小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年8月8日 星期二

號外 我老婆可以唔撈嗎?

本來想講 RBS-PRF 呢隻野被贖回,不過今日有件事想分享下。

可能我老婆會比我更快唔撈。。。

原因?係鋪頭技術性問題,佢怕擦邊球會帶來殺身之禍。其實呢個問題一路都存在,不過近期好似有D風聲走左出黎,佢又開始驚。

我又好傻同佢計,佢一年先儲到70萬左右,如果依計行事,佢係我退出後做多兩年,即係四年,身家只係再多280萬。唔算係咩數字。

(註,男主人仲有24個月,即係兩年貨仔,兩年後,應該會退出)

我同佢講,解決到就解決,解決唔到,不如趁鋪租年底到期,執左佢。

做全職媽媽定搵工定再創業?以佢預計十二月時累積到大約410萬,當佢400萬計,買匯控5%息都有16000一個月。如果進取D,做槓桿,預計有30000一個月唔係咩問題,佢自己一個洗乜都夠。

問題係,外母好豬咁比銀行職員昆左買基金,每月6千幾,即係女主人比家用都接近兩萬(仲有男主人比外母0既幾千零用),好彩只係供幾年。不過佢0既選擇相對上令我地0既退休大計無咁果斷。

當然,呢兩年仲有我工作,跟本用人工養起成頭家無難度。反正現收息組合扣除利息支出後都每月有十皮(要計埋建行股息),到我退出之時都夠洗有突。

都係個句,錢銀於我如浮雲,本來無一物,即使身家變零,咪打番工同埋慳D洗。身邊唔少朋友收入唔高,咪一樣生活到而且好快樂。

或者年青時,收入係一個人生指標;到你有左小朋友,收入就唔係指標,係比小朋友生活0既條件。

或者,
為人父母想比最好0既自己仔女,
但最好0既係唔係一定用錢買到?










家姐終一嘗心願,去玩星光樂園機。
另阿爺同細佬兩個好麻甩咁大熱天時去踢籃球。。。

行過書局見有人生累積資產好比大富翁(以錢計,無錯),如果退後一步睇,除左錢,係唔係有第二條路第三條路第四條路?

我知老婆係唔想執左個鋪,不過我都提出,呢個可能係佢人生另一個里程碑!

係佢同年0既同學或者朋友入面,唔少人仲拼搏緊,或者係為子女生活而留在職場拼搏。難得佢嫁左我,而之前事業又累積左D錢,現在急流勇退,已經完勝同年打工女人仔要用老公家用0既全職媽媽。

不如又計下洗費
住屋25000(預鬆D),長老30000。
女主人自己洗自己,男主人15000

加埋70000,未計如有工人,未計小朋友(唔去練十八般武藝,駛得幾多?)

再過多十幾廿年,小朋友都變年青人,變勞動力了。

究竟女主人會否早過我唔撈?我無乜意見,因為。。。

當初叫佢創業0既係我,
而家叫佢唔撈又係我。

54 則留言:

  1. 關鍵係繼續撈的樂趣大還是唔撈的樂趣大,如果繼續撈係憂心大於樂趣,就真係要諗諗了。

    回覆刪除
    回覆
    1. 正解,問題存在左好耐。
      我要佢諗諗風險能否承受。

      刪除
  2. 既然upside咁少,downside搞到殺身之禍咁大,真係無謂搏。少少機會率事件試多幾次之後會中至少一次招gei機會好大,所以寧願一次都唔摶。

    回覆刪除
    回覆
    1. 機率低,至少低過收租仔逃稅或九成出租比人篤。
      但一出事就可能會上身。

      刪除
  3. 既然條數易計就一切由心啦~

    回覆刪除
    回覆
    1. 條數用黎比女主人知道個alternative 真的是alternative, 並不是絕路。

      刪除
  4. 我覺女主人巳經好成功了, 有幾多個人 係呢個年紀有410萬。

    掉番轉得唔得?女主人提早左既二年退休由70後兄補回(即做多四年)

    回覆刪除
    回覆
    1. 其實我無需要補回了。

      410萬話多唔多,收租仔話你知410萬買xxx都未夠。

      但夠自己財自law.

      刪除
  5. "身邊唔少朋友收入唔高,咪一樣生活到而且好快樂。"<--呢句先係重點

    回覆刪除
    回覆
    1. 係,好多兩公婆搵萬幾蚊住居屋,但其實生活好開心。
      只係有錢令慾望增大,又要同人比,先會不知足。

      刪除
  6. 好有同感:
    或者年青時,收入係一個人生指標;到你有左小朋友,收入就唔係指標,係比小朋友生活0既條件。
    但係有小朋友要搵更多…

    回覆刪除
    回覆
    1. 如果接受到唔用錢堆砌日常活動,唔練18般武藝,其實唔駛好多錢。
      當年我地咪又係咁長大。

      刪除
    2. 而家同我地個年代差好遠.我唔駛佢學好多野,只係希望盡量比優質D...

      刪除
    3. 得閒講下你d option 好嗎?

      刪除
    4. 優質唔一定要用錢堆砌,可以好平。
      呢幾年都無玩港股期權了。

      刪除
  7. 只要計到數,開心最緊要。

    回覆刪除
  8. 可以做自己想做既野就夠

    回覆刪除
    回覆
    1. 但無錢又做唔到。
      有錢又想有更多。
      Escape plan 好重要。

      刪除
  9. 無野比得上留番時間俾自己小朋友, 當你搵到千萬家財, 子女卻如同屋住時, 先至體會到便太遲了
    反正我們來去的時候都係一無所有

    回覆刪除
    回覆
    1. 係。
      大家回想,當年父母為口奔馳,都失去唔炒親子時間。
      細個時,錢同親情邊樣重要呢?
      到老時又如何?

      刪除
  10. 殺身之禍咁誇張?乜唔係賣衣服咩?其實洗少啲咪算咯。

    回覆刪除
    回覆
    1. 賣衣服果個係香討送比我既二奶黎,打扮都幾時尚,唔知網民幾時介紹比我識。
      女主人就日韓系,唔係咁既樣。

      刪除
  11. 記得之前睇書有講過一個使用槓桿比喻
    "槓桿的確可以帶來更大的回報, 但我現在己經足夠快樂了, 不雖然再去承受不必要的風險..."

    回覆刪除
  12. 我都冇咩什麼意見, 只是覺得有選擇, 絕對是一件好事呢.

    回覆刪除
  13. 想請教吓, preferred stock 係点買㗎?

    回覆刪除
    回覆
    1. 用錢買?
      不如GOOGLE 一下先.
      我懶, 同你一樣. ^_^

      刪除
  14. 有你既強力支持,70嫂真係可以諗諗做全職主婦,不過真係要諗清楚,全職主婦唔簡單。

    回覆刪除
    回覆
    1. 我都唔係好強力架咋, 得番兩年貨仔.

      不過, 無錢咪慳D.

      刪除
  15. 其實創業家精神就是男女主人的重要資產之一,有能力創一次也定能再創第二次or more,也會一次比一次好。既然風險評估後不再做下去,也是一個找新藍海的wake-up call 吧!

    回覆刪除
    回覆
    1. 二次創業吉兇未卜.
      不如慳慳地, 陪下屋企人.

      刪除
  16. 你說外母被游說買基金,是什麼基金?最近我也被游說買債券基金,是否不應該買?現在手頭上有一些資金,不知投資在何種類資產上,正尋找中…

    回覆刪除
    回覆
    1. 赤霞珠唔係基金來的, 係年金計劃, 回報聊勝於無吧.

      我有分析過的:

      赤霞珠
      https://magicianyang.blogspot.hk/2017/03/blog-post_14.html

      刪除
    2. 係0既.
      重點係佢買左, 帶來我地0既包袱

      刪除
  17. 70兄, 靚太有外有內在美更有錢添,(喂…每樣有D咋^^)又嫁左比靠得住既男人...掂晒!
    趁這機會陪下倆寶貝,其實小學階段很重要的(我倆小寶大三歲),之後誰知!可能有更好的選擇呢!
    現在要危險工作就無必要了,(我15年前開業就是遇到這情況生命直接受到危險,合約關係等了3年就轉區經營了.
    當時我無選擇剛開業,所有身家也放了入去唔甘心)但今日你已赢了^^可以想想吧!
    唔好意思我表達方面較差可能我有點多言呢!

    回覆刪除
    回覆
    1. (喂...我每樣有D咋^^)

      刪除
    2. 哈哈, 你過獎(佢)了.
      我都係咁同佢講, 走到呢一刻, 其實已經賺左比應得0既多.

      即使停下, 也沒什麼可惜.

      就正如我自己初初識女主人, 同佢講炒多十年應該會比市煬淘汰, 不過難得可以搵到錢, 十年都抵.
      今年就剛剛十年了.

      刪除
    3. 你成日都不經意讚佢我只係講多2句啫^^哈哈!我男人讚我就好细聲驚死我會聽得清楚呀-_-
      原來有10年啦!小兒上一年班時我心態上己唔想经營也唔用姐姐了,直至現在返公司6一10天己經唔可以
      講讚咩錢,可以見到D多年舊顧客特別開心咁啫!

      魚兒

      刪除
    4. 事實上,佢平時生活上都好少讚我

      刪除
    5. 其實你地係咪講緊黑社會之類的危險?

      刪除
  18. 70兄真係好,同70嫂分析得咁全面,收唔收男人做小四?我都想有人幫我分析下。

    回覆刪除
    回覆
    1. 個人不喜爆菊. 哈哈哈~~~~

      你不是已有新工作? 不用係事業上煩吧?

      刪除
    2. 佢平時睇電視聽到我話鍾意邊個女明星,佢就話要包佢返來做二奶幫我洗碗....滴汗

      刪除
    3. 溝個劉詩詩番黎幫你洗碗. 夜晚比個廚房佢訓.

      刪除
  19. 你老婆有你呢個軍師,乜都無有怕啦。btw, 細路升小學,多D時間陪下仔女都好,最緊要生活輕鬆開心。

    回覆刪除
    回覆
    1. 帶番放學, 本來係我退出大計0既預習, 如果佢唔撈, 就變左比佢做.

      刪除
  20. 女主人唔撈,你嘅吃軟飯大計咪失敗 ? 經濟上許可可以唔撈, 可以自己帶小孩,好多女人都好羨慕呢 ?

    回覆刪除
    回覆
    1. 可以自己帶小孩,好多女人都好羨慕
      VS
      可以食軟飯, 好多男人都好羨慕

      究竟邊個達成先呢? 今次真係魚與熊掌!

      刪除
  21. 70兄 RBS-PRF 被贖回可以係邊到得知?thanks

    回覆刪除
    回覆
    1. http://hk70s.blogspot.hk/2017/08/redemption-of-us7800978048.html

      刪除

各位每個留言,係我繼續9UP動力,必覆。

Related Posts Plugin for WordPress, Blogger...