以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2018年11月4日 星期日

股蟹行為看市 舉動觀察

小弟不喜基本面分析,講會計講分析,好多人比我還精,不如從行為上研究吧。

幾時買股?若時機一到,肯定人人都知道,問題是多少人會買,多少人夠膽買?多次股市周期,大家應該百般滋味。

如何覺得是市底?我也不知道,只知道反正有錢,可以等等等。

和太太談起,年紀越大,這種觸覺越靈敏。是次跌市,我無買貨,會否錯失大好時機?我不知道,反正時機常常出現,犯不著一時半刻衝動。

近日股市下跌,剛剛星期四五(十一月首個星期)大升,究竟是反彈還是死貓彈?我不知道。太多不確定性,而且倉中蟹貨太多,未敢貿然出手。反正股市周期夠短,今次走甩了,下次還有機會。




當然,正因周期夠短,機會老是常出現,不同人操作,結果是可以完全不同。有人說買股次次蝕,也是同一道理,高位買完低位止蝕,轉個頭又見高位再衝入市了。又或者,一次半次股市失利,結果以後遠離股市(噢!強積金呢?),可能蝕了十萬八萬,多個月人工,以後怕怕。

股市指標?若真要和別人溝通解釋,只有移動平均線及保力加通道,這些為詬病的老一套。反而觀察身邊事物作入市時機,更易掌握。

1人人遠離股市
2某些燈神朋友已沽清股票倉
3銀行股票機異常冷清
4有倉在手的自己,在騰騰震



至於財演每日演出,他們實在太隨機,看不看也一樣,倒不如看看財演身旁小花漂况亮與否吧!

至於小弟倉,由年初二千多萬淨值幾乎去掉了三份一,離爆煲還有很遠,根本未到騰騰震。

為下一篇留點伏筆,若然有隻股票,明知一買明天就跌,你還會買嗎?

22 則留言:

  1. 回覆
    1. 其實REIT兩電一煤都冇乜大跌,特別領展同又一城REIT仲係高位徘徊。相信清倉者都係滿倉手機零件股,細價股,或者股王。

      刪除
    2. yes.
      真係好睇你買左乜.

      不過又真係好多人買左零件, 股王. 小弟係其中之一.

      刪除
    3. 小弟都仲坐緊QQ同建行。共坐之...哈哈!

      刪除
  2. 本熊係陰謀論主義者,凡投行傳媒唱大跌便入貨,唱好便走貨。

    回覆刪除
    回覆
    1. 本熊大師,咁家下港股係入貨定走貨呢?

      刪除
    2. 本熊認為19年中尾先至「真爆煲」,現在還是「假跌」,故跌得多會入貨,但會控制持倉比例不至於太高,升得急又會走多少。
      本熊係段估估大仙,錯左唔好打頭!

      刪除
    3. 那本熊大師認為2019年中尾段的真爆煲又是由甚麼事件觸發呢?美股爆?歐債?還是中國這邊爆?

      刪除
    4. 先後次序為美債、美匯、美股;中國18年爆左有多少抗藥性

      刪除
    5. 成日都爆煲, 成日都有機會呢.

      刪除
  3. 第六感投資者?哈哈。

    回覆刪除
    回覆
    1. 呢個TERM 正呀!!
      都唔係第六感, 要用眼去睇架

      刪除
  4. 一日半日市的升跌,工作忙得上黎已經轉眼即逝....

    以下為小妹經歷:
    星期五朝早沽左,下午大市升多600,半夜自動平倉,無事發生過咁...

    回覆刪除
    回覆
    1. 所以好多老餅, 包括我.

      買左就唔理, 一路無止蝕, 之後被人恥笑...

      刪除
    2. 我都係, 無止蝕, 做SC度日~
      過得到自己個關就得啦~ 好彩我個倉只係同自己交待,唔係就有自尊問題了~

      刪除
  5. 睇財演/報紙報道時都幾好笑的。九月尾,好多「分析」講港股唔會連跌半年,以往五次連跌後都係反彈(我睇緊股市定百家樂? 睇盤路?!),反彈失敗,跌多兩星期後又見跌睇跌話睇二萬四。然後呢,今個星期trump trump 講兩句就好似一天光晒,又話上望返二萬八了。唔係精神分裂都好難咁講得出(當然,人地都係搵食啫,唔係犯法既)。

    回覆刪除
    回覆
    1. 所以GOOGLE SEARCH 有好處, 可以搵番佢地D文黎鞭屍.

      除左某大師成日末日論之外, 大部份都好見風駛舵的!

      刪除
  6. 股市有名你叫,估市嘛,做足分析又點?有人夠膽話自己百份之百估得啱?反而有時從經驗中培養出來的直覺仲靈敏。

    回覆刪除
    回覆
    1. 係, 見人地口中講0既"廢老", 但到呢個年紀仲可以日日去股票行睇股票, 輸極有個譜.

      估中咪當自己眼光, 現在樓市好多叻人. 香港人IQ係呢十年急速上升.

      刪除
  7. 同班分析屍做相反便可以

    簡單, 輕鬆

    回覆刪除
    回覆
    1. 呢個有難度, 要分析分析屍

      有冇邊個比較"準確" D 既分析屍推介?

      刪除
  8. 其實不確定性好正的,但確定性嘅中美貿易戰係一定有解決嘅一日,皮老闆都係等運度重複操作,基本上無所謂吧!有現金流就係跌市中的王者,玩操作估估下只係比向上流的人一個機會(包括我),從成交金額講1700億會發現強手吧?貨落誰家?如何離場?係市場只理解做收集同派發,接貨者又會係誰?好無聊的,見皮老闆講技術其實個威廉指標幾搞笑的,只係無人想去理解佢。彈左上到0落幾多再去0定又去100就唔知了。最近睇索羅斯嘅書真係好鬼深。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...