小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年5月8日 星期一

家庭開支與現金流 我可以唔撈嗎28

見塘人兄講左幾篇現金流例子,我又口痕UP下。。。

(另,感各位支持,GOOGLE ADSENSE已足夠第一次捐款!!真係好大鼓舞!再夠數再捐!謝謝各位。條數要下月先收到,到時立即捐左佢,放張收據上來,呢幾百蚊廣告費,仲難仲耐過小弟搵一百萬。。。)

昇輝模型代理 SD武者BB戰士深紅騎士樹脂模型GK改件
砌後感在文末

其實小弟現金流最主力都係工作,你話係工作又得,係生意又得。

正因親力親為,手停口停。

搵人做?我又唔想假手於人,炒旦同搓面一樣,比第二個去做,一定食得出唔同味道~~!

至於被動現金流,以前係股市獲利,期權金而已。

現在變左食息派,因小弟唔識買個股(唔好笑我),而早幾年收入升得勁,不如主力工作好過啦,又有成功感,又有存在感,又唔駛受氣,去邊度搵?

講番正題,有人計過某ECON書作者,每月比得八千蚊長輩。。。真係心酸。不過作者真係作者,都仲可以上報紙講財經叫人買乜買物。。。

男主人四大長老,以一年計,已經係佢四倍。(新年DOUBLE PAY)

男主人父母都到左生果金年紀,又得閒去下議員蛇齋餅種旅行,又玩下兩個孫,算係咁卦。睇醫生呢,老人家條隊唔知係咪快D,早幾年老豆標靶治療現已好番仲定期有檢血檢查。

真係要咁多錢去財自?怕老來無依?我睇唔透。可能我地呢一代,無公屋就要有一層自住而已,真正夠唔夠駛實在太多變數,而夠駛又未必幸福。

實數唔講啦,計個四捨五入,四大長老3萬蚊。
租金係兩萬內,不過女主人成日想換大D,兩萬五應幾夠。(一千萬樓,都係供萬八,連埋差管地都係25K)

小朋友,預佢每人四千。我地唔玩鬥讀書遊戲,得就得唔得就算,大不了一砲過出國讀,好過長期鬥爭。

女主人話,佢一個月駛15K已好夠。當住我都要15K啦。(我一個月都唔知用唔用到咁多。。。五百蚊一日)

即係話,一個月要93000,計埋有工人(其實無),齊頭十萬。

即係一年要有120萬股息先得。(其實我計過,如我兩公婆縮減少少自己開支,住屋維持現狀,年股息要80萬左右)

其實條數已經計得好鬆動。

******

又計下唔做野現金流。REITS,BONDS,優先股,建行(佔我一半倉),一共加埋可有年息126萬,未計女主人及男主人(CAD資產)合計410萬,呢筆錢可投資又可買樓(高追?其實主動收入快過樓價升幅呢。。。)

女主人生意條數上月破左歷年紀錄,不過今月似乎好多黑仔野。反而男主人就好固定,因為我揀客!

******

退唔退?儲多少少錢先算吧,反正我又鐘意我0既工作,鋪頭租約又未完(如果加鋪租,我每隻旦加少少價已經追番有突!因為旦數多又唔太影響食客,極其屈機。),相反女主人就難預料一點,不過都係個句,佢做到咪做,不用比壓力自己。

其實鋪租今年十二月就完,想繼續炒旦,除非有突發事故(例如建行升到十蚊八蚊,或者鋪租加一倍)。預計年底十二月兩公婆流動資產已達六百多萬,可以full pay住緊個度,收住息逍遙自在無難度。

*****

最後,點解講咁多呢d野?都係blog友們啟發。

我十年前發現主動收入持續可以四十歲前唔駛撈,上網睇下有冇類似,竟然無,大部份都係未自由係度講,一係就老到一個點0既老人,完全無idea幫到我做預備。所以先寫呢個blog。

同樣,唔係哂身家,R兄話,有血有肉荷槍實彈最好睇。希望有能力相似或比例上相似0既人可以遇知音,我十年前搵唔到,希望十年後有人搵到我。

我又問過,有冇懷疑我係九UP老吹(早知吹我哈佛畢業,收幾個徒弟跟我學做生意啦!),原來BLOG友們都係懷疑D感情事係咪老作!哈哈哈哈~~~


洗件洗得唔乾淨。。。搣左膠紙連油排出。迫住手油好多地方。唉,失敗之作。。。

35 則留言:

  1. //原來BLOG友們都係懷疑D感情事係咪老作
    你再寫detail o的,就可以釋疑了。

    回覆刪除
    回覆
    1. Hahaha...過去既事,唔可以記得太多。
      會招殺生之禍。

      刪除
  2. 126萬年息 好多選擇了。

    支持池兄,七十後兄寫多d 感情事就可以釋疑了。

    回覆刪除
    回覆
    1. 慳慳地,一半股息都夠洗的。
      所以其實計得好鬆。

      刪除
  3. 大家都是七十後,是您財務自由好羨慕

    回覆刪除
    回覆
    1. 努力吧,幸福生活不止是錢。
      香港地也不是鬥快財自遊戲呢。
      仔女福遠比金錢多少來得更有意義。

      刪除
    2. 同意呀! 家下個個只係以講 "財自", "幾多幾多資產", "買樓", 永遠好似只係同錢掛帥, 真係冇第二啲野可以講 !? 我覺得搵一條適合行既路 (工作也好, 投資也好), 過一啲自己開心既生活, 遠遠比無止境咁追求財富黎得有意義!

      70後咸魚A

      刪除
    3. 咸魚A兄講野好有共鳴呢。
      財自唔係小弟刻意去做到,只係知道遲早有呢一日(收入與支出不相稱)。
      反而結婚生仔年長後,有更多問題想去了解去研究就真。

      人生苦短,好多人未搵到好方法已老去。。。

      刪除
  4. 難得blog 主可以給這麼多家用...我四萬頭,我個邊都是8000家用,另一面幫下手交公屋租。還未處理好IB 帳號保障問題(一系短短地租大陸屋, 一系就澳門)

    回覆刪除
    回覆
    1. 我自己做安全行業, 風險可以避得就避,減得就減。最衰IB(HK)無美股保障...(不知美債券有無拉)

      刪除
    2. 有公屋已經慳番唔少。
      家用一來看心意,二來看能力,三來看需要。
      上面講既econ書作者係上左岸0既人,比得8000 真係差左少少,勿誤會。

      刪除
  5. 多謝70兄無私分享, 我已經爬晒你你個blog, 見到70兄收咁多息真係好開心,我會努力學習.
    想問下借貸幾多你會覺得安全?因為我未試過借咁多錢,但又要借好多先滾到咁多股息, 心理上點平衡?

    回覆刪除
    回覆
    1. 應該好難爬得哂成個blog, 太多灌水文章,哈。
      如果怕,咪借一成半成試下,唔對路或者升左,賣左佢還錢就ok.
      都係個句,要注意自身風險承擔能力呢。

      刪除
    2. 多謝70兄,
      我諗我點都睇咗大部分,連comment都睇晒.
      我仲開埋ib 戶口, 當你借咗好多既時候真係一d都唔驚? 我見你借得好利害, 但咁樣先搵到食. 而家你既借貸比率多咗定小咗?

      刪除
    3. 我份小生意係十幾年前,已經估計個LIFESPAN好短,只係做下做下又一年,咁都未沒落仲有得上升,多得經濟好左同埋收租仔錢多左。
      所以,唔係好識驚,不過出事就大獲!(唔識死,但係都會死架MA)

      刪除
    4. 睇完K&J既comments好有共鳴,我都係第一次借margin, 剛剛才開左IB account, 我又係睇左七十後兄大部分既blogs(感情事果d確實好搞笑,不妨share多d), 連comments都睇哂,我計過條數,又真係要借得多先搵到食,真係幾大心理關口,而家都仲計緊條數。

      另外,我見七十後兄會買callable bonds, 有些人唔建議買,其實我用market scanner 黎搵,如果係non-callable bonds,真係無咩好揀,而我見到有幾隻幾好既callable bonds 會係6月份某日call, 其實呢種情況係咪表示6月某日會call bonds, 無論我願唔願意都要比佢call? 咁近日子就call係咪唔應該買呢?謝賜教!
      Man man

      刪除
    5. 會CALL既BOND通常有CALL PRICE,如果唔係AT PAR 100,有機會有SO 0既。
      同埋未必一定會CALL,如果會CALL,你走唔甩。
      我都係試下試下,真實情況建議自己搵搵或睇下佢發行個陣出0既文件。我就無咁好心機了。

      刪除
    6. 咁其實callable bonds都值得買喎,大前題係計下條數有無賺,我又學到野啦,多謝七十後兄!
      Man man

      刪除
  6. 長老家用,你算比得幾多,我得你一半。
    相反保險等開支,就佔我家庭開支一個幾大的部份。

    回覆刪除
    回覆
    1. 保險我無同小朋友買,等佢地大個自己買。
      同埋我有小小小小醫療知識,入公立好定入私院好,要睇情況而定。
      (我外母五十歲財自左,因為我地支持佢,所以家用多DD。)

      刪除
  7. 70兄,小朋友洗費可能會隨時間慢慢加?小女洗費其實多過我同老婆。最窩心果句就係手停口停。人愈大愈怕。雖然份工我好鍾意。所以好努力希望未來兩年攪掂passive income呢樣嘢。
    支持70兄寫多d感情事! 我隻PG mark 2 都未得閒砌。

    回覆刪除
    回覆
    1. 其實仲有四大長老嘅醫療開支,都唔知點計同準備。

      刪除
    2. WAWA兄你好,
      仔女最貴都係學野,到時再算。
      其實早幾年已夠基本洗費,個人安心好多,老婆知道即使唔做,慳D都唔怕,幾理想~

      刪除
  8. 30多達到財自,真的是萬中無一呢,70兄是楷模

    Allen.Ma

    回覆刪除
    回覆
    1. 我估有好多人,只係無乜人寫BLOG講出黎0者。
      比我更早達到0既人多的事,只能夠說,我D高達多過佢地。哈哈。

      刪除
  9. 七十兄,你講嘅我信哂㗎,我諗唔到點解你要九吹。

    回覆刪除
    回覆
    1. 其實我終極目的係儲夠人氣之後開班。。。砌模型。

      刪除
  10. 70後兄,想問下你放咁多錢落IB呢個platform, 有冇擔心過呢間公司出問題會唔會拎唔返錢?我都好想用IB買bonds同利用佢個低息做摃捍,只係唔知呢間公司穩唔穩陣,所以遲遲未行動。

    回覆刪除
    回覆
    1. 如果咁懷疑,梗係唔好用佢啦,我又唔係一定講得0岩,都唔好信得咁足。

      刪除
  11. 好勁, 大將之風. 數目清楚列晒.

    跟一些市場上的老師不同, 沒有真名, 自稱什麼創投人 (小弟未見過美國silicon valley創投人係完全唔講自己曾創既企業名稱, 卻只會不停講財自財自), 而股票類老師, 最勁就係升緊就話價值回歸, 跌緊就話好股不怕長持.

    回覆刪除
    回覆
    1. 哈哈, 我0既目標唔係教人, 係想比相似0既人SEARCH 到, 同埋希望後生仔追夢.

      刪除
  12. 70兄可以來一個這幾年內的股息圖表, 好像有段時間是突然暴增的

    回覆刪除
  13. 我都係70後,打公仔一個,有頭家覺得自己好窮,好多消費都唔敢,睇到你個blog 明白到現金流重要性,佩服你和太太的生意都很賺錢噢,投資亦有道

    回覆刪除
    回覆
    1. 梗係啦, 一頭家已經係一個好好0既資產!
      有家人比有錢更好, 唔少有錢毒J 生活過得好苦悶架.

      生意賺錢, 只是比打工好一點而已, 各有前因呢.

      投資, 我都係亂黎或者抄人咋.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...