小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年5月19日 星期二

500 呎買起一個人

好耐無發文,因為太忙了。
有BLOG 友問張床邊度買,我係 TASTELIVING 買,番大陸買太多不快經歷,SALES好專業又幫到手執漏,順手幫佢賣個廣告 www.tasteliving.net

 

深水埗精品購入,間野就係叫精品! 

美心旦糕! 無人生日都可食,好開心架!


踏入五月,又開始為下一輪工作作準備。如無意外,下一輪又要繼續忙,生意額應該差唔多。

星期六忙左但係weekday 有一兩日早放。

仲有年半租約到時又睇下做唔做。

每月六皮野,五厘息的話,1400 萬淨資產已ok. 如股市不跌,幾乎係必然做到。

近日有一篇咁既文,可能大家睇過。


當人人,尤其係80後70 後個輩,叫人慳d 錢上車,300 呎住住先,第時換樓,有買貴無買錯。

相反呢位老人家講出重點所在。

大家一齊營造投資獲利氣氛,d 樓真係唔夠住? 買間300 呎點解唔租? 不過而家租金貴過供樓,真係可以講句,租樓者比供樓者更有實力。
當然,我無考慮到無首期被迫焗住租個班。

他日租金回調,如果真有呢一日,班租樓者轉身都快d。 如果無呢一日,或者香港已經無哂其他產業,全靠租樓者做服務供樓者日0既工作了。

想像下,日頭番工做侍應,服侍果個又係業主,出左糧,你辛苦既錢又係交番比佢地。如是者,香港不用創新不用繁榮,過著塘水滾塘魚既生活。

你覺得有冇可能? 如果有呢一日,你估租金仲會升? 社會仲會安寧? 我兩公婆仲會留係香港咁on9?

"長遠樓價會升",係咪大家既合理同理想期望? 

心腸壞者,可買入數間400 呎樓買斷別人青春。

26 則留言:

  1. 個仔女可愛 蛋糕得意 幸福家庭。

    回覆刪除
    回覆
    1. 謝謝。
      快樂可以好便宜,我自己就本身好慳的。

      刪除
  2. 可惜既係....大家根據過去3,40年既經驗話, 買樓收租必發達,
    但係而家又唔記得左98-03年負資產, 當時好多人捱唔到就跳樓, 同時興起左燒炭自殺

    回覆刪除
    回覆
    1. 更可惜0既係。。。大家唔記得30年前,滙豐只係幾蚊。。。
      買樓又好,買股又好,買金都好,時機緊要過一切呢!
      所有牛三入市0既,要為自己負責0既。。。火中取栗取到咪好LAW!

      刪除
    2. 負資產最大問題係由於你係槓桿買既,果時樓價大跌,即使你賣左層樓,用d錢還哂比銀行, 但都依然欠銀行錢, 果種冇得還又好似還極都還唔哂既感覺先恐怖

      股票,你唔孖展借錢炒,頂多輸哂

      負資產呢個問題,當年連黃子華棟篤笑都有講過

      刪除
    3. 你說得對!好多後生0既未試過唔知驚(包括我)!老一輩個D,一早插哂旗低位買梗係叫多D人入坑啦!

      刪除
  3. 謝謝分享..
    但係我聽人講,仔女靚仔靚女,爸爸多數都係樣衰....:D (因為我都有兩個靚仔...)

    但看完AM730有點賊喊捉賊,曹前輩的身家又如何得來?
    積財有道,又唔係偷,後生仔可能照用前輩的方法去做,又為何大肆批評他們?
    過去自己不做創新,到現在才去罵後生一輩不去創業。有點馬後砲。

    BBQ

    回覆刪除
  4. 多得傳媒(電視, 報紙, BLOG 友) 做神.....
    令人盲信..樓會升值

    有個朋友問,
    (佢係求死信徒, 樓已買)
    如果你供得起, 會唔會買樓?

    我計過條數, 唔值丫嘛....梗係唔買啦...

    回覆刪除
    回覆
    1. 供股, 易甩身。
      如你他日娶左個烏克蘭美女,但香港有物業要打理,你話幾唔方便!!

      刪除
    2. 咪就係....

      我玩OPTION, 最多都係手續費0者,

      樓...內部維修, 公家維修,
      乜都係煩....

      我朋友自住就冇所謂, 不過0甘就一世...
      400百萬就買斷了......

      刪除
  5. BBQ 兄你比人食留言...
    謝謝分享..
    但係我聽人講,仔女靚仔靚女,爸爸多數都係樣衰....:D (因為我都有兩個靚仔...)

    但看完AM730有點賊喊捉賊,曹前輩的身家又如何得來?
    積財有道,又唔係偷,後生仔可能照用前輩的方法去做,又為何大肆批評他們?
    過去自己不做創新,到現在才去罵後生一輩不去創業。有點馬後砲。

    BBQ

    回覆刪除
    回覆
    1. 哈哈,我係毒J樣一條。。。
      而家資訊流通,唔買樓有好多選擇,當年買樓做按揭都好創新啦!發明呢樣野果個發左了。

      刪除
  6. 萬一世界金融崩潰, 樓就算跌價, 你都手上還有間建築物, 但股票就難講了, 除非你實物轉名放保管箱, 還要是不會破產的公司股票 !
    不怕一萬, 只怕萬一, 所以分散投資是重要 !

    回覆刪除
    回覆
    1. Lisa 姐既如果有偏見呢。
      如世界崩潰,按揭個d 已死。
      如社會動盪,第一個死既,一定係業主。會狠狠被打死再侵佔其財產。
      當然,分散投資梗係好。

      刪除
    2. 如果動盪不在中港, 而是來之歐美呢 ?
      中港社會不動盪, 但金融會俾拖累 !

      刪除
    3. 咁多如果...如果只係香港動盪, 大陸無事.
      H 股狂升業主全仆街又點?
      如果之下有偏見, 就講乜都得了.

      刪除
    4. 唔係我本人的偏見, 而係日日睇外國新聞得到的結果 !
      做人一定要有遠見, 就連下幾代人的安危都要顧及 !
      可能是我在11歲時由南洋荷蘭值民地須走難去荷蘭, 因為印尼攻打收返, 所以對世界變動特別敏感!

      刪除
  7. 唔做就單聲,交俾我接手,Haha!!
    兩個小朋友入面,都係女仔吸睛d wow!!
    死啦!唔通我有戀童癖??
    人人都話長遠買樓實升,睇過往歷史又無錯,但依家環境都唔同晒,全球一體化,以前都無人會買日本樓啦!既然香港樓炒到咁貴,d人點解唔去其他地方炒過??

    回覆刪除
    回覆
    1. 言兄,幾肯定無人接到手的。接到個d 一早自己做緊。
      個女出街成日有哥哥撩架,細佬濕疹攪到好樣衰。
      其實股同樓都係炒,樓同民生有關,買黎出租好折墮。

      刪除
    2. 出租樓是一盤生意, 無人出租, 你又有樓住 ?
      不過依家人人都說要上車, 唔想幫業主供樓, 而樓又愈起愈多, 所以遲下空置可以愈來愈多, 好彩我在香港無住宅出租, 只想等平買多一間住宅俾仔女住 !

      刪除
    3. 生意? 這是民生所需。果班符6細價收租仔以為自己做緊生意0者。
      無人出租,實有地產商攪出租業務。再者,租金唔會好似而家咁。

      遲D全港租客服待業主,呢個係咪大家想見到0既現象?
      好彩LISA姐係香港無,晚年一定好好。我相信事有因果,人有報應。
      若然未報時屒未到

      刪除
    4. 呢個是一個自由市場, 只有政府才可以壓樓市, 如果無人租樓, 都唔會俾搶到咁高價又高租, 而原因可能是多咗大陸人和外國人來香港居住 !
      做人最緊要唔好鑽牛角尖 !

      刪除
    5. 你說得對,不過租金唔影響我,只是看不過眼個班細價收租仔以為自己好醒,同樣同情被SUFFER 的人!
      "自由市場","無人出租",呢兩句我聽得太多了,全部都只是美化傷天害理行為的藉口。。。
      BTW,LISA 姐TEA TIME? 咁得閒既?

      刪除
    6. 我日日都得閒, 本來想去熨衫, 但同你講緊又睇下新聞咁XD !

      刪除

各位每個留言,係我繼續9UP動力,必覆。

Related Posts Plugin for WordPress, Blogger...