小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年3月14日 星期三

女主人之匯控期權 抽中天仁茗茶

話說,女主人買了一百萬5仔,大約13200股。買入價連佣金成本約$76.09。

本來,打算叫她做明年三月的股票期權,AT THE MONEY,77.5,約有4.1權金。

計一計:

每股計,一年股息$3.99,權金$4.1

一倍槓桿,回報為21.26-2.4=18.86%

不過,最後決定權係佢度。佢揀左做六月HKB期權@82.5,權金大約只能COVER一年貸息。不過,若成功被行使,四個月回報有18。9%。

不過,大前提係要升過82.5。當初我提議的,只要等到2019年三月就會有。

很白痴的操作,但其實等待一些適當時機,好過比錢去學人槓桿買債基吧。

******

之後,女主人抽中天仁茗茶(賓仕國際)!最正個句:"我要進入暗盤世界了!"

唔知以為佢打機~


根據 BLOGGER TAM兄所講:"40,000 5,037 份 申 請 中 480 份 可 獲 4,000 股 股 份"

抽兩球先穩獲一手的情況下,女主人抽左4萬元就中左!

另,開緊工有人提我,如下:


原來暗盤價已由1升到2.55!可惜通知女主人時,她只能以2.3元沽出!

根據佢過往燈神紀錄,明天至少升到3蚊吧!

64 則留言:

  1. 70後兄你好,看到最近的你的 blog 文,想請教一下你所提到的操作。想了解一下你背後的操作原因或思維。還望 70後兄可以撥冗回覆

    1.入咗 1M 的大貓銀行之後,你的做法是 covered short call 吧,對不對?
    2.成個操作o既目標係收晒股息和期權金,咁同一時間,係唔係應該想佢 execute 埋乾手淨腳,變咗即係以1M 實貨為投資額去做到 21.26% - 2.4%(估計是貸款利息) =18.86% 回報上限,對不?如果
    3.當中提的一倍摃桿,即係 short call 2M 等值的大貓銀行。
    情況1.無俾人 execute,無事無幹,權金同股息袋袋平安,但同時正股股價有機會低於 $77.5,咁正股咪輸緊錢?分薄了 18.86% 的年回報?
    情況2.俾人全數 execute,即股價升穿 $77.5,你有1M 實貨,到時咪要再補埋另一半份o既正股差額,right? 目標如果當時正股升唔穿 77.5x(1+18.86%)=92.12 都叫做唔駛蝕,right?
    4.其實會唔會喺正股升或跌到某個位係會平倉或/同埋止蝕正股?

    祝生活安康

    Thanks,
    Kevin

    回覆刪除
    回覆
    1. 1 yes.
      2 yes. 但佢一行使,會無左股息,但遊戲從頭開始。大升的話有機會的。
      3 其實係用50萬買100 萬貨。Option 都係short 100萬。不存在補貨風險。
      4 唔會平倉。

      唯一最唔著數情況,就係匯豐跌多過兩成。不過,就咁買股都有同樣問題,所以買入時機也重要。

      刪除
    2. 明白,多謝回覆!一倍摃桿是指借 $500K 加自有的 $500K 去買 $1M 貨 。
      即係正股都要睇位止蝕。但之後亦要睇位去入番貨去 cover 翻的 option,對不對?

      刪除
    3. 我估我懶得理佢止蝕。無限補時咪算。
      Option full covered. 不用理的。

      刪除
    4. 這個答複極富娛樂性和智慧. 感謝!

      刪除
    5. 70後兄,重有一唔著數情況就係匯豐大升,就賺少咗!Upside 有limit!

      刪除
    6. yes. 所以我鐘意做ATM SHORT PUT。
      預左UPSIDE 有LIMIT,一早定左回報。

      刪除
    7. 70後兄 我都唔係好明點解要做ATM 唔做out of money SC?淨係食個時間值?定還是都係睇市場價而定?

      謝謝

      刪除
    8. 今日匯控76.4
      如果做OUT OF MONEY 權金少得可憐!
      如長期無升幅,做ATM可以話先將錢袋左先!

      刪除
    9. 70後大哥!

      又是在下,本人財商極低,早前睇咗你個 blog, 知道這個世界原來有 cover call 這樣東西 (唔好意思, 啱啱深山出嚟). 因為個腦什麼也沒有,所以四處努力去學, 其中睇到這本好書

      https://www.amazon.com/dp/B01KDOBNNK/ref=nav_timeline_asin?_encoding=UTF8&psc=1

      (睇了三次), 對 options 操作有初步的認識。

      感謝你將你的實戰分享。真的最少大大祝福了我。多謝你! To be continued.....

      刪除
  2. Hi 70後兄,想問‘一倍槓桿,回報為21.26’ 為什麼不是2倍股息加權金(3.99 * 2 + 4.1)?想請問21.26是如何出計出來的。

    謝謝賜教!

    回覆刪除
    回覆
    1. 以每股計。
      再除番買入價。
      然後乘2
      取後減番貨息

      刪除
    2. Hi 70後兄,唔好意思上一個言唔夠清晰。

      我係想問‘一倍槓桿,回報為21.26’ 為什麼不是2倍股息加權金除以股價(3.99 * 2 + 4.1)/76.01=15.89?

      想請問21.26是如何出計出來的。

      謝謝賜教!

      刪除
    3. (3.99 + 4.1)*2/76.09

      權金及股息都是100萬貨
      再減去當中五十萬貸息。

      刪除
  3. 70後兄! 多謝你, 感謝萬分.

    回覆刪除
  4. 70後兄,不如去開班,一定好過果 d 乜 sir 物 sir la。 佢地仲要收天價教一 d 超簡單操作...

    回覆刪除
    回覆
    1. 哈,有人請我實去架。
      不過我唔要錢,我要人捐錢。
      我係blogger 中的汪明荃。有冇 總理想同我合唱萬水千山總是情?

      刪除
    2. 我不是什麼總理, 我绝對未夠班. 但我會繼續非常努力. 希望有日你能賞面, 我定必百倍償還!

      刪除
    3. 我想睇你solo唱熱咖啡

      刪除
    4. 請問呢位總理打算捐幾錢?
      唱歌我OK 的!

      刪除
  5. 想請教100萬買5仔,借50萬,利率多少,可以係邊間銀行/証券行做?
    Short call 又可以係邊到做?最後射倉?
    麻煩哂,老人家多野問

    回覆刪除
    回覆
    1. 利率多少,
      (SEARCH "IB INTEREST RATE")
      可以係邊間銀行/証券行做?
      (BLOG文有講,花點時間看看)
      Short call 又可以係邊到做?最後射倉?
      (BLOG文有講,花點時間看看,不用射倉了。)

      刪除
  6. 其實呢,既然七十後兄都畫埋條腸做左個示範,大家想學野咪去開個Paper Trade account試下囉
    又唔洗成本既 (唔計Time Cost)

    回覆刪除
    回覆
    1. 我自己認為咁樣做是正確的! 最後得益最多. 謝謝提醒!

      刪除
    2. PAPER TRADE 好鬼虛無。
      如有10萬,可真金白銀試下。

      刪除
  7. 回覆
    1. 一杯25,5000蚊可以飲到200杯。
      咁一次兩個人各飲一杯,可以飲100次。
      一星期飲一次,可以飲兩年。

      刪除
    2. 哈哈。 仲要日日唔同款,唔同咪添。

      刪除
  8. (話說,女主人買了一百萬5仔,大約13200股。買入價連佣金成本約$76.09。
    本來,打算叫她做明年三月的股票期權,AT THE MONEY,77.5,約有4.1權金。)
    70兄,請問如果你用一倍槓桿,要補倉,收的4.1權金計唔計埋盈利度,減完4.1先再到本金的損失成數先補?

    回覆刪除
    回覆
    1. 我無諗過補倉,因IB係成個PORTFOLIO 計。
      50萬貸款在我1000萬貸款內,而又有近二千萬實貨在倉。

      除非中美股票債券,BB BOND及優先股一齊跌,才到末日補倉。

      所以答你唔到。

      開個紙戶口模擬下吧。

      刪除
    2. 修正,係二千多萬。
      槓桿比得1.6左右吧。

      刪除
    3. 追左你好多篇文。 尤其係我可以唔做嗎系列。 由戶口成日無錢,爭女主人錢,到而家二千多萬。 幾年增長甘多,好勁!

      刪除
    4. UM...無錢因為還緊借錢買股D錢. NET 都係正數黎0既. 可以睇"我的財富大道" 上下兩集.
      二千個, 都磨左十幾年架.

      刪除
  9. 請問是拆开两筆交易,先買咗stock,然後再做option。还是一筆交易,用combined strategy, set好兩边價、一次过完成stock
    +option 交易?

    回覆刪除
    回覆
    1. 嘩,一言驚醒!我豬左分開兩次做。
      其實可以係OPTION CHAIN 介面一次過完成買股及SELL COVERED CALL 指令呢!!!

      刪除
    2. 可以指教下點樣做到即時買股做covered call嗎?
      我用耀才證券,佢話買咗股票要t+2先可以轉入期權倉造covered call。

      刪除
    3. 由頭到尾,都係呢句
      若做期權,咪鬼用耀才
      用邊間好,睇舊文。

      刪除
    4. 我有ib option account, 請問ib 喺邊度可以揀將啲貨轉去做covered call? 抑或佢見你有貨喺度就自動會幫你做?
      我已send 問題去佢嘅message Centre, 但見幾日都冇回覆。
      請問可唔可以指教指教,thanks

      刪除
    5. 我唔太肯定地答你, 係自動做的.
      D 鬼佬YOUTUBE 都無特別特SET 去做COVER.
      一通也一樣, 不用特別SET

      刪除
  10. 如若按70兄的操作,派息前股價升穿77.5,期權被行使,股息就無左,每股回報減少3.99,但係股價上升賺77.5-76.09=1.41。係唔係呀

    回覆刪除
    回覆
    1. 我一次過回吧。
      其實期權好少被提早行使,幾次都係遇著大時代急升或急跌,又或一年派息一次的股票在派息前被行使deep in the money的期權。
      我估匯控升到90都唔會被提早行使的,純粹個人經驗。
      註:當年匯控142.5 put,跌到33都無比人全數行使,只有少部份。

      再者,提早行使,又可以由頭做過。。。

      刪除
    2. 142.5 put 吹到33蚊,仲可以轉倉嗎? 當年有沒有主動行使?

      刪除
    3. 有被主動行使, 即時賣番出去, 再SP 改價改張數.

      刪除
  11. 請問邊到有 2.4% 借貸利率買股票?

    回覆刪除

  12. 只係睇到這裡,有無多點tips。東亞條數仲有三個月完,即係六月。如果佢再撩我借,九月我就借東亞來還輝立!東亞可以分兩年慢慢還,會輕鬆好多

    回覆刪除
    回覆
    1. 一路睇番舊文吧。
      另一問題也是。
      這個太伸手黨,不回你了。

      刪除
  13. Haha...女主人名附其實係燈神,賣左後升到5.9都得,好搞鬼!

    回覆刪除
    回覆
    1. 係。雖然而家三個幾,不過都高於佢賣出價一截。

      刪除
  14. 想問一下呢如果 IB本身係孖展嘅狀態, short call 應該要算孖展息的, 咁個孖展息應該計"期權金," 定係"期權合約嘅按金"? THANKS~~

    回覆刪除
    回覆
    1. 我無試過亦無留意。
      不過正路計應為期權按金。

      刪除
  15. 70兄 我入左5手939 開了covered call 。我原先以short 5張call 就covered 5手939。但係今朝開trading tool -> write option。 顯示我有4500股uncovered. 我有d唔係好明。939 合約買賣單位等於1000股,點解唔夠cover? 求解

    回覆刪除
    回覆
    1. 唔好意思 70兄
      我send 左message 比ib 問4500uncovered share , 但係ib無人答,所以我先黎求教。

      刪除
    2. Ib 有 hotline. 廣東話英文也有, hotline 應該幫到你。: )

      刪除
    3. 我已經唔記得點去按,才可睇到有幾多COVERED。。。

      刪除
    4. 搵到了!
      係喎,佢好明顯攪錯左。
      因美股期權MULTIPLIER 係100
      而港股係一手的股數。

      佢主動當哂一張係100股。
      真係要搵個得閒0既人打上去問下佢攪咩鬼。

      刪除
  16. 70兄 唔該晒
    我係怕一開始就攪錯,又覺得ib無理由會錯,但係自己又諗唔通先唔好意思黎問d basic 野

    Oviation 我打過一次ib, 等太耐。上班時間真係等唔到佢接。

    回覆刪除
    回覆
    1. 我今日(你留言兩個月後)都SEND 左TICKET 去IB, 又睇下佢覆唔覆啦.

      刪除
    2. 我用IB手機版 (我估TWS也是一樣),在Strategy Builder 中,正股的 ”1” 代表一股,期權的 ”1” 代表一手。我用 ”Preview” 反覆看了幾次總金額的變動,才搞懂這個關係。

      用Strategy Builder做Covered Call,正股和期權的比例是要自己計好的 (例如做一手滙豐Covered Call,要自行在正股放 ”400”,在期權放 ”1” )。

      刪除
    3. 好似佢自動識計的. 不用手動400.

      另, 有唔少股票期權, 一張等於2,5 或10手正股! (你睇下舜宇或瑞聲)

      刪除

各位每個留言,係我繼續9UP動力,必覆。

Related Posts Plugin for WordPress, Blogger...