小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年7月10日 星期二

當年同學推介 不如試下追Belinda

呢篇係收租30年同埋叻極都係一層屯門樓續集,文末再補充!


人物介紹
牙醫同學:其實唔熟,當年份人麻麻,畢業後再見改觀哂。非常正路。
PK:我就叫佢PK,係我朋友唔多0既人生路上,佢算係數一數二係我生命中攪住我0既人!
PK條女:唔想比名佢,因為都唔熟,以前現在都算高顏值,少少肥,講野溫柔估計為人善良!(估!)
BELINDA:都係女同學,名女校出身。

話說,大學時,小弟讀左理大神科(屌,即係唔係神科啦),聽聞而家比以前更神。

咩科?上圖LOGO有提示,請不要踢爆。哈哈。。。

原因?因為個名算係好聽,又算係專業人士,人工又跟政府(當年算係咁,而家經濟咁好,政府人工完全比下去,不值一晒。有埋收租仔呢一行之後,人工0既野,真係得淡笑!)

係最鐘意打RPG式慢慢升LEVEL相信捱完會有收獲,証書會帶來實力0既港豬黎講,係確保未來收入不二法門。

小弟不幸地,一知半解入左去(INFO DAY累事),第一年已發現唔係好對路,但屋企又未必可以比我任性轉科,唯有讀埋佢。

呢科最特別,就係佢係SO CALL神科!其實等同而家D偽豪宅,只有住緊(讀緊)先會自我感覺良好。

最後,科網爆破時畢業,就業環境奇差,我呢一代0既同學,出路應該算係數一數二地差。有機會先講啦。

邊D人住偽豪宅?當然係偽富豪!小弟入到去,有唔少屋村小子1ST CHOICE入去(例如我),因為唔識得揀,覺得都唔錯(買樓新手),一係就係一堆入唔到醫科0既名校生。

要幾名校有幾名校!例如有父母均為醫生,恨鐵不成鋼!最後畢業梗係唔會比個仔做呢D低級醫療工作啦,再讀埋牙醫

仲有同學絕地求生讀番個中醫,殺左一條血路出黎!

講番今次主角,又係半名校畢業,大角咀區可以校服襯波鞋番學個間男校

話說YEAR1個陣同佢都算幾好朋友,至少溫書飲飲食食打波游水一齊走唔甩,不過為人都幾MEAN同陰濕。陰過我D乜?其實真係無聊,唔明白點解要咁玩。

佢背後玩野,我YEAR2先知,之後諗番,佢都幾PK。

話說佢已有一同班女友(係150人入面,佢當時女朋友算幾靚但小肥),題外話,佢女友現在個老公(我都係偶爾FB八卦到)好似都有寫下財經0既野,未到財演又唔係BLOGGER,炒期指野卦。

唔好講佢讀書時前度啦,講番條PK。

搵番舊圖,應該係呢間,已摺!

其實當時我已經有女朋友,只係一路地下情無人知。諗番當時點解地下情?因為初開始未穩定,又唔想人係背後講啦。係某一日,我無記錯應該係尖沙咀食元氣壽司個時,佢問我:

"不如考慮下BELINDA啦"

邊個係BELINDA?其實三年前我已經提過幾次,不過我估好多讀者都唔知,個BLOG都係呢一兩年先開始有人睇。等我介紹一下!

BELINDA 都係我本科同學,九龍名女校畢業。女仔(廢話),份人應該係開朗攪笑型,講野都好正路唔港女(唔港女,好多時係因為讀左咁多年女校,未見過男仔,近距離接觸反而怕怕醜醜)。

可惜,人比較矮同肥,同埋個樣好一般,絕對唔係我杯茶!佢一定唔係醜個種,你唔會見到佢正面掉頭走0既,不過講多一次,真係唔係我杯茶。。。只係,實在太過普通,只能派好人卡比佢做朋友個種LAW!

可能我口味獨特,我梗係覺得女主人正D!(點解要講?話說去黃國英個投資TALK SHOW個陣,我錯手係FB透露左我坐邊,女主人好怕比人見到,然後別人幻想破滅!哈哈)

講番呢條PK,想塞BELINDA比我,當時我回應當然係拒絕啦!點知,佢三日唔埋兩日又再叫我考慮下。。。喂,咪玩啦,佢以為我未拍過拖想我開齋?但佢知唔知我雖然樣衰衰咁,但中學時代都有兩三個女仔鐘意過我(嘩哈哈!),如果我係求求其其0既,應該點都唔駛揀BELINDA!

我唔明白條PK係咪心態,即係咁,佢食緊魚翅時,叫我粗粗地哽住粉絲先?我知呢條PK樣OK把口又得,當年食得好過我一D都唔出奇。但係,都唔代表我要食得差下話!

難道就好以TVB垃圾劇咁,最後大團圓一定每人攬住一條女,即使係樣衰女配角,總要比番個男人佢,成個世界得幾男幾女,成個伊甸園咁!

十幾年後今日,大家如何?

牙醫同學,同個睇落好後生0既助護結左婚!開埋診所。(UM。。。可能別人都覺得我娶左個年輕老婆)

PK條女:結左婚,除左佢老公有投資FB專頁外,我一無所知

BELINDA:同另一個同學結左婚,仲要係當時一齊玩個班!應該幸福愉快地生活緊卦,戀情唔知係咪畢業後開始了。

PK:如無意外,佢繼續係養和醫院做,好似剛剛由2級升左做1級,人工有幾多我唔知(歡迎報料,公立就45K起薪),佢老婆?應該都係同行,好大機會都係養和員工。若要比較,我覺得女主人樣好D,同時身型豐滿D LAW!

比較人工就無謂,應該十年前我已經追過條PK幾條街,比較另一半較為有趣吧!

**************

即係咁,當樓價貴到一個點,你見一D老野/前輩/早買0既人同你講,粗粗地買一層自住先,係咪真係金石良言?

當你有能力一年去12次旅行,發現自己只能住300呎細價樓,呢個係咩公式咩道理咩玩法?(按:黃國英TALK SHOW一開波個CASE,4千萬輕資產租住300呎親戚樓)

我認為,住又好食又好,至少要睇兩樣野。能力同習慣!

比得起,何必屈就?
就似當年,我知自己都唔係溝唔到女(即使未拍過拖),又何必求求其其只求係同學間搵個就手的?

就如黃國英TALK SHOW中,個對幾千萬夫婦例子,佢地住咁細,並唔係無錢,而係等待。既然有能力,何必屈就自己?等待價跌又好,或自己投資回報再提升也好。既然可以叫兩飛,何必買一個一D都唔保險0既保險?

即係咁,我無理由溝左BELINDA(其實人地都未必受架喎!),再睇下有冇其他靚女可以轉卦?

女主人話,睇我講八卦野,好過睇我D投資組合。我最鐘意跟風跟讀者口味(小生意就我行我素!),留言講下我知丫。

38 則留言:

  1. 係唔係條女煩住佢,所以叫70兄你暗手食左佢幫佢止下咳?
    話時話,香港小朋友真係無咩好資訊俾佢做職業生涯規劃,個個都錯哂跟住出到來社會先慢慢糾正,可惜

    回覆刪除
    回覆
    1. 應該唔會係呢d 痴女啦。
      呢科讀書人科,好多都好規矩,或者衰d講係唔識犯規。

      刪除
    2. 生涯規劃呢,實有暗教。
      不過香港地向錢看law....

      刪除
  2. 咁多人睇你個blog, 內容怕唔怕比當事人發現?

    回覆刪除
    回覆
    1. 唔怕
      我大學時已寫blog講是非,pk的確係pk.
      有同行睇要知佢是誰應不太難。

      刪除
  3. 古有永青地產拍個廣告話個女仔同層樓(小木?小睦?)拍拖,今有 70後兄以擇偶為喻,睇到最後先知你想講乜 😂

    身邊叫兩飛的朋友不少(我指樓市),所以剛性需求確實一定有;不過歲月也不很饒人,最近有些等到快步入中年的朋友開始等不下去,家庭需要、擔心 40 歲後借貸能力下降等都是理由。下一波跌浪中,這班朋友的情況最叫人擔心。

    回覆刪除
    回覆
    1. 其實我都係順手講樓,主要講故事多既。
      無錯,歲月不饒人。
      無樓既怕老左借貸力下降,同樣地,有樓既又怕現金流不足(撚蛇好多呢d個案)

      各有各煩惱。

      刪除
  4. 嗯 我依D咪人辦,要做左N份工先搵到自己條路囉

    回覆刪除
    回覆
    1. 我初畢業都做過幾份工,第一份做左九日就辭職了。

      刪除
  5. 當年神推鬼㧬上車,家人都係建議小弟一步到位買大3房。但當時按揭成數沒有現在的高,所以可以一步到位。然後雙租,直至有小朋友再住搬返入大3房自住。但家下首期門檻高左咁多,一步到位難了,所以才有上車追車之說。當然,以70後兄的身手,留返2%低回報俾業主,自己用同一筆錢去賺10-20%回報才是合符邏輯的選項。

    回覆刪除
    回覆
    1. 我邊有咁高回報丫. 唔蝕算好彩.

      一步到位係最好, 買又得, 租又得

      刪除
  6. 個人經驗,與其朋友或者親戚介紹女仔,不如真係勇猛啲去追件街貨好過
    感情既野真係好難講,街貨唔對路斬欖不難,別人既好介紹會有同輩壓力

    回覆刪除
    回覆
    1. 同學要飛都唔難,不過通常都係同一班熟同學,之後組 group 傾 Project 就麻煩...

      刪除
    2. 所以我覺得當年溝完一件同學, 再溝另一件同學個D, 好勁! 同學仲要係日日一齊上堂, 唔係某科相信個種HI BYE 同學喎.

      刪除
  7. 「4千萬輕資產租住300呎親戚樓」

    呢類苦行僧,除左刻薄自己,仲好可能會刻薄埋人地...生人勿近呢🤣

    回覆刪除
    回覆
    1. 查實咁多錢為乜唔租返間豪宅住下呢?
      不過有慳到食魚柳包做午餐的超級富豪,有幾百萬現金的捨荒阿婆,迫自己住300呎親戚樓未必係出奇事。

      刪除
    2. 「4千萬輕資產租住300呎親戚樓」

      所謂的STAY HUNGER

      刪除
  8. 其實好想知乜野係"炒蛋"
    唔知70後師兄可否告知??

    回覆刪除
  9. 好奇問下,4千萬輕資產租住300呎親戚樓,個Case詳情係點架?

    回覆刪除
    回覆
    1. 風兄
      其實係兩對人
      一對4千萬輕資產但投資好勁. 一路等投資賺多D 先買番間大屋, 不甘求其住細野(MAIN POINT 係佢STAY HUNGER)
      另一對, 係早年物業平買幾千萬大屋, 但投資上不停輸, 雖然不痛.

      講者問:你想做邊個

      刪除
    2. 我想做早年平買大屋又有4千萬輕資產,哈哈。

      刪除
    3. 風兄,你有高顏值女兒,第日拖住出街引來一眾艷羨目光,有錢都買唔到架。

      刪除
  10. //女主人話,睇我講八卦野,好過睇我D投資組合
    70後兄,聽老婆話就啱了。XD

    回覆刪除
  11. 七十兄呢篇文真係好有親切感XD
    好配服師兄當年的勇氣同際遇,呢d醫療專業邪惡既地方,就係個專業資格令班人成為一班受保護動物。就好似美國隊長個盾咁,只有有個盾(專業牌)係手,無論你個人能力幾廢,市況幾差,一樣可以迄立不倒年年加人工。
    不過同好多專業一樣,如果做左好多年第日想轉工就慘了。根本做左好多年野,都冇磨練到任何人際職場技巧(除左一股不知那裡來的(偽)專業人士式心高氣傲)。

    回覆刪除
    回覆
    1. //(偽)專業人士式心高氣傲

      我YEAR1 已經好頂唔順呢樣, 不知所謂.

      隔離科師弟, 我估你係幸福個班, 有鐵飯碗.
      我同年個班, 無鐵飯碗架, 一係就做左幾年先食到個鐵碗!

      否則, 就自己打拼. 而家仲見到佢地要上電視, 寫專欄刷專業感成功感架...

      刪除
  12. 最鍾意個句: 比得起,不將就,就是生活態度

    回覆刪除
    回覆
    1. 應該係內地網圖, 講拍拖0既.

      用左投資或住屋也一樣.

      刪除
  13. 我仔有病,長期要見理大畢業的治療師。在我眼中,治療師就好像是天使一樣。這是用家角度。

    至於治療師的角度,我諗問題係打工,在政府或NGO工作人工不會勁高。現在樓價高租金也高。治療師都是人都要生活。如果我仔個治療師唔做了,要去創業咁,我就祝福佢。而我仔就再搵一個新的治療師。係咪因為咁呢?我見啲治療師流失率都好高吓。資深的人亦好少。這對病人來說是大損失。

    回覆刪除
    回覆
    1. 原來是用家心聲。
      老實說,用家角度應該好滿意,因治療技巧大學有教,連帶多年經驗,再豬的都不會學得太差。

      Worker level 的工作,理應如是,理應幫到別人。

      醫院內,planner 是醫生。

      刪除
    2. 好多人都係響公營醫療體系儲到咁上下經驗好快就會辭職走人, 因為外面同入面收入差距太大

      刪除
    3. 漏左句就係前線人員最難接受係而家啲「客仔」嘅態度愈來愈差

      刪除
    4. 我以數字為生, 只係好彩識到各行各業嘅人, 聽到唔少故仔啫

      刪除
  14. 睇到最尾先知師兄原來講樓, 哈
    不過我覺得用女人去同樓比會好D, 因為個迫切性會比較似
    女人越拖得耐, 相對男人越難擇偶, 同現況的樓市牛相似

    男人有乜所謂, 四十一支公都一樣爽YY 丫, 對嗎, 哈哈

    回覆刪除
    回覆
    1. 都係0既, 不過等下等下都老, 整個家庭開始要有分支, 到時住屋又唔駛咁大.

      壓力大左定細左, 或未易量.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...