1大同好介紹,叫我去溝BELINDA
2繼續答讀者理財個案,做暗黑撚蛇

講生活
男主人放左近兩星期假,生活都幾寫意。不過就唔係好夠訓,因為晚晚睇波。
女主人唔知點解,又有鋪睇波癮!上屆佢都唔睇(咁岩個陣個仔就出世),結果番到去鋪頭就覺得好眼訓。
但係呢,佢又買左部Nespresso - LATTISSIMA ONE 咖啡機玩!結果晚晚飲咖啡,的確係幾好飲0既,當然點都唔及人手沖個d。但係點都好過茶記或者即沖個d啦!
比女主人買0既另一原因,係有工人可以幫手洗。
難怪港豬咁鐘意請工人,真係好多家務都可以交比佢做。
雖然工人唔靚(我無SAY),但煮餸係ok!做野又無甩漏(清潔個d家務可能爭少少),但接送小朋友,準時起身,肯跟人學煮飯(肉餅,魚湯)都算係咁。
講下睇波,德國隊出局後,都預左。用埋班老野抱殘守缺,等下屆啦,其他賽事一樣咁好睇。見FB好多人見自己愛隊輸左,就黑心想其他強隊出局!其實呢d心態真係唔要得~~~
尼馬rolling咁出名,女主人居然剛剛先至知,睇完狂笑。。。
投資一樣,有時逆境有時順境,下下MOLAMOLA會比人笑架!
順境時又唔好扮專家,逆境時都唔駛呼天搶地,始終一世人流流長,洗0既錢多與少好彈性。但係睇少場波/打少鋪機/同小朋友去少一次迪士尼,無左就係無左。
五分鐘前朋友SHARE 的圖,如下
講工作
男主人無工作。女主人頂上!
佢話:
鋪頭少左個人,好多野自己跟,好忙。
近來又睇波又煲劇,好唔夠訓!
好彩有咖啡飲。。。
講投資
本月好慘,GLD SP全數比人行使,睇黎金價有排跌,我悲觀D估計,GLD現在117,最差會跌到100。賣唔賣?唔拉,又持有睇下點。反正兩年間權金其實夠COVER,投資組合中,佢只佔少於5%,長期在倉唔係咩大問題。
主力重倉建行939已經跌到得番$7.25,期權綁住又無沽,哈哈。預計除淨後,佢會穿七蚊啦。咁又點?佢跌到5蚊我都無事,照舊日日砌高達打機也可,何必理佢?你話我阿Q又好,不過我就係懶得理。
至於我個3百萬SHORT COVERED CALL倉,已經蝕緊。扣左29萬權金後,現在蝕緊4萬。有人問,點算?我一年SHORT CALL,咪又等佢一年。諗黎又無用0既。
最後,利是基金匯控,原來跌到73.6。又睇下開唔開到倉,我估權金得300蚊!阿女升二年班後,一星期零用為90元。究竟利是基金(利是加佢麻麻剩下的錢),可唔可以養佢地去到大學畢業?一隻抱殘守缺0既股票,係咪真係明日黃花?
反而女主人加左新倉,如下圖(懶得打,股價同買入數量都齊了):
黃國英TALK SHOW 洗腦效應,如無意外,唔駛睇股價都知佢坐艇中!黃國英果十一隻,佢自己EXCLUDE左國泰同粵海後(點解?我都唔知,你留言問佢吧),有三隻唔到價成唔到,結果買得七隻。
講資產
男主人資產319萬(上月311萬),原因?因為係總資產減去建行倉位。雖然金價跌,但美股(ATVI)及其他定息資產帶來升幅,同時工作現金流都有貢獻雖然唔多。本來做完球SHORT CALL,應令資產增加29萬左右。。。其實已經蝕左!哈哈!
女主人資產493萬(上月485萬),其實今估月佢應該升更多,因為匯控跌幅同佢自己股票倉(七隻)下跌引致。
男主人淨資產番番去半年前水平。。。不過,對比一年前,淨資產都增長左270萬。當中增長黎自股票增值、主動收入、利息及債息。
即然係咁,此刻跌市,又何懼之有?保持兩手準備,悲觀地樂觀吧。
70兄,女主人好英勇撈底呢!小弟都係睇位入返D... 但小弟的豆腐潤倉,說來浪費空氣。
回覆刪除小弟亂噏,覺得侵帝似乎玩野玩出火,中、歐、北美三把火無把收到火。畢竟美帝只係紙上貿易,以企業國藉及附加值計,最多少蝕,甚麼是貿易盈餘。打中國仲係可以玩芯片,打歐洲,歐盟分分鐘叫ASML唔出口晶片光刻機俾美帝,美帝芯片產業立即釘蓋。中國底氣不足?睇黎美帝底氣都唔似足以一個打九個?哈哈!
恭喜沙發,打咁長都搶倒!
刪除迷兄,搶到沙發,即見個市跌900點。似乎小弟亂噏到過哂龍,個市都要懲罰下小弟。
刪除三兄,唔跌又邊有得升?帳面數嚟啫,唔洗咁失望既,有閒錢仲可以入下貨
刪除對,唔跌又邊有得升。
刪除畢竟見識過2008、2015,所以今年頭半年小弟都唔多覺有乜大件事。
而且仲係迷李倉,迷李到老婆大人都唔多想聽小弟報告戰況。
我坐住蟹貨等佢升。
刪除今日x大師中午教路,叫買put的人先沽半獲利,以防佢不會急插
即係可解讀為,個市仲有得跌。
真金白銀陪70後兄坐。今天入了939, 1398, 405豆腐花咁多。
刪除剛才小弟晌另一台發表了一番亂噏言論,又響這裡又亂噏一通:
"以小弟(豐富的)坐艇的經驗,不斷跌、不斷接,接到無子彈,再來過終極大跌,跌到你守唔住要走人,就差不多見底了。現在(以小弟自身的動作評估)似乎仍在"不斷跌、不斷接"的階段。^^0"
70兄真係好有霸氣,賺蝕都睇得咁開
回覆刪除70嫂係咪將銀行個SMS入埋電話簿配埋圖像?少女系股神呢。
係,佢入左花旗個電話。方便佢知係乜水呀
刪除跌市撈底我都有做,但真係小注怡情算了,向來賭大細都係輸多過贏!
回覆刪除世界杯我都係睇好提子牙捧的,諗住抽倒隻鳥龜算易踢,結果唉!
利申:今朝又入左少少939
7蚊以下好抵啦,唔知有冇五厘。
刪除仲要未除淨,呢個價令一眾八蚊以上入既心酸非常。
我四年前入,一路坐至現在。
今次竟然賭贏左,不過我仲有堆係之前7.5入的...
刪除心酸就無乜,反正閒錢都係擺係度
今日又跌八百幾點,我剛想出篇半年結,轉眼又out咗,跟唔到個市呢。
回覆刪除如果我今日出文,我估身家少左幾十萬。
刪除不過,下午欠回番少少了。
70兄個倉底夠厚,跌市NAV都有升已經利厲,已跟風女主人小量加注
回覆刪除女主人是燈神,小心為上。
刪除另,NAV升,因為有一堆收息產品,波動相對細,又收七八厘。
哈哈,咁講會被人打,我會話,我沒有跟黃國英效應.... :P
刪除但會跟跟男女主人手氣28000 小注加加倉,學習學習
Neymar真係好煩,越睇越憎佢。
回覆刪除上屆見佢又後生又勁。。。
刪除股票收息組合,正股唔郁,但考慮緊好唔好平掉因為正股股價下跌而變得很價外的SC,再重新開一張輕微價外的SC。例如: Jun'19 工行 SC; 7@ 0.133 轉為 6@ 0.363
回覆刪除70後兄有可睇法? 謝謝。
哈, 我一向偏向闊佬懶理, 若不介意急彈比人CALL 走, 你個做法可以收多一浸權金.
刪除工人樣靚身材正,隨時家破人亡!😝😝
回覆刪除靚極有限吧, 真係靚又點會來香港做工人? 去做明星或者溝件有錢仔啦.
刪除呢個咖啡機好好用架!!
回覆刪除係.
刪除整出黎好標準!