以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

2018年7月26日 星期四

我同我個倉都未死。。。

差唔多兩個星期無更新網誌,為免被人以為我輸到消失左,簡短報告下行踪吧。

這兩三星期,基本上都係比喉嚨問題困擾,到今日都仲係痛,咳嗽出黎有黃色膿,不過相比首星期,而家變得慢性好多。偶有低燒,抵抗力低下,有點像感冒。

上連登睇,好多人都磨左好耐,又或者斷斷續續又番番黎。。。我唯有等下吧。

再係咁,以乎要入廠CHECK下。

結果,係呢兩個星期股市低迷期間,我就乜都無睇無做。。。而家如何?

我呢個亂咁黎組合,好彩未遇到真正股災,病左放埋一邊唔理又得,仲可以得閒撳番D錢出黎用都得!

A 三百萬股票+期權倉


阿Q一點,扣埋食左0既295000權金,都係蝕十萬左右,大約成個組合3%。

B 美股組合如下,收息類的CEF/優先股繼續收息,期權類的繼續死磨權金,做其血汗工廠。



C 垃圾債系例如下,如此垃圾,繼續持有至其到期。睇下佢到期先定佢執笠先!?認真MODE,2016年至今,真正提供現金流的,正正係呢班垃圾!


D 最大倉位建行(師奶至愛?),除完息後又上番七蚊水平。另持有2000張認沽期權@10蚊,如無意外應該全變廢紙(果28萬權金我一早當左係自己的了!)。

總資產(ABCD)始終上唔番三千萬水平。另,我成日提0既三百萬港股倉(最上圖個十一隻港股),其實位倉位得一成。用黎自嘲或比人食花生其實的確一流。

我扮財自扮左個幾月,銀行戶口D錢真係駛得七七八八,三個戶口加埋,得番6萬蚊唔夠。

再唔開工,就要係IB戶口提款,模擬食息過活日子了!

2018年7月13日 星期五

亂博君飯局 安能辨我是雄雌

先謝謝亂博兄送0既玩具!文末再講!


小弟扁桃腺發炎,發左成個星期,今日都未好番。。。



止凡亂博都已行文,我又寫下,以免過多兩日就唔記得。

今年5月初收到一個令人興奮0既邀請,開心到我即時叫醒訓緊覺0既女主人。

原來亂博兄佢會出第二本書,而佢想搵我寫個序。

簡直係小粉絲巧遇偶像~ 即時LUR飯應啦梗係~

以下係書商連結,有興趣可直接網上訂,去書局0既時間都可以慳番。


寫序之時,亦睇過本書,同時見到亂博0既自序,嚇左一跳,原來十年間(可能唔止),佢一路隱藏自己性別!

原來她是個女的(國語腔)!!

呢個消息應該比收租仔BLOGGER賣自住樓更爆~

其實我自己當年開始紀錄財自之路,有諗過用女主人身份去寫,感覺係女可能多人睇D。

我估我月入二十萬,但男人之家,呢個數好叻咩?女主人廿幾歲女月入十個以上,可能仲吸引眼球。當然,正如亂博君所講,話自己係女,咁做仲會引埋一D HATER 或者古古怪怪0既留言者啦。CHERRY 兄呢類出埋樣0既就更加不得了!

好多男讀者都係八卦0既,最經典有人憑一隻貓0既樣,搵到某女BLOGGER真身。。。即時成為該月份花生一大碟。相比求死個樣,可能好多人都見過佢個裝修佬樣(其實都唔少人見過),但女BLOGGER不理好醜,出左樣就自然多人評頭品足。

我唔想出樣唔想講工作係乜,就係因為講左就無NOISE。全部都只係平凡東西,講出黎換來一聲"哦~~~"就無鬼謂。


*****

直到七月,亂博君約我地飯聚見個面。

呢間MANGO TREE 係THE ONE,的確係幾好風景架!
我地就係坐近窗口個排!

我以為我好早,點知去到已經見到止凡亂博到左,之後REXH兄,SAM兄,同亂博個先生都到左。

至於個晚講左乜?睇佢地二人網誌好過我講。除左我講個D八卦廢野之外,大家都有好見地好專業。

以下為兩人有關飯局當日連結


比較有亮點0既,除左亂博君外,就係一向做開人肉BLOGGER WIKI 0既REXH兄今日滔滔不絕講佢專長,好明顯今日開正佢個樣,非常正呢。

另,亂博君個老公,應該都係一個FUNNY GUY(除非唔係啦),如果唔係佢太太係度制肘住佢,肯定佢會爆好多笑野出來(^_^)。下次可以考慮掉底太太一個人出席BLOGGER飯局。

番到屋企,病情惡化。。。我估一係就係碗冬陰公,一係就係個青檸梳打吧。好在唔駛點番工,又休息下無事。

最後,不得不讚多一次,亂博君真係極理性,比佢發現我有開班L潛質。

無錯,如果我係宗教傳導人/開班L,應該係呢類範疇入面會大有所為。所以FB個班開班L真係唔好得罪我,唔係我一怒之下搶9左你個飯碗就無謂,無論內容幾空洞無聊,一到我手你就無運行了。嘿嘿哈哈哈~~~~(揚長而去)

(尤其果D上完人地期權班再自己收貴D開個D,又或者教人慳錢苦行投資果D。。。)

最後,多謝亂博送比仔女0既拍片玩具,開頭兩個可以一齊玩,後尾得番家姐拍片扮TAKE 1。

今天,滿載而歸!
後面仲有一本亂兄送0既書!

******

港股反彈左兩三日,估唔到組合已經蝕少左好多。


表現最差唔係碧桂園,佢派左股(6098),其實係端聲!銀娛番家鄉之日不遠了。

我相信女主人半撈底個D已有利潤!
我相信女主人半撈底個D已有利潤!
我相信女主人半撈底個D已有利潤!

扣埋權金,賬面已經打和唔駛蝕,呢個都係SHORT COVERED CALL 好處。

2018年7月10日 星期二

當年同學推介 不如試下追Belinda

呢篇係收租30年同埋叻極都係一層屯門樓續集,文末再補充!


人物介紹
牙醫同學:其實唔熟,當年份人麻麻,畢業後再見改觀哂。非常正路。
PK:我就叫佢PK,係我朋友唔多0既人生路上,佢算係數一數二係我生命中攪住我0既人!
PK條女:唔想比名佢,因為都唔熟,以前現在都算高顏值,少少肥,講野溫柔估計為人善良!(估!)
BELINDA:都係女同學,名女校出身。

話說,大學時,小弟讀左理大神科(屌,即係唔係神科啦),聽聞而家比以前更神。

咩科?上圖LOGO有提示,請不要踢爆。哈哈。。。

原因?因為個名算係好聽,又算係專業人士,人工又跟政府(當年算係咁,而家經濟咁好,政府人工完全比下去,不值一晒。有埋收租仔呢一行之後,人工0既野,真係得淡笑!)

係最鐘意打RPG式慢慢升LEVEL相信捱完會有收獲,証書會帶來實力0既港豬黎講,係確保未來收入不二法門。

小弟不幸地,一知半解入左去(INFO DAY累事),第一年已發現唔係好對路,但屋企又未必可以比我任性轉科,唯有讀埋佢。

呢科最特別,就係佢係SO CALL神科!其實等同而家D偽豪宅,只有住緊(讀緊)先會自我感覺良好。

最後,科網爆破時畢業,就業環境奇差,我呢一代0既同學,出路應該算係數一數二地差。有機會先講啦。

邊D人住偽豪宅?當然係偽富豪!小弟入到去,有唔少屋村小子1ST CHOICE入去(例如我),因為唔識得揀,覺得都唔錯(買樓新手),一係就係一堆入唔到醫科0既名校生。

要幾名校有幾名校!例如有父母均為醫生,恨鐵不成鋼!最後畢業梗係唔會比個仔做呢D低級醫療工作啦,再讀埋牙醫

仲有同學絕地求生讀番個中醫,殺左一條血路出黎!

講番今次主角,又係半名校畢業,大角咀區可以校服襯波鞋番學個間男校

話說YEAR1個陣同佢都算幾好朋友,至少溫書飲飲食食打波游水一齊走唔甩,不過為人都幾MEAN同陰濕。陰過我D乜?其實真係無聊,唔明白點解要咁玩。

佢背後玩野,我YEAR2先知,之後諗番,佢都幾PK。

話說佢已有一同班女友(係150人入面,佢當時女朋友算幾靚但小肥),題外話,佢女友現在個老公(我都係偶爾FB八卦到)好似都有寫下財經0既野,未到財演又唔係BLOGGER,炒期指野卦。

唔好講佢讀書時前度啦,講番條PK。

搵番舊圖,應該係呢間,已摺!

其實當時我已經有女朋友,只係一路地下情無人知。諗番當時點解地下情?因為初開始未穩定,又唔想人係背後講啦。係某一日,我無記錯應該係尖沙咀食元氣壽司個時,佢問我:

"不如考慮下BELINDA啦"

邊個係BELINDA?其實三年前我已經提過幾次,不過我估好多讀者都唔知,個BLOG都係呢一兩年先開始有人睇。等我介紹一下!

BELINDA 都係我本科同學,九龍名女校畢業。女仔(廢話),份人應該係開朗攪笑型,講野都好正路唔港女(唔港女,好多時係因為讀左咁多年女校,未見過男仔,近距離接觸反而怕怕醜醜)。

可惜,人比較矮同肥,同埋個樣好一般,絕對唔係我杯茶!佢一定唔係醜個種,你唔會見到佢正面掉頭走0既,不過講多一次,真係唔係我杯茶。。。只係,實在太過普通,只能派好人卡比佢做朋友個種LAW!

可能我口味獨特,我梗係覺得女主人正D!(點解要講?話說去黃國英個投資TALK SHOW個陣,我錯手係FB透露左我坐邊,女主人好怕比人見到,然後別人幻想破滅!哈哈)

講番呢條PK,想塞BELINDA比我,當時我回應當然係拒絕啦!點知,佢三日唔埋兩日又再叫我考慮下。。。喂,咪玩啦,佢以為我未拍過拖想我開齋?但佢知唔知我雖然樣衰衰咁,但中學時代都有兩三個女仔鐘意過我(嘩哈哈!),如果我係求求其其0既,應該點都唔駛揀BELINDA!

我唔明白條PK係咪心態,即係咁,佢食緊魚翅時,叫我粗粗地哽住粉絲先?我知呢條PK樣OK把口又得,當年食得好過我一D都唔出奇。但係,都唔代表我要食得差下話!

難道就好以TVB垃圾劇咁,最後大團圓一定每人攬住一條女,即使係樣衰女配角,總要比番個男人佢,成個世界得幾男幾女,成個伊甸園咁!

十幾年後今日,大家如何?

牙醫同學,同個睇落好後生0既助護結左婚!開埋診所。(UM。。。可能別人都覺得我娶左個年輕老婆)

PK條女:結左婚,除左佢老公有投資FB專頁外,我一無所知

BELINDA:同另一個同學結左婚,仲要係當時一齊玩個班!應該幸福愉快地生活緊卦,戀情唔知係咪畢業後開始了。

PK:如無意外,佢繼續係養和醫院做,好似剛剛由2級升左做1級,人工有幾多我唔知(歡迎報料,公立就45K起薪),佢老婆?應該都係同行,好大機會都係養和員工。若要比較,我覺得女主人樣好D,同時身型豐滿D LAW!

比較人工就無謂,應該十年前我已經追過條PK幾條街,比較另一半較為有趣吧!

**************

即係咁,當樓價貴到一個點,你見一D老野/前輩/早買0既人同你講,粗粗地買一層自住先,係咪真係金石良言?

當你有能力一年去12次旅行,發現自己只能住300呎細價樓,呢個係咩公式咩道理咩玩法?(按:黃國英TALK SHOW一開波個CASE,4千萬輕資產租住300呎親戚樓)

我認為,住又好食又好,至少要睇兩樣野。能力同習慣!

比得起,何必屈就?
就似當年,我知自己都唔係溝唔到女(即使未拍過拖),又何必求求其其只求係同學間搵個就手的?

就如黃國英TALK SHOW中,個對幾千萬夫婦例子,佢地住咁細,並唔係無錢,而係等待。既然有能力,何必屈就自己?等待價跌又好,或自己投資回報再提升也好。既然可以叫兩飛,何必買一個一D都唔保險0既保險?

即係咁,我無理由溝左BELINDA(其實人地都未必受架喎!),再睇下有冇其他靚女可以轉卦?

女主人話,睇我講八卦野,好過睇我D投資組合。我最鐘意跟風跟讀者口味(小生意就我行我素!),留言講下我知丫。

2018年7月3日 星期二

老婆睇波又買股票 我可以唔撈嗎 40

先講下回預告
1大同好介紹,叫我去溝BELINDA

2繼續答讀者理財個案,做暗黑撚蛇

講生活

男主人放左近兩星期假,生活都幾寫意。不過就唔係好夠訓,因為晚晚睇波。

女主人唔知點解,又有鋪睇波癮!上屆佢都唔睇(咁岩個陣個仔就出世),結果番到去鋪頭就覺得好眼訓。

但係呢,佢又買左部Nespresso - LATTISSIMA ONE 咖啡機玩!結果晚晚飲咖啡,的確係幾好飲0既,當然點都唔及人手沖個d。但係點都好過茶記或者即沖個d啦!



比女主人買0既另一原因,係有工人可以幫手洗。

難怪港豬咁鐘意請工人,真係好多家務都可以交比佢做。

雖然工人唔靚(我無SAY),但煮餸係ok!做野又無甩漏(清潔個d家務可能爭少少),但接送小朋友,準時起身,肯跟人學煮飯(肉餅,魚湯)都算係咁。

講下睇波,德國隊出局後,都預左。用埋班老野抱殘守缺,等下屆啦,其他賽事一樣咁好睇。見FB好多人見自己愛隊輸左,就黑心想其他強隊出局!其實呢d心態真係唔要得~~~

尼馬rolling咁出名,女主人居然剛剛先至知,睇完狂笑。。。


投資一樣,有時逆境有時順境,下下MOLAMOLA會比人笑架!

順境時又唔好扮專家,逆境時都唔駛呼天搶地,始終一世人流流長,洗0既錢多與少好彈性。但係睇少場波/打少鋪機/同小朋友去少一次迪士尼,無左就係無左。

五分鐘前朋友SHARE 的圖,如下



講工作

男主人無工作。女主人頂上!

佢話:

鋪頭少左個人,好多野自己跟,好忙。
近來又睇波又煲劇,好唔夠訓!
好彩有咖啡飲。。。

講投資

本月好慘,GLD SP全數比人行使,睇黎金價有排跌,我悲觀D估計,GLD現在117,最差會跌到100。賣唔賣?唔拉,又持有睇下點。反正兩年間權金其實夠COVER,投資組合中,佢只佔少於5%,長期在倉唔係咩大問題。

主力重倉建行939已經跌到得番$7.25,期權綁住又無沽,哈哈。預計除淨後,佢會穿七蚊啦。咁又點?佢跌到5蚊我都無事,照舊日日砌高達打機也可,何必理佢?你話我阿Q又好,不過我就係懶得理。

至於我個3百萬SHORT COVERED CALL倉,已經蝕緊。扣左29萬權金後,現在蝕緊4萬。有人問,點算?我一年SHORT CALL,咪又等佢一年。諗黎又無用0既。

最後,利是基金匯控,原來跌到73.6。又睇下開唔開到倉,我估權金得300蚊!阿女升二年班後,一星期零用為90元。究竟利是基金(利是加佢麻麻剩下的錢),可唔可以養佢地去到大學畢業?一隻抱殘守缺0既股票,係咪真係明日黃花?

反而女主人加左新倉,如下圖(懶得打,股價同買入數量都齊了):



黃國英TALK SHOW 洗腦效應,如無意外,唔駛睇股價都知佢坐艇中!黃國英果十一隻,佢自己EXCLUDE左國泰同粵海後(點解?我都唔知,你留言問佢吧),有三隻唔到價成唔到,結果買得七隻。

講資產

男主人資產319萬(上月311萬),原因?因為係總資產減去建行倉位。雖然金價跌,但美股(ATVI)及其他定息資產帶來升幅,同時工作現金流都有貢獻雖然唔多。本來做完球SHORT CALL,應令資產增加29萬左右。。。其實已經蝕左!哈哈!

女主人資產493萬(上月485萬),其實今估月佢應該升更多,因為匯控跌幅同佢自己股票倉(七隻)下跌引致。

男主人淨資產番番去半年前水平。。。不過,對比一年前,淨資產都增長左270萬。當中增長黎自股票增值、主動收入、利息及債息。

即然係咁,此刻跌市,又何懼之有?保持兩手準備,悲觀地樂觀吧。
Related Posts Plugin for WordPress, Blogger...