小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2017年9月25日 星期一

一年一度買月餅 PS4打機拍片

呢篇應該同以前某篇網誌重覆。

又同女主人食炸雞,今次叫一碟就夠食了!

過往會同老婆買定一堆月餅比四大長老,同埋老婆生意D供貨商,當然順手買埋比自己屋企啦。

點知,早幾年開始有人會送我月餅(自從自立門戶,由炒旦變左阿龍炒旦之後),結果屋企每年月餅過多,食唔哂。

前年開始,實行月餅死線政策:

唔到最後一刻都唔買月餅比自己。四大長老又唔食乜滯,索性唔買。

但係呢,每年中秋一星期前都遇到相同問題:

"乜仲未有人送0既?"

今年都一樣,女主人從容不迫講左句:"最多咪最後一刻去買一盒!"

結果,男主人係上星期四同星期日,分別收到唔知邊間貴野0既奶王月餅(唔好意思,我知咩GAME好玩,食真係唔太識,能力圈有限!唔好亂浪費!),同埋一盒哈根達斯(我英文唔好,應該中文好D卦)雪糕月餅!

我又同女主人講,今年無雙王白蓮蓉喎!當然大不了咪買一盒!

星期五六回家同女主人打PS4 OVERCOOKED!
本來想錄埋聲, 不過男主人貪平買左兩個個MIC好細聲0既耳機...結果錄完好似無聲咁.
有冇平野推介下?

我家女主人,都係個D求求其其0既人,唔係話唔會諗定下一步,只係覺得,船到橋頭自然真,即使真係衰左,反正損失係負擔範圍內,又唔駛死0既~~

就如同住屋,呢期租金又回落番(當然唔可以同我兩年幾前租金比啦),如果真係要買,過千萬0既樓其實都只係垃圾一舊(依某求死隊長形容),何苦要買?雖然供完就係自己,不過呢,供完我比個官你做啦~

我小朋友到時可能婚都結埋唔同我住,而間垃圾千萬樓已又殘又舊了。

再加上果班林糞強年紀0既人都死九哂,後生仔人數同經濟爆發力,又可以剩多少?

唔係話唔買,一係佢性價比高番D,一係我呢D窮L再有錢D。購物係相對架MA~

就同月餅一樣,如果到最後係輸,咪認輸LAW。

不過,我知自己有本錢去等。唔駛計數啦,個人感覺0既野,講黎SIDE氣~

我有家人長老小朋友都夠膽去等,對無住屋需求0既後生仔,點解唔追下夢先?

31 則留言:

  1. 我地都唔食月餅, 睇見都怕怕

    回覆刪除
    回覆
    1. 一年食一次都OK0既
      我鐘意食傳統月餅架~~~

      刪除
    2. 我都係傳統月餅粉絲,會自己買黎食

      刪除
  2. Overcooked 完全唔知點玩,只係見你地走黎走去好搞笑。

    回覆刪除
    回覆
    1. 煮野食,最後番未來世界打為食怪獸大佬。
      本來有語音的,只是個Mic 壞左。

      刪除
    2. 如果個mic冇壞會聽到你係咁閙我

      刪除
    3. 聽講情侶、夫婦玩親都嘈大交XDDD

      刪除
    4. 我只係一味俾佢閙, 有時我會狂笑

      刪除
    5. 好似幾好玩, 有聲一定好好笑!

      刪除
    6. 煮野食都可以打大佬?想像唔到。

      刪除
    7. 個故事講未來世界比個大食怪物襲擊,但主角廚藝未精打唔低佢。
      國王開左個時光隧道比主角番198x 年慢慢練過煮食速度同各種菜式。
      最後番番原本世界挑機。
      遊戲好短,大約三十幾關就爆。

      刪除
  3. 我屋企都好耐無買過月餅,每年都有幾盒自動出現。

    回覆刪除
    回覆
    1. 點解自動峻現呢? 有人送定其他家庭成員買左?

      刪除
    2. 兩者都有,自動出現,好神奇架,哈哈。

      刪除
  4. 有道理. 第一次聽人用性價比講樓. 宜家D 樓性價比好低...8球買唔到好野.

    回覆刪除
    回覆
    1. 因為我乜都唔識又無樓在手,呢類廢人先會講性價比。
      香討金科玉律。

      我唔計數,於我情況而言,就係唔抵買。

      刪除
  5. 恆香同榮華月餅都好正,以前仲有三黃、四黃, 吾知現在仲有冇。

    回覆刪除
    回覆
    1. 確實以前吾識, 鐘意食多黃, 後來發覺還單黃或雙黃最好

      刪除
  6. 去通利琴行買啦,好多平野執,買turtle beach牌子,好平,百零蚊到3百蚊,headphone連mic,不過要留意返支唔支援ps4

    回覆刪除
  7. 今年我都唔送月餅俾外父,改送鮑魚禮盒同日本生果,起碼佢實會食,哈哈!

    回覆刪除
    回覆
    1. 是的,我老婆好貪心,成日想有人送果籃比我。
      試過有一次收果籃。

      刪除
    2. 唔係貪心,係健康唔浪費,上年有盒文華東方難食到掉左..

      刪除
    3. 睇來月餅真係最唔受歡迎:P

      刪除
  8. 我自己就買咗東海堂冰皮月餅,收禮的便有tvb蓮蓉月餅:)

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...