小女表演 PRE睇樓記

有感工作及投資已追到樓價有突，口痕叫女主人ＷＨＡＴＳＡＰＰ　下ＡＧＥＮＴ，反正無成本。

小弟目標屋盤少，０岩心口得一個，夾硬叫ＯＫ得一個。其他面積細ＤＤ０既三房，有三四個。已經係成個屋苑０既盤源。

結果女主人又唔聽清楚我講，我有兩不睇：

１有人住個Ｄ廢事睇

２唔係目標個Ｄ唔睇。

唔係目標唔睇，最重要，無謂比ＡＧＥＮＴ用黎扮有客。基本上我同女主睇所有房型都睇過，唔０岩又唔會買。

住緊人個Ｄ，唔荒係賣，試價唔好煩我，遇過黑面神，買野都要受氣？（其實我都唔係買，哈）

剩番一個目標，叫價１５００萬，已經可以買別區同呎數五年內新樓，咪玩。其實可以睇，反正鎖匙盤都係ＡＧＥＮＴ　過黎，不過女主人唔想煩到人，就此由佢。

買唔買樓，真係睇下有幾多錢。

準備梗係要有，例如要加自己人工（過壓測）。

上圖樓價大左十倍，懶得修改，請自行除十。謝謝匿名兄指正～～～

都係計下要幾多現金首期先，如果以一月份結算計，女主人只能買８００萬０既樓，即係目標外個Ｄ。

如以２０１７年八月份結算計，應該可以買到１０００萬。

所以，佢升定跌，其實我都應付到。不過，我都係鐘意租，睇住資產越跑越遠，原來呢一刻小弟已經唔駛做。。。

另，天氣轉變，男主人成日想訓唔想郁，少左出文。

難得見股市升，一般ＢＬＯＧＧＥＲ不論老幼都無人ＧＯＧＯＧＯ，意味大家都未沽貨又未買貨？

我就靜待建行業績，若佢掂到七蚊，可能做少少期權吧。

策略不變，八蚊可待沽，十蚊即走頭也不如。

人生除左錢，仲有更多好玩０既事情吧，星期六日同老婆係屋企講下笑睇下垃圾電影都好開心。小朋友練習表演都好開心，咁大個台，問佢驚唔驚，真係初生之犢。。。

小女就係最右，打鐵片琴果個。
條片好似desktop 才看到，手機唔得。

呢個係唔知咩鬼儒釋道學會攪０既，做馬做到暈，Ｄ獎都係比番Ｄ圓玄幼稚園，有相同宗教０既學校。最不值０既唔係學生苦練，反而係各老師用左自己寶貴ＬＵＮＣＨ　ＴＩＭＥ　同休息時間０既排練。

作為家長０既，過程中睇住個女無因為難，無因為夾唔到同學甩哂０既拍子而放棄，已經係一大得著。

有時堅持比人當係傻仔，但係人生係自己０既，堅持到最後，即使未必全對，總好過迷失自己吧？

最後，剛剛星期五，我再次開番支噴槍了。梗多０既錢，都唔及砌模型帶來０既樂趣，所以我永遠唔會明點解有人會當睇收租樓係興趣，是否人生意義只止於此？