<股票射倉有$2000回贈,中信射倉去中銀!>
若覺得此文有用,請FB分享一下啦
結果三個月後,我張中銀信用卡的確係多左三千蚊(之前以為2000,原來EMAIL特選客戶係3000!)。
但係我又發現,中銀射倉異常地貴!貴得離奇!真係好搵過打劫。
賣左佢?手續費更高。一般銀行都係咁上下。
以下只係估算,並非實際收費,計錯數我唔負責,有疑問梗係去銀行/證券行問啦。
除CITIBANK,HSBC及渣打外,我全部都做過射倉,包括射入射出。親身經歷。
射黎做乜?原因有二。
一為作股票期權備兌,屬早期操作。二為避股息收費,五十萬股息,收費可以差二三千蚊!條氣唔順多過貪圖雞水。
留意本文文章日期,可能他日費用會變呀!
以250手建行(現價5.83),總值約145萬為例,經SI射去其他銀行/證行(並非提取實物股票),一般轉入都唔駛錢,以下只列出轉出成本!
<一通證券>
由一通射倉走,即1450000*0。00002+30=$59
賣出至少四位數字(雖然只係5蚊佣,但港交所個D費用不能避免。)
<致富證券>
由致富射倉走即250手*5=$1250<$400
好彩有最高收費。再多都只係$400。
<輝立證券>
由輝立射倉走,即1450000*0。0001+200=$345
個兩舊水手續費比得好唔抵。不過好過賣出!女主人用輝立,計過條數股票買賣費用同銀行有得FIGHT!不如放係銀行吧!
<中信銀行國際>
由中信射倉走,即1450000*0。00002=$29
你估佢唔到,射倉用中信銀行最平!我用過再CHECK過月結單,真係無計錯!
真心講句,咁多間銀行,我覺得最好招呼係佢地!可惜,我要轉戶口了。
<CITIBANK>
由CITIBANK射倉走,我無用過,不過字面睇就係$300
<渣打銀行>
<匯豐銀行 HSBC>
250手*5=$1250!
渣打多一蚊輸入費,認真無奈。
四位數已經唔算平,不過沒有太貴,只有更貴,睇埋下面中銀射倉再講
<中銀香港>
由中銀射倉走,很肯定數一數二咁貴,至少係上面兩間銀行0既DOUBLE!
每手$10!我同職員CONFIRM過,真係好難接受。
250手*10,即係$2500,仲無最高收費!!幾年前我都射過倉,果陣股唔多,都要成千幾蚊!
即係最抵係中信同一通(就係我呢幾年互相射倉0既銀行),幾百蚊0既有輝立,致富,CITIBANK。最貴係四位數字0既中銀!
即係話,我個3000蚊回贈,實際得500蚊!
當然,如果你轉一手大銀碼個D股票,例如新地,咁又另計啦~!
若覺得此文有用,請FB分享一下啦
我親身些緊匯豐轉citi,收費要逐手計,呢個時候就會感覺到那些大銀碼一手股票的優點
回覆刪除我比你更糟...要經歷雙倍...BOCHK 掠水!
刪除DBS 一次性收$300 唔理幾多手。
回覆刪除即係同渣打,HSBC 一樣。
刪除謝謝告知
幾年前開始,中銀提倉由5元一手變10元,最低消費由30變100,我已經吾再用佢既證券服務。好搶錢。
回覆刪除bigtiger
以前手數少唔係好覺。
刪除而家少數怕長計佢仲要double 左。
最慘係無最高收費。
謝70兄分享!bookmark定先~雖然我仍未試過射倉。
回覆刪除其實好多人都不用射黎射去, 我太無聊咋.
刪除謝謝分享!森而用緊間凱基每隻股票100蚊,但而家個倉太少貨,射都費事射,等佢自然賣出!
回覆刪除抵喎, 射去去做期權COVER
刪除想比個like你!
回覆刪除可惜池某唔用FB。 XD
你的留言已是我的動力~~~~
刪除哈哈哈
咁睇.一通,中信亙射最抵.
回覆刪除無錯,我以前就係兩間互射。
刪除一通買完射去中信。
以前試過HSBC射去渣打,幾錢已經唔記得
回覆刪除最近打算去耀才開個户口,再射去耀才
70兄有冇用過耀才,有冇意見邊間證券行比較好,一通唔考慮,因為冇apps。
有用過,本諗住做OPTION,點知佢要求按金程度非常離譜,結果開完戶再取消左。
刪除多謝意見,最後選擇左致富
刪除70兄,我而家用一通同中央結算互射。基本上一通收$30,中央結算每次收$10左右。
回覆刪除兩面都可以網上做射倉,權倉都係在一通。
係。不過銀行射去中央結算一樣要錢。
刪除中央結算係勁抵。
所以我而家股票都唔放在銀行,放中央結算一定安全。
刪除而且證劵行射中央結算會比射銀行平
作者已經移除這則留言。
回覆刪除請問有試過由一通射倉至IB嗎? 請問所需資料是什麼? IB的交易者編號是什麼?
回覆刪除無。
刪除中銀射ib才有。一樣做法。
CCASS 號碼,打去問ib 吧。
本帖最後由 hello1972 於 17-3-28 10:43 編輯
回覆刪除由恒生射倉去其他行
200手居然收我1500
$7.5一手無上限
以後唔會再用恒生了
嘩, 如果係內銀, 閒閒地3,5,700手...好貴呢!
刪除中信而家提走要收$5手,最低收費$100,有無其他銀行介紹
回覆刪除比特币的投资价值
回覆刪除得到 全球的肯定
比特币正在改变资金的存储、使用和接收方式,作为世界上第一个开源的支付网络,它正在推动金融和商业应用的创新。
師兄你好, 因未接觸過射倉, 想問吓"避股息收費", 意思是選一間證券行收股息費較少, 還是有其他意思? 希望可以指引
回覆刪除