小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年8月18日 星期五

自立六年 男主人工作

我記得,當年同拍檔拆伙,個女得半歲。

剛剛個女過左六歲生日,小弟過多幾日都生日了。



自立五年幾六年,相比離開之時,收入多左四倍。原因?自己野緊張D之餘,都有破釜沈舟人心態,搵得幾多得幾多啦。

阿拍檔網誌中偶有提及,剛剛發現佢已經搬左鋪

空間細左好多,得番三分一,唔知係佢覺得佢用唔哂,定係慳皮啦。睇牌面仲無請員工。。。

另外,地點本來係炒旦美食聚居地,但當初我無搬到去果邊,原因係太多同行,我又唔需要宣傳全靠口碑,無乜協同效應。再者,亦怕比同行攪自己

而拍檔新搬果個位,幾年前我睇過,係我未行到去就已經話唔駛睇個D位。唔知點解佢會租果度,實在太失禮。

******

入行十四五年,其實我有師傅的,雖然可能佢覺得佢無教過我D乜,但真真正正帶我入行0既係佢,只知佢現在只做高端客仔(或者咁講,佢做粥粉面大路好多),如果唔係一次交通意外,佢呢個苦讀型牛津碩士當年應該唔會入行。

無心插柳之下,我係有徒弟的(!),上星期約左出黎食飯同埋兩個舊客。佢係做粥粉面,同我無乜衝突。大家對一對BOOKING LIST,原來都有唔少重覆。相對上,佢得一年多經驗,唔敢出黎自立,遇到衰客又無SAY。

原來,雖然我又唔係D咩大食店,不過係呢個小小藍海入面,都算有D地位。最惡劣0既客人都極度比面我,真係唔同行家吹水都唔知。

同老婆生意好唔同,小弟炒旦真係零受氣。再加上老婆一句"做得唔開心唔好做",今年我直頭揀食客揀到出哂面!如果以爬山黎比喻,工作上已經到左山頂好幾年,無得再爬。

企係山頂咁耐,不如搵個時間搵個機會落番黎。

最後,自己恭喜自己,今年又中炒旦界米芝連,已連中四年!!預計下年唔中。。。平常心吧。

*******

睇到專業人士大學同學FB回顧,話而家雖然搵錢無以前多,但而家有AUTONOMY。其實咁多年,人工不進反退,有冇自主權都好,係咪要檢討一下?錢同自主權本身並無衝突,個人實力問題吧。

如果當日我畢業做番本行,可能今時今日我自己都一樣際遇。。。

35 則留言:

  1. 70兄好有實力, 如果連客都比面, 係有料人士的表現. 我爸爸以前也是所有人見到佢都會比足面的.

    回覆刪除
    回覆
    1. 我相信你爸爸偉大好多.

      不論係我大學同學定係POSTGRAD 同學眼中, 我都只係一個銅臭人.

      刪除
  2. 唔洗受氣又搵到錢,正喎。

    回覆刪除
    回覆
    1. 呢D 熱氣小食生意, 長期都唔駛受氣. 除非個師傅自眨身價或者無料, 否則唔駛點受氣.

      有部份仲好串, 吊高黎賣, 咁就係個人品德問題了.

      刪除
  3. 我都睇到嗰個POST,始終響嗰種體制底下,你的仕途就掌握響個老細到,去一去隔離區嗰檔,人地隨時當你係寶,佢都算及時止蝕離場,呢行都仲有唔少人係無限期等待或者已抱放棄心態。
    佢離開左其實都係搵少幾K,但有得跑下步,陪下女,讀下自己鐘意GE書,又係唔錯GE。

    回覆刪除
    回覆
    1. 原來果位同學同你有MUTUAL FRIEND!

      你應該係我同科, 我估係師弟, 之前留言你似細過我, 同埋如果識我真身肯定唔會留言, 對我只有三個可能(不屑/憎恨/葡萄).

      借問聲, 你邊一年畢業?

      刪除
    2. 作者已經移除這則留言。

      刪除
    3. 09 我都係睇睇下覺得似同行ja,一係就隔離

      刪除
    4. 嘩, 我01!
      但我又見你話睇到我同學果個POST, 你識佢? 好似叫SAXXXL

      刪除
    5. 咦?!我嗰個叫THXXXX wo
      不過唔緊要啦~ 睇你啲實習系列都有啲親切感,都覺得係GA LA~

      刪除
    6. 你0岩,我成日撈亂佢地幾個。係thxxxx.
      我大足你八年。

      刪除
    7. 你嗰個年代應該都唔少人無做番本行..

      刪除
    8. 隔離科師弟亂入…世界真細小啊。

      刪除
    9. 當年賣過翻版Adam's anatomy 比2002 年畢業師弟。
      本科賣$20,隔離科賣$30。
      搵左3000蚊。

      刪除
  4. 70兄幾時再收徒弟記住通知小弟 :P

    回覆刪除
    回覆
    1. 哈, 真實情況係, 講出黎只有"車~~~~" 一聲.
      之後一百個理由說服自已搵唔到咁多錢, 然後轉身離去.

      刪除
    2. 搵唔搵到錢,其中一個重要因素係個師父既質素 :P
      70兄應該有質量保證吧?

      刪除
    3. 我諗都同本身性格及有冇 commitment 有關。

      刪除
  5. 又要POST, 又要打格, 暗示自己搵到, 又要BLOG友估你做咩,吹完一輪都係想人地葡萄你, 睇左你個BLOG 好幾年, 零得著, 睇止凡兄同巴黎兄既BLOG 正面又長智...BYEBYE

    回覆刪除
    回覆
    1. 哈哈就男主人post 呢d野你都要葡萄到留個甘既言,不至於吧。

      刪除
  6. 炒旦界米芝連!恭喜晒,實力的表演。

    回覆刪除
    回覆
    1. 行頭窄,係得呢d 機會有得威下,間接幫自己賣廣告。
      每年我都好期待。

      刪除
  7. 恭喜晒 ! 有獎攞 !預祝您生日快樂先 !

    回覆刪除
  8. 其實很多同行真係0財傷概念,唔係因為佢地學唔識,而係呢一行既人普偏對個錢字好敏感,那怕傾一分鐘關於錢既話題都好似沾污了他們崇高的理想般,所以連學也抗拒。但我一直認為,正因看金錢數字絕無意義,才要找到個不用花心神便財自入袋的方法呢。
    btw,話說,我最近都昇職了…哈哈

    回覆刪除
    回覆
    1. 能否八卦問下,升做一級定高級?
      恭喜哂。現金流再創新高。
      我唔知我個年d 同學有冇鄙視金錢,不過我個代連入番本行都難,一份11000起身既入境處雜魚我同我初戀同科女朋友都會去考。。。

      刪除
    2. 一級XD對呢,可以用更快速度去槓杆XD
      原來你初戀都是友科!如果仲做緊有機會合作過呢

      刪除
    3. 年青有為, 勁呀! 溝死女!
      唔好咁快結婚, 揀下先呀~~~
      我0既初戀情人而家應該做緊PRIVATE SECTOR.

      刪除
  9. 炒旦界米芝連XD

    恭喜恭喜!

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...