小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年8月26日 星期三

換馬行動 + 身邊的股蟹

一連兩日都有出文, 其實好少有.

各位留言是給我寫落去的最大動力!

不過此BLOG 股票組合一有變動, 便會出文...

今日做左一個換馬動作,如下圖:


結果,就咁同交行講BYEBYE!其實早D換,可換股數更多,算吧,最好時機錯過左。

如果兩行差價變大,我呢個行動就豬左喇!

現在全部都係建行,因為息高而派息率低最差係佢減派息,同埋人仔貶值!咪住,係咁貶會無人同你玩架,下馬威就夠。學高人話齋"IT IS OUR CURRENCY BUT IS YOUR PROBLEM!

小弟亦同時部署下一部行動,就係動用槓桿!不過唔一定用得成,真係要睇市況,計好哂數,若終極CALL全LOAN,我都有錢去頂,因為家中有女主人是現金牛。。。絕不會再出現2011年小囡剛生時的慘況!

估計兩個人現金加埋有三百萬。(又係個句,每個人/家庭風險承受能力不一樣,切忌死跟!)

又睇下其他人,好多人都有小量現金,究竟會唔會食埋佢地呢注錢先出手?

身邊見到0既,有四人:

1。老婆好友個老公,上月已知買二三線細價股DEEPLY蟹左。唔知佢有冇止蝕啦。

2。今日剪頭髮個髮型師,唔知佢買乜,不過佢話已經清倉唔睇。

3。食開間食店個男伙記,成日問我股票點,原來佢都HI哂野!

4。我老豆個舊同事,而家賣私煙為生0既阿毛,買左幾皮野諗住搵幾百走人,點知又綁死哂。

呢D例子足夠令人恐懼入貨未?

咪住,而家係牛二定熊三?兩個月前D人話係牛三!

如果係上個高位買左,而家溝貨都係無補於事。不如等下佢係咪有終極一跌到萬六。

資金要走0既都走左,要攪攪震0既又少左中國A股市場(你唔怕比人查?),而貨源亦歸邊國家隊中短期都唔會放番出黎。

鱷魚潛得耐都要上水抖下氣,要拉動個市,貨又得咁少,可以點?

當然,我都係9UP,因為我無數據支持,同時亦無技術指標!得啖笑咪算LAW!

兩仔爺齊齊砌...哈哈! 好明顯佢學我,阿仔越黎越過癮!
今晚,阿囡坐係我隔離睇我打PS4!
哈哈。。。希望佢地都能夠學得練精學懶啦!!


最後, 一通排名! 這不是炫耀! 留意, 我0既名次長期係22-27位, 但係最高個幾位先生(唔知係咪都係個幾個人啦, 由最高七千幾萬去到而家四千幾萬, 唔知佢地心情如何? 當然, 可能係唔同人, 七千幾萬果個已經提左錢都未定呢!)
小弟生活鎖事或股票期權小變動,會先係FACEBOOK分享,再行文。
按此LIKE我FB PAGE

35 則留言:

  1. 800000建行!七十兄收建行三十個年
    哇,我目標吖

    回覆刪除
    回覆
    1. 我年紀大,積聚財富早。
      你實快過我。
      Btw, 建行之前入過,所以總數唔止800 手。

      刪除
  2. 回覆
    1. 無。
      如果有,我會放埋其他現金及股票入去

      刪除
  3. 一炮過入80萬股建行,真係超強!
    你仔仔女女大個左,見到70兄係blog出賣佢地,而你自己反而打格仔,會唔會追住你黎打架 :D

    回覆刪除
    回覆
    1. 唔強,只係我老過你。搵錢比你早。
      哈哈,你咁講好攪笑,不過佢地大過左可能google 又好似yahoo 咁放棄經營blogspot.
      時移世易,第時去到web 6.0 就無人寫blog 了。

      刪除
  4. 回覆
    1. 各位, 我用美圖秀秀, 唔用黎執樣, 只用黎打格仔~~~

      刪除
  5. 飛鳥媽昨天真係動昨慢、結果如你口中所講的差價拉闊而豬左

    至於交行換建行、飛鳥全家都有做係1年前的事
    那時2014/8是一換一交行5.96=>建行5.98(還要補少少錢)
    http://aska-flybird.blogspot.hk/2014/08/blog-post.html
    最估唔到之後交行因股改抄高過建行+$0.3-$0.7
    而家回想老兄你的今天轉身動作交行5.9=>建行5.45比小弟高明好多(還賺了10%本去掃多些建行)

    回覆刪除
    回覆
    1. 唔高明了, 今天差價又擴大! 如早一個月轉, 差價仲多!
      不過下一步係買貨(三百多萬), 希望再跌下啦....

      刪除
    2. 手腳慢, 下次落市價盤, 不用煩.
      我從來都唔排價的.

      刪除
  6. 厲害厲害!小弟今日都換左馬入建行。小注入飛。

    回覆刪除
    回覆
    1. 歡迎到訪~~~!
      睇黎好多人持有939.
      星期一出中期業績呀.

      刪除
  7. 厲害厲害,一換就換幾球貨,拍馬都追唔上。

    回覆刪除
    回覆
    1. 幾球連首期都未夠~~~
      收租樓都係買到兩層, 仲要分開兩個名買.
      小小碎股算得係乜?

      刪除
  8. 又是939,大家的口味都很相似噢。

    回覆刪除
    回覆
    1. 大家都睇息率.
      不過各自小心吧, 看看現在渣打, 減派息後, 一遇逆市就即時比人狂洗....

      刪除
  9. 今日買了939x10,000@5.40
    細細注. 不要笑我

    mickey

    回覆刪除
    回覆
    1. 點會笑,我最初都係幾萬咁買。
      我係一代燈神,小心比我搭沉船。

      刪除
  10. 幾球野入貨。 手續費幾多錢?

    回覆刪除
    回覆
    1. 一來一回九千蚊有找。
      一通市價盤兩蚊佣咋,八千幾都係交稅。印花稅。

      刪除
  11. 雖然手續費超吸引,
    但師兄咁大舊錢擺一通放心嗎?

    回覆刪除
  12. 回看番,呢幾日都係升緊,可能一個月後睇仲覺得抵左

    回覆刪除
    回覆
    1. 我係換馬動作, 所以要交銀跌建行升先有SO....一齊升無乜用.
      BTW, 今日已射倉離開一通, 去可以借平錢0既地方.

      刪除
    2. 點睇後市,同埋點解係銀行,而家個金融機構唔覺得係安全

      刪除
    3. 而家風聲鶴淚,乜都可以話唔安全。

      刪除
  13. 70兄,人民幣貶值,而且佢地派息係以人民幣計,那即是變相派息少咗?如果下年再減埋派息,咁就真係饋章。(利申:工行、建行兩隻都有)

    回覆刪除
    回覆
    1. 是的。
      佢一路貶一路相對少派息。
      預計唔會減派,半年業績亦未見倒退

      刪除
  14. 我最近係沽左少少中銀認沽期權,
    等緊再跌先入市。

    回覆刪除
  15. 今次要好小心行事。 來勢凶凶不簡單,多事勿怪!


    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...