以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2018年8月31日 星期五

即時唔撈好嗎? 我可以唔撈嗎 42

講生活

小弟八月生日獅子座(止凡兄同月但遲我一星期左右)

揀左食1881王子飯店,可惜今次兩條港女太嘈,上次體驗好好多。
小弟鐘意靜靜地食野,食乜其實無乜所謂。

近來依舊半退休MODE,閒時番下公司做幾粒鐘。

其實都唔算好得閒,晚上同太太睇劇睇戲都睇到兩三點,第二朝十一點先起身。食完午飯諗下同小朋友出唔出街,中間又打下機。食完晚飯一家四口繼續打機。。。

真係好鬼忙,我自己D GAME 都未打完,又要同佢地打。呢個暑假完成左兩隻LOCAL同機四打GAME!

DIABLO 3 (NORMAL MODE ONLY,用手制打真係非常驚喜,好過用KEYBOARD好多好多,玩家體驗一流!)

CASTLE CRUSHER(見人人話好玩,我就覺得麻麻)

下個目標,我估係盜幕者!


呢個暑假,見佢地成日睇卡通片,教佢地睇左三套老餅港產片!

十萬火急(個仔成日鐘意消防車,等佢睇下消防員幾危險)
西遊記之月光寶盒(家姐睇到發哂姣,另佢會同女主人睇新拍的流星花園!)
破壞之王

其實我唔太好周星馳,只係呢D唔駛用腦笑位,有時好睇過卡通,尤其係唔大唔細,得7歲0既女。

有睇我FB都知,我去左尖咀睇美少女戰士,飲茶個間"點心代表"認真垃圾



睇黎今年無緣去老銅睇高達了。。。成日落雨。

講工作

正常呢個時候,都定哂黎緊半年工作,舊年預計得番10萬左右,點知計計下都唔差,有成15萬喎。點知上星期,有人訂左枱又唔黎,打亂哂我個安排!少左五六千!有時做好人,未必有好報,如果一開始唔做佢地生意,可能成個故事又唔係咁,有少少覺得係小弟榮休前既一個污點呢。

又再一次閃過,不如即時唔鬼做啦,反正得番10個月貨仔,只係令我資產多七十至一百萬左右,又如何呢?!

離退休之日(鋪頭租約完結),仲有303日,已約定好友們上黎切燒豬食西餅拍照留念。有大學同學話我最快退休果個,我又唔係好信!係人人都識投資、個個半退休打風流工0既年代,我呢D窮退,又算得係乜?

講投資

本月真係乜倉都無做,一黎無乜彈藥,二黎跌市又怕要預留按倉值。連期權都無做。

反而同女主人計過下,一個月家庭開支都近八萬(連長老家用),若齋靠小弟個份息,就每月剩番唔多。當然女主人都有佢投資,若將現金轉為投資物,佢應該可以養番佢自己有突。

港股跌,其實又唔係好大獲,因為我建行倉大但平價入。而另一三球倉雖然跌得好甘,但係都係有限數。不過負面氣氛影響自己,不如打下機把啦。反而WIN CORP 債又再跌,已經唔見左三份一,我怕捱唔到2012到期日就已經違約!(大吉利是!)

另,金價又跌定左,GLD現在113,比我預計跌到110為好。

講資產

男主人351萬(上月345萬),升得個六萬主要因為港股下跌,同時上個月唔開鋪結果無乜收入,坐食山崩算係咁啦。

女主人508萬(上月494萬),多左14萬原因,係因為我好遲至找我筆數比佢。。。哈哈哈。上月都有提過。

開始覺得,上面個段講唔講都罷,反正心意已決,無話夠唔夠,反正唔會太過唔夠。每月資產差果少少影響不大。無理由因為資產少左而將人生決定推遲卦?股市無常,話唔埋兩三年後又癲過,個個又再一次紙上富貴(2015 2018都出現過),至少BLOGGER中,無人被淹沒,亦唔覺有人可以大賺到即退丫。

33 則留言:

  1. 70兄生日快樂

    暑假同細路一齊玩,幾多時間都唔夠

    要開始計劃退休後生活啦

    回覆刪除
    回覆
    1. 無計劃係最好計劃, 哈哈!

      否則比人問你唔做可以做乜果陣, 答佢就中佢計啦.
      湊仔 (你唔會悶咩? 仔會大)
      旅行 (哦....(佢都做緊,無語))
      打機睇劇 (咁無聊? 唔退休都做得啦)
      去銀行唔駛點排隊 (請日假咪得)

      刪除
  2. 生日快樂~
    WIN債我都有呀,我仲要係佢岩岩開始跌個時先買...
    有少太少公司資訊真係會奶野的.
    而家只求佢平安渡過唔會破產/DEFAULT

    回覆刪除
    回覆
    1. 你與我同坐這條船.

      接受左佢DEBT EXCHANGE 果班先有排震...

      刪除
    2. 係丫,本身以為佢會好似cyh咁,換完債就會穩定啲,真係要做多啲功課先可以買野

      刪除
  3. 生日快樂70兄
    祝咩好呢? 一定係身體健康!
    正所謂有好的身體, 先有資格享受!

    回覆刪除
    回覆
    1. 屋企人身體健康就真, 就其係女主人.

      否則一個人財自, 只能爽在唔駛番工, 無左COOP 去玩0既優勢.

      刪除
  4. 70兄生日快樂,「無理由因為資產少左而將人生決定推遲卦?」非常對,決定了便GOGOGO!

    回覆刪除
  5. Happy Birthday ! 原來有個 term 叫 "窮退", # me too !
    全退之後會有更多時間玩, 有無玩下今期流行的電子錢包儲里數同埋酒店會籍 ? ( 我發現好鬼癲, 一年唔夠已經儲了幾十萬 miles, 成年都無買過機票, d 分多到請埋親友去旅行)

    回覆刪除
    回覆
    1. 窮退好易理解啦, 好似人地裸婚咁. 都係一D 無錢0既選擇.

      你係高消費一族喎, 我老婆死儲爛儲都唔覺得佢有好多MILES...

      刪除
  6. 70兄,祝生日快樂!師兄會否在博上宣佈何時何地榮休,讓一眾博友到賀,並朝聖呢?

    回覆刪除
    回覆
    1. 應該唔會啦.
      因為炒旦生意要保密.
      1 應承左太太
      2 唔係咩巴閉小生意, 只會比人笑
      3 講左D人都唔會去做 (因為太低級)
      4 講左D人都做唔到 (講就易...)

      刪除
    2. 生意成功,其實真係講就易,做就難。單係順境逆境的現金流管理,已淘汰很多創業者。
      成日見乜水乜水上報紙話幾多個月回本同收支平衡。掂左然後悶聲發大財的佔大多數。大大聲好多時都係博宣傳,或者用來壯膽。

      刪除
    3. 是的.
      我個行成本唔高, 不過陰D 陰D 咁蝕, D 人蝕蝕下就會去番打工.

      刪除
  7. 70兄, 補足一句生日快樂先,祝身體健康, 心想事成^^

    回覆刪除
  8. 每月開支8萬,一年96萬,仲係上半場,仲有小孩子,仲有長老……,可能夠用又可能唔夠,再計清楚先決定吧!

    回覆刪除
    回覆
    1. 就係仲係上半場, 所以先要爭取時間.

      如果我今年59歲, 做多一年定兩年, 對人生滿足度影響都不大.

      刪除
  9. 下年呢個時候已經退了, 同太太多去旅行見識一下都不錯?

    回覆刪除
    回覆
    1. 太太好有機會未退.

      如佢請到人幫輕下, 咁就真係可以成日去短TRIP.

      刪除
  10. 回覆
    1. 下年八月可以開生日PARTY!
      東昇, 你, 我, 三個都八月生日.

      刪除
  11. 遲係遲啲,都補番一句:生日快樂,身體健康!

    回覆刪除
    回覆
    1. 謝謝風兄.

      也謝謝替小女付運佢個生日禮物, 哈哈~~~~

      刪除
  12. 70後兄生日快樂!身體健康,長命百二歲😆(慢慢嘆世界)

    回覆刪除
    回覆
    1. 可能過多十年八載, 真係可以人人咁長命.

      結果...一生三宅唔夠用, 養唔到咁多代人.

      刪除
  13. 補祝返句生日快樂,我終於明白左你個建行操作,食期權金,就算錯位接貨,只要你有貨,錯位貴貨照買sc 食權金,就算要嘔貨比人,權金嘅回報抵消左貴貨嘅時間值損失,原來有咁好嘅權金來修正買錯嘅股票。你早就唔洗撈,佩服你有咁高嘅智慧,我要50歲吧!多謝你的文章。

    回覆刪除
    回覆
    1. 我呢D 係負面教材.

      而家股票倉蝕到HIHI 呢.

      刪除
    2. 點會呢!就係找到你我才知乜膠叠增,又走去學ib 學scsplclp ,當然有一個前輩教我,加深我對投行的認識,都係一句值得做就做,所以一定會見到你,因為交人不睇財富多小吧!

      刪除

各位每個留言,係我繼續9UP動力,必覆。

Related Posts Plugin for WordPress, Blogger...