亂博君飯局 安能辨我是雄雌

先謝謝亂博兄送０既玩具！文末再講！

小弟扁桃腺發炎，發左成個星期，今日都未好番。。。

見止凡同亂博都已行文，我又寫下，以免過多兩日就唔記得。

今年5月初收到一個令人興奮0既邀請，開心到我即時叫醒訓緊覺０既女主人。

原來亂博兄佢會出第二本書，而佢想搵我寫個序。

簡直係小粉絲巧遇偶像～　即時ＬＵＲ飯應啦梗係～

以下係書商連結，有興趣可直接網上訂，去書局０既時間都可以慳番。

「財富潛藏金融革命2.0」

寫序之時，亦睇過本書，同時見到亂博０既自序，嚇左一跳，原來十年間（可能唔止），佢一路隱藏自己性別！

原來她是個女的（國語腔）！！

呢個消息應該比收租仔ＢＬＯＧＧＥＲ賣自住樓更爆～

其實我自己當年開始紀錄財自之路，有諗過用女主人身份去寫，感覺係女可能多人睇Ｄ。

我估我月入二十萬，但男人之家，呢個數好叻咩？女主人廿幾歲女月入十個以上，可能仲吸引眼球。當然，正如亂博君所講，話自己係女，咁做仲會引埋一Ｄ　ＨＡＴＥＲ　或者古古怪怪０既留言者啦。ＣＨＥＲＲＹ　兄呢類出埋樣０既就更加不得了！

好多男讀者都係八卦０既，最經典有人憑一隻貓０既樣，搵到某女ＢＬＯＧＧＥＲ真身。。。即時成為該月份花生一大碟。相比求死個樣，可能好多人都見過佢個裝修佬樣（其實都唔少人見過），但女ＢＬＯＧＧＥＲ不理好醜，出左樣就自然多人評頭品足。

我唔想出樣唔想講工作係乜，就係因為講左就無ＮＯＩＳＥ。全部都只係平凡東西，講出黎換來一聲＂哦～～～＂就無鬼謂。

＊＊＊＊＊

直到七月，亂博君約我地飯聚見個面。

呢間MANGO TREE 係THE ONE，的確係幾好風景架！

我地就係坐近窗口個排！

我以為我好早，點知去到已經見到止凡同亂博到左，之後ＲＥＸＨ兄，ＳＡＭ兄，同亂博個先生都到左。

至於個晚講左乜？睇佢地二人網誌好過我講。除左我講個Ｄ八卦廢野之外，大家都有好見地好專業。

以下為兩人有關飯局當日連結

神秘blogger之飯局

回應止凡飯局

比較有亮點０既，除左亂博君外，就係一向做開人肉ＢＬＯＧＧＥＲ　ＷＩＫＩ　０既ＲＥＸＨ兄今日滔滔不絕講佢專長，好明顯今日開正佢個樣，非常正呢。

另，亂博君個老公，應該都係一個ＦＵＮＮＹ　ＧＵＹ（除非唔係啦），如果唔係佢太太係度制肘住佢，肯定佢會爆好多笑野出來（^_^）。下次可以考慮掉底太太一個人出席ＢＬＯＧＧＥＲ飯局。

番到屋企，病情惡化。。。我估一係就係碗冬陰公，一係就係個青檸梳打吧。好在唔駛點番工，又休息下無事。

最後，不得不讚多一次，亂博君真係極理性，比佢發現我有開班Ｌ潛質。

無錯，如果我係宗教傳導人／開班Ｌ，應該係呢類範疇入面會大有所為。所以ＦＢ個班開班Ｌ真係唔好得罪我，唔係我一怒之下搶９左你個飯碗就無謂，無論內容幾空洞無聊，一到我手你就無運行了。嘿嘿哈哈哈～～～～（揚長而去）

（尤其果Ｄ上完人地期權班再自己收貴Ｄ開個Ｄ，又或者教人慳錢苦行投資果Ｄ。。。）

最後，多謝亂博送比仔女０既拍片玩具，開頭兩個可以一齊玩，後尾得番家姐拍片扮ＴＡＫＥ　１。

今天，滿載而歸！

後面仲有一本亂兄送０既書！

＊＊＊＊＊＊

港股反彈左兩三日，估唔到組合已經蝕少左好多。

表現最差唔係碧桂園，佢派左股（６０９８），其實係端聲！銀娛番家鄉之日不遠了。

我相信女主人半撈底個Ｄ已有利潤！

我相信女主人半撈底個Ｄ已有利潤！

我相信女主人半撈底個Ｄ已有利潤！

扣埋權金，賬面已經打和唔駛蝕，呢個都係ＳＨＯＲＴ　ＣＯＶＥＲＥＤ　ＣＡＬＬ　好處。