小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年3月30日 星期五

工人來了! 我可以唔撈嗎 37

手機顯示,還有457日鋪頭租約就完了。

講生活

本月最大改變,莫過於屋企多左個人。多左個工人!

暫時係好多於壞,至少屋企企理D,朝早可以有個人煮早餐唔駛出去食,平時有個人係屋企睇住小朋友(礙於香港法例,即使佢地可以安全待家,但都要有個大人睇住!)


而我老婆就最鐘意日日有人燙好佢D衫!

阿工人本身都好LOW PROFILE,平時都唔覺佢存在。

講工作

三月個人覺得過得好快!不過每年一至六月工作都係比較簡單,加上現在每週番鋪頭時間不足25小時,再加上盡量坐的士來回,以及留家時間看YOUTUBE及電影時間較多,都是原因之一。

懶開有條路,有日忽發奇想,不如即時再減工作量,最後還是責任心勝過懶惰,繼續做吧。

若完全唔做,日日在家肯定會有問題,好有可能要租個細商廈噴油吧。。。

講投資

我忘記了4月30日是復活節假期!結果計錯結算日,利是基金被行使了11張HKB SHORT PUT。結果以80元接了11手匯豐!

今日反手開番SHORT CALL@80,收鑵金約1500元。

另,買左少量不足USD3000 SVXY,現蝕少少。

ATVI大跌後,三月份期權金變相全入袋。再開四月中(兩個星期)SHORT CALL@72,收USD280。

至於GLD終於有一次在射程中,SHORT STRANGLE 兩邊都全袋權金。再開四月中(兩個星期)SC128/SC124,收權金USD460。

建行2017年業績公佈後,宣佈派息0.291元,即我將會在六月收到2000000股利息。以人民幣現價計算,應收到港元為:

=0.291*0.9*0.99*2000000*1.2489
=64萬6千元左右

(扣10%股息稅,扣約1%手續費)
上年只有59萬,除了派息在今年增加了,還有人民幣又升了不少!

如果齋食建行股息,本年股息增長有9%,應該追到通漲吧?

講資產

女主人上月為461萬,本月為469萬。佢成日話自己有數未入,實際應大於此數。。。小小。增長比預期少,因為佢個一球匯豐錄得賬面虧損!

男主人上月270萬,本月290萬。升幅原因?只因上月建行以外組合跌得太多,回升少少已令"其他資產"總數上升。

目標依舊不變,個人淨資產如沒大變動,應該一年多後介乎2000至3000萬之間。相對今明兩年收入,應對資產影響不大。太太自己都應該有500至600萬之間,只要佢不再常做明燈。

即使建行跌到5蚊,如其股息照派,我也只是齋食息無錢儲而已(我一家也不算大駛)。因借貸部份不多,個市如何差,即使收息產品全TOTAL LOST,也不怕被CALL MARGIN。


上圖,百幾蚊,假組後都幾靚。可惜呢期睇聖鬥士星矢冥王神話,砌模型暫時放埋一邊。

19 則留言:

  1. 淨建行都64萬,強爆
    我有排都追唔到你個本金

    回覆刪除
    回覆
    1. 有息入袋最實際.
      飛鳥媽收股息無煩惱, 好過收屋租呢.

      刪除
    2. 呵呵,收息落袋無煩惱這句真
      飛媽唔好運之前有樓放租生涯內,都遇過3個租霸,還有2個麻煩住客。。。
      所以令願選擇把錢收股息。。。

      刪除
    3. 只係享受唔到樓升幅而已,不過換來家人後輩安心,抵哂。
      講得衰d, 物業被唔生性子女睇中機會大好多。
      股票就可禾桿冚珍珠。

      刪除
  2. 回覆
    1. 可能我寫得唔好
      YOUTUBE 睇100毛, 財經直播, 模型介紹, 高達官方劇都有
      睇戲得NETFLIX 同HMVOD咋.

      刪除
  3. 工人low profile好,最好平時隱形,有用時才出現。

    回覆刪除
    回覆
    1. 係, 咁佢見唔到我, 也可以休息下.
      (我成日在家, 肯定比上一份工的話, 佢好唔爽.)

      刪除
  4. 屋企有工人,真可幫自己買番唔少寶貴時間,一家親子時光最緊要👍

    回覆刪除
    回覆
    1. 係, 雖然未必係親子, 但係起碼兩公婆自由D.
      加上我唔識煮飯, 有個工人中午個仔有住家飯食, 唔駛食快餐...哈.

      刪除
  5. 冥王神話係咪正先?
    講黃金o固part我什至覺得正過正傳.

    回覆刪除
    回覆
    1. 係,不過美中不足就係黃金聖鬥士死得太快。。。
      ViuTV 開始播龍珠超。有粵語先有得同小朋友睇。

      刪除
  6. 好葡萄70s兄每週只需返25小時...自己做老闆的優勢一目了然呢。

    今年受難節係3月30日啊~~~

    回覆刪除
    回覆
    1. 番工有番工0既好,至少有同事傾計。(先唔理係好定唔好0既同事)
      我成世仔都無同事,女主人都無(佢以前做小企秘書仔,全公司四個人)

      題外話,當初問你電能個陣,本來諗住抄你功課(個陣六十幾蚊咋),否則可以同你一齊坐順風車了!

      刪除
  7. 有家庭飯健康好多,我真未夠膽一隻股重倉,我最重倉係越房信託基金!

    回覆刪除
    回覆
    1. 即使佢好食唔好食,都好過日日快餐焗豬扒飯。
      另,我都想入匯賢。因家母留低左人仔。

      刪除
    2. 匯賢好野嚟﹐識貨﹐息率真的很高﹐以香港小有的大陸 REITs 比較﹐也比用美元計價的春泉好。

      刪除
  8. 你好,70兄,拜讀了貴blog多篇文章,尤是講及投資心態和收息的,都有很大的啓發。小弟萌生了一個想法,未知可否給予寶貴意見:
    家母60歲,自住物業(已供完)估價約400萬,在銀行約略做按揭計算,按100萬,利息2.25%,每月還款7400,做13年。我便跟她提議一個收息方案:將借來的100萬買入收息股(心水2638港燈),以現價及上年派息紀錄預計,年派$0.4,即每年約收52630。再假設每一年我都會再補貼60000或更多,連同股息,去減低欠債,經過唔知有無錯既計算,應該在第6年左右可以清除負債,而她就能每年繼續收錢作退休。這個想法目的想盡快製造現金流,和減少退休後的經濟壓力。
    這樣的計劃有無盲點,或其他疏忽的地方?謝謝
    小薯頭上

    回覆刪除
    回覆
    1. 你已成為小弟第一個理財個案#0001 搵阿媽層樓較飛。
      請看另一BLOG文

      刪除

各位每個留言,係我繼續9UP動力,必覆。

Related Posts Plugin for WordPress, Blogger...