小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年6月11日 星期一

收租三十年 唔上唔落的收租仔

話說,小楊今年六十歲,三十年前,有次行山巧遇神仙/先知,佢問先知:

TELL ME MY FUTURE!

"先生你骨骼精奇,三十年後,你求其一餐食個面,都值成40蚊!"

當時,一個車仔面(魚旦粗面),大約只係2蚊!

楊先生開心不已,再問神仙,他是否變得很富有?

神仙笑而不語,揚長而去。

另一位小鄧,當年係泳池遇到個先知,佢問:

TELL ME MY FUTURE!

"先生你骨骼精奇,三十年後,你第日住0既地方,價值四百萬!(當時,一個正常兩房都係廿幾萬)"

鄧生開心不已,再問先知,他是否變得很富有?

先知笑而不語,揚長而去。

以下是另一截圖:


比著係今日,你估你遇到神仙同先知,你仲想唔想知第日D野值幾錢?

我估,除非你有300年命,否則刻下財富資產如何,都未必敵得過通漲同時代0既進步。

倒不如,活在當下,用左先講。

*************

上面兩星期前已完成,下文是今天補充的。

或香港人生活得神經緊張,喜歡將見到的現象連結一起,我都成日係咁。

小弟愚見,若做得真係咁唔開心咁反感,就如近日花生供應者,哈比人一樣,

咁唔開心?是否應該轉行?連自己每天用掉一半時間0既工作都咁唔滿意,其實都幾慘。(按風兄金句:做人已經將大半世俾咗與自己生命無關的公司)

與其係咁,不如辭工請個長假休息下沉殿一下吧。

**************

或許我人比較樂天,我對年青人一路以來都抱有無限期望,雖廢青係有,但廢青也有成長一日(我自己已前都係咁),觀乎不同時空,總有下一輩能成功打低上一輩,點都控制唔到。

內地年青企業家真係好鬼年輕,若不拉攏,相信中國現在政權好快就要轉移。

為政者,有冇真係咁傻的?要穩定自己,當然係做低老野扶值後生仔啦。歷代黃帝都係要對付一向在位官宦,拉攏新意見,才能確保自己江山。

樂觀定悲觀?一世人得個幾十年,行得走得玩得未必夠五十年,除左打仗,跟本無必要做驚弓之鳥。唔少食政府公屋戶,生活不知過得幾爽。。。我班上左岸中同(大同應該未有),日日親子日。

唯有唔上唔落個班,不肯認輸,但又討厭在上者,只能踩下嚇下後輩為樂,最經典梗係阿隊長啦!

無樓者,或許覺得月月交租好虛耗,不過好似香討曲線咁講,究竟有實力才會交租,定係無實力才會交租?

上面個問題,兩邊都0岩。收租仔只見無實力個班交租而已,結果感覺到自己強大,但一見持有強勁資產者,矛盾心情自然湧上心頭。

舉個例,某一次個業主同我講,話有個租客好勁搵七萬幾/月(我真係LAUGH ESCAPE FROM MY NOSTRILS),我知阿業主只係繼承左叔父遺產一層樓再加按出租,現實佢教壁球而前身只係會計文員仔一名。

我估我八九成客都係港人,土生土長幾代人住半山未成年就有張AE黑卡廿幾歲上埋電視捐錢做總理都有(按,向氏成員今年再來排炒旦了,我對這房,個人評價係非常正面的。),不過我最唔鐘意提及有錢有權有地位個班客,講黎比較無鬼謂。比較一般的,都係租樓租到退休,仔女又生性唔駛擔心佢地照顧唔到自己,人生心願已足吧。

內地有錢人?梗係有。不過全部對我都好有禮貌恭恭敬敬,因為,在香港有香港遊戲規則,我唔炒旦比你食,你再有錢都跟唔到我地香港人0既玩法,唔係有錢大哂0既!俗語有云,富不過三代,卻有短視之人不同意,邊樣係真?我就唔知喇,因為我唔會有咁長命仔睇到我個孫個仔如何。。。

其實收租三十年,咪又係一樣要等。

有本事,就即時唔好做啦。係咪?否則,從工作中找樂趣,又或者轉個行頭,都不失為平衡一下自己心理0既好方法。

49 則留言:

  1. “LAUGH ESCAPE FROM MY NOSTRILS” 原本食緊麵,睇到呢度爭啲笑到噴麵 😂

    回覆刪除
    回覆
    1. YES,我寫完都覺得個句係神來之筆!

      刪除
  2. 好多收租佬以為租樓人係窮, 其實都幾片面

    回覆刪除
    回覆
    1. 主要係近年好彩收租,本身本來仙都唔仙下日日捱個班。

      話分兩頭,多元業務0既業主,反而處事合情合理好多。

      境界問題,視野問題

      刪除
  3. 坦白講,我都係無信心跑得贏個樓市先行雙租法⋯⋯ Hedge 咗個樓市等個心定 d 而已。

    回覆刪除
    回覆
    1. 雙租唔止對沖左樓市(先假設兩邊樓價唔差太遠,升幅差唔太遠)

      已行文另一篇講雙租好處(其實應該係講一層自住無謂自HIGH)

      刪除
  4. 70兄,
    我很喜歡你說的"境界問題,視野問題" 及"心態決定境界"
    謝謝!

    回覆刪除
    回覆
    1. 是的,小弟小生意是很卑微的工作。

      但慶幸搵錢程度比認識的朋友早及多,十年前,見到他們也起步,結果份人變了。變得港豬嫌三嫌四,又突然身嬌肉貴,仲怕別人搶自己資源(其實大家也是拼是搶吧)。

      連地鐵扶手電梯有個西裝大叔反應慢一點也要鬧。。。

      只覺得他們視野開發得遲,心態結果不好。

      刪除
  5. 真正有實力、有料嘅人反而好謙厚,也文也武個班通常都係眼界窄、半桶水又慌死別人睇唔起佢。

    回覆刪除
    回覆
    1. 係,呢D好易露底。
      哈哈,所以BLOG聚我偏向唔講野,哈哈~

      刪除
  6. 其實除了買樓收租外, 買收息股也可以, 條條大路通羅馬

    回覆刪除
    回覆
    1. 老生常談。
      買金買米等打仗也可以!
      至怕口講強勁現金流,實際只計收入又唔計供樓開支。

      刪除
    2. k1級小弟首次留言
      多多指教
      飲住水睇近呢個回覆差d 噴水 XD
      真係神回覆.

      sk

      刪除
  7. 我都好同意租樓ge先係有實力。
    有個朋友講過一句說話:「洗得起但唔捨得洗,其實即係洗唔起。」我印像好深刻,放係物業身上,即係租得起但唔捨得租,寧願繼續住係間細啲ge自住樓,其實即係租唔起啦。

    買樓牽涉投資選擇,而租樓是純支出,雙租可以睇到一個人捨唔捨得租。

    我就係一個人辦,唔捨得雙租,即係租唔起。

    要再努力啲先得!!

    回覆刪除
    回覆
    1. 如果本身住緊都唔錯,咁又未必係唔捨得租。
      我有朋友住九龍站,由呢一間開始,一路造餅到其他細價單棟。

      但相信唔少口氣大0既收租仔間間都係細價,要佢地用兩間細價0既租金租一間靚0既,應該自己唔肯同埋租唔掂!

      刪除
  8. 如果對工作完全無興趣,返工真係好難捱

    回覆刪除
    回覆
    1. 對,我實習時就極痛苦了!(仲要無人工喎)

      唯有不停找樂子,當年我也有寫網誌,不過已經封存左。

      刪除
  9. 啱啱有朋友租左貝沙灣
    70兄講嗰句真係好啱,我都唔明點解有人會歧視租樓

    好多近排買的業主,扣埋維修,稅,利息支出,差餉管理,基本上唔使倒貼都偷笑

    回覆刪除
    回覆
    1. 近排買的業主,如果買新樓,一落疊,離財自路應該係立即遠左幾年。。。

      刪除
    2. 近排買的, 回報唔高.
      早期買的, 若不賣, 有排等FULLL PAY.

      只有加按一條路.

      刪除
    3. 加按買輕資產都可以, 不過唔識玩遲早GG, 識玩根本點玩都唔會炒車 (L SIR 輸運機出沒注意...)

      刪除
  10. 70後兄篇文章好有深度。需要睇多幾次,先領悟到文章的真義。
    其實通脹只是掩眼法。但很多人只了解貨物通脹是掩眼法,不了解資產通脹也是掩眼法。小弟常説港樓價颺升是貨幣端及供應端的雙重人禍疊加。若果不明上述原因,而認為自己決斷英名的業主們其實絕對諗多了。
    同時,如果找到上述掩眼戲法的線頭的,其實條條大路通羅馬,風兄的懶系收息,師兄的期權,炒股叻的,也早已身處在羅馬市中心,笑緊小弟這些佛系收租佬的蝸牛步速。
    其實人了解世情越深,應該是越謙遜,對知識越渴求。林奮強有句金句好好:“當你無法解釋現在,不要妄圖預測將來,因為一定錯到離譜。” 這句送給在資產通脹掩眼法中High到爆而不自知的人群。不停探求過去的軌跡,其實才是了解未來的不二法門。

    回覆刪除
    回覆
    1. 王兄漏了一個字,小弟[懶]有料...
      呵呵...

      刪除
    2. 三兄再漏了一隻字,你[懶](但)有料
      XD

      刪除
  11. 冇計, 得d本身冇成就, 加上好唔中意自己既工作既人, 為了保持自我感覺良好, 便唯有不停自high, 有一些物業便大談自己理財之道, 再加一些什麼'生活選擇權膠論', 真係有學養, 對自己事業有熱誠既人唔會講呢d.

    冇計, 呢個係修養同境界問題, 所以根本不用浪費時間同呢d人傾, 等佢地自己寫blog發洩下打下飛機, 真實生活就一直做自己毫無存在感同成就感既生活吧.

    回覆刪除
    回覆
    1. 當然如現實識得佢地, 同佢講多句都SIDE 氣啦.

      但BLOG 會影響別人, FB 亦一樣.

      我見求死BLOG以前有我大學同學去LIKE...

      咁就唔可以比佢打飛機射到無辜0既人喇.

      刪除
  12. 踩低租客,提高業主地位先可以自我感覺良好。無奶油同人講孭住成身債,好驚收唔到租要斷供架嘛。當然無限放大租金>供樓支出,加上un un 腳唔使做,等退休贖返層full pay樓啦。

    回覆刪除
    回覆
    1. 因為而家租客多左, 無乜空租期, 大家咪咁進取.

      始終唔少人97劫後餘生, 今次吐氣揚眉呀!

      刪除
  13. 在其他國家,出租樓宇只是正常的供求活動,只有香港才扭曲了業主與租客的關係(尤其香討)。一方比得起錢,另一方就提供服務,有乜問題?

    回覆刪除
    回覆
    1. 香討個班真係正...
      個個都係專家, 回你一句金句就答左你.

      因為大家都想以租代供, 結果租金不停MARK TO MARKET, 其實物價一樣會跟...

      最叻個班, 出租香港但人留番係外地. 但, 香討個班咪又係要等8號風球.

      刪除
    2. 成日話...夠鍾交租...=.=
      真係勁個批, 一早上左岸
      唔係係度GOGOGO
      各師各法, 根本無必要踩低人抬高自己
      股票識買, 快好多
      債識買, 穏好多
      樓識買, 都會賺好多

      無必要mutually exclusive
      why not both?

      刪除
    3. 股樓債邊款武功都好,練到有點水平的,有運之餘,都要一番苦功。
      練成是旦一種,再浮下游下,始終上到岸。恰恰好多人,齋說不練,只係喜歡批評同看圖作文。
      又有好多人成日講苦無機會,股樓債全部有都下跌周期,今年年初到家下股債REIT全部都有回過,領展晌64-67橫行左成個月。機會其實周不時都有,但到了,苦無機會果班係咪真的會上先。所以有時有D人真係唔係好爭得落的。

      刪除
    4. 呢家債價跌到PK, 有心佈局係唔係可以分段進場呢?
      * 並不構成投資建議及要約

      刪除
    5. 唔太見債跌...只係評級降個D 跌左咋.
      可能我的太垃圾,低極有個譜.

      刪除
  14. 作者已經移除這則留言。

    回覆刪除
  15. 阿隊長究竟有幾多淨資產?成個成功人士咁款

    -Allen

    回覆刪除
    回覆
    1. 傳聞佢第一層只係亮賢居, 可以加按到幾多, 大家心知肚明.

      刪除
  16. 從工作中找樂趣,又或者轉個行頭,都不失為平衡一下自己心理0既好方法
    <--返工日日至少8個鐘, 唔開心真係會屈到情緒病...

    回覆刪除
    回覆
    1. 所以財自唔撈咁有市場~~~~!
      大家好日唔去天文台網站, 等打風就不停按F5...

      刪除
  17. 70兄好正 好中point, 又演繹得好生動
    要財自最快真係收息股債, 輕資產係這年代先係王道

    買樓要睇實際需要,平過租咪買囉,貴過租更應該租,
    將軍新樓岩岩收樓細單先放租12-13K 供樓加管理費分分鐘要16-17K, 簽佢3年約仲好
    首期400都夠生息有突..... 都唔明D人仲追樓做咩,為左博3年後400萬升200萬.....3年升50% ,好多師兄都做到啦....
    識諗就會識諗....唔識諗都幫唔到咁多.....

    回覆刪除
    回覆
    1. 放棄未來(樓價)增幅,要刻下現金回報。
      因唔知三十年後錢對自己仲係咪咁重要,我唔會投資房產啦。
      自住就另計。

      DSD 後,用樓財自好慢,浪費左人生最美好時辰。

      刪除
    2. 70後兄,人人有你咁既身手,應該無乜人去買樓了。

      刪除
  18. 就黎一年,你對眼點?清晒未,有冇眼乾。


    Tiger

    回覆刪除
    回覆
    1. 清哂,無眼乾。
      但仲有25度近視,想變番以前戴眼鏡咁精準,我戴番眼鏡。

      刪除
  19. 上月係養和聽講坐,考慮緊做lasik mono vision 。


    tiger

    回覆刪除
  20. happy father's day!! I know I know..... so irrelevant

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...