小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年7月5日 星期二

按揭壓力測試計算 (租樓分析租務市系列)

原來兩個月無寫到....

UPDATE 下先,男主人未搬,依然交緊舊租。租約(生約)好似八月先完。

而家住果度盤唔多(又唔係細價樓,又唔係地鐵盤,正常買左只會自住

日本AMAZON買多左三隻RAHDX番來!
分別係RAIN,科,同埋馬茜!

我最鐘意邊隻?梗係中間個隻RAIN啦~~~!G GUNDAM呀!

租樓分析租務市系列


租金有冇上升?B1盤(男主人住果度)有,因為最後得番同一業主0既兩個盤(AGENT話炒完細價再黎買呢度)

區內其他盤?唔覺有升過,不停有貴野放盤就真!

因為A2租盤叫價已經去到B1盤成交價。如A2租盤仲有得傾,B2成左個租金就貴左好多了。留意,A1係近地鐵盤黎,只能夠講,古怪現象,十個有九個都會住A2而非B1

C2盤已經近10K,D盤無成交顯示,相信穿左10K好耐,更可能租唔出。D盤最高時起碼租到13K,WELL,短短一年跌左廿幾%!

無盤之下,AGENT都無乜聲氣。但賣盤依舊!最細個D貼近五球,中等個D貼近七球,最大個D見到有人放1700萬!?其實1200就穩可以買到了。

有時我又怕女主人等得焦急(點知佢定過我喎!)我會提出:"不如你買住先LAW",只因條數有得計!

反正新按揭措施之下

500萬可以按八成,100萬首期月供萬五蚊加埋洗費萬七蚊。依我地能力真係輕鬆無難度。

700萬就煩D,只可以按六成,即係要280萬,要出動男主人D錢,月供又多二三千(因首期多左,供款唔係多太多)。

不過,女主人唔動容喎!其實,從佢D生意同埋觀察到其他人0既消費模式,似乎大家都慳錢中。連男主人炒旦生意都有人話唔黎食,暫列為個別例子,因排住黎食條隊都仲係好長。

壓力測試?月入四萬已夠(平就借得多,貴就借得少,壓測差無幾)。呀,自己公司可能難攪少少,不過好歹都仲係出住糧。

<計下月供幾錢>
http://www.mreferral.com/mortgage-calculator.html

<計下壓力測試人工要幾多>
http://www.mreferral.com/affordability-calculator.html

以年儲一百萬0既男主人黎講,要還呢D錢其實好容易。同樣,100-280萬,簽一個兩年死約,租約完後就儲到了。

(租金支出?只佔股息三分之一咋,仲未駛用到我自己D收入去比。)

以上假想熊一買樓事件,係未動用過男主人千萬股票倉一分一毫,最多用到OD戶口。股息繼續收。

大話怕CAP圖,真係八位數字,有冇見過隊長等人SHOW樓契?

唔好話錢,連男主人擔保都唔需要,女主人一個0既入息(報稅計)已經夠有突。

不過,女主人竟然話等樓價跌唔好買住。哈哈哈~~~

話說,學校每個月生日會,個囡都著公主風。可能好多同學開始跟風,今次係個囡0既生日月,改行著美戰(美少女戰士)LOOK!奇兵之術,是男主人一向作風。(最近一次係朗誦比賽,結果衰左的。)


背影有冇初戀感覺?

而家呢個位,真係進可攻退可守了,只欠簽多一次新租約。眼見要買樓已買哂,收租投資回報已經唔吸引(包括埋升值預期)。而生意繼續有現金流,樓市橫行時間越長對我地越有利,如繼續KEEP住跌,跌5%已經唔止一年租金了!

我講0既呢D500萬樓,上年係賣緊6XX萬,,2007年係2XX萬。

認真,2007年我真係無錢買,至少銀行當年因為我收入來源只可以借七成,不能二按。

十年後,今非昔比,樓價係貴,但我兩公婆搵錢能力及現金增長更多。

講得極端D,男主人千萬股票倉可以OD六百萬出來(年息應可以傾到2.XX厘),女主人剩係出糧單都買得到。(不過還OD還到HI HI便是。)

* OD 戶口全寫OVERDRAFT 戶口,簡單D講就係用股票抵押借錢出來。一般銀行由4-10厘都有,男主人個間有得傾,最平試過3厘唔駛。



最後,補多兩張公仔相!

另,期待真人BLOG聚!為退休前搵多一點朋友,搵多一點興趣。
(可能我戴紙頭盔出現。。。)

各位留言是令我繼續九UP0既動力,必覆!
如有任何頭暈身慶,水土不服,或者約我去街HEHE一番
按此EMAIL 我啦!


34 則留言:

  1. 嘩,你咁多囡囡figures, 女主人真大方。我老婆擺到明唔鍾意我買呢D.

    回覆刪除
    回覆
    1. 高達女ok 的,唔係果d 極度性感就可以了。要經審查啦。

      刪除
    2. 平平地冇所謂,千幾二千一隻的話我會介意。

      刪除
  2. 搞咩自己個女都做埋Figure, 呵呵

    回覆刪除
    回覆
    1. 哈哈,而家淘寶都可以3d 打印做figure 喇。

      刪除
  3. 中信有得傾架咩? 我之前開過 只有頭半年2.xx%

    回覆刪除
    回覆
    1. 我得閒又開番佢先. :)

      刪除
    2. 一球以上, 搵阿客戶經理吹下水.
      佢地成日換人, 有一次有個幾靚女的.

      刪除
  4. 真人BLOG聚, 約你交過朋友, 賞唔賞面?

    回覆刪除
    回覆
    1. 我都是被add 的,等攪手出現問下佢先。

      刪除
    2. 我個pat pat 仲係處, 單獨我驚驚~~~
      你約到一group 人我就會出現了~~~~

      刪除
    3. 想太多 XD.
      我約埋止凡, 你出來嗎?

      刪除
    4. 太好了,東昇兄,麻煩你了,哈哈。

      刪除
  5. 森而囡囡都有套粉紅色,好hit.

    回覆刪除
    回覆
    1. 上身粉紅定下身粉紅?
      正喎。買埋個頭飾。

      刪除
  6. 如果我用一千萬買股票, 我只敢買中電港鐵領展煤氣等公用股, 有時都幾佩服你的勇氣, 3988中國銀行, 十年前係三蚊, 十年後又係三蚊, 有時都幾令人無引.....

    回覆刪除
    回覆
    1. 唔升,先有機會比你keep 住買。
      以前盈利又三蚊,而家盈利好左,不良野又散左,又係三蚊。
      睇你點諗。
      五蚊買就慘慘豬喇

      刪除
    2. 今天建行又爆上啦,弓起弓起,連女主人啲貨都上水唔使燈。自己前日5.1到換1/3去工行,建行即爆上,算幾燈,都讚吓自己堅持嗰2/3先!

      刪除
  7. 睇到「背影有冇初戀感覺?」呢句時,馬上諗起張柏芝,笑左出黎。

    我外甥女前年5歲果時係外國番香港度假,我播美少女戰士俾佢睇,結果佢有一晚睇到發惡夢……哈哈。

    回覆刪除
    回覆
    1. Yes. 就係講緊喜劇之王果一個位,終於有人領會到了!

      你播溫情果段比佢睇,唔好播打怪個段啦。

      刪除
  8. 呵呵70後兄既囡囡實在太可愛,一定大把人爭做契爸契媽=P

    近期咁多chain stores執笠,經濟樓市應繼續向下行中,唔心急的可再到時執死雞呢!

    回覆刪除
    回覆
    1. 認真,係無人做。
      因為要做的話,我肯定要跟足傳統過契規矩,唔可以講下就算。玩得好認真架。

      Chain store 好多由旺區搬去靜區,收租個d 見預期租金無得升,價又唔升,仲衰過ibond,仲唔較低d 個價放盤咩。

      刪除
    2. 我見好多couples自己唔生B ~ 心血來潮就成日痴住人地既囝囡玩自拍、扮契爸/媽。

      認同你講上契要認真,話哂自己心肝寶貝嚟㗎嘛!

      刪除
    3. 係, 我唔鐘意兒戲式的認親認戚,太多港豬求求其其。跟足上契過程我便OK。

      刪除
  9. 其實有一球美金現金 又會用到借貸買貨
    70後兄有冇去搵過pb 好似做到2厘樓下
    反正你成日去銀行 順便囉

    回覆刪除
    回覆
    1. 求介紹下邊間好用?因我全得股票,佢未睬我的,因為唔想係咩大客又似無幫襯。

      刪除
  10. 紙頭盔0甘funny?
    老麥外賣袋就得啦。。呵呵。。

    回覆刪除
    回覆
    1. 咁求其, 邊有人比面?
      我做好左個紙頭盔啦一早~

      刪除
    2. 好明顯你唔係 sell外表0架啦

      呵呵。。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...