小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年1月16日 星期五

CY 政策, 其實你有冇用過???

事先聲明, 我係藍絲, 亦係各位口中五毛, 仲要係無錢收個隻。如覺得我偏頗,請移玉步睇下一篇。

好睇0既,訂閱我或者SHARE去你FACEBOOK啦!

圖中唔關事,為內地N年前股票一張,攝於廣州某博物館。


無聊睇番以前同女主人某次旅行,乜Q都唔BOOK,只係早少少係淘寶訂,真係好好玩。

男主人金句:"男仔手收都未拖過0既女人教人做愛,唔係下化??

此句出自身邊太多三姑六婆亂咁干預別人感情事, 明明自己拖都未拍過, 哈哈。

講番正題,我唔係太識分析今天施政報告,打從TVB六百萬人的故事,我已同女主人講,呢個CY狼子野心。

點知,佢後來做埋特首。睇股又唔見我咁準。

記唔記得佢一上任攪過乜?
1。限奶令
2。零雙非
3。特惠生果金
4。雙辣招

我估除左4,無乜人感受到有用,結果人人係度鬧CY!

限奶令

不如我講下我0既變化,果陣個女剛剛出世,開頭食最難買0既A+,真係好難買!!!藥房一定無,除非係地區藥房而佢又好心留比你;超市?哈。。。一定唔見有初生賣!萬寧個D有通常都有,不過貴D。如果跟美贊臣訂就一定有,不過貴D。

點解咁多人話買唔到?? 我唔知係咪我好運,我覺得只係比多20-30蚊去官方指定地方訂,好多時候都有,只係香港人硬係要睇平廿蚊,要去藥房買,咪買唔到!!

限奶令後,好多藥房都有得賣。直到而家,我個細仔買奶粉都勁易。。。無效?無可能啦。D廢青廢中坑無老婆無小朋友咪唔知頭唔知路話難買!仲睇蘋果日報??

零雙非

又講番個女,佢係公立出世,之前私家醫生做產檢,等預約等到仆街,飲埋茶番黎睇都仲得!差唔多七成內地客!公立覆診反而好D,因為都要比全費,佢地會去私家。再照結構超聲波(女主人太後生,公立無得照)就去荃灣港安,嘩,好似得我地係香港人咁。。。好難想像如果係私家私院生會點!!

公立生呢,最多係得新移民,其實好正常,無人大支野,但係都有大肚婆加AGENT,擺明一條龍取身份証。(後尾女主人用慳左個D錢去DERMES全身脫毛)

到阿細仔,都係公立,私家醫生覆診即時順暢好多,即入即睇。有內地客,不過已經唔係黎生仔,只係黎抽血睇下仔定女。。。大陸唔比預知嬰兒性別的!去到公立生,真係零雙飛。因為第二胎易生好多,快過打針,生完我仲夠時間去開工。

你又未係呢段時間生過仔,又點知?睇咁多蘋果日報有咩用?你身邊D偽中產朋友去私家生,梗係睇唔到呢D野啦。。。

又係搏奕論,你以為私家好?其實公立又平又寫意,完全避哂內地人!!

特惠生果金

你又睇蘋果日報呀?雖然資產審查比人嘈,最後都過到丫。我父母皆過七十歲(遲生我),每月生果金都係用黎賭下馬仔同飲下茶去下短程旅行,加多左生果金幫助唔大,但係對於其他老人家,由1100升到2200你話差幾遠??老細加你一千蚊,可能都算多啦!好過等個D要供樓0既仔女加家用啦下話,D仔女目標係儲錢買樓3,4,5,6。。。喎!

雙辣招

樓市我唔敢講有冇用,個人認為救左唔少買樓初哥就真,否則果件求死隊長可能已經死撚左。

不過我有個炒鋪0既朋友即時收手,而男主人鋪頭個炒家坐左艇兩年,剛剛上個月先鬆綁賣出,否則摸下摸下,都唔知加租會加成點。

商鋪加租已經無住宅咁多,女主人越搬越大,但係呎租都無乜點加到架咋。

其他

三月財政報告:其實,仲有好多我認為做得好0既野,例如唔再寬免差餉地租,絕對有效打擊雞仔數收租初哥,成效好快見到。只要四月份取消埋稅務寬免,連埋物業稅,條數就好清楚。真係低息所以高回報?哈哈哈。。。

賣公屋,無方法中0既方法,安得廣廈千萬間,人人有屋住其實好基本,點解要玩剝削,點解班人要剪梯落石?有冇諗過月入兩萬至三萬家庭其實好慘?唔好同我講洗碗萬幾蚊兩個人儲五年錢呢D貓哭老鼠0既說話!!唔通我同你講六百萬0既樓我三年可以FULL PAY?

津貼內地遊學,真係一絕!!D人怕洗腦,其實日日比報紙洗腦都唔知,比股評洗腦又唔知。小朋友如果咁易洗腦,點解家長唔洗下佢地努力D讀書?內地有唔少好地方,既然有津貼,點解唔去?你怕洗腦,大可以唔比仔女去喎!

火燒圓明院,聽得多,睇過未?(2010七月)

杭州紅頂商人胡雪巖,睇戲睇得多,佢屋企你去過未?(2012二月)

南京大屠殺紀念館,六四死得人多定係二戰?(2012十二月)

原來,同女主人都番幾多大陸!

唔好樣樣野都挑骨頭,至少佢真係有做過野,上任貪曾話居屋居屋唔會起,真係厄你港人ON居居。。。佢一拖就兩年,你睇有幾多人SUFFER?

男仔手都未拖過0既女人教人做愛,咪同D人乜9都無試過經歷過就亂屌施政,同出一轍!

都係個句,各位留言係我動力,若唔介意,SHARE去FACEBOOK啦!

後後記, 原來前文"THE NEXT BIG THING IS TO BE FREE"打錯野 (係2010非2006!)
2010 年, 股市暢旺, 本來我都以為可以退下, 當時只係有五六球, 諗住股市會翻一翻, 之後? 哈哈哈...

22 則留言:

  1. 回覆
    1. 塘人兄,你真係好快手。
      我較左10:30出文,10:41 見你comment.
      請問是否用app 睇有notification?介紹下。
      我只係用google 內置果個咋。

      刪除
    2. 咁o岩放左工, 洗緊衫, 煎完雞翼, 炒埋個火腿絲烏冬, 就見到你篇文啦:D

      刪除
  2. 而家D人係又F,唔係又F,根本就無想每真件事,
    我由第一日就唔意689
    因為我覺得佢奸,為人陰險
    不過以事論事,佢呢幾項施政又真係改善現狀既

    回覆刪除
    回覆
    1. 我又會咁諗, 而家咁多政棍, 唔奸又點對付佢地?
      敵人0既敵人未必係朋友, 如果有人阻止到班政棍亂港, 佢都算係可以被利用0既特首.
      整個ON99 貪曾, 剩係做好呢份工, 又有咩用?

      刪除
  3. good post....support and keep going!!

    回覆刪除
  4. 政棍最希望越亂越好,唔係佢地點生存??

    回覆刪除
    回覆
    1. 其實唔止政棍,個d 網上媒體,什至facebook 上一d 頹人既status 由2005 開始話經濟差講到而家。其實只係自己無上進。施政佢用唔著,咪靠睇蘋果扮了解世事。

      刪除
  5. 這篇文章給我們一個今時今日頗難聽到的看待事情角度。今天傳媒及政客,一就是反對,為反而反,政府中央做什麼都錯;一就是支持,做應聲蟲,政府中央做什麼都對。其實,兩邊的理據都非常偏頗,難得這篇文章實事求事地分析討論一下影響生活的政策,同不同意也好,這也很不錯吧,讚。

    回覆刪除
    回覆
    1. 謝謝支持,祝今晚演出順利。有冇人甩你地底等我可以後補加入?
      我只睇民生,蛇齋餅糭都係德政,至少好多老人家唔係為左食,為左出下街見下朋友唔好匿係屋企,此刻無價。

      刪除
  6. CY係3位特首之中最做到嘢,對一般市民(非泛民) 最關心嘅問題做到快速反應,正如你提及嘅停雙非,限奶令都即時解決咗小弟當時所面對嘅問題,另外,佢的確順應咗不同介別推行例如廚餘回收,空氣指數,巴士路線重組,長者醫療服務,交通津貼等等呢類同民生息息相關嘅問題,只不過,呢類好嘅政策永遠唔會係生果日報到出現,就算有都變成負面報導。

    回覆刪除
    回覆
    1. 仲有擴建堆田區!班人輸打贏要,明知堆田區有折讓都買入,但又唔比人擴建。所以我都贊成功能組別,一黎我都有得投,二黎要挾選票既議員根本唔敢得罪任何一方,最後乜7 都做唔到。

      刪除
  7. 有留言比個blog 食左

    男主人說的四項德政,我受惠了頭兩項。有一點我其實不明白,CY未當特首己經很多人憎佢?未開始施政己經叫佢下台?因為奸?因為講大話?誰沒做過?寬己嚴人? 傳媒洗腦,由其生果日報己經洗了很多年青人的腦。
    CY 上場,不要講話要對付地產,最少都希望建多些房屋。要填海,有人搞環評阻止;發展東北,又說成官商勾結,看不到商人有多喜歡CY;發展少大嶼山和郊野公園,又話要保育;在公屋附近建公屋,現有公屋居民又反對?

    bigtiger

    回覆刪除
  8. 講真,依家個政府係咪做得好好,我又唔夠膽講好,因為好多政策都麻麻地。但係咪差得好緊要? 我又唔認為係wow。事實上,現屈政府好多野就係幫上手貪曾既執手尾,而o係呢個政治氣氛下,好多野做起上黎都縛手縛腳。而反對派成日話,因為唔係民選社會,所以先會有咁既情況。但事實上,其他民選國家o係推行政策既時候更加爭拗不斷,選舉亦無助解決經濟和社會問題。如果問我,無論係咪民選,最重要係改善到人民既生活。既然外國民主社會都唔可以解決到社會同經濟問題,而現有社會又唔係真係咁不堪,亦非反對者所講既亂世,與其要推翻一切去追求未知係咪好既民主,倒不如改善現有既情況去爭取更佳既未來。

    回覆刪除
    回覆
    1. 我一向都想京官治港。一就一,二就二,大家跟遊戲玩就得。

      刪除
  9. 其實最初D人有撐cy做特首架,因為以為唐唐赢硬丫麻。總之邊個做到特首咪反邊個囉!

    回覆刪除
    回覆
    1. 係呀! 因為佢地覺得唐唐係比人欽點, 選左CY 之後, 個D 地產團體先招安, 點知招黎一手監管條例. 而家只能發難係媒體上攻擊.
      至於功過, 留番比歷作証.

      刪除
  10. 說得好, 特別喜歡您好打不平, 當頭棒喝那種對欺壓窮人的無良.
    支持, 支持!!
    平心而論, 我覺得三個特首最好的是董伯伯(雖然當時佢真係令到我這種剛三十而立的慘,慘,慘) 最無用又最無做野的曾特首, 而cy剛接盪手山芋, 又受萬民所插, 佢算是一個最不親商的特首, 算不錯了.
    mat

    回覆刪除
    回覆
    1. 我集集都抽佢地水。
      其實如果唔係cepa 同自由行,香港唔會好番。
      所以,而家真係靠大陸,至少行業之間要間接依賴,只係好多人都唔肯認0者。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...