小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年2月21日 星期二

阻人攪野燒春袋,毁人夢想判幾多?

全城熱論前特首判刑,當中真係有罪有幾多?兩個背後party對憾最後就個倒下?

雙曾被培養左咁多年,竟然繼承唔到,比件689頂住,忍你四年玩謝你,今次又選唔選到?

真係無為而治,定係無人知之下已經治左?

當年霸權可以休養生息,全身而退,再而屠宰港豬,背後有幾多錢銀權力瓜葛?

當然,要統戰0既另一party又有佢地謀算,無論邊邊選出,一樣係有損失。

講番正題,判幾多我識條鐵咩!?



不過,佢在位間,究竟磨滅多少後生仔心智?拆散幾多無物質support0既情侶?有幾多水鬼升城隍?人與人之間階級之分,是否只有資產或有樓?

眾生皆平等,人無分貴賤(雖然我只部份同意),除政見外,有幾多年青人本來是白紙,最後迫上梁山變黃絲?

最憎D錢又唔係多,以為自己住三四線私樓,四球都唔夠,當自己大爺。


老董下台後,誰人政策傾斜某年齡層?

如果我要將佢判一個期限,我認為是,二千年,分代執行,包括其子孫老婆。

每次換人,都留少少蘇州屎,689又有冇?

服務香港無悔?究竟選擇性服務係咪真係服務?

THEATING EQUAL UNEQUAL。

樓價升跌,其實同我無關。成日講工作收入增長快過樓價,資產收息已可交租或供樓。

小弟出身時,正值老董做特首,當年根本經濟唔好,佢點都救唔到(同689現在救唔到樓價一樣),當時租金好平,我拍檔租金只係4000/月。

當時真係好好機會比年輕的我同埋被裁員的我拍檔去START UP!經濟唔好真係唔好?當你唔穩定,去思考人生如何走,無固定道路才是你的道路!

現在,一畢業就想要份穩定收入(但又唔係高),目標係上車買樓再買收租樓!做多幾年,個人定左,想甩左份工又唔得,談什麼理想?

我其實生活得都算慳,個班老屎忽成日鬧年青人唔儲錢,成日去旅行,FINE DINNING,其實年青一輩0既野,你識條鐵咩?


小女肚痛,持續兩個月,逢星期日痛。
半夜入急症,唔入私家,政府D DIAGNOSIS好好多!
最後咩事?便秘!!!頂。。。(星期六日係爺爺家唔all杘!)

生活態度同住屋,何解不可兩者兼得?住屋是生活必需,何必要燃燒人生同夢想去換?

如同宗教,政見,興趣一樣,潮流製造狂熱,狂熱變成迷信。

有人篤信收租是成功之道(無錯,時機正確的話),夢想不能當飯食,創業風險大(其實不大),租樓日日蝕(哈),當你講成功例子時,或許會被人秒回"咁你有幾多層收租樓?"

住屋問題非男主人面對問題,反而後繼者自毁夢想才最令人氣憤。

阻人攪野燒春袋,毁人夢想判幾多?雙曾報應,應不止於此。

37 則留言:

  1. 其實年輕人不滿, 有他們的理由, 個社會問題導致他們不滿. 而他們不滿會形成更多社會問題, 當中因果不是單向而是多向, 因果很難說清楚.

    一個社會中, 年輕人冇錢, 唔係大問題, 但若全部年輕人都沒有自己理想, 會在將來演變成更大的問題

    回覆刪除
    回覆
    1. 所以有句野,窮得只剩下錢,唔會窮得只剩下理想。
      雖然理想唔可以當飯食,但靠著理想搵到成公司人都有飯食0既例子卻很多。

      刪除
  2. 時勢真係影響創業,當年我06年畢業,工搵人多過人搵工,未踏出學校門口已經有公司請,點會諗創業。不過我當時都未興一畢業就想買樓,平實好多。

    回覆刪除
    回覆
    1. 06 年溝女都未駛要用收租樓。
      工搵人既時代,我未遇過,只有求職信有去無回。

      刪除
    2. 池某老餅啲,還經歷過工搶人的年代,2000年。

      刪除
    3. 我遲你一年, 已經係人搶工. 有同學仲走去私人機構做義工博好感...

      刪除
  3. 老實講我覺得老曾只係貪小便宜, 可能同佢出身有關, 但同貪官兩個字真係扯不上..睇下流打埠就知咩先係貪官 :P

    回覆刪除
    回覆
    1. 唔貪都懶。
      乜都唔做,公墓員特色呢。
      曾俊華上左,又係乜都唔駛做,不停話研究緊耍太極攪掂。

      刪除
  4. 今次難得同你諗法類同! 三個特首裡面, 我覺得最仆街就係貪曾! 老董有遠見推八萬五, 可惜衰在撞正金融風暴, 而此政策影響太多既得利益者, 八萬五呢個德政只好作罷! 689 也有心解決樓市問題, 可惜有心無力, 點解? 賣地到賣樓, 生地變熟地唔係一兩年可以促成既一件事, 係要有長遠規劃! 就係貪曾呢條仆街咩都唔做, 地唔賣, 樓唔起, 加上股市不濟, 熱錢湧港炒起個樓市 ... 但最不解係貪曾响港英政府下做咗咁多年高官, 一啲廉潔一啲政治智慧都學唔到, 貪啲小便宜搞到自己臨老過唔到世, 我只能講係佢自己攞黎, 與人無尤!

    70後咸魚A

    回覆刪除
    回覆
    1. 咸魚老兄, 我地常常有不同意見? 我又唔覺喎.
      不過, 雙曾乜都唔做, 就已經係罪大惡極.

      刪除
    2. 咸魚老兄, 我地常常有不同意見? 我又唔覺喎 >> 可能我講得唔好 ... 普遍啲人唔係咁憎貪曾, 覺得佢都唔差呀, 鬧都係鬧 689, 難得你睇法同我一樣咁解啫 !

      刪除
    3. 解釋左市民挑剔, 公墓員不做不錯有職升.
      我一向唔太贊成升公務員...
      當初我都話689想做特首,狼子野心. 上左任至少真係有做野, 不論好定唔好.

      刪除
  5. 而家個個後生仔一畢業就想做政府工 可見呢個城市的未來係幾咁悲哀....

    回覆刪除
    回覆
    1. 其實我當年畢業(2001)都好多人想做政府工, 不過政府工唔請人咋.
      我仲比我初戀情人推去考入境處13K起薪個D 小角色...好彩我一下引體上升都做唔到.

      刪除
  6. 香港只適合比生意人CAP水,後生仔創業真係唔容易,希望大家多啲幫襯下本土年青生意人。

    回覆刪除
    回覆
    1. 後生仔都可以創業.
      我當年也是後生仔~!
      唔駛特登幫0既, 係好0既就會成功.
      成功唔需要憐憫, 好的話, 不論老幼, 仆到黎幫襯...

      刪除
  7. 有時我會諗,假若香港樓市從來冇癲到宜家哩個地步,唔會搞到人人以為有樓有高潮,係咪就等於有更多機會,或者話更適合土壤比千禧世代追求夢想呢?

    回覆刪除
    回覆
    1. 夢唔夢想一件事, 至少選擇一定比現在多, 自由度亦高好多.

      刪除
  8. 依家喺香港地,有年輕人直情以“無夢想”作為寫作重心,喺FB開group仲勁多like𠻹~

    回覆刪除
  9. 多謝70兄分享! 此事此局, 不易拆解!

    回覆刪除
    回覆
    1. 係, 每一代特首都面對唔同問題, 只有曾蔭X 佢乜都唔做扮有做野.

      刪除
  10. 老曾最真心膠就係串港人: 香港人真係好奇怪,樓平個時,冇人買。而家貴左好多,就一大班人爭住話要買樓。

    回覆刪除
    回覆
    1. 如果果樣野係模型, 手袋, 咁我又覺得佢MAKE SENSE.
      住屋如糧食如食水, 比佢咁樣玩法, 流血革命, 殺老人收租仔, 遲早的事.

      刪除
  11. 真係好開心七十後兄咁支持年青人。
    仲要唔係得把口講吓嗰隻,成日出文教精我地點樣打低老屎忽。
    唉,不過家母都老一輩心態,係想我乖乖地捱吓,第時做收租仔。

    回覆刪除
    回覆
    1. 不要介意, 上一輩好多成功的, 都唔駛捱.

      現在捱出頭的老人投資者, 其實只係財富複式效應.

      刪除
  12. 佢直頭立法禁左我果行,真係毀我夢想。佢自食其果係自己種既因

    回覆刪除
  13. 特首入面,老董就最唔好彩, 又金融風暴又Sars,結果d政策推行唔到黯淡落台。貪曾係最好彩,sars中央見香港瓜得咁濟就開放自由行救返起d經濟,貪曾由低基數做,自然增長得好,當經濟唔好自然無咁多人攪政治野,社會無咁亂。不過條友痴埋地產商度,用盡政策推高樓價,結果收場如此真係抵死。

    回覆刪除
  14. 版主為何會有富多來管理處的通告? 莫非版主也住此區?

    回覆刪除
  15. 阿囡終於打格仔

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...