小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年8月31日 星期四

SMILE 矯視 經歷分享

其實一路都想做矯視,不過以前傳統LASIK技術傷口大,要休養較長時間,又怕唔覺意捽眼整到,結果當然無做。


其實仲有一個原因,係小弟唔戴眼鏡個樣唔好睇。不過做完左,女主人都係話"睇睇下就慣",即係唔好睇啦。

我選左去惠豐中心9樓做微笑矯視。

咩黎,其實係用飛秒激光(即係好短時間0既激光),隔山打牛,隔住個角膜面去砌角膜0既內層,之後開一個細切口,取出角膜組織完成。

傳統係打個個蓋,挖挖挖,合番埋。

而家係,拉開枕頭套個拉鍊,拎個枕頭出黎,閂番埋個拉鍊。

相對上,SMILE矯視傷口細好多,切到0既神經線少左,相對眼乾問題無咁嚴重。

同埋傳統砌角膜同激光係兩部機做,而家SMILE一部攪掂,一隻眼只需23秒,計埋人手部份,兩隻眼都係5分鐘內攪掂。

聽我講,不如睇圖!


女主人陪我去做,佢都驚覺好快。

唔好處,應該係康復時間長D(全清要忍耐),當然同埋貴D!大約比傳統LASIK貴幾千至一萬。

我做左幾錢?用東亞信用卡優惠(已完),只要$26100雙眼。已包覆診藥同埋眼藥水了,

我揀左劉醫生做(其實無得揀,只係我有轉介人先得),見佢又上報紙又係好多場合講解呢個技術,應該係暫時最有經驗果個啦!如果各位想用番劉醫生,留個言比我,我轉介你吧!(應該轉介人有1000超市現金劵,我們平分吧。)

效果如何?我自己都有眼乾問題,一乾就好矇了,尤其朝早比較差,睇手機唔太好,正常生活係無問題的。

另外,可能戴慣眼鏡,以前視力算幾好,而家遠野無以前咁厲害(真係捉蟲),醫生話最長要六個月,等角膜慢慢定番形(入面無左D組織),驗眼結果其中一隻眼有25度近視。

今日大約係POST OP 兩個月零一個星期,其實眼乾問題較大,日常生活唔影響。

最大得益,梗係唔駛戴眼鏡,方便左好多。

36 則留言:

  1. 回覆
    1. 點解關老花事?

      點解唔做換晶片個隻矯視,有乜事可以再換,LASIK 同SMILE 都無得番轉頭做過.

      刪除
    2. 換晶片個隻太貴,個人覺得好鬼貴。
      留番老左再做白內障算吧。

      刪除
    3. 無得返轉頭呢樣都幾令人淆底。

      刪除
  2. 我地兩公婆都捉左蟲, 以為好快回復, 家陣近野都係朦查查, 遠野Okay, 一日都要滴兩三次淚水

    回覆刪除
    回覆
    1. 你應該係做傳統LASIK, 上網睇d人話第二日就好清。
      我以為你視力回復得比我快。

      刪除
  3. 26000好抵.................

    不過都係唔敢做 :P

    回覆刪除
    回覆
    1. 我近視深,平均配副眼鏡都2,3千。
      十副眼鏡價錢。換番十年唔戴眼鏡都ok.

      刪除
  4. 一直唔知已有新技術,真係有興趣。而家戴眼鏡就戴唔到太陽眼鏡,我鍾意去旅行睇自然風光冇太陽眼鏡好唔方便,戴con 又唔舒服,戴全視線影相又樣衰。不過我同你都有同一個問題,就係好唔慣冇戴眼鏡個樣。

    如果而家做冇左東亞promotion , 知否要幾錢一雙眼?上網睇另一間,要三萬。

    回覆刪除
    回覆
    1. 我都係塘人兄講開我又搵下。
      都係開始左4年左右,不過網上都幾多好評,我衡量過ok. 相似技術已應用係白內障手術多年。
      無promote 要二萬九千,聽講座平一千要用講座果位醫生。
      要轉介搵我,我第時要轉介又搵你law.

      我無戴過con, 不過做完手術成日以為自己沖涼訓覺未除眼鏡。

      刪除
    2. Thanks 70s兄,等我上網睇下啲好評先,如果去🐎要麻煩你幫手🙏🏼

      戴con好煩,尤其踢波打波,玩嗰一頭半個鐘但戴都戴左20分鐘(我技術差+眼乾),戴左又未習慣到已完場,試過幾次都好似盲盲地咁唔識攞波,惟有放棄。最近轉咗戴sporty 夾得實啲嗰種眼鏡去玩,但係又俾人省面省爛左。所以好有誘因去做呢d operation.

      刪除
  5. 好似唔錯, 等你過多一排再匯報吓

    回覆刪除
  6. 除左呢隻,仲有隻叫植入式隱形眼鏡既,但果隻仲貴~$68000,但好處係有得番轉頭,拎返副植入式隱形眼鏡出黎就=無做過一樣...

    回覆刪除
    回覆
    1. 呢個太貴。
      完全唔考慮,除非我有二百歲命。

      刪除
  7. 我都睇到心動哈哈~今年暑假熱,差唔多日日帶con,如果唔係額頭/眼位就大汗淋漓...真心唔方便!

    回覆刪除
    回覆
    1. 如帶到con 也可不整。
      始終手術有風險呢。

      刪除
  8. 小弟都係深近視人士, 不過始終係唔敢做!

    回覆刪除
    回覆
    1. 我一路唔敢做LASIK就係咁。
      Smile 微創一點。

      刪除
  9. 個比較圖真係一面倒屈機地好,舊式激光而家真係全無優點??

    回覆刪除
    回覆
    1. 果個比較圖係診所網頁的。
      佢地有lasik 同smile 做,不過當然力sell 搵錢smile, 令機器成本快d 回本。
      傳統lasik 好處係多人做,長期問題會易被發現到。

      刪除
  10. 我孤寒,近視咗咁多年戴眼鏡都慣咗,配一副戴足五年,又少運動,等再跌價先啦,哈哈!

    回覆刪除
    回覆
    1. 風兄長情!
      不過眼鏡戴得舒服, 換左反而仲唔慣.

      刪除
  11. 好耐之前已經心郁郁,現在你講起,更加心郁郁
    容許我係度查詢下,想問做個時係未會有支野貼到隻眼好埋?因我眼好敏感,驚到時自然反應不停眨眼。
    同埋係未檢查完OK就可以即做手術,還是分兩次去診所? 謝謝:)

    回覆刪除
    回覆
    1. 先去聽免費講座了解多D先.
      我無支野篤住, 不過有個圈定位, 好外面的.

      刪除
    2. 至今你感覺如何?唔洗帶眼鏡係未好爽:)
      我再了解下先,因我係澳門,來來回回怕好難就時間。

      刪除
    3. 感覺良好,雖然帶眼鏡精準d. 不過好方便。
      如在澳門,你要預術後第一日,第一星期,第一個月,回去覆診。

      刪除
  12. 如果早知你想做,我一定唔建議
    我太太之前做眼科診所醫生,醫生自己都唔建議做因爲膠水好化學
    一點都唔安全,做左那做運動便要小心點

    回覆刪除
    回覆
    1. 你果種係傳統LASIK.
      我就係覺得佢傷口太大又怕他日撞親移位, 才做SMILE.

      刪除
  13. 多謝分享,我fd幾年前做完lasik, 而家都仲成日眼乾頭痛要睇醫生呢,
    smile感覺上技術應該係成熟左減少左呢類後遺症。

    雖然好心動,幸好我近視唔算深,俾多少少戴con都唔敢隨便take risk⋯⋯好怕手尾長呢~
    好羡慕唔駛戴眼鏡好方便,哈哈~

    回覆刪除
  14. 想請問你做完 Smile 幾耐先全清?我剛剛做完 Smile 一星期喇,仲係時清時濛,大部份時間睇遠野都係濛,睇唔到巴士幾號,而家好驚失敗…

    回覆刪除
    回覆
    1. 請問你而家對眼點?有冇清番><?thx!

      刪除
  15. 做完幾耐喇?除左眼乾仲有冇其他後遺症?
    求劉醫生全名同轉介!

    回覆刪除
  16. 我都係喺清𥇦做,遲你幾個月。

    回覆刪除
  17. 如果我23歲做smile,是否適合?
    若果沒保養對眼,近視和散光會否再加深?
    做完smile,之後有需要可以再做這類眼科手術嗎?
    請解答,謝謝你們!

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...