以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2018年6月30日 星期六

叻極都係一層屯門舊樓 HIBOR急升

各位朋友/讀者/BLOG友,小弟BLOG不牟利只為玩點擊,近日嘗試改變策略,放棄ORGANIC SEARCH,改攻SOCIAL MEDIA!能否行個方便作個支持,FB SHARE 一下文章連結?好歹我都係樓市碩果僅存0既最後一粒酸葡萄!(好聽D係唔靠收租樓0既租奴財自故事丫)感激萬分!

*****************

睇到大學同學FB 有個連結

【熱話】因為朋友一句「而家樓市到頂」 結果白等6年


唔否認如果買黎投資增值,錯過左就係錯過左。投資物一升,好難買得番。

不過,如果係自住?

我知道,亦明白,住屋係必需品。如果唔買,一路交租,感覺虛耗。

不過,呢位同學,都係買左屯門近碼頭非常濕九個D細單位,比你升過三倍,唔賣又有咩用?

可能你話,可以加按套現,咁其實係借錢,都係要還0既。樓按只係提供左一個比較低息槓桿你去再投資。

至於你再買其他樓又再等升值,又係另一故事。錢最終都要還,你一日未清,收到0既租金都係要用黎還供款。

上面個堆其實係廢話,因為有千千萬萬個"例子"可以推番我0既論點。

重點係,你層樓升到千萬都好,你個層都只係濕九屯門細單位一個。。。(到時好少少可能要二千萬)

呢位大同,應該買左望到海0既單位,睇中原成交,而家最貴都只係600萬。

中原網,係咁上下風景啦,唔難估。

600萬應該係我住緊果度,連兇宅+最細都買唔到。。。

今日陪老婆去萬寧買野果陣,同佢講過上面個CASE,其實男主人個區,最差0既屋苑D,比你升到五球或者升到一千萬,如果自住,都係一樣又細又舊又爛,你唔搬的話,生活質素係唔會提升

樓價易睇,唔買樓都可以有個概念。租金無乜人會日日睇月月睇,升左幾多?

男主人個區分四類私樓ABCD。屋苑A細單位已迫近千萬,男主人2009年住屋苑B1,現在住屋苑B2。理論上係同級(B1位置方便打工仔,B2四方夠大仲有算幾大0既私人公園+草地),由2009至2018租金未升夠一倍,我唔知打工人工可以升多少,不過十年間若有以下條件,租金升幅其實唔算好困擾

投資部份有增長(唔好同樓市比,用儲蓄部份投資,其實已對沖到唔少開支,比當初一窮二白好好多!)
人工升幅,包括隨年紀升職
隨年紀上升,個人亦較肯捨得花錢生活(我最討厭叫人做苦行憎,錢不能留下棺!)

同女主人行到咁上下,我打左個比喻。

屋企有隻百獸王GX合金,女主人生日買比我,入手價2200,而家4000都黎緊。我一路無開盒玩,但佢升左對我黎講又無用,都係合金模型一盒。

女主人話我錯哂,因為樓要用黎住,玩具唔係。又0岩喎!

說到底,以自住計,如果你本身收入唔係太差(我估我同學兩公婆加埋,七八萬都有卦),人生都走左差唔多一半路,勉強屈就自己住係呢D質素唔高0既樓,其實咁就一世。

"早買早享受"

呢句每次聽親都想笑!

因為呢句係賣玩具維生0既哈比人金句之一!!佢建議人買玩具,早買早享受,遲買即使平左都要慢慢等喎!佢又唔知其實好多玩具玩家,係好多盒未開0既,排隊都未玩得切,何來早買早享受?

哈比人係邊個?可睇以下連結

心態決定境界 尖酸刻簿哈比人


同樣地,若然早買一層屈就自己0既樓,真係早買早屈就!倒不如花多少少錢係租金之上住好D吧,好歹大同兩公婆都係專業人士呀!

折衷辦法?就係做雙租族,自己個間放租,補貼自己住間好D!拿,咁就唔係增加現金流方法喇,慣左死慳死抵0既低級收租仔未必會咁做0既。。。

戴番個頭盔先!風中追風兄講過,如果收入唔太高,但又入唔到政府安全網個D,早日上車可以對沖租金上升風險。每個家庭情況唔同收入唔同風險胃納都唔同,我只係用我兩個大同0既情況黎講,以佢地收入同能力(可能仲有得升架!),買左間質素唔高0既細單位黎住,屈就唔在講,仲沾沾自喜覺得自己早左上車,其實都係傻。(我又唔會恥笑佢,因為呢個年代呢個學科呢個職業0既人,都好安份守紀,人生如打RPG,日磨夜磨儲經驗升LEVEL等爆機。。。係唔會好似我呢D一畢業就放棄自己專業0既人咁癲狂)

如果我做番大學個行,而我老婆女主人一路都係做個秘書仔,我估我會住係屋苑C慢慢供完佢就算。以我能力唔高之下,我估家庭收入都係得5萬,無錢無SAY,唯有做羊群跟下大隊,至少有得圍爐最下暖。。。

但係,咁樣我叻極咪又係住得係屋苑C!!升左間屋係唔會靚左0既。。。

******

篇文其實打好左兩個星期,今日我又不妨加幾句啦。
呢期HIBOR急升,睇黎加P不遠了。(順手睇埋USD/HKD)



不過,凡事梗係要戴定頭盔啦!

政府個六招,唔會壓到樓價(特首講明架喎!),只會令樓價進一步上升(睇下班買樓財演講乜)!

加息,只會令借錢買股,借錢抽新股,借錢買債,借錢買新手機個班仆街!!

借錢買樓係無事0既,借多D都得,雖然都係借錢,但唔好問點解喇。

下圖黎自IMONEY,幻覺黎0既0者!



下面呢篇文一定係大淡友寫出黎嚇九人啦係咪?

瘋狂的磚頭 (九):磚頭道友 與 公屋阿婆 (上集)


註:我唔買呢D書,不過而家專注湊小朋友/打機/睇劇,同小朋友去圖書館咪乜都睇下(我試過睇WILD LIFE/ASTRONOMY/NATIONAL GEOGRAPHIC,係咁嘈0既小朋友閱讀區睇,好似格格不入,睇雞精財經書算啦!)

2018年6月27日 星期三

買入小米 黃國英TALK SHOW後感

上星期六同女主人一齊去左睇黃國英個TALK SHOW。


我坐係邊?就係呢度,還算幾近。
重點不在女主人條腿,係前兩排有條女悶到打機。。。可能佢係免費飛~

第一次真金白銀比錢聽呢D,如果唔係睇過佢YOUTUBE上載0既舊TALK,我係唔會比錢睇。

聽0既,年紀好極端!一係老到白哂頭(非常大量估計有六七成!),即有錢無地方擺個D,可能買樓又無人頭要DSD比啦。一係就初出茅廬後生仔!

當日係FB放左張飛,原來放錯左原圖,比人知我坐邊添!哈哈。。。女主人驚過我!

相信好多人都有截圖,我都唔例外

美股其實都係個D,將VISA換做PAYPAL。
比較特別係多左搵老野錢股,呢個我鐘意!
入左係IB個PANEL度觀察下先,近來無彈藥亦唔想加大槓桿。


上面呢兩張,報紙都有講。女主人被洗腦,第二日開市即買港股個邊,即跌!哈哈~
佢個組合,我已有其中三隻了。而港股機會處處,不用心急再買。

上面呢張,最正係窮途牛牛!
你身邊,或者你睇開0既BLOG或報紙,又有幾多窮途牛牛?
最安全,梗係買定D回鍋肉,豆是鯪魚鑵頭等打仗啦!

今年0既FORCE,係要聽先知佢講乜。比起足球組合,呢五個英文更有意思。
有時,真係唔埋單計數唔知邊個回報高架。。。

********

另外,我買左小米。。。不過係電話!小米MIX2S! 如果以SNAPDRAGON845機黎講,佢算係最平型號,另外有6GB RAM我認為係必需,市場上唔太多呢個CONFIG。

用左兩日,對於我上一部黎講梗係快左(SNAPDRAGON825+6GB RAM)!另小米的一鍵換機好好用~~~!影相靚過舊機無誤。

$4140呢個價,算幾驚喜啦~

抽唔抽小米?唔抽了,彈藥要留。

也試試跌市之下,個倉同個人可以頂到咩程度。(O:要保持悲觀地樂觀,RIGHT?)

其實,真係唔駛點理佢,反正最蝕桌0既SHORT CALL 有一年期,而建行點跌都唔會被CALL MARGIN,反而睇下派左息有冇機會回氣再入貨呢。八月頭吧!

自從有個正常工人,生活好多小事都交左比佢做。自己生活質素UP!

呢期晚晚睇波、打機,早兩日再開波砌模!完成度80%,過下手癮吧。

GUNDAM 00 DIVER
(小朋友的BUILD FIGHTER系列啦。。。)

加埋有時湊下小朋友番放學,其實仲忙過番工!(R:夠數又有目標,才可越戰越勇吧)

(哈哈。。。我又自己放自己假了!大約兩個星期吧。)

投資呢,唔駛點去理會,有目標地等下機會就可以了,反正入唔入貨都可以(F)。

WINSTREAM債有得DEBT EXCHANGE,唔轉啦,轉會變左SECOND LIEN。。。受償次序會再後D。咪攪!

http://news.windstream.com/news-releases/news-release-details/windstream-announces-debt-exchange-offers-second-lien-notes

睇完波打埋BLOG,已早上五點,已完成另外兩篇BLOG,就留番德國最後一場分組賽當晚PUBLISH吧~

2018年6月22日 星期五

睇波唔理跌市 

本來仲有一篇講我大學同學 "叻極都係一層屯門樓" 0既文,經女主人睇過應該可以直出。

不過,近日晚晚打波同打機,無乜心機睇股市/寫BLOG。

(我支持邊隊?文末張圖有提示!)

不如簡單行文講下組合近況。

講個大概,資產總值跌左一球!主要係來自建行939跌幅。

美股及期權組合

NLFX已被行使,一個月唔夠獲利4%算係咁。(不過之後NLFX升到爆廠就無我份了,果度至少15%)

ATVI似乎會變廢紙,又再開倉。

唯一豬左係GLD,比人行使左三張,結果我接完貨再SHORT CALL 同價125。其實應該沽左貨佢,再SP過125!做完先醒覺咁樣安心d。。。

港股及期權組合

港股呢幾日跌左唔少,應該好多人等睇人仆街食花生。

單一最大倉建行,short call九月@10,除非有奇蹟,否則應該變廢紙,全袋28萬權金。升過十蚊?無可能吧?我會即時套現2000萬!

另外閃電十人(哈,得十隻),買入價值為302萬,收權金29萬。而家跌死我未?如下圖:


(以上未計市值約17000的6098,碧桂園服務)

molamola!梗係唔係,一年期權,又睇下一年後如何吧。不幸的是若遲做一星期,情況無咁惡劣;不幸中之大幸,就係我做左一年,唔係做一個月再月月roll。

大跌之下,sc肯定roll唔番同價。

垃圾級別美債組合

即使上星期話美國加息,債券價格其實無乜變化,可能佢地太過垃圾,無人理吧!組合如下圖!


優先股組合

已經無再理佢地,自動生息。

其實,除左每月美股期權轉下倉,都無咩可以做。

同埋,剛剛打完左上年八月買番黎既伊蘇8 丹娜的隕涕日,自從家母生病後就停左了。

果陣,佢有佢睇電視,我有我打機。


最後,我兩個小朋友唔睇波,但我買左衫比佢地!德國首場已輸左比墨西哥,希望唔會出唔到線啦,件衫淘仔買都要二百幾三百架!

其實,我都係四年先睇一次!今次用PC版NOWE去睇,CHROMECAST去大電視,好過上次搵LINK丫!真心講句,VIUTV旁述真係好垃圾,反而NOW好好多!

2018年6月11日 星期一

收租三十年 唔上唔落的收租仔

話說,小楊今年六十歲,三十年前,有次行山巧遇神仙/先知,佢問先知:

TELL ME MY FUTURE!

"先生你骨骼精奇,三十年後,你求其一餐食個面,都值成40蚊!"

當時,一個車仔面(魚旦粗面),大約只係2蚊!

楊先生開心不已,再問神仙,他是否變得很富有?

神仙笑而不語,揚長而去。

另一位小鄧,當年係泳池遇到個先知,佢問:

TELL ME MY FUTURE!

"先生你骨骼精奇,三十年後,你第日住0既地方,價值四百萬!(當時,一個正常兩房都係廿幾萬)"

鄧生開心不已,再問先知,他是否變得很富有?

先知笑而不語,揚長而去。

以下是另一截圖:


比著係今日,你估你遇到神仙同先知,你仲想唔想知第日D野值幾錢?

我估,除非你有300年命,否則刻下財富資產如何,都未必敵得過通漲同時代0既進步。

倒不如,活在當下,用左先講。

*************

上面兩星期前已完成,下文是今天補充的。

或香港人生活得神經緊張,喜歡將見到的現象連結一起,我都成日係咁。

小弟愚見,若做得真係咁唔開心咁反感,就如近日花生供應者,哈比人一樣,

咁唔開心?是否應該轉行?連自己每天用掉一半時間0既工作都咁唔滿意,其實都幾慘。(按風兄金句:做人已經將大半世俾咗與自己生命無關的公司)

與其係咁,不如辭工請個長假休息下沉殿一下吧。

**************

或許我人比較樂天,我對年青人一路以來都抱有無限期望,雖廢青係有,但廢青也有成長一日(我自己已前都係咁),觀乎不同時空,總有下一輩能成功打低上一輩,點都控制唔到。

內地年青企業家真係好鬼年輕,若不拉攏,相信中國現在政權好快就要轉移。

為政者,有冇真係咁傻的?要穩定自己,當然係做低老野扶值後生仔啦。歷代黃帝都係要對付一向在位官宦,拉攏新意見,才能確保自己江山。

樂觀定悲觀?一世人得個幾十年,行得走得玩得未必夠五十年,除左打仗,跟本無必要做驚弓之鳥。唔少食政府公屋戶,生活不知過得幾爽。。。我班上左岸中同(大同應該未有),日日親子日。

唯有唔上唔落個班,不肯認輸,但又討厭在上者,只能踩下嚇下後輩為樂,最經典梗係阿隊長啦!

無樓者,或許覺得月月交租好虛耗,不過好似香討曲線咁講,究竟有實力才會交租,定係無實力才會交租?

上面個問題,兩邊都0岩。收租仔只見無實力個班交租而已,結果感覺到自己強大,但一見持有強勁資產者,矛盾心情自然湧上心頭。

舉個例,某一次個業主同我講,話有個租客好勁搵七萬幾/月(我真係LAUGH ESCAPE FROM MY NOSTRILS),我知阿業主只係繼承左叔父遺產一層樓再加按出租,現實佢教壁球而前身只係會計文員仔一名。

我估我八九成客都係港人,土生土長幾代人住半山未成年就有張AE黑卡廿幾歲上埋電視捐錢做總理都有(按,向氏成員今年再來排炒旦了,我對這房,個人評價係非常正面的。),不過我最唔鐘意提及有錢有權有地位個班客,講黎比較無鬼謂。比較一般的,都係租樓租到退休,仔女又生性唔駛擔心佢地照顧唔到自己,人生心願已足吧。

內地有錢人?梗係有。不過全部對我都好有禮貌恭恭敬敬,因為,在香港有香港遊戲規則,我唔炒旦比你食,你再有錢都跟唔到我地香港人0既玩法,唔係有錢大哂0既!俗語有云,富不過三代,卻有短視之人不同意,邊樣係真?我就唔知喇,因為我唔會有咁長命仔睇到我個孫個仔如何。。。

其實收租三十年,咪又係一樣要等。

有本事,就即時唔好做啦。係咪?否則,從工作中找樂趣,又或者轉個行頭,都不失為平衡一下自己心理0既好方法。

2018年6月9日 星期六

10%年回報計劃 賣球員不務正業

今次篇文打哂尖!

原本預計要出0既"收租三十年"以及另一篇"叻極都係一層屯門樓"全部留番唔出住。

上圖為近期哈比人熱賣的花生!
佢咁樣講野,真係上得山多終遇虎。
比人改圖抽水了!

再者,三人行兄呢篇

瘋狂的磚頭 (八):磚頭撻人 與 佛系收租佬


簡直係一絕!佢講得比我更好吧~

講番買股!

HSEA 同HSEB 回籠資金比我用左黎做左一個好似好RISKY 0既投資。

我今次將此文<女主人之匯控期權 抽中天仁茗茶>方法改一改,主要買入波幅(非跌幅)較大0既股票。

為左懶,我又去左抄人。

抄D乜?人地個D前鋒組合。。。即係用派息率同埋預計增長去組一支十隻八隻0既股票。佢地個D所謂前鋒,一係真有增長(我都想),但同時波幅大,用黎做期權有好有壞。

點知,原來可以抄0既唔多,比較好D0既係美股,但我想做港股呢!

最後,買入實股以及期權如下圖!

用左三百零二萬港紙。
平均一隻三十萬左右,共收權金二十九萬幾。


其實分做四類:

內房:恒大、碧桂園
賭股:金沙、銀娛
科技:騰訊、舜宇、瑞聲
汽車:吉利、比亞迪
其他:蒙牛

留意,期權極為遠期但近價(2019年六月,正是我唔撈之日最後一個工作月),因應權金調整行使價,離買入價約有5-10%

當日發現2007碧桂園期權庄家唔開價,即月差價極大。原來今日有股派!(實物分派:每持有8.7股獲分派1股碧桂園服務控股有限公司股份)

現十隻股票只有九隻有期權做左,十三個月回報9.7%!如果將2007做埋期權,拉埋平均年回報應有10%。

若股市真係大升,全部被行使,約有多7%利潤。若計埋派息,因派息率偏低,應該差唔多吧。

最大危機,就係股價下跌超過一成!呢D情況真係極常見!我比一年時間佢地,如果都唔得,唯有出大技,無限補時。除左某一兩隻,大部份都係好野黎0既。。。

買入後第一天,好多都升,再過一天,跌到HIHI。哈哈。。。現整體約跌1%左右。

如果將股票列做足球陣式呢(我唔睇波的!),我呢種可以算係個D不務正業長期係聯賽榜尾,但又靠賣球員搵到下錢但無FANS個D球會吧!


我唔睇波的!

2018年6月3日 星期日

PS4 BLUE LIGHT OF DEATH 閃藍燈後熄滅 維修方法

PS4 BLUE LIGHT OF DEATH 閃藍燈後熄滅 維修方法

WONDER WOMAN 後面D GAME 終於可以玩番了!

自從二月某一天, 我部PS4 就開唔著....閃左幾下藍燈就熄左.

上網睇, 無中文語系人識攪, 上網搵, 無人識整....去黃金問, 話要600蚊仲要係試下整!!

又網上SEARCH 下, 一堆理由....

大致係, PS4 入面粒APU焊接得唔好,鬆左!

YOUTUBE 一堆外國人(白人又有印巴又有), 用盡不同方法去整...

最攪笑有人係踩一腳上去踩實佢!


千祈唔好學, 唔WORK 的! (我唔會話你知我都試過踩架...)

又有個白皮鬼佬, 自豪地話將POWER CORD 插完又重插就得.

無錯, 初期我未正式BLOD (BLUE LIGHT OF DEATH)個陣久唔久係開得番黎玩.


又有人叫按住POWER BUTTON 十秒八秒入SAFE MODE...係咪ON9, BLOD 係會熄機, 點樣可以入SAFE MODE 呢....


最正宗0既, 係REBALLING! 一定解決到! 唔好問我係咩黎, 自己睇!!!

片長四十幾分鐘, 涉及電子工程及一般人唔會有0既儀器!
相信正常人睇完, 只係考慮買過部新!!!

今日, 我就去左深水埗黃金, 睇下PS4 PRO幾錢....唔要手制大約HKD $28XX.

最後, 我決定買....以下$35東西! (黃金地庫, 某一角落店, 四個角落好易搵! SHOW 圖比老闆啦!)

其實, 台灣朋友, 淘寶都有!!!


我就係依照下面呢條片去整, 呢個印巴人士應該幫左唔少人!! 印度腸仔好野!!!


又或者, 求其少少睇下面個條, 洋腸只係英文易聽D, 教人就1999!


最後, 估唔到咁簡單地整好左!! 其實方法非常土炮, 只係將離位APU 夾番實佢, 並無焊接過程, 可以捱到幾耐真係估唔到....

圖中為印度腸仔截圖, 我好白的...無咁黑!




個D WASHER, 中文叫做介子! 五金鋪就有得賣!

點解我要強調邊度買?? 因為呢, 你真係以為印度腸仔咁好心? 其實佢係EBAY 賣PS4 BLUE LIGHT OF DEATH REPAIR KIT! 入面包括內六角螺絲批一支, 介子四隻, 同埋一支唔知要黎把托0既散熱膏! 我估佢都賣左唔少搵左唔少...

我相信我係中文網站第一人記載此事!!! 若有其他疑問, 歡迎留言!!!!

2018年6月1日 星期五

玩6寸人形 我可以唔撈嗎 39

離唔撈之日, 仲有394日,扣除十二月、二月同埋七月自放0既假,再扣每星期四五放0既假應該少於300日。


無玩高達好耐,呢期改左玩6寸人形。

其實一早已經有儲開SHF亂馬(我應該齊左男女亂馬及其父,珊璞小茜良牙一共六隻。)

其實,玩6吋人形0既獨發點係由一隻估唔到我會買0既人形開始,就係WW (WONDER WOMAN!)

上圖為(SHF HARLEY QUINN SHF WONDER WOMAN)

當然,一不離二,開始買下道具玩下場景啦。。。

以下係老婆拎左我隻高達亂入。。。

講工作

煩0既都係女主人個邊多,人事變動物流變動,再加上立案法團央及池魚行為,今個月真係多事,再加上唔知真定假0既消息話行家做唔住,可能淡季即將來臨。

男主人好輕鬆,黎緊六月更加係HONEY MOON!穩穩陣陣渡過無難度,不過收入得番三份一,預料之內。預計2018年下半年,收入應該唔會少過2018上半年。只係2019年有機會少過六位數了(都係做多六個月0者)。

最後一年工作了,究竟食息過活是否可行?建行股息除番開每月五萬幾,夠哂住屋生活長老家用基本需求,要養埋老婆消費錢就差少少。(其實佢現在都每月除番都九千息一個月)

可參考以下連結

一百萬買到D乜? 女主人99萬收息基金


女主人之匯控期權 抽中天仁茗茶


講投資

近日股市又跌,女主人隻匯控又見紅了。
男主人期權倉如下

<GLD>
SHORT STRANGLE GLD 六月一日 125/128
轉倉六月廿二日 125/128
權金HKD3800左右。(已扣平倉成本)

<ATVI>
SHORT CALL 75 ATVI 六月八日
未夠期,未敢開

<NFLX>
 SHORT CALL 六月一日 317.5,今日交貨,升到爆廠(三十幾蚊)無我份,只能收12蚊左右權金。算吧。

本月無其他入貨紀錄了。

利是基金昨日開倉,繼續SC HKB@80,權金HKD2000。

HSEA HSEB要等到六月四日才諗下買咩吧。

以下是小弟月月收息垃圾低評級高風險唔好跟債券組合圖:


相信七月份建行除淨後,64萬股息左手交右手,對資產影響不大吧。

講資產

女主人486萬,上月485萬,只得一原因係份糧未入賬,同埋上個月一次過入左兩次糧。。。哈哈!力

男主人312萬,上月298萬,升幅多左因為。。。我都唔知,通常建行跌,其他倉位就會升。(我呢個數係減左建行部份之後0既某部份資產)

男主人總資產僅僅跌穿3000萬。


WONDER WOMAN 都要學計數啦!
Related Posts Plugin for WordPress, Blogger...