租樓分析租務市系列 -- 高槓桿下，無人叫你鎖定利潤?

叫做剛剛病好, 連續低燒左幾日....

童年回憶，仙魔大戰菓子！３００蚊３０包，放係公司慢慢食！

上文提過唔會有人搵我出書，點知真係有，非常受竉若驚。因男主人不能在退休前現真身，同時我會要求女主人要寫埋一份，更重要係我並非投資ＢＬＯＧ根本無人買，只能手痕都要忍。

舊文重溫可看下LINK

租樓分析租務市系列

17/12/2015 <租金樓價進入惡性循環>

20/01/2016 <租客開始可以話事>

19/02/2016 <男女主人的地產經紀>

02/03/3012 <買樓準備? 準備買樓?>

06/04/3012 <租金物價,邊樣減先? 收租仔駛唔駛食?>

又講下我附近D 屋苑價格同成交變化，拿，我絕對唔係專家亦非呢類專業。如果有人寫ＢＬＯＧ為左賺你顧問費，你真係要小心。要知道，任何活動，不論投資、創業、ＡＬＬ屎、做愛均有風險，千祈咪亂信人呀！小弟金句：

＂平坦的不一定是好＂

又黎溫下書，男主人該區，唔計公屋居屋，分四類盤

Ａ近地鐵，再分為Ａ１最近；Ａ２次之，有大單位，更有相連。部份有靚景。

Ｂ分別在三個唔同地方：Ｂ１靚景，方便；Ｂ２偏辟但清幽有靚會所；Ｂ３全區最新

Ｃ比較集中，行去ＭＴＲ要十至十五分鐘算方便，樓齡過三十。Ｃ１全區量最大；Ｃ２有迷你三房套崱。

Ｄ盤量應第二大，唔近ＭＴＲ但巴士方便，樓齡大過男主人。雖完左大維修但依然殘殘舊舊，因唔想出錢結果好多見人地方無整。

兩個小朋友去左愉景新城玩，原來要入場費。老婆話，佢地開心咪得。

剛剛發現有Ｄ盤成交跌穿三球。

雖然中原個租務成交唔會全部成交，我ＣＨＥＣＫ埋美聯，跟本無人租。。。最近果個要數到三月，真係平過兩年前仲要高十幾層。

Ｂ２盤，星期六又去睇。記得上次租個陣，得兩個盤，仲要得一個有得睇（一樓！），另一個盤搵唔到業主。結果唔知點解好彩睇到即日扑鎚攪掂。而家？座向唔太好個Ｄ跟本無人租，同埋因為位置唔適合打工仔番工，租得一係彈性上班，一係唔駛點趕０既人。

呢期Ａ１Ａ２同Ｂ３去得好快。應該係Ｄ人ＵＰＧＲＡＤＥ　租上去？定係原租客傾左減租？

Ｂ盤同Ｄ盤租金相差，得番三四千蚊。即係咁，Ｃ盤係中間真係唔知點好，不過佢因為方便，依然減下就有人要。

好明顯供應多過需求好多。

空租期加長，相對減低租金回報。

以本金三厘ＦＵＬＬ　ＰＡＹ回報計，租金每跌一千，樓價應跌。。。

１０００Ｘ１２／０.０３＝４０萬，未計所有雜費。

如果你五成按，當然回報更高，又另一條式。

唔係想計數，樓價未跟得足租金跌幅，是否因為大家唔肯賣轉哂租？諗住守幾多年？

三十年後，Ｄ盤真係變老人家，話唔埋變成深水步舊樓翻版。

聽魔術師講，佢話有人標榜要三層收租樓先完美。

唔好講笑，三層收租我真係唔夠用。我用Ｄ盤做例子，假設無哂任何ＳＳＤ同壓測，五成按我先買得６層。（１０００／１５０＝６.６７，剩番一球比雜費）

而呢個又假設租到最新個租金，９Ｋ，２厘息３０年。

每層供番５５４４一個月，我得３千幾入袋。已經無計差地租佣金稅項等等。。。六層都係得２萬一個月，邊夠洗？

係，三十年後有人幫我供完，不過呢一刻咪又係要做！到時Ｄ盤係咩樣我地唔知，附近有咩靚野新野更好選擇呢？

呢個時候又會有人講升值！係，有得升就係。咁跌呢？

留意，我係用１０００萬去槓桿一千萬番黎。二千萬資產中有一半係負債。仲要煩簽租約，約睇樓，維修，ＣＨＥＣＫ下六層樓有冇交租等等。

拿，２００９年買故事又如何？當時極低層賣１８０萬。１０００萬可以買１１層。

即而家每月都係得三萬幾一個月。。。（１１Ｘ３４００），都唔夠喎！

不過２００９年女主人才剛創業，男主人都係做左幾年野。。。ＣＡＳＨ少於五球

２００３年買？實夠！！！不過我果陣連十萬都未有喎！

你做到一定係前輩。

後輩，咪聽你講做你ＢＵＦＦＥＲ　ＬＡＷ！

加按整餅，留意班前輩係有賣樓用ＣＡＳＨ填數，有ＲＥＡＬＩＺＥ個利潤架！

邊個教你唔賣齋坐貨咁無陰公！？

最狗賤０既人，唔係乜都唔教你，係教其一不教其二，教其利不教其害！

部份加按未賣樓，仲有得也文也武個班（２００９個班），其實還款額一ｄ都唔細。借９０萬要還３千３。

一般正常打工仔，有幾多個三千三？整餅唔整番三四層點算整餅？

最後，討論區無聊見到有人話收入低打工仔要靠收租樓。係，如果搵兩三萬，每月多三千蚊係幾爽（但自由唔到！），但首期（２０１６要１５０萬，２００９要９０萬）又有幾多較低收入打工仔可以儲得到幾次？

我無話投貨乜野好，不過討厭收租仔當自己係地主，當自己係王道，更過份者當自己識計數。或者，只係付６食中個浪咋。

同買股一樣，如果你舊年年中買股，真係輸得好慘。。。以為渣打高息？哈哈哈。。。得罪講句，當時好多人都吹緊要買！

你睇下而家邊個收租仔會叫人ｒｅａｌｉｚｅ利潤？

好似無！

講多次，我乜七都唔識，好多事，只係心安理得就可以。買股票非唯一資金出路，只係我認為方便我自己，股息收入一年一次又可方便套現。期權？未上到七蚊都唔打算做倉。

近排升市，家庭資產約有千二萬。今年股息平均每月約＄４８ｘｘｘ上有長輩下有小朋友，勉強夠用。

我兩公婆都係公屋長大，一個讀書ｏｋ一個讀書好好，無學壞過聽教聽話地長大。現在，長大了，我們身份也不同。

可能，我地係小心眼收租仔（總有業主是正常的）眼中最怕的。。。

小小生意人！！（有人怕到如上圖！）

你唔賤，正常係唔會玩９你！

下一篇應該係講我如何要下星期還哂輝立Ｄ錢，轉番貨去銀行做ＯＤ。

未完成。。。MG 嫣紅突擊

各位０既留言係我繼續九ＵＰ０既動力！

小弟生活鎖事或股票期權小變動，會先係ＦＡＣＥＢＯＯＫ分享，再行文。按此ＬＩＫＥ我ＦＢ　ＰＡＧＥ