以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2018年10月25日 星期四

一買即蟹你仲入市嗎

近來,不論網誌更新率同埋瀏覽數都下跌。

同股市一樣啦!

究竟跌市中,大家做緊乜?當然一如李+x所講,都係準時番工。我都唔例外,閒時放低仔女比工人,兩個出去二人世界。

唔好食!另,已叫女主人暫時不要入市。

(若然你在小弟私人whatsapp group,就知道其實我好得閒。。。)
此乃小弟飯堂!一個月都食番一兩次!

日日睇市?唔好啦。。。睇黎自己唔開心為乜?止蝕我又唔會,而且時機已過,容乜易左一巴右一巴?

升市就會日日睇,跌市不如無眼睇。

如大部份blogger所講,有現金流(工作/投資),其實無咩好怕。買股買債不會負資產,只會被自動平倉。

離自動平倉,我仲有一大段距離啊!

倒不如打下機砌下模型吧!

與其成日覺得molamola,不如做下其他野,訓下覺,訓訓下就熊變牛。

另,物業市場呢,聽人講(我真係唔睇),有唔少年頭買的,現在已經要蝕。新聞又賣,某些成交低過銀行估價一截。黃子華話齋,負資產時,你係要抬錢賣樓的。

我知道,大部份物業佔身家一半以上的,都係好早之前買落,有排都唔會有事。不過新加入呢個"逃生門"的,眼見一入即蟹,又會否好似以前咁踴躍?

應該開始有老人家問屋企個仔,話想買某某股了。

究竟幾時先係買入時機?我估個時你同我都知,不過敢唔敢買又另一回事了。

31 則留言:

  1. 餃子我一次食十幾二十隻先夠, 呢個價錢對我呢啲窮X黎講係好貴

    回覆刪除
    回覆
    1. 要食十幾廿隻, 一係超市雪藏餃, 一係番大陸食了.

      刪除
  2. //與其成日覺得molamola,不如做下其他野,訓下覺,訓訓下就熊變牛。
    熊市坐坐下咪牛市囉。

    //不過新加入呢個"逃生門"的,眼見一入即蟹,又會否好似以前咁踴躍?
    >20000蚊呎衝入市搶第一城 / 河畔的,現在應該好震。細單位調整市唔見一球其實尋常事。不過摸左個頂同食花生果個心情當然天與地。其實真係唔駛搶。每兩三年總有一鑊回調。話唔定 "吳唔"(定係BU BU??? 唔記得左) 講得啱,今次跌7成呢?

    回覆刪除
    回覆
    1. https://hk.finance.appledaily.com/finance/realtime/article/20181023/58826427
      係咪講緊佢?

      樓市下跌週期其實已經開始、這是一個不需要爭論的事實。不認不認還須認,再講多一次沒有假跌這回事,這是一個真真實實的下跌,而且是一個消耗性的下跌。樓市會拾級而下一步一步地下跌,以我估計最多可以下跌60至70%,即是得番現在的三成至四成。原因十分簡單完全不複雜。
      第一:加息;
      第二:中國被全世界圍堵,面臨一個史無前例的惡劣環境;
      第三:地緣政治因素變得十分緊張、尤其是台灣海峽及南海、隨時擦槍走火;
      第四:歐債危機隨時又再殺到嚟;
      第五:全球性通脹升溫,導致物價飛升。全球的GDP將會急劇下降,香港及中國大量工廠及公司會倒閉、引致失業率急升,但通脹亦急劇上升,因為美國對中國的貿易戰會加劇,令到原材料及金屬價格會急升。物價上升令到人民生活痛苦。
      第六:大量新落成樓宇供應,發展商急速散貨。因為如果唔散貨就要付出空置稅,所以一手樓宇會劈價促銷、令到二手市場冰封,導致二手市場和一手市場互相爭取客源,互相劈價惡性循環,二手樓宇和一手樓宇互相廝殺,大家要錢唔要貨。
      第七:租金會急速下調。因為如果二手賣唔出,業主供樓負擔急速增加,因為息口上升、但又賣不出,唯一辦法就是將租金減價,盡快租出減輕負擔,租金劈價潮很快就會見到!
      第八:隨著租金和價格下跌、負資產將會重現市場、銀行資產負債表將會惡化。銀行借貸會變得審慎,成交加速萎縮,令到市場資金短缺。市民及企業更難得到銀行的借貸。市場交投大幅收縮,令市場淡靜如死海般!你看現在發展商連投地也不投,投資變得十分審慎。大家都是沒有膽量去大舉投資,全部因為息口將會急劇上升而令到借貸成本增加。

      刪除
    2. 雪淡兄,小弟只係同阿囝講緊BB話... 吳唔又好,BUBU又好,臭臭又好,都係果D野啦。講咁多年都仲係果三幅被,仲講,應該口臭了。總之,唔好問到咁深入啦!你懂的!

      刪除
    3. 6 7 8 係惡性循環, 再加上大家對10年後會完成部份0既人工島供應, 以及移民, 老化潮.

      仲有, 君不見而家要買黎住0既, 都已經買左.

      刪除
  3. 炒股就放得七七八八,債券/收息股之類,買果時已經預左話買黎收息,咁放入雪櫃等到期囉有咩好驚(反正有得無限加時,只要間公司唔執)。

    有朋友上兩個月衝左入去買 LP6,樓未起好已經蟹緊。跌幾成的話唔知佢仲會唔會話買樓係剛需了(住係,但買樓唔係)。

    之前都唔知果個dr ng 係邊個,試過睇佢FB 專頁,大量塗鴉式貼圖同感嘆號都幾影響閱讀。佢話啲人未經歷過97,唔知加按+加息有幾恐怖呢個就真既。真係跌六七成,跌到啲人唔敢買時香港經濟唔知會差成點,又唔知會唔會見返當年每星期都有人室內BBQ 的慘劇了...

    回覆刪除
    回覆
    1. 總之, 經濟差人人都仆直, 真係睇邊樣仆得勁D 0者...

      刪除
    2. “又唔知會唔會見返當年每星期都有人室內BBQ 的慘劇了...”一定唔會,你阿爺一定唔會俾你咁死,他今時唔同往日,有能力印銀紙俾你洗,你放心,佢唔食都一定俾你地食,用十一億人來托住你幾百萬人無難度,總之唔會餓死你,但想像以往般肥到隻豬咁就難啲,減肥啦!

      刪除
    3. "一定唔會,你阿爺一定唔會俾你咁死" <- 咁又係,佢講果個情況其實即係中國泡沬爆破。要爆得咁勁都有啲難度呢。

      刪除
  4. 回覆
    1. 入左咩貨? 應該是樓吧, 點會買股比大戶玩7?

      刪除
    2. 承你貴言呀皮老闆, 不過呢家入住3988玩下先, 真係平到心動
      高位無沽真係起碼輸30%
      呢家開始買番之前沽左D貨, 坐下無壞

      刪除
  5. 等等下唔覺意又賺番。。。

    回覆刪除
    回覆
    1. 完全是皮老闆預期之內。。。
      問題只係係賺凸幾多!

      刪除
    2. 可能有排等...騰訊番400? 應該等一百年吧.

      刪除
  6. 分段買入,以越跌越買得多既心態買入優質股。XD

    回覆刪除
    回覆
    1. 好多人未死心呢.
      人人萬念俱灰時再入手吧.

      刪除
  7. 近太子有間美味餃子,都可以一試

    回覆刪除
  8. 我個固定收益資產倉成日係2-3%上下波動,悶出個鳥來,都無乜好寫。而且依家個市宜持現金伺機而動,不宜輕舉妄動。
    皮老闆知我之前遇上交通意外,雖然人無大礙,但始終有啲心理陰影同有手尾要處理,無乜心機去理個blog住。

    回覆刪除
    回覆
    1. 風兄無受傷吧?最重要人無事。記緊保重呀!

      刪除
    2. 作者已經移除這則留言。

      刪除
    3. 小事小事,一些擦傷挫傷而已,好番哂啦,三兄有心!

      刪除
    4. 小心,皮包鐵就唔好再揸了(過來人)亂估,保重。簡單講你無事,出意外最親的人會嚇餐死同每日都會擔心的,就係咁我已無再揸電單車了。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...