一倍,咁你應該要住一世無得upgrade!"
100萬算唔算多錢?好多以為自己有好多"資產"0既人會話,一百萬好少,做唔到d乜。討論區仲有人講要二千萬先可以退休(早幾年仲講緊一千萬,乜通賬咁勁咩?)

計下,25k當你儲一半,都要6年多d。
我當你儲哂25k,要三年幾喎!

三百萬樓,未計利息,要十年!人生有幾多個十年?仲有,呢d樓多數在大西北,否則好細你十年內唔好生仔!換樓?你人工必升?你唔會比人炒?受氣0既時候,你連唔撈0既骨氣都無喎?!

講番我意見,打個比喻,如果老婆質素同禮金成正比。。。

本來正常有為青年/中年可食用老婆只係200萬,而家?變到600萬!

因為女性十分唔夠,大家唯有搶,又或者選擇去召妓。召妓都唔平,不過好過用大量金錢買斷。

又正因為女性唔夠,好多人拎d阿婆阿毛出黎賣,又老又殘。

明明正常買d18/22 妹妹仔,差少少都30歲丫,唔係要處女,只求ok。

點知而家d 50 60 70 歲阿婆都比人拎出黎賣,叫價300-400萬! 你話幾犀利!

無意冒犯老人家,只係打個比喻


又有人早上車(其實自己攬住個件都40歲)但又好自豪有幾個阿婆跑鐘。不過以投資黎講,亦無不可。

又係個句,安得廣廈千萬間,將心比己,你會否用300萬買個阿婆番黎對佢一世?

唔係會否升值,搵到錢就皇道0既問題,你買幾層幾十層,人地一生只買一兩層,點解要食阿婆?

值唔值得0既問題啊!!!

用好多人十年積蓄,買一件阿婆樓(又細又老又殘,更差就又遠番工),係唔係只因一個理由,而家唔買無機會買,就一頭衝埋去呢?

買股票都要講timing,買樓自往,次數可能少過你生仔/轉工,係唔係就似買菜咁呢?同阿婆閃婚再拿拿臨九成借錢比禮金,值得嗎?要知道,你自住升左值,都係阿婆黎架。坐架車出去,大把18/22妹妹仔,係得你番屋企食阿婆,你覺得點?安樂窩?真架咩?

(我唔係講收租投資,或者d仆街冚家剷等收購重建,唔好咁離地,香港仲有好多25-45歲0既人收入一般但其實對社會好有貢獻,咁樣陰、害佢地,於心何忍?

19 則留言:

  1. 其實三百幾萬買入既"阿婆"樓會有幾多現金流收入(扣完成本)?
    聽聞香港既高樓大廈只可以捱到70年左右, 所以銀行做按時都會有樓年限制
    D人覺得而家唔買怕第時升得更多時會執輸, 不過點升都照計會有個限度掛

    回覆刪除
    回覆
    1. 我唔係想預測樓市,佢升都OK,跌又OK。不過真係太多香港人SUFFER。 比你上到車,三四十年樓,升左,都係一樣住緊殘舊樓。再過N年,內地更好住更方便更文明,你仲留係HK?反正子女可出國讀書,真係HOLD CASH 唔駛驚。
      三百幾萬你預一皮野,管理費六百以上。差餉地租物業稅未計。

      我死符6有得揀,梗係唔怕樓價升跌,好多人無得揀,比人嚇幾下嬖左個阿婆,咁就一世。(仲好開心係FB晒有安樂窩。。。)

      刪除
  2. 女主人真係明白香港人既心態,愛起底,成日勸男主人唔好出真身,真係好體貼~~~哈哈

    回覆刪除
    回覆
    1. 哈哈,始終唔係咁好。
      我比人起左,其實不太大影響;佢就麻煩少少。

      刪除
  3. 回覆
    1. 網誌管理員已經移除這則留言。

      刪除
    2. 啊Sa成日9uP當秘笈.....

      刪除
  4. 在香港拋百幾萬,都係收得個雞碎咁多的租。我都寧願學男主人一樣,買股收息算數。香港樓現在回報不高,靠高槓桿先賺得雞碎,其實都係好高風險。

    買股一買就開始可以收息 ; 買樓邊有咁簡單,又要花心機又要花時間。

    回覆刪除
    回覆
    1. 入左場0既, 就唔會講呢D 說話。只會一味唱好,心地好D就叫你計過數OK就去馬。 
      即使股票十拿九穩,你買之前都要諗一大輪啦。
      我怕煩,亦唔想係呢D時候打劫別人,呢D"不義之財",真係搵少D好過。
      英美樓回報好好呢,日本就食哂屎。。。

      刪除
  5. 哈,呢個比喻可能有點冒犯,不過蠻有趣。
    其實我都唔明依家d人既諗犯,好多人明明現時無實際需要,都要o係咁高價既時候入市,驚第時買唔到。咁買法到底係需要定投資? 需要又唔係,投資既話回報又唔係好,長線收租既話,依家唔少股票都重有五厘息以上,搏短線升幅,又好似空間不大,真係唔明。

    回覆刪除
    回覆
    1. 好多人(呢幾年個D,唔計一早買落個D另類市場老千),諗住有租客代供,又有少少少少現金流。守住十年或廿年就有層樓。
      (大聲D講,其實股票更易於以戰養戰,只係唔能夠咁高槓桿)

      刪除
    2. 補回覆, 剛無聊計過2003 至今, HKB 股息有成55-60 蚊, 如利用相同槓桿, 回報真係可以好癲. 仲未計佢復利效應呀! 即使而家個價咁低, 依然贏好多....

      刪除
  6. 無辦法,全球放水,有乜可能資產唔升?小市民永遠最受苦一羣

    回覆刪除
    回覆
    1. 拿, 全球放水對,
      樓價上升, 事實,
      但係兩者係咪原因?
      金跌到仆街, 油個D 利益集團而家反口話石油多過人類所需,唔會加價.
      我估好多收租仔沾沾自喜, 以為持有真理, 實際係點? 時間會說明一切.

      刪除
  7. 好多人睇到個個買樓都賺幾多幾多,樓價升左幾多,幾大都要上車先,計過數供得到就要買
    樓市只會升,唔會跌??只不過係呢10年到,個個都睇到只會升,不會跌.樓市升跌週期比較長,但始終都會有跌既一日,鬼唔知咩,呢D就係耐性同財商既分別,演變出將來既分別,都唔知講乜,睇得明既就明啦 :P

    回覆刪除
    回覆
    1. 班收租仔講,十年升一倍,第十一年跌番一半,同而家。一樣咁貴。你蝕十年柤金夠首期。
      班無殼蝸牛又話,跌番七成變沙士價。
      兩者同樣不切實際,不如大家數下浪。跌番97 價,邊d 人會死?

      刪除
  8. 唉,安居才樂業,何况現時大陸资金多到不可想像!

    回覆刪除
    回覆
    1. 大陸人玩, 係報應.
      香港人都玩得大陸人多啦...
      不過, 買左就唔會賣? 只有傻仔先收個少少租....

      刪除

各位每個留言,係我繼續9UP動力,必覆。

Related Posts Plugin for WordPress, Blogger...