以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2019年9月16日 星期一

九月中期權倉如何處理? YOUTUBE 每日一片了!

一如WILL兄所料,現時每逢星期一都因為政治事件而跌市,結果期權又變得安全一點。

本文只報倉,分析欠奉。希望唔好贏粒糖輸間廠啦。。。

哈哈! 我同太太都鐘意睇恐佈片, 呢套史提芬京, 建議先睇左第一集先, 否則唔明白的!

1928 金沙中國(現價38)
即月SC@40,預計變廢紙,再升就轉倉!
即月SP@31,預計變廢紙

2319 蒙牛(現價30.15)
明年六月SC@34,收三萬權金,到時先算。

2382 舜宇 (現價118)
十月 SC@110, 似乎要交貨, 造成虧損了...

2800 盈富(現價28)
即月SC@29,未諗廢紙後動作,買入買27.7

27 銀娛(現價53)
即月SP@46,應好大機會廢紙,買入價65有排未番家嚮

700 騰訊(現價346)
即月SC@350,已平倉,
即月SP@320,已平倉,共獲利三千幾
即月SC@370,應變廢紙

939 建行(現價6.12)
小弟最大倉,總值8位數字,HE DIE I DIE!
即月SC@6.25,本來以為要轉倉下月,點知今日跌番去6.12,又可以繼續等下。

近期開始玩YOUTUBE,其實吹下水識下其他朋友(感覺YOUTUBE較年輕),而同一平台D人同我一樣半桶水(哈),比較錄得無咁大壓力。

暫時試下可唔可以KEEP到一日一片。

如你都有興趣聽下我把聲咁GAY(哈哈),我會每朝8:30UPDATE,歡迎聽住黎洗面刷牙化粧食早餐或搭車!

記得訂閱同分享啊~~~

撈底時機?太太生意生意淡簿,經濟真係衰退? 現在樓價股是價熊市嗎? 我太太2020年三月將會提早退休 (佢仲係30-34歲呢個RANGE) PART TIME 妹妹仔已全數被裁! 全職繼續未炒, 不過佣金就會得番好少 若政局維持至年底, 應該百業ALL FAMILY DIE! 一閃即逝機會的話, 人生太長, 出現次數不會只得一次 大家唔敢用錢的話, 現在不景氣會持續好一段時間! 真正要活, 應該係已大幅獲利個批 幾年前已講過, 樓價狂升, 後生一定會反抗!  唔反抗果班後生/中佬, 就已經被同化 主要原因:持續性經濟下行 先裁員的, 是社會上較無學歷的勞苦大眾

半數港人無為退休做準備, 有咩所為? 唔同年齡應有唔同人生成就指標! 咁多人不約而同得100萬? 定係預計目標要100萬阿? 8成人有意去海外退休 好多正義之士講:無需要同人比 其實, 係唔係怕同人比? 30-40: 集中生活富足度, 工作自主度及成就感 40-60: 比較仔女, 比較健康! 50-6X: 比較自身健康及伴侶是否還在 60+ 就比仔女孝順度, 兒孫滿足度了! 60+ 人生勝利組: 有個仔同佢飲茶, 娶過靚新抱, 生埋兩三四個顏值高0既仔女

匯豐加息, 樓價會跌? 澳門賭場無人去 港澳團水靜河飛? USD/HKD 狂升, 迫近弱方兌換保証了! 聯繫匯率不敗投資 其實加咁少, 每一百萬貸款都係多兩蚊一日! 真正樓價下跌, 需要失業率上升, 真正經濟不景, 而且加息要持續!

2019年9月12日 星期四

我的香港財務自由路(九) 究竟財自要幾錢先夠?

如果你唔想睇文字版,可以聽/看YOUTUBE版(文章末段),內含例子較多

如何計算?呢個人肉退休生活計算機,全靠風中追風兄本書啟發(其實係BLOG文)



佢用 SAFE WITHDRAWAL RATE(SWR 4%黎計, 若要財自, 需要有每月駛費X300 0既資產

點推出黎? 睇YOUTUBE 啦~~~

係時候係呢度推一推我好朋友風中追風兄0既書喇!! 點解之前唔推? 因為一堆BLOGGER 已經推左。係呢一篇咁實用0既文章推,他日各方朋友搜到小弟呢篇文0既時候,就會再推一下,無日無之!我係咪好L醒呢?

懶系投資法 - 各大書店有售!!!

若然你只係識買樓同埋買股票,咁呢本書真係0岩你用。你而家用唔著,可能係你投資之路下某個位,你想去學債券/ETF/ETN/優先股/REITS個陣,先發現呢本強大0既書早已在你家用,你話幾正?
上面係風兄贈言,打左格仔個D,都係讚到我面紅0既說話(非GAY情),不要誤會!


講番正題

上面提過WITHDRAWAL RATE 同身家關係,若然保持4% SWR:

所需資產為月支出X300, 即如果每月20000萬元, 所需資產就要600萬了!

如果通漲為3%,你買入回報3%(我簡化佢,當收息3%)資產,即係話你資產只能同通漲打成平手,REAL RATE OF RETURN(RRR)為0%.

咁樣呢,你0既資產會係25年後玩完。

若然將RRR提升為3%(例如買入派息6%,咁減去3%通漲),舊錢可以用到47年,應該可以夠玩到死個日!

註:財自後,其實駛費會少過你番工。有時係會所做下運動,接下小朋友又一DAY。

如RRR為4%以上,顯示"#NUM!"即係話永遠都用唔完了,應該為最理想狀態。

******

若然覺得每月駛費X300好難做到,不如提升SWR,如每年提取6%,資產只要X200

即如果你要30000/月,所需資產為900萬(SWR4%)或600萬(SWR6%),不過,你就要搵番RRR6%(即大約9%派息)0既野黎買,先有機會做到生生不息。

SWR及RRR兩邊都可以自行調節,最緊要個人覺得輕鬆沒壓力。

最無腦,就係買債券然後做小量槓桿,當然,買其他野分散投資更好。

可以買D乜?我唔敢係BLOGGER界班門弄斧(論實力我應該係最低個10%),但我唔怕醜,係YOUTUBE講反而更好(因為我見過唔少比我更廢的,哈哈)!

大家不妨訂閱我個YOUTUBE CHANNEL,按讚留言撳鐘仔!做齊哂,每次有新片就會有通知架喇。

相比寫文,拍YOUTUBE輕易好多。




******

若唔想靠收租食血饅頭(有一刻我都懷疑過自己諗法,但一同班後生BLOGGER傾,果條友真係好無同理心喎!),呢堆野即使你唔係專業在行人士,都係要去做架啦,我更加係乜七都唔識,我覺得,自己唔好後悔咪得~~~

對唔識0既野恐懼而唔敢離開COMFORT ZONE,係人性,不過亦係懦弱表現。

對於近日有男LISA姐出現,我覺得勁好笑,算9數把啦你。。。如果你可以有番少少貢獻,才會有人比面你。一味笑人但係自己又唔見得人生有咩建樹,寫埋D"逃生門"文章又有咩意義呢?不如早日搵番你0既人生目標逃生門吧。

2019年9月8日 星期日

政局令生意變得好差 差女主人的工作倒數

男主人呢期未出發先興奮!

我太太如無意外係2020年3月都會退下火線,結束佢十年0既短暫小老闆生活了!



如果講做老闆,佢比我更加有經驗,因為佢公司有員工我只係單打獨鬥生意仔。

講盈利?我應該無論ROC定係穩定性,都高佢一皮!

有舊客仲打黎問有冇炒旦食,嘗試引我出山,理由當然係佢話係市場上搵唔到代替品啦!不過話要停就要做得到,即使他日我去麥記做收銀識妹妹經理,我都唔會番去炒旦了。

我計過,即使佢而家停工,都係蝕租半年。

當然,有得搵就下LAW!

不過,而家係無得搵啊~~~~!

現在個市都真係幾淡,佢成日準時收工,兼職妹妹已經唔駛佢地番工,剩番一個FULL TIME,唔知會唔會最後炒Q埋。

(我番去幫手?無可能。我地從來互不干涉,再者,佢無IQ做我盤小生意,我又無EQ去做佢D野!)

相比起鋪頭可能面對0既虧蝕,我個三百萬港股倉其實仲衰啦~~~

所以,有咩好怕?係咪?

好多人,真係未見過大場面,見到一街靜哂,又話鋪租唔出,就好似大末日咁。不過,呢個情況肯定唔係短暫,仲會係一個惡性循環,大家一齊唔敢亂用錢吧~

呢十年,好多人都搵夠掠夠,即使係打工仔,銀行存款都有番咁上下卦,要一齊攬炒慢慢陰乾,有排都未到我地。

企邊一邊唔緊要,個結果已經出現左,我兩公婆過往都係煮到埋黎咪食,環境若改變,我地又就下佢

LONG PUT港股/指數?不如買美股/其他產品。

買樓係咪好時機?我真係唔知,我只係見到我住果度,租金跌到低過兩年前(但賣價仲企硬)。

係我呢個人生階段,倒不如諗下我個第二人生點玩好過啦!錢銀野都係過眼雲煙而已。

仲有,兩個小朋友開學了,今年首要任務係佢地自己攪得掂自己先,做功課/溫習/執書包/遙距對功課/自己去定溫書重點!看似好難,但有系統一步步做,加上大女可以教下個細仔,應該兩個月內可完成。

為乜?若我同太太第日財自四圍去,家中真空十日八日,佢地都唔會太甩漏吧?呢D預備工作,就留比我而家做啦。

最後,小第閒時拍的YOUTUBE片,應該開始達標了,同BLOG一樣,始終講錢才多人看,講價值?真係等多人睇先算啦~

一連三片,感謝各位朋友能看畢全部,
我只欠片段閱讀時間!


去邊唱錢最抵? 2蚊手續費! IB可以走資? 哈哈哈!

200萬毒L如何單身財自? 要上堂個D年回報10-24%點做到架?

月月有息收 買入六支不同月份派息債券 皮老闆債券教學 IB尋找高息債券

2019年8月31日 星期六

成立獎學金 我的香港財務自由路(八)

哈哈哈,自從植髪之後,因為未做得運動,而到做得運動又唔可以戴帽,結果疏懶左好多。

其實不論YOUTUBE定係BLOGSPOT,產量應為現在一倍有多。

題外話,面對有BLOGGER意興闌珊,實覺可惜,現在時局或許設有太多忌諱限制(我都遇到同樣問題,所以某D題目就一路唔寫),到RESOLVE左,大家就會鼓勵佢出番黎。

如果有日我唔寫,一定係家庭/健康出問題,從來我都唔9理人點諗,打不死的。有機會寫文恥笑下我D舊同學讚我改變左好多,其實係佢地改變左就真~

講番正題,小弟個網誌係有GOOGLE廣告0既,不過就得雞水咁多,慘過去賣旗!私吞?有咩意思?我需要咁做麼?早前有開班L唔知咩90後加利仔話我賣廣告,佢都痴9線,你開期權班,信唔信我拍一系列期權教學頂L死你?善用GOOGLE SEO可以搵你個名去埋我個教學度,容乜易!?

你要搵食,我唔駛搵食,你話邊個覺得好玩一D?要上班,都唔上佢啦。。。OPTION JACK又得,期權先生又得,好似大把經驗老手喎!

鬧完,講番廣告收入,其實過往少到離哂譜,兩次我都係捐去保良局某校指定買圖書!

連結如下,有埋收據!

ADSENSE作捐款 遲來的收據!
第二次捐款 捐書保良局

成個2018年我都無捐過了,因為諗住捐番東華學校成立一個小小獎學金!一年幾千蚊貨仔,鼓勵下師弟讀書都好丫!

廢話少講,整張收據先!


拿,錢真係好少,我做小生意可以輕易獲得,但此獎學金過程,透過如此方法,我也樂在其中,出錢又出力。

對於金額太少太寒酸0既心結,我一路解唔開所以一路無行動,直到我主動搵兩位老師傾傾,佢地好鼓勵我去做。其實都係一種鼓勵!校長都話,多少唔重要都係一份心意!

另外,八月份我嘗試搵其他舊同學(都係唔同班的,對我印象應較好),睇下有冇人好似我咁傻痴痴去捐錢,不過加入我個POOL就免了,自己打電話搵校長,免得人地以為我從中抽水。。。

其實我上面呢個金額,以經多過贊助人每年獎學金幾倍,畢竟已是三十多年校史,當年幾百,現在唔係咩錢了。

昨日得知,學校的MENTORSHIP SCHEME都幾頹,搵埋D文員仔番去講,小弟有幸有另外兩位同學三十幾就財自左,其實回校分享也可以(不過,慢慢來吧)。

平時我唔會咁著,期待再回校頒贈!

副校問我:個獎學金叫咩名?

我:舊生理科獎學金

佢:唔落你名?

我:唔落啦

頒獎時,有個中四同我細聲講:估唔到有錢!平時得張紙!

我心諗:我以前咪得張紙LAW!

番到屋企,真係勁開心,是否任務已完成?非也!繼續玩落去才是有趣之處~!

講多一次,此BLOG目的,為表達我自己對人生價值觀,投資只是配菜(我唔叻),大家能比面到訪,小弟榮幸之至!同時大家的支持,亦是我繼續寫唔停的原動力!

我9UP引有人寫BLOG,已算是對BLOG界最大貢獻吧!話唔埋有人睇到我點整模型抽風箱/矯視/植髪/修理PS4幫到佢呢!

同樣,敵意0既留言我會一一刪除唔駛比面,最緊要係我開心,我開心就會寫得更好。

要攻擊我0既,我怕你玩到J毛都變白,我都未灰心喎!要知道,我由細到大都比人曲解,呢D攻擊真心濕濕碎。

我獨來獨往唔9理其他人點睇,我無老細,唔駛睇人面色,亦唔駛比面任何人。BLOCK人需要理由嗎?我只能答哈哈哈!!

覺得我爽快既,肯定成為朋友,背後指指點點0既,我贈你一句:不如你顧掂自己先。

近來跌市,有冇驚驚?梗係有啦,睇住個槓桿比不停升,雖有排未爆,但個人唔好受。反正有息收,理得佢丫。

即使TOTAL LOST,大不了由頭黎過全家慳D駛,本來無一物。

再者,我估一兩千萬,都食到十年八載吧?

2019年8月26日 星期一

番大陸植髮<手術篇> 我的香港財務自由路(七)

呢篇可能比較短

暫有以下構思

番大陸植髮<始動篇> 我的香港財務自由路(六)

番大陸植髮<手術篇> 我的香港財務自由路(七)

番大陸植髮<術後篇>

番大陸植髮<三個月篇>

番大陸植髮<一年篇>

又睇下會否爛尾,哈哈~~~

***************

以下是YOUTUBE 頻道有關植髪的片,同BLOG中同步,各有各好~





***************

話說,我約左七月廿四日上去植髪(邊間?睇番始動篇),先坐的士去落馬洲鐵路站,再步行過關,去到福田地鐵站,直坐去上梅林站,再滴滴十幾蚊就可以到達(當然,你一出福田坐的士更快。)

十點左右去到,拎番張訂金單出黎,再去抽血檢驗。都係好老土0既驗血,咁就500人仔。


抽完,10:35左右去比醫生劃頭,再去剪頭髪。

其實我唔係咁光禿禿的(仲有好大距離),範圍亦細好多,不過比佢剃成咁/

究竟駛唔駛剃頭,呢個真係大考驗。

如果全剃,就所有頭髪一齊慢慢生長,你會有個SKIN HEAD。。。或似囚犯。

如果只剃植髪同取髪部份,後尾枕剃左都無所謂,不過植髪位就好睇你係邊度,我係頭頂,結果,完成後,似個河童!(拿,我係唔會放相0既!)

所以,基本上,帶帽走唔甩,如果你仲要番工又唔想比人知,其實係無乜可能。唔好亂信YOUTUBE果D咩今日做完聽日番工,係,你係番到工,不過又怕傷口又怕熱,仲幾樣衰TIM!

仲諗住去台灣植髪加遊山玩水?你唔熱到出汗都偷笑。

11:15左右,開始入手術室,要換衫換鞋,去佢聲稱無菌0既手術室,有冇菌我唔知,肉眼睇就好企理乾淨,同我係香港做激光矯視0既級數一樣。

之後,就係最辛苦階段,要扒係度取髪,扒係度唔係問題,係扒左個幾兩粒鐘!又唔係太郁得。除此之外,一開始打麻醉藥係最痛(同剝牙道理一樣),好似比人割咁!

之後就唔痛啦,全程我都睇唔到,總之就係醫生用個小型鑽0既物體,係取髪區度鑽。佢每轉25下會停一停,然後換區。

次序為沿邊界取一圈(MARGIN位取左都唔覺),然後分別係左中右點陣咁取。我都係估估下,因為只有輕微感覺,同埋聽到鑽聲。

呢張係取完之後第二日影,可以見到傷口分佈

好唔好手勢?我覺得最唔好係呢一段!因為佢唔算太平均取髪,集中多左係左邊,咁會唔會影響外觀?我未知,估計唔會,因為我取髪數量少。

扒左咁耐以為完左,原來重要取髪!剛才醫生係鑽開左,仲要搵個姐姐用鉗扯佢地出黎!不過過程好快,雖偶有小小痛,不過好快過去,反而扒係度條腰好辛苦就真。

1:15左右,佢問我駛唔駛食個飯,梗係要,因為真係好累!~~~ 其實佢個餐唔好食,我求其食左佢條蕉同少少肉就算。

期間,我老婆去左邊?間野其實有住宿服務,開左間雙人房比我老婆休息,仲話可以遙距睇到手術個cam,不過當日係睇唔到,佢悶到訓著。

直播果個唔係我,佢輪播全國手術台。。。

食完飯,再做,今次係平倘+半坐式做,叫做好過扒係度!

上面係食飯地方,高清版遲D放YOUTUBE

同頭先大同小異,先打麻醉藥(今次係頭頂),又痛一輪!最大問題係,我豬左,中途要提佢補藥,否則藥效過左會好痛!

中途要提佢補藥
中途要提佢補藥
中途要提佢補藥

醫生打完藥,會用把刀仔係個頭度𠝹一d幾深0既坑(所以我覺得無可能做到1平方厘米40條! 把刀都無咁勁啦),𠝹完點?個醫生就走左!我真心覺得,全程最令我抱憾,係果位醫生,好彩佢0既工作其實唔係重要(都係鑽毛囊同埋𠝹坑)。

最後階段,就換左兩個女人,黎做植髪。未做之前,佢比左張野我掩口,原來係要我數下取左幾多株頭髪,其實佢話一堆係25株,咁細我都數唔到,咁數堆數又有咩意義?

開始植髪,最關鍵果步!做得好唔好,真係睇呢個階段,亦都係最漫長。。。佢地兩個一左一右植,速度會快D(廢話),聽聞有D診所係三人同時植。

做到最後段,麻藥無補打(我諗住好快完),痛到飛起!

加密部位有冇密D?我太太話有。

5:00左右完成,有冇2340株?真係唔知,重點係最後個效果,未有番三五七個月,都未知如何。

後尾枕用崩帶包住,頭頂就乜都無。出黎血哂又有血,都幾令太太不安(我睇唔到丫!),不過網上好多相可以睇。

第一晚,就訓係佢地果度,我覺得有CHEAP CHEAP商務連鎖級數,反正有兩日免費,就住佢一日,叫美團外賣唔食佢D難食飯啦~~~

間房就係咁,高清版遲D放YOUTUBE

當晚,要好小心咁訓,唔好掂到植髪區,訓得唔好啦當然。

第二日,覆完診𡰔CALL車走番香港,我亦無打算番上去FOLLOW UP(其實係被人影相),之後果五日,好似人地做太監咁,匿係屋企。財自0既好處,時間是自己的,想點咪點~

2萬人仔鬆D,有咁0既服務,我覺得OK,如效果良好,咁我就無揀錯喇。

遲D再完成以下系列~

番大陸植髮<術後篇>

番大陸植髮<三個月篇>

番大陸植髮<一年篇>


2019年8月16日 星期五

番大陸植髮<始動篇> 我的香港財務自由路(六)

呢個應該係另一系列,不過佢又屬於財自後可以安心做既事,所以都係歸類於財自活動。

<以下專講大陸植髪,以除偏見!香港討論區/LIHKG見到的,都係零碎或偏執的資訊,而且沒有蹤向追踪,更有廣告人叫你PM,所以才立此文>

我老婆現在才知,我可以唔撈嗎>系列已完,會比<我的香港財務自由路>替代。

講植髪,就要由脫髪開始講起,寫此文要好大勇氣,因為好多人有此問題,但係又好怕提。就好似,一班朋友,最忌講錢(但又個個想搵錢),講脫髪大家都表現得唔想理(但十個有八九個都有此問題)。

自從小弟二十四五歲起,雖未見有禿頭,但洗頭沖涼後,已發現浴室去水位有頭髪積聚,此為第一徵兆。

之後,我發現我老豆D結婚相,三十幾歲已經去到第三期禿


即係,我好有機會會有此遺傳。

當然,個陣廿幾歲,又睇唔到有問題,梗係唔理佢。

直至三字出頭,開始頭頂睇到少少稀疏,但其實正面同後面都睇唔到,除非我低頭或者你係上面望先會睇到。咁,即係又係唔駛理啦。

㺫2013年左右,發現從後面都開始睇到,就上網睇下點解決啦,雖然已經結左婚仲生左兩件,無溝女問題啦。

解決方法1:食保康絲 Propecia(當時是專利藥,Merck的),一年約千幾蚊。之後無耐後過左專利期,開始有副廠藥食,平好多!再上連登睇,有人食網購印度版(印度好多時唔理專利)保康絲,其成份都係Finasteride 1mg!

有冇用?絕對有,之後都停左脫了,即係話,呢五年都無再甩,極明顯,但係有冇生番?就似乎無喇。

之前無論你用咩洗頭水,都係廢0既,咖啡因又好,咩鬼成份都好,都係無用。

我知有人會用外用 minoxidil,個人唔建議,因為佢一停用就會比原來甩得勁,D人話可以慢慢減量直至停,我無用過唔知。(我用過一次,陣味太怪又立立地,放棄左)



又早半年,去剪頭髪時髪型師提我可以纖維粉(HAIR FIBER)放上頭,能夠超有效覆蓋。果真極度改善!不過要落SPAY,否則好易甩出黎,同埋訓時會整污糟枕頭。


LOGON有英國正版貨賣, $2XX,我係太子買翻版DEXE,都係咁用,$58

不過,我覺得纖維粉應該係最簡單可以改善出街個LOOK的!(其實我D朋友都唔知我有少脫,因為正面係完全睇唔到的。。。要高後方才看到。)

如是者,2019年七月頭,有一晚上網睇到有人講植髪,係去台灣既。

咁我又上網睇下,D人都係去以下地方,以下全為FUE價格

香港:最正路,好溝通,不過好貴,有谷友話養和大約HKD40—50一條(應該未計覆診),有人講過話80(嘩,唔好去搶)

台灣:好多廣告,連個D用後感都係廣告來!以炒作程度比大陸更勁。。。80台幣一條!(極度唔透明,問極都無價錢,我自己將佢一口價除就算,我問台灣毛爵)

大陸:我指深圳,問過幾間都係遊花園講唔到價錢,除左某兩間大型連鎖,普通野人仔10一株(一株可以含1—3條,抵過逐條計,我自己都有至少1/3係超過一條!),加密細針頭就20人仔一株。

韓國:無問過,覺得要溝通又唔想搵中介

土以其:呢個聽聞最平,我無問啦咁遠水路。

一條有咩概念?植50條/平方厘米吧。大部份人都係落係2000—4000條之間,羅家英應該植唔到,佢要過萬條。你想知?影張相連埋把間尺,計番個圓形/隨圓形面積,至於M字我就唔識計了。
即係話,以3000條計,以下為港幣價錢:

最貴香港要14萬,
台灣6萬,
大陸人仔要3萬3至6萬6。
就咁睇,台灣同大陸都OK,係咪?之後我用微信同LINE問左台灣毛爵同埋大陸雍禾科髪源同埋另一間唔記得名。

建議大家問之前,影定前額,同埋頭頂相片,放埋把間呎比佢,佢實問你要相,問完但係又帶你遊花園,唔估算價錢又不停叫你上去檢查先,認真仆街。

台灣毛爵:不停遊花園,三日先覆到我,仲要報個一口價,但條數係個RANGE!真攪笑,YOUTUBE好多短片好專業,咪又係業配文!最後明知我係香港仲叫我上左去檢查先,咁樣我基本上去到台灣都無得揀啦。我用LINE聯絡佢,佢反問番我有冇微信,驚驚。

再找其他台灣的,實在太多太多業配文,放棄了。有單馬來西亞人去做,衰左,要找報紙唱衰,才肯急急回水,真係有夠黑暗。。。

大陸其實相對較少假文章(或者咁講,真定假野好易分),因為有唔少自願定時放植髪效果(類似網誌),微信溝通算係咁,不過又係要迫佢先講到價錢(透明度問題),同埋佢地係有折的(最少有個九折),不過WALK IN 去問更平!

開頭比較想去台灣,就係覺得大陸無信心。

不過問完之後,我覺得價錢差別大,而且我植0既條數又比較少(我估算1800條左右),衰左都仲有下次。再者,台灣毛爵既回覆真心令人唔滿意,覆野就好似COPY AND PASTE咁,其實消費者都係睇價錢,技術,條數先有個預算,扮專業講野或者解釋手術有點多餘,搵得呢D,網上一早睇左。

所以,七月尾時膽粗粗同女主人上左深圳雍禾植髪做檢查。


我唔係廣告文,我太太影得仲靚。。。

我打的去到落馬洲步行過關,再坐地鐵到上梅林站,再滴滴打車十幾蚊就到。

去到用格仔紙數面積,因為我無M字問題,只係頭頂稀梳,家中估算都係28平方厘米左右,點知比佢數完有47平方厘米,因為唔夠一格都當3/4格,即係四格唔滿都當三格。

我預算條數為1700條左右,最後佢話要2350條。(40VS50/平方厘米分別,真心,植完肯定無咁密,相信每個地方也一樣。)

價錢問題,同埋我唔信加密真係密左,但佢都強制我頭頂做加密(300株),其他做普通(2050株),(個人認為加密係掠水),埋單幾錢?基本係有85折—9折,當然女主人幫我R啦。

原價人仔26500,埋單?二萬二左右吧!

至於術中至術後情況,我會後續才講。

若有術前疑問,可以留言。

2019年8月8日 星期四

同小朋友HOME SCHOOL 我的香港財務自由路(五)

今日,係財自第40日。

呢個暑假,本來應該同小朋友出下街,不過我有個小小小手術要休息,所以留在家中,術後一星期可以去會所,現在已可完全外出,不過就樣衰D。

究竟我做左D乜?應該下一篇網誌會講。而下一篇網誌0既資訊我覺得係勁有用,希望能夠"打救世人"啦。。。

留係家,唯有集中HOME SCHOOLING。

話說我個大女,上年暑假去過D補習班,去完佢極度負評,原因如下。

1一二三年班一齊上(佢唔夠人組班)
2唔同級都算,學習能力好參差
3補習都要做野(我女以為係去玩)
4做完要等埋發叔(佢地唔識CATER INDIVIDUAL DIFFERENCE)

所以,我成日用帶佢去補習黎兇佢。

托賴,我兩個小朋友自學能力都OK,而我又算識教下野(我滿有信心的,不妨睇下我YOUTUBE頻道講野)

真係要出手教?講野請務求簡短易明,我成日話我太太唔識去教,講完一大輪小朋友話明,實際又做唔番出黎。

佢地做練習(個女幫手教下),我就砌高達

每日去會所做幾頁(2—4頁)練習,中英數隨意(有時我定有時佢地定),以下是小弟兩小朋友參數:

大女
中   ***
英   *****
數   **
速度  ***
留心度 *

小兒
中   **
英   **
數   ****
速度  **
留心度 **

重點訓練目標如下,希望各位HOME SCHOOL 有用(對於呢樣,我比投資更有信心)

女兒:數學專攻,加解難題,中練速度,英學新野應付下年
兒子:主練寫中英字,認字,速度及整齊度專攻

另一重點,揀一本好0既練習,我從來書展都唔買練習,我鐘意去書局慢慢睇(都係五分鐘睇得完)

英文專揀有教學行先,因個女個仔睇得明可以自動波,我就可以砌下高達睇下iMoney。(我揀左傑思gramma weekly)

中文仔就揀d容易可以自己睇題目,避免要同佢一齊做的閱讀理解,生字,組句,標點最好。(我無推介,求其揀)

數學真係好難揀,不停機器操練可以捉careless,但文字題又可以解難。最後我揀左"學林",你唔識佢唔緊要,去書局睇下啦,仲上bk?傻的嗎?

(唔該,我讀平民學校,唔好同我講藍血新加玻課程點點點。。。)

食個午飯,去會所做幾頁,之後去會所同朋友玩/去食個m記/回家一齊打下機,生活好不寫意。

都係個句,要輕鬆愉快同小朋友live together,係唔駛日日去歷奇去playhouse大龍鳳0既。

昨日女主人休息,去左啟德果間紙飛機玩,唔掂,d野太小朋友,貴,細。


不如租個工廈搵番二三十個家長一齊共享玩具空間好過。

最後,如無意外,開左學又係另一個戰場,不過之前同佢經歷過下,應該無乜大問題,呢個暑假準備得好,後尾應該唔難過。

另,細仔都有電話用(超舊三叔銀河筆記3),呢期打迷你世界(類似minecraft),若考得好,換部快d0既電話比佢(asus zenfone 3 deluxe)。

我屋企,電視任睇(連netflix),機任打,電話有限制使用,因為我深信,你一路比佢,佢就唔覺得係d乜,最緊要攪得掂讀書。

同樣,希望佢地都可以無限制但有責任感地,追尋自己夢想,世事無限可能,何必定太多框框?

最後,我拍左兩條<租奴的自白>片段,未睇0既不妨睇下,係youtube度比下意見。







各位0既留言支持,會係我繼續免費老點/亂up/教人/吹水的原動力!
blog中所有收入,會全數捐出(9月份會有一張二千多元捐款收據)

2019年8月3日 星期六

2018年度建行股息 以為會多過上年

今日財自左32日。。。做乜日日係度數?D時間真係好好用但又係好唔夠用啊!!!

今日一早出左荃灣睇模型,原來無咁早開,又去食個早餐等下。最後去左高達界聞名既知源玩具店買!

https://www.facebook.com/toyshop.tsuenwan/

點解?因為佢算平,而且好齊。。。

我已有劉關張曹操孫堅,唔計個d車呀,halo呀,我已買齊。

一共$465,唔理佢抵唔抵,唔駛四圍去集齊已經正爆。(如圖)


講番正題,昨日收到建設銀行2018年度派息!

今年每股派人民幣 0.3060,本來係多過上年0既(如下圖,但以港幣為單位),可惜今年人仔跌左唔少,轉番港紙就反而少左。


不過,一日唔埋單一日都唔知多左定少左,因為用開間證券商有stock lending program,若果係 Lieu of Dividend,係唔駛比10%股息稅架!(簡單解讀:借你股票果條友幫你比左!幾唔公平!?)

今年有幾多Lieu of Dividend?如下圖:

即係話,慳左$2851股息稅。

另外,我有部份建行係citibank,收股息係要收手續費,計過數,比佢食左我大約3.7% 手續費! 都成三千蚊架陰公!

另外大部份建行,都放左係IB,收股息係唔收手續費既!

係唔收手續費既!

係唔收手續費既!!

係唔收手續費既!!!


屈指一算,今年股息為$630617,比上年多少少。。。仲以為會有七十萬。。。

跌市點算?我槓桿未盡,一黎唔會爆,二黎又唔可以買貨。不過皮太太重有四球幾CASH。。。點用?而家要開始諗下了。

其實佢只係製現金流比自己,小弟年息有七位數,足夠家庭開支有餘,最難對付只係通漲,漲得黎,我仔女都大了。

有咩比買回自己人生更重要?

最後一圖,我屋苑租金又平,會所又無乜人用(一係老人,一係上班一族,健身房同自修室都大到得人驚,閱讀室又靜,仲好Q多雜誌)



***************
以下是多年派息日日誌連結

2017年收到625564

2017 建行股息 以為仲少過上年


2016年度(2017)收到589756

2016 建行股息 少扣股息稅


2015年度(2016)收到575701

食息過活 建設銀行 2015 年股息派發


2014年度交行建行股息HKD41萬,加埋權金12萬總數53萬
(故事一匹布,自己睇呢篇 2014 年交通銀行 派息日 收到股息

再上年收到2013年度交行股息HKD44萬
(連結按此2013 年股息派發

再再上年收到2012手度交行股息HKD278000
(連結按此2012 年 股息

2019年8月1日 星期四

我家的窮人理財(一)

今日係術後一星期,首次出街。

亦係財自後一個月,現時感覺良好,無悶,無9流流,無覺得自己係零0既感覺。自然醒我從來有冇工作都係咁,反而現在每日訓醒先諗做乜,以前係無既。

長期屈係屋企,真係唔係好得,強制行街/運動係必需的。

過左七月,開始無人同我食"退休飯",或者咁講,我係術前一早預約食哂了。

今日8號風球,在家打這個,二週目了!(NIER : AUTOMATA)

之前係書局,見到<<窮家有道 - 窮一生>>呢本書,好快打左一次書釘,條友講野都幾抵死,而佢對儲錢觀念,簡單得黎又唔係個D勁逼迫你做苦行憎個種。

(三聯書局,上圖右數左第8本)

可惜,係我第二次打書釘時,我已經好快睇哂佢本書,正常一本書我好少再重睇,所以買左番屋企都係放係度,唔好意思,我會選擇放盒未砌0既高達。

不過,都在此推介一下,買番書閒時閱讀也OK。(我唔識佢架!若佢見到,主動識下我吧,哈。。。)至少,好少書會令我行入書局特登去搵佢睇多次。

睇黎佢係好近90後0既80後;我,係好近80後0既70後。

窮,係無分年代。

唔鐘意自己個老細,亦都係千古不變。

我唔知佢有冇樓,不過萬丈高樓從地起,就對所有窮青年都一樣。

順手人卦GOOGLE下,FB LIKE係我六倍,被動收入當然我多佢少少啦。。。

入正題,講窮,我有另一番見解。

******

小弟母親極慳,如果佢後生番四十年(佢已不在人間架喇),可能已經可以開班教人慳錢(唔係食過期面包皮/要準確至角分豪咁紀錄每日開支)。。。同時,我個不知所謂老豆係病態賭徒,份糧係比哂澳門同馬會0既。

簡單D講,就係我阿媽養起頭家,唔駛養埋另一半已經萬幸。

咁我童年?都仲可以有零用錢買高達,應該還不太差(也謝謝政府公屋,書薄律貼我老豆話煩唔L申請,亦可能申唔到。。。但佢賭哂份糧)。讀大學我都無申請GRANT LOAN,因為我媽有定期存款唔想曝露,因我老豆會謀住,再去借錢賭。。。

我唔知我呢D叫唔叫少年窮,不過認真無乜捱過真窮滋味,應該全要歸功我阿媽。

大學學費都係佢比,生活費我有做下補習,可以靠自己。

屈指一算,佢走後一計,應該成世人儲左一百萬。。。

我阿媽做乜?
只係係街市凍肉鋪幫人賣下野收下銀。

一個月幾千蚊人工,點儲到咁多錢?到而家都係個迷。

另外,呢十幾年我比佢0既家用,佢其實用得好小部份(我唔算比得多,只係低5位數),佢將我比佢大部份都儲起左。因為我好多時都係將收番黎既現金再比佢,大部份現金都好新淨(唔好再估我做乜,PLEASE)!

老人家既野,我控制唔到亦都改唔到,只能提醒自己,錢再多,儲黎比下一代都無用,倒不如駛左佢,為人子女的,家用都係想佢用哂,做個老人月光族。

兒孫自有兒孫福,係咪?

亦因知識所限,同時唔可以比個賭徒老公知佢D錢,佢只有做現金定期,定期D單放哂係保險箱。如果佢拎呢舊錢去買樓/月供買匯豐/中電,可能又係另一故事了。

都係個句,慳錢同早日投資,係財務自由同買回自己0既不二法門。收入少的,要投資;收入多的,更加要投資。如果我當初無投資(雖然成績好一般),面對能力下降之時,心理同收入可能都會做成不少壓力。(不過我係高位光榮引退0既!哈哈。。。)

仔女生唔生性,呢D就真係睇命水了。

2019年7月25日 星期四

唔夠長咪做下短 三百萬股票及期權倉(五)

估唔到,呢三球不肖子可以成立一個系列,提及呢個組合已經橫誇5篇文章了!

10%年回報計劃 賣球員不務正業





若然你想學下期權係咩一回事,可以睇下上面個四篇面我點輸法,截止呢一刻,蝕緊73萬(再加貸息約6萬)。上年收權金約30萬,股息當佢2厘,約為6萬。

即係,仲蝕緊4X萬。。。哈哈哈。

所以都係個句,買入時機比一切因素重要。

我又可以咁講,唔做期權,就真係硬蝕七十幾萬了。。。

咁,唔買都買左,又唔止蝕,可以點?

2019年度,本來計劃係繼續做一年期權,但係股價低賤之下,無理由蝕價比貨人。

A 比較無蝕/微賺的:蒙牛/比亞迪/騰訊

B 蝕一成多D:金沙/銀娛/恒大

C 未夠兩成:碧貴園(計埋佢送0既股)

D 蝕到HIHI:吉利/舜宇/瑞聲

做番一年期,又無肉食,AB系例只有年想4—5厘,C系2厘,D系完全無得做。

點好?又試下逐個月做,小心做。

做左乜? 如下圖:


八月份期權金7500左右,分別係瑞聲/舜宇/比亞迪/恒大/騰訊。

而蒙牛做左一年期權@34,股金28000左右,都勉強有一成。

又睇下結算時會點?若短期期權被升穿,就把心一横做一年算了。

最後,CAP圖留念


反面教材,咪鬼學我咁無聊啊~~~

2019年7月20日 星期六

皮老闆吹水谷 第二次谷聚記趣

是咁的,由BLOGGER本熊兄熱心提議,攪個網聚,結果一呼百應,成七十幾人報名。

開頭我以為好大獲,擺左我上枱(一半半啦,其實我都想見下大家),不過又覺得幾十人實在太難攪,不過洗濕左個頭,死就死啦。

果真天時地利人和,BLOGGER福䘵壽兄又有相熟場地可以包場,令我地今次谷聚可以係一個無其他人0既地方舉行。地方好大,仲有個STAGE可以講野。

最令人頭痕0既,係付款方式,由首次谷聚0既人教路,其實都好易收哂幾十人0既錢。

最後人和,報名七十幾,預計有一半都偷笑啦,點知最後黎到0既,都有六十人,真出席者應有五十五左右。

收錢,場地,人數,全部都OK,死就死啦~~~


上圖是本次谷聚合照,為保各位私穩,除了我自己無打格外,其餘全部變成阿寶及艾達(G SELF女主角,高達動畫少有美女駕駛員)

也謝謝谷友 K HO 送我這個面具,如我在現具店見到,都會想買一個,仲有變聲器,實在太正!


初初諗,會否大家好似母校母會站著如嘍囉,點知又唔會喎。就各有各組傾(希望無悶親各位),又有人識換位傾(認真重要),開頭我仲以為要忙過結婚去做迎賓,點知佢地自己破哂冰,我可以匿埋一邊站著如嘍囉了!哈哈哈~~~

平時我都唔會咁著,今日我著番上次番母校頒獎個件衫,同埋早排轉左髮型,應該好過之前啦!(上次件衫無幾可有機會著,極浪費!)

當日頒小型獎學金張相!
若然你係街度見過個男人咁著,一定唔係我。
我有八年無著過皮鞋!

聚會有感1(感覺類)

我發現,大家搵到我個BLOG0既原因大同小異,不過留低繼續睇0既原因就人人唔同。

我唔識投資,所以揀股呀,估值呀,睇高低位呀,就應該唔係睇我。

我最好睇0既(投資方面),應該係我做左D乜,同埋點做(直頭係D制點按!),又或者蝕到HIHI個陣如何一笑置之面對。我成日都講,無論你有幾叻都好,站在高處笑人伸手但又唔講好少少,一黎令人誤會,二黎亦做唔到教人0既目的。

當年我搵點樣期權轉倉,都搵左好耐,唔係無人講,係大家覺得太簡單,唔識又未做過0既人係理解唔到0既。

最後,令我有動力的,係覺得我古怪/FUNNY0既意見,其實投資或許寫得太多,我本身係想講價值觀一事,例如唔買樓都可以財自,做生意要睇興趣,學做愛唔好問處女等等。可能真係要回想一下,有冇D比我的前度女友系列相似0既經歷,或者可以滋潤一下個BLOG。

同時,BLOG中財自路有跡可尋,有根有據,或許給後生過我0既人,感覺生命滿希望吧!若我放在自己真實生活,只會比人覺得我晒命!

聚會有感2(出席者問答類)

講番出席者,正因我唔係開班L,WHATSAPP GROUP要求是捐款到慈善機構而非報讀投資班,結果大家對此GROUP期望很不一樣。至少勁人如云,而大家可以快過GOOGLE咁答到好多古怪問題,連SPEED DATING 著咩好/家中如何安裝尿兜都有人答!

其實我記性好差好差,而家唔寫聽日已全忘記。

有人買了一千萬保險融資,面不改容!勁呀!

很多人問創業,我認為要睇年紀,現時工作薪金的機會成本,以及興趣!

有人告知跟我開IB戶口買期權,IB真係要比番佣金我!

沽出一年期CALL OPTION當然唔會比做十二次即月OPTION權金多,但要連勝12個月無事唔升穿,其實極難。為免日煩夜煩,我會選擇做一年,怕升穿無仇報,就不如唔好做,等佢升多D先。

槓桿比去到2,其實如果係固定收益資產,其實都好安全。不過若然太過集中,隻野一旦違約,即時MARGIN RATIO去到100%,就咁好大獲!另外,財自與否,亦可參考被動現金流及每月提款既比例。

總現金正數,例如持有HKD但又沽左USD,係要比息的,不要太天真。

另,沽出股票,NLV不變,但MAINTENANCE MARGIN 變,係會安全左,亦降低槓桿比。

原來不少人報過投資班,OPTION J/撚蛇/美股隊長都有,最好笑有人唔捨得比錢撚蛇,GOOGLE下有冇人講,點知GOOGLE到我,慳番三千幾!

席間有唔少睇落去30出頭0既年青人(唔知係咪KEEP得好),我真心希望我0既操作無老點你,始終人人風險承受能力不一樣,我0既投資成績極一般,期權都成日奶野,當個反面教材還好,學下我如何按制好了。

已移居台灣谷友亦提醒,頭一年兩公婆財自還好,過左一年後,可能要各自尋找多一點空間,我相信是免太悶及免引來太多爭執吧。

福兄全家抱恙,希望佢地快D好番!

有人為左出席谷聚,唔去送老婆機,希望佢唔駛跪LEGO!

聚會有感3(個人展望)

大家還記得我為何寫BLOG嗎?就係希望被人搵到,幫下有相信諗法但未知可行與否0既人,如要量度成績,只有此BLOG點擊率(YOUTUBE觀看時數是另一障礙),大家不停分享出去(尤其分享到醫療界別人士),會是我的原動力!

最後,或許一個唔同你講你D錢,但係自言自語講自己D錢0既皮老闆,又不會謀住你D錢,會令各位感到無壓力吧!(我仲記得東昇兄話我有氣場)

學太太講果一句

"財自後,唔應該搵疏遠了的舊朋友,應該去識D新朋友。"

人生另一階段,不用再抱殘守缺,既然以前你睇唔透我+我又點唔明你,不如今生就此作罷。
各位,見過面,如今你們就是我的新朋友了!真好~~~~!

錯過左今次?肯定有下次!或許下次各位帶埋太太出黎,免佢地以為我地攪攪震!!!如有下次,應該有某美股優先股女BLOGGER加入,真好。

再一次多謝本熊兄福兄,令此谷聚得以完滿完成!期待下次帶埋太太出席!

另,我或許好多遺漏,希望其他BLOGGER能補完!(後再加LINK,謝謝!)

2019年7月17日 星期三

身邊朋友的FAQ 我的香港財務自由路(四)

好耐無UPDATE,希望各位無走到啦!!

其實本來打算每隔兩三日做完運動就打下BLOG文,點知呢期真係忙過番工。

對於一個近二十年無做開運動0既人,我估我成績都OK,體重由67KG去到64KG了!(大約三個星期吧)

本人寫BLOG只為點擊率,各位0既留言及定時收看,絕對是一種鼓舞!而此BLOG廣告收入,會全數捐出。

剛剛,我將一年BLOGGER收入,再自己貼小小,在母校成立了一個很小很小的獎學金,也在剛剛的星期一上台頒了獎。金額少到自己有點慚愧,但,莫於小善而不為,有機會寫文講下。

自現實生活對外宣佈退休後,很多關心小弟的朋友,都問左我唔少問題,亦有唔少意見比番我,可惜我一向唔太聽人意見。

同風中追風兄傾開,亦打趣同我個五十幾歲財自0既外母傾開,原來一講退休,好多人都會問相同問題!

希望各位會PLAN提早收山的朋友,能有此文幫助一下,至少:YOU ARE NOT ALONE!

以下歸類,好難講問果個人係善意定潤你,不過點都好,我一向統一答案。

1 退休後有咩做?

做自己鐘意做0既野,呢一刻未諗(諗左都唔想講,例如同你講獎攪學金,又會越講越又易被人誤會)

最正常,我會答陪下屋企人,睇住D小朋友(其實我工人好幫得手!)

如果熟少少,我會話寫下網絡文章,去試下做個無人睇0既YOUTUBER

如果我當你係朋友,應該咁答:這不是一個終結,而是另一個開始!

2 會唔會好悶?

忙到PK就真,可能退休前段,會多左人約飯局吧。其實每日45分鐘運動,執下屋睇下電視玩下高達打下機,已經令我唔得閒寫BLOG文。

平時去街,若第二日要工作,我會感覺就住就住,留番D精神明天工作。而家?玩都盡興D啦!

怕悶?我退休前已經試過日日行下街,其實除非落雨,悠閒地走在街上,其實好舒服,再唔係,戴個HEAD SET 聽住歌,感覺現在的人生及時間都是自己的。

日復日工作,即使我工作極有成功感,但都唔及而家正!

3 會唔會去下旅行,做下義工?

我以前工作,每日都係做三五個鐘,無壓力,受客專重,收入六位數。我從來無需要去RELAX一下,旅行我都麻麻(我又唔想鬧我太太。。。旅行我會發脾四)。

做義工?NO WAY,要做善事要幫人,有好多方法,話唔埋我定時寫下BLOG,又可以幫人開竅,搵到自己鐘意0既人生,咁樣唔係比免費勞工0既義工更加有效?

喂,我並唔係失敗到要用以上兩種方式去打發時間,去等死啊!

(真係唔好咁問,我會覺得你好低層次,又或者唔識問,想求其搵下野問我而已)

4 會唔會搵其他野/工做下?

基本上,大部份人係問我會唔會再搵錢。乜錢真係咁重要咩?要無時無刻唔放過任何機會?

我答得好直接:我唔打算做任何搵錢0既事。

我心諗:如果我走去打工,搵雞水咁多工時又長,咁我為乜要放棄本來極之爽0既炒旦小生意呢?

5 夠唔夠錢駛?

呢個通常唔會直接問,同男人D頭髮/女人去微整一樣,非常忌諱!

其實我真心好想你問,亦唔介意你問。

因為,我都想你明白,其實只要控制好自己,接受一些新事物,錢係可以夠駛0既!

即使真係財自唔到,多個被動收入,總好過只係得樓9流流慢慢等丫。。。

其實控制物慾,已經係成功0既一半!(睇下個D財自爸爸,好多成功0既另一半,係靠自己個另一半!哈哈哈哈哈~~~~ 我唔係啊~)

現在成績?未知通漲能否追到,不過每月很肯定有錢剩,暫時未有方法去計,只係八月份開始每月出錢比自己,睇下月尾係咪月光族!(另一部份繼續留係戶口啦當然。)

IB可以SET RECURRING WIRE WITHDRAWAL
每月一次免費!


6 你就好啦,我都好想好似你

呢個超級FAQ,尤其係對你無乜大好感個D,正正常常講呢句,好睇佢語氣。若然係街撞到,劈頭第一句咁講,我心中想回番佢粗口。

不過諗諗下,呢種妒嫉,其實正正因為佢地無能/無能用。

小弟口衰,細個至大個都唔係好識言語遮掩自己,結果,被誤會次數真係多不勝數,一遇上有妒嫉者,就會被不停放大。

結果,好處係,真係朋友的,就真係好交心朋友。

相反,想大班人食下飯吹下水,呢D飯局就我無份了。

黎緊吹水谷又有飯局,今次成60人,希望大家都唔會"那年十八 母校舞會 站著如嘍囉"啦!!(若小弟有咩講錯得罪,請多多包涵,只係我唔識包裝講野,未必係你心想咁樣。。。)

*****

明天同太太及小朋友去睇TOY STORY早場,連個仔都話,寧願坐前D都唔想比人個頭檔住!你仲諗住買飛坐中間?

2019年7月4日 星期四

年青退休生活如何比較? 我的香港財務自由路(三)

本來應該講下要預留多少BUFFER財自,不過放低左就無寫,開番篇草稿又唔記得想講咩重點,哈哈。

今日應該係我財自第十天。

昨天交番鋪頭鎖匙比業主,拎番按金,總算正式停止哂所有炒旦小茶飯。

有冇唔捨得?少少啦,不過而家去玩去街去食野,少左好多牽掛,同平時放假好唔同,完全係兩種感覺。

另外,減重大計開始中,其實都係去會所跑下步(管理費業主交,無理由唔用下。),點解會所無 iMoney 睇?否則可以做完運動嘆下。

十日間,磅數減少左,頭幾日我覺得係疴左屎,流左汗而成。

不過今日再磅,由最初67.X𥑇到65.X,應該不是屎吧!(同埋每天我去哂廁所先去跑)



點跑?我覺得同投資一樣。我唔會辛苦自己,正正常常去做就得,不信秘方,不催谷。

吹水WHATSAPP GROUP 中,除左投資勁人外,仲有好多運動鐵人!比左好多有用建議我,不過我自己就會就住自己跑,慢慢跑,唔好心急,一下子耗盡體力,第二日累到無心機再繼續,其實前功盡廢!(女主人都係咁,一開始就谷到最盡)

同人比?大家方向唔同,我自出娘胎都無試過咁固定去運動(同同學打下波,上PE堂才會運動,不會刻意定量),我一早已經知道自己一做運動,只係增加心跳呼吸已經可以燒脂減磅,同埋戒掉晚上狂食零食已應可非常成功!

同樣,十幾年前我發現,我收入係同年同系同學三倍時,我都知道提早退休財自跟本是必然做到,只在乎何時退同埋等待一個決心而已。

*****

財自路,其實也一樣,只要了解自己,定個目標,其實人人都做得到。

呢幾日,遇到識我0既人,口中都係講:

"你就好啦,退休喇,我都想好似你咁"

呢D真係唔知係佢潤我定係客套說話,其實財自又好,減肥又好,有需要同人比?

YES & NO

減重,梗係成效同人比,不過又唔駛過份執著。當你發現成效好WORK果陣,同自己比更有用!講重點,如果成績見得人,同人比只能自high,有乜9用?應該同自己比吧。

同自己比?財務狀態都一樣,我開支少物質慾念低,所要用既錢比一般同年中產同學可能較少,要被動收入追到唔難。而且,我又無諗過要留錢比子女,即使蝕通脹又如何?

同人地比?更加有趣,因為我贏既唔係錢多錢少,我贏既係時間同青春。

“咁你咪好叻仔?” yes or no,我放棄左可以住大屋揸靚車豪華遊既後續生活。

你以為我無所事事好得閒先去做運動? 非也,就係我有青春去花,追求健康身體,沒工作煩惱的個人意志,更精要既係,我有“無任何逃避理由”去負擔的家庭責任。

我記得,風兄講過,醫院內好多患者都無乜親人陪,因為要番工(詳略吧);同樣,好多爸爸放工番屋企就休息,因為已經盡左搵錢義務,家務及照顧小朋友是否可放埋一邊??

同樣,為工作犧牲了的家庭崗位,只要財自,便責無旁貸地要背上。

"我見你平時都幾得閒” 

你咁講我,唔會刺激到我神經,我有家庭有目標有未來有後代仲有好多人生achievement 趕住要去unlock,你話我得閒我真係覺得你讚緊我,因為我時間管理好

除非人生只係剩下等死,否則聽到呢句應該開心。

時間點用係相對既,同人比?我比人話我得閒,我會沾沾自喜;同自己比? 我覺得每朝30分鐘運動,平時我hea 睇新聞都用左啦!如果可以換來身型同健康,不是十分美好嗎?

財自最多人唔敢面對以下三點

一是怕唔夠錢
二是缺乏工作成就的生活
三應該是如何使用(不是打發)時間

我建議係,先試下同人比,覺得自己感覺良好的,再同自己比!
時機成熟與否,自己決定吧。
因為大部份對你指指點點0既人,都係未自由過,沒有FREE WILL的。

最後,感謝女主人比我放縱一下,間房變左高達房(通常都係港女HELLO KITTY),等我SETTLE好D高達後,再補番張靚相!

上面部高達波子機好重啊!!!

2019年7月2日 星期二

你班上左岸0既中坑老坑 心態決定境界27

首先,此文非政治立場POST。

廢老最鐘意砌高達啦,一定係除非唔係!
已經拍左片喇~~~

本人自認是偏藍,但極討厭果班豬到不得了0既五毛左膠豬隊友,總之兩面不是人,兩面不討好。自少人生便如是,只能認命。

昨日外遊,不過見FACEBOOK有個中學同學(佢細我少少,一齊未夠40歲),出左以篇潮文,連女主人都覺得佢講野過份,行文講下呢條友。

其實只因譚雞蟲同埋鐘破產兩位過氣明星,去左撐藍維穩活動,咁網上又大把人話唔聽佢D歌(下,我都唔係呢個年代,關我X事?),又爛唱片等等。

其實同老人BLOGGER一樣,呢兩件過氣野,跟本無人GIVE A SHIT,佢出唔出現都唔係好關事。

咁阿中學同學係邊個?原來我係2015年已經提過佢:

心能決定境界3 - 論創業 <叫朋友做影相佢當我點佢>


建議入去睇,當年寫應該全神D,不過我都簡介一下:

2009年,中學同學三個人,傾下計,我教佢地期權,有人教番我保力加(受惠者卻是我轉教的女主人),事後比人私底下話我做乜咁好死教佢地,WELL。。。

當年我都有提過,見佢鐘意影相,都成十幾年興趣,不如去影下婚照啦。點知佢一堆理由(上條LINK)話做唔過。

結果,幾年後,佢咪又去左幫人影婚照,打份頹廢IT SUPPORT邊有肉食丫。

當年有另一中同,一早入行,買入地鐵物業後沽出,已全家移民英國爽歪歪了。

佢?同年紀,遲入行,2019年今日,佢只係買左屯門D濕九廢樓(聽聞係美樂,我唔肯定),日9日係FB講佢D作品,客人FEEDBACK,西客講價。。。

以上呢D我炒旦生意全部都有,但我從不晒,因為我怕晒左之後太多生意煩到自己!!!講價?唔好意思,正價都唔做你生意!(唔係我串,其實好多人都做到)

可惜,我已經上個月執左笠了!

****

講番正題,點解開文講呢個人?連我EQ滿分0既太太睇完都覺得過份,應該拎出黎講下算有價值。

佢SHARE樂神壇廢老篇文,講左幾句令人嬲嬲地又好好笑0既說話,佢POST完就刪左文,我CAP唔到圖!!!佢提左一句,非常擊中(我對號入座)但又可笑!

"佢地呢D上左岸0既中坑老坑"

我唔知我39算唔算中坑,上左岸我又未係,不過我又唔駛為兩餐煩,算係基層出生香港人呢個年紀有一兩分成就0既正常故事(或者大家沽左層樓就做到),不過佢咁多年打工、創業、結婚生仔浮沉中,到頭來眼見就黎40都仲係要同班後生去比較,真係慘慘豬。其實佢已經係中坑了!

政治唔講,講錢又得,講生活也可以,我成日講,要比較,就要咁:

1 用同年紀0既人比
2 起跑線無視,公屋學校中,當年屋企有錢個D,大個左咪又係咁!
3 現實點,用錢/資產比;夢想點,用人生目標比;幸福點,用結婚生仔長輩生活比
4 唔鐘意比較?問下自己係咪真問唔想比,定係唔夠人比啦

阿中學同學,可能你無諗過會觸動到我神經,不過。。。

用錢比?我唔蝦你,算

用夢想比?SO SO99Y我唔知你夢想係乜,玩FB定去遠行帶MUA(同化粧師影近距合照)都唔帶埋個太太?(同太太就KEEP DISTANCE。。。)

幸福比,兒女未必能比,我太太靚過你老婆幾十條街(佢件前度唔錯,自己唔揀,人地嫁埋去美國了),雖我母親已不在,但至少我真係唔見你會特別日子同親人影張相。行街見到佢地都好似無乜精神咁。

我呢件表面上上左岸0既廢中,
講到呢到就算。

最後,我鐘意動盪,因為有危才有機,
才有可能洗牌比年青一輩上位
否則社會只會死氣沉沉。
咪以為我係坐係度鬧年青人0既公園阿叔啊!!!

執笠最後帶哂番屋企,我唔係賣型架!

預告:黎緊會幫兩位BLOGGER好友寫書0既序,忙左幾日(跑步+執笠),要開始了。。。

下面係最片,無訂閱頻道0既等我UPDATE下你啦~

IB 如何睇槓桿率? 何時要追保證金(補孖展)? 如何轉介面語言?

2019年6月24日 星期一

吹水GROUP飯聚後記

話說小弟係颱風山竹襲港期間,開左個吹水WHATSAPP GROUP,只要向指定團體捐100蚊,就可以入黎。

咁因為保持神秘感(說穿了就係我外型唔見得人,得把死人口),正常都唔會見非BLOGGER0既朋友。

不過早陣子本熊兄連同一眾朋友攪左個飯局,邀請埋我,咁我見平日都傾開,咁就去啦。

有冇擔心比人發現原來係七頭一名?無喎!

因為,係我心中有個諗法,唔寫文但係又會入其他群組吸收資訊0既,都係花白了頭四五十歲阿伯大嬸類。

即使今次飯局11人當中有三位女性,成班大叔大嬸,我預想圖都係咁。。。


約左係油麻地一間酒家食,食物好OK喎!不過我估在場男仕可能唔夠(本身我細食,是OK的)。

其實,今次係有BLOGGER架!包括我,本熊同埋福褖壽兄!席間亦有好多勁人,不輪投資又好,八卦事又好!咁都有得八?梗係有,去得多講座,自然見得多開班BLOGGERE啦。

究竟想像同現實有冇出入?好大!!明顯大家0既年紀後生好多好多,女0既仲要全部都唔係阿嬸唔係師奶!(有人仲係油麻地比飛仔撩。。。比人果位應該開心過個飛仔!我都想有人行過黎問我買唔買二手中學書/去唔去OCAMP!)

一去到,已有兩男一女到左,佢地傻傻的自爆左係邊個!無錯,我地11人從未見過,要互相去估。

結果就玩左個遊戲,大家各自估下全部人是誰,然後同時POST在GROUP,全中者今晚FREE DINNER。當然我一開聲就比人認出,而亦有一人全中,其實好多人都係爭少少就中哂,三位女士難估之外,幾位斯文型男性亦難辨認。

席中,有STARMAN哥幼齒年代0既老師!哈哈!

講D乜?投資股樓REITS當然有,仲有講下小朋友。雖然素不相識,都十分投緣,希望不是小弟一廂情願啦~哈哈~ 講左咩特別野?我已經忘記了!

小弟有紀念品!謝謝某師姐個仔割愛!


最後,我又推下我新出果兩條片,係我財自第一天0既行程!

如果你斷左片唔知我講乜?可以睇番呢個:


仲有第二屆女人認高達大賽!


謝謝各位支持及訂閱!小弟昨天和朋友開了FAIRWELL PARTY,很是盡興,將來會更多更新BLOG及YOUTUBE!但精神依舊,你的留言是我的動力!

2019年6月17日 星期一

虛擬與現實世界的我 心態決定境界26

一晚出左兩篇,上一篇講出水豆,要CLICK入去才看到。

難得今日同女主人一齊收工,坐的士順手車埋佢(平時分開坐,浪費金錢呢!)

有唔少野,係屋企時好少講,一黎唔想長輩知(錢銀又好,人生去向也好),二黎又唔想會搭咀0既小朋友八卦。(若小朋友想了解多D爸爸,到我死左,睇我個BLOG就知了。)

小弟的父親節禮物!
(阿囡越黎越靚,開始有種仙氣。。。)

的士上,好多時會講下自己野,老婆話,講錢怕的士佬老笠(哈!)

近日遊行反惡法一事,我支持年輕人去追自己想要的東西,背後會否有大人/人大陰謀,我就唔知了。

這不是重點,而是多得whatsapp吹水group一眾谷友都好克制,至少都好比面小弟,無乜亂子出現,罵戰當然無,連post link迫人睇都唔多。

這也不是重點(不要打頭),我同太太講,在虛擬世界裏,大家都好客氣好比面,現實生活裏,大家都以為我on9的(或者咁講,驚死我害佢/覺得我吹水)。箇中原因,女主人一矢中的:

"佢地唔知你做d乜,咪覺得你好似好勁law!現實生活d人會覺得:車,你好巴閉咩?!"

所以,佢再一次千叮萬囑,要我繼續保持神秘感(哈)!同樣地,我一向都話我0既小生意係一d好低微好不值一提,一d都無謙虛成份

不過,blog文中的事情的確真實,收入是真的,資產是真的,唔駛受氣也是真的,非常想點就點也是真的!最引以為傲的,是我不吸年青一輩錢,全是上一輩港人資金貢獻上。

好比水電工一樣,你唔整?你識唔識整丫?shut up and give the money 啦!

另,我唔會(亦無需要)特別提我公屋出身,父母親基層,仲加個廢柴爛賭父親,憑著自己點努力點奮鬥達到今日財自!咪玩啦。如果我要厄人,話我係神秘ANGEL FUND 咪得LAW!係咪?(上到鏡頭,支支吾吾扮專家攪掂啦!)


現實世界,有冇人信我D屎橋最後掂左?梗係有啦!我老婆咪係其一,當然仲有舊同學,講得出來,有時雖然ON9無道理,但這些奇兵方法,正常人只有保守正常思維,又點會比到你?

若然你網上睇到我,覺得我好攪笑又另類,恭喜你,你搵到一片ON9新大陸,錢就唔會多左,不過人生不只一條路,講都講到我口爛了。(記得BOOKMARK啊!)

相反,現實生活中,常被人誤解,年紀越大0既,佢地個框框越細,越比人當你老點!

上星期本熊兄福䘵壽兄及一眾吹水谷一圍十一人的聚會,食左餐飯,其實席間我都係好怕講錯野,如有無心得罪,你就當係我細路仔/傻仔吧。(當天細節,我唔記得哂啦,過程可以另文再述)

女主人又再次講得好好:財自後,唔應該搵疏遠了的舊朋友,應該去識D新朋友。

人生另一階段,不用再抱殘守缺,既然以前你睇唔透我+我又點唔明你,不如今生就此作罷。

****

最後,先不論小生意係咪真係咁低下,我對我自已就有以下意見:

要估一個壞人幾時做壞事係好易,要估佢幾時做好事就極難;同樣,要估明哥幾時派飯好易,要估葉繼歡幾時會扶阿婆過馬路就好難!

結果,往績唔好0既(以訛傳訛也可以,並非真實往績,真實世界中有人鐘意安安份份,請你別另類,OK?),或者好似我咁有個句就講出0既,一定比人定左型。

講多次,"要估一個壞人幾時做壞事係好易,要估佢幾時做好事就極難"

政局有時也如是;股市有時也如是。

出水豆!忙過番工! 我可以唔撈嗎50

我成日想更新呢度架。。。

話說五月中,我個女出水豆!

家中未出過0既人:女主人、阿仔

家中出過0既人:工人、外母(佢偶爾過來)

我?我印象中無出過,但唯人可以知我出過未0既阿媽已經不在人世,無得問要等報夢,我老豆係廢0既,不提也罷。

為免大家中招,阿女被隔離在房兩星期。

到佢好番,就到女主人中水豆。。。佢自我隔離,我?訓廳!就係咁,一直提唔起勁出文,今天只能作個生活UPDATE。

而BLOG文都偏向講生活多,始終現時無乜新資金再投入,同埋一動不如一靜吧。

****

一日作息,可以好忙,亦可以好得閒,今個星期已經試過一連四日無番工,其中一日屋企打機,仲攰過番工呢!哈哈!!

打乜?打呢個。。。

唔好笑我低能,呢套卡通片其實好有意思,比海綿寶寶更神。
講好多人生,包括愛情0既取捨,友情0既偉大!
仲要係成人角度睇,非單單小朋友角度喎!

而個女已考完試(趕得切係考試前好番),我又唔駛跟佢功課同溫書。。。

過埋今日, 仲有三日要工作, 過多四日我就唔做了。

月底交還鋪位及機器,正式同畢業後唔夠一年就開始0既炒旦工作說再見。咁就做左十幾年,有冇唔捨得?只有少少,因為心情早就收拾好了。反正炒旦這一行,鐘意可以做返(但收入得番1成都無),不過我唔會再做就是。

當初諗住做十年就會變老左,就做唔到,而家十九幾年,乜都賺左。我太太識我時都講過,估唔到彊越老越辣,後期越做感覺越輕鬆。

放棄工作值得否?若然可以早D體會別人體會唔到0既野,已經唔係用錢可以量度。再者,從來我都係獨斷獨行,如果唔係會溝女,相信現在我只是一個平日收工ON99,一個人去吉野家打邊壚0既中坑。

我唔鐘意即興,所以退休計劃早有部署,寫BLOG/VLOG其一二,減肥/湊小朋友其三四。至於其他事情,要等埋太太退出,先陪佢去做吧。

家本位之下,好多人卦住番工/打著要番工旗號,忽略身邊太多人和事/個人理想,基本生活是緊要,但再多錢的生活於我無用,若然到我80歲打回原形一窮二白,我都會選擇現在退休。

AV男優VS財自老獨L,你會點揀?

班老野叫你努力D累積財富,其實幾好笑,佢地年華已去,無得揀,唯有迫你揀同佢一樣0既路。一個無青春0既人叫你放棄青春換金錢,乖乖走所有老人走過(走錯)0既路,新時代0既你,會否太蠢?

2019年5月30日 星期四

檢視投資槓桿 我的香港務自由路(二)

皮老闆
香港人
無自住樓, 亦無收租樓
有著不一樣的價值觀
四十歲前財自, 唔搵錢, 做自己事!
(其實我都係公屋仔、無父蔭,不過我唔鐘意咁形容自己LAW...)

上面寫得幾巴閉....

事先講明

1 我投資唔叻
2 我交際都唔叻
3 唔高大唔靚仔
4 個人又懶又求其

如果你自問勁過我,請移玉步。

這個系列,希望有同道中人睇到,互相交流,亦希望後來者可以作前車之鑑。

我唔係認屎認屁,幾無料我自知,不過對於從未接觸過準備財自的朋友,應該總有點用處。

上一篇:時間的覺悟,我想帶出,能否提早財自,是自己慢慢意會到的。既然有可能,就要去準備。

我自己ON9唔買樓,否則做收租仔我應該更快可以唔撈(賣哂升值樓便可以,簡單易明),又正正我唔買樓,要財自難度都算高,如果你已經有物業,無可能做唔到,係咪?

至於投資,其實我主要都係靠一隻港股收息,內銀建設銀行。呢兩三年都提供超過60萬一年年息比我,即每月有50000港元可以用。

同時,買入六支不同月份派息,每半年派一次息0既垃圾級別債券,可惜行文之時,有一隻被提早贖回,另外有一隻違左約唔派息,可真屋漏兼逢連夜雨。

其次,我亦持有ETN/優先股,大約每息派息一次,可恨HSEA HSEB已被回,現只有C PRN 、SSW PRH及DKT 收少少利息。

最後,亦有少量月月派息的GOF(一隻CLOSE END MANAGEMENT FUND)收下息。

除此之外,持有金ETF(GLD)

最令人頭痛的,就是上年六月高位買入三球港股,以及按錯制無理0既美股ATVI,若當時沒有買入,現在資金調動應該更加輕鬆。

將上面收既息加埋,平均每月都有幾萬蚊,未到十萬(已扣利息開支),算多定少?肯定比我最初想像中少。

不過,我只係用左唔多槓桿去做。

即使跌市,資產少左,槓桿計埋都只係去到1.54

點樣係IB 睇槓桿比率?係TWS入面,按ACCOUNT,入面有得睇。如果搵唔到,係AVAILABLE FOR TRADING 右邊有個+號,可以係果度TICK番"LEVERAGE"出黎!

咁就會SHOW 到個LEVERAGE!



如果將槓桿比加到去2,買一D固定收息產品,咁就基本上可以完全應付生活有突。只是想暫時保留彈性(蝕左太多係港股同ATVI了,怕怕)

最後,仲有小量零用來自GLD,939的股票期權。每月零至幾千不等,九牛一毛,貪玩過日晨而已。

當身家跌番番兩年前水平,有咩感覺?除左平常心去面對,其實佢又唔影響生活,同時,加埋女主人個份,已經非常充裕了!

最後,係我個垃圾財自EXCEL度,入多一皮野家用比老婆(其實佢都有收息零用的),發覺剛好用哂我一年股息收入。哈哈哈~~~ 1.54槓桿已經夠食呢。

最後,賣個廣告,以下乃小弟語音導航吹水頻道,希望最後能夠做到互補長短。但首要我想要過1000個訂閱者。能否訂閱一下小弟頻道??


你無睇錯,我太太終於登場了!(雖然只得一句)

JUPAS揀物理治療定追夢? 
四十歲前財務自由只是BONUS 
DSE考生入看! 入唔到MEDIC 唔一定要入PHYSIO! 
今集回理工大學圖書館砌GUNDAM MK II EXTRA FINISH VERSION! 

2019年5月27日 星期一

逃避現實,打機砌模 我可以唔撈嗎49

近這個月跌市,其實我只係每朝早起身睇一次。

有冇咩感覺,梗係唔高興啦,個300萬 倉由負42萬,去到負番100萬。。。



一球喎,我要儲一年呀!

不過,真係佢有佢跌市,我有我忙碌。我只係早兩日買左少少盈富,叫做撈下,九牛一毛。再跌? 又買多少少。


建行同人仔都跌,似乎今年收港紙息應無上年咁多。

建行跌,令按倉值減少。不過,要買到去2倍槓桿,仲有500至800萬左右可以買。

上個星期,開始搬番鋪頭d高達番屋企,同佢地洗白白。由我最鐘意個d 開始,有機會拍條片介紹下(又係無人睇的自high 片)。

今日,我番去去polyu library ,多謝吹水group 某熱心朋友借我locker 一年,否則我要搵學生哥幫手。。。

今日砌左隻 Gundam  MK II 劇場限定版。



制作過程? 我將會縮時放上我 YOUTUBE 頻道,訂閱左一更新就會有通知架喇!

如果你未睇過,介紹下你睇我0既新片

未夠四十退休悶唔悶? 瘋狂去旅行? 戲院睇早場? 做義工/做兼職? 日日自然醒? NONONO! 喂,你試過財自未?我未財自已經日日自然醒!

女主人陪我睇哂新倚天屠龍記,睇到後期佢好憎張無忌,話佢拖泥帶水。哈哈。。。難得張公子天生樣好,收下女兵好正常。(呢d 我無份啦)

趙敏係幾靚!四位都好明顯唔同樣,唔知點解港人係要話人整容樣。(有邊個唔整?)

高達世界,MK II 個駕駛員,阿嘉美尤咪係呢類,咁多個主角,我最鐘意佢。到最後佢癲左,都有青梅竹馬女友陪伴,你話幾咁正。(我以前寫過一篇 男人都想做一個嘉美尤


劇場版入面,個結局改左,最後一戰花園麗,即佢女友,走左去叫醒佢,佢無癲到,仲一齊快樂生活tim,可能原作個結局大家都唔鐘意。

武俠小說,科幻卡通,也可逃離下現實吧。

當年推出,應是我讀大學個陣,真係十九幾年,無諗過去戲院睇,一黎無錢,二黎初戀情人(也是物理治療師)唔太鼓勵我玩高達(無錢學人玩乜丫)。

男人玩高達,女人唔明白?
荃灣川龍街知源玩具鋪面金句
同時,我上面隻MK II 兩年前就係呢度買。

間鋪0既招牌!GOOGLE 下知源玩具

我話,若找到一個明白你既女人,生命中既煩惱真係會少好多,有錢無錢也好,人生中好多壓力,都是來自別人/別人目光。

見得最多果個都唔讚成你追夢,咪只能夠好似 the sims 咁,日日番工,放工無哂精力。。。呢d 模擬人生真係人生??


2019年5月17日 星期五

時間的覺悟 我的香港財自路(一)

覺悟時間,係指我用左幾多時間去實行退休撈大計。

重申多一次,唔撈,係指唔再搵錢,同好多人心中唔做而家個份工,但去做下PART TIME/打風流工個種奴性過日晨不同。

這篇應是另一系列,又介下其他比較熱門0既文!

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

我個鋪,仲有一個月要拉閘,呢D野我有幾塊,掉左佢定留念?

由覺得自己可以提早退休,至到今日洗濕個頭仲有一個月就唔做,一共十二年。\

應該大約2006年開始,那時未識現在太太,已經發現收入高過同輩朋友少少,結果每月能剩下的錢又多少少。

計算之後,當時同父母同住,覺得有250萬已經足夠。

後來,大約2008年,覺得至少要500萬,至少夠自己同住屋開支。

2009年結婚,同時遇到有人講,要留多一點點BUFFER。好吧,1000萬。

直㺫2016年,一千萬(淨資產,要強調)有了,有感樓市上升(其實十年來,租金升中幅未有一倍,我搬大左又靚左,但只用多最初一倍價錢而已),加上有孩子及長老要養,不如定個二千萬吧。

走到2019,發現錢是夠,但太太自己未必能維持現時花費生活,要提醒她有資金缺口要補。

結果,財自之路,依然感覺不踏實。
但我相信,船到橋頭自然直。

不過,自從第一個小朋友出世後,已希望可以不再工作,湊小朋友也好,做回自己也好,總之就不想再搵錢。

另外,我有個小目標,就是希望工作年數不多於讀書年數,達成了。

再另外,三個好友的離世,令我反思,有錢無命享,留給子孫也沒意思。人生是自私的,我活得好,太太活得好,就已足夠。

最後,2017年末我母親離世,更令我下定背水一退的決心,如能早一兩年財自,多些見面,多好。再者,即使母親還在,他的快樂也是來自我的快樂吧?只要我快樂,她就ok。

做父母的,不是這樣嗎?

如無意外,近系列0既曹操高達同孫堅高達,會係我今年父親節禮物。

最後,是來自我的垃圾父親,看到他現在,食又食不多,又不能四處去,有錢也沒命享,有何用? 身體退化是必然的,有錢也不能逆轉太多;孩子長大是不能人,親人變老也是不等人的。

最後,樓市坐貨十年八年,如覺值得,go ahead。我短視,看不到十年八年光景,


人生在世,能換多一年光陰便算一年。

我沒什麼長處,投資也不聰明。但我自豪的,是不靠樓市順風車,達到我想做的事。各磚頭朋友,不如你又試下?
Related Posts Plugin for WordPress, Blogger...