以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2019年5月9日 星期四

最後的工作日敲定 我可以唔撈嗎 48

終於等到工作日程表!

六月18日將會係小弟最後一個工作日。
六月23將會同朋友(現實生活果D)影下相,留個念。
剩番最後一星期,用黎清場,足夠有餘。

佢叫丁丁,是忘母送給我的。今年十一歲多了!

我刻意安排下,最唔太想見到個D客人,應該唔駛等到六月,五月一完就可以唔炒比佢地食。

其實工作一路以黎好輕鬆,真係從來無辛苦過無受過氣,有時仲有意想不到的尊重(個人認為同敬業精神有關)。只不過,好客之中,都有無咁好的。咁一圍食客入面,一個半個衰的,就會令我唔想做,自己生意0既好處,就係想點就點,無理由要忍。

仲有三樣野要係清場前做

1清理一個多年無開過0既儲物格,入面有好多野掉,同埋有我十年前出0既工具書,要拎番番屋企,留個紀念。

2高達波子機。。。要賣走

3一堆未砌模型,要GOGOVAN回家

記底完六月份工作後,個人停低左落黎,原來真係眨下眼咁快就到呢一日。

有冇唔捨得?一定有,不過,呢個係另一個開始,而非終結。今次0既人生路,同讀書、工作不同,至少,無乜人可以跟,無乜路可以參考。

我問老婆,駛唔駛續多九個月租約等埋佢。。。哈哈。

講錢先有人睇?不如統計一下:

回想當初搬過黎(2012年一月),應該係股票期權災難日之後無耐,錢又唔係無,不過就重傷。。。

首次獨資經營,當然係搏老命啦,首月已經衝過六位數收入,唔記得邊一兩年,係有二十個/月。。。

租金升幅由2011一月年到2019年六月,七年半間,租金只係多左25%,但鋪位已被易手多次。老實講,我只係要間鋪四四方方,位置唔太差便OK,呢D要求好多地方都有。

裝修連基本設備,都係七萬幾,攤分番每年,都係一萬/年。

如無意外,六月收入只能應付當月家庭及生活開支。即七月開始,要食老本了。

以後生活如何過??

小弟2001年畢業,走到2019年,終於都完成工作搵食人生階段,可以全職做番自己。

今年未夠40,可以退下火線,我希望係退下搵錢相關事情(即係唔再搵錢),而非退下現時工作去做其他工作,咁做對我來說無意思,更是浪費多年安排。好多人攪錯兩者意思,我係唔想搵錢,並非只係唔做現工作咁簡單。更加唔會去開投資班收錢。。。想學,大家睇我個YOUTUBE CHANNEL啦!

WHATSAPP GROUP中,有朋友叫我去飲下早茶/睇下早場電影,其實我唔係想要呢D!呢幾年工作上左軌道,其實我已經好清閒,尤其呢幾個月,我為左適應一下,都已經放假時日日出街行(每個星期一、四、五),其實係幾悶的,食都食唔到咁多,買野都係有限數。

我幾鐘意食太子果間沭八燒烤!

所以,才會去申請POLYU圖書証,同埋JOIN T HOBBY 個噴油場。

寫BLOG,寫書,拍片,砌高達,暫時會係首年財自過日晨活動,仲有要同小女上暑期班預習,睇下又如何!

寫BLOG,繼續現時方針。

寫書,應該不太多投資相關,反而同工作有關,或許需要自資。

拍片,投資為先,高達次之,再另有一個題材,要等我真係脫離左工作先拍,為左滲入另一年齡層,早有預備。

以上三個做唔到,都唔緊要,最重要係,要幫十個月後財自0既太太諗下佢可以做D乜。

最後最後,財務上呢,為左要補番大約18萬/年既收入缺口,似乎要再投資多少少(三球,六厘),近日跌市,可能係一個好機會。

42 則留言:

  1. 沙發!先霸定頭位恭賀老闆榮休!

    回覆刪除
    回覆
    1. 謝謝
      三人行兄你咁早起身呀

      刪除
    2. 三弟仲有廿幾三十年才能財自退休,豈能不早起返工呢...
      三弟對老闆40歳前退休只有羨慕的份兒!哈哈!

      刪除
    3. 樓市應該會幫你提早三十年
      好多人都咁講

      刪除
  2. 恭喜皮老闆!!講得出,做得到,真心佩服!

    回覆刪除
    回覆
    1. 其實我都怕一路有咩差池
      最後講得出做唔到

      刪除
  3. 回覆
    1. 除咗金錢上嘅預備
      其實生活上去預備我覺得更加重要
      希望第日有人會search到呢個blog幫到佢手

      刪除
  4. 除咗恭喜外都唔知講乜好。
    不過我唔明點解無工作會唔知點打發時間,我自己嘅時間就好唔夠用,已經完全犧牲咗煲劇打機睇書,可能係有工人同無工人嘅分別。

    回覆刪除
    回覆
    1. 其實你我都知道,財自仲忙過有工番。。。
      尤其風兄你小朋友大過我的小朋友,應該唔駛用咁多時間。
      近期煲倚天,煲到26集,朝朝好眼訓。。。

      刪除
  5. 恭喜皮老闆

    有朋友叫我去飲下早茶/睇下早場電影,其實我唔係想要呢D
    // 其實放2個星期假在家放空已可. 如果退下來為這個的人實在太......好快會出番來做

    退休咪係鐘意做咩就做咩, 又唔駛睇錢同老細面口做人, 皮老闆的身家足夠有餘, 再講多聲恭喜!

    回覆刪除
    回覆
    1. 真係要講句,老闆嘅面色為何物?我從來冇見過.(hahaha)

      不過好多人慣咗十幾二十幾三十年,日日都返工,冇工返佢哋真係好唔慣㗎。

      所以先至會聽到人問,點打發啲時間。

      因為啲時間從來都唔係佢哋。

      刪除
  6. 回覆
    1. 應該是的。
      但網上多數都係老人退休個案
      又或者一堆話提早退休,但又未退/去左外地退住大屋既人。
      今次真係唔知抄邊個。。。

      刪除
  7. 恭喜老闆

    //有朋友叫我去飲下早茶/睇下早場電影,其實我唔係想要呢D!

    我舊年有段時間空閒,搵老婆去飲早茶睇早場,去過一兩次佢已經唔理我,佢仲忙過我。。。。
    結果我大部份時間去了cafe, 又約唔同的老朋友,去佢地工作的地誠方食午飯。

    回覆刪除
    回覆
    1. 你有舊同事還好。。。
      我無。
      老朋友也不多。
      唯有識下新朋友啦。

      刪除
    2. 網絡可以令你識到更多新朋友,或者可以嘗試交友APPS,約出嚟更新一下當世騙案:D

      刪除
  8. 一直有睇,不過無留言。嚟到呢刻,都忍唔住講聲恭喜。

    不用工作,做回自己都不錯,做番自己時間既主人,可以陪養番自己既興趣,世界咁大,唔只得我哋身邊既野。加油

    回覆刪除
    回覆
    1. 是的。
      謝謝支持。
      仲有提出非港豬屠場(直接間接幫地產商打工)思維,這是重點。

      刪除
  9. 恭喜哂皮老闆!以後花多些時間陪家人同撚貓🐱啦🤣

    回覆刪除
  10. 恭喜啊老闆~ 退休後,淨係搞個YOUTUBE CHANNEL拍片剪片加效果,分分鐘仲忙過你而家做生意 XD
    可以報下班學下剪片技術,夠玩好耐~!

    回覆刪除
    回覆
    1. Yes. 一條片求求其其都好花時間。。。
      報班學剪片? 我估youtube 有教

      刪除
  11. 我都想每日睇一套電影, 然後寫影評過日神, 諗下都覺得爽~

    回覆刪除
    回覆
    1. 好喎。
      千祈唔好學某blogger ,做劇透L....

      刪除
  12. 恭喜皮老闆,好羨慕,你已買好自住樓?��

    KK

    回覆刪除
    回覆
    1. 我呢啲低下階層只能租樓,邊及得有十幾層樓收租嘅打工仔呀。

      刪除
  13. 丁丁你好,本熊隻貓bun bun 都係十一歲
    恭喜老闆財自,老闆還有一個任務... 搞blog/ group 聚

    回覆刪除
    回覆
    1. 如無意外, 我都唔想露面...
      一露左就無人黎~ 哈哈哈~~~

      刪除
  14. 做乜都好,最緊要有動力!

    回覆刪除
  15. 其實唔返工又點會悶,我之前整親腳抖左排都唔覺無聊,有d運動做唔到都唔覺悶, 如果可以走動自如唔洗做不知幾過癮。

    回覆刪除
    回覆
    1. 唔番工, 越搵越多野要做/可以做
      反而仲忙.

      刪除
  16. 恭喜皮老闆榮休!有POLY Library card就多D去POLY昅女 XD
    有時間可以搵樣運動玩下/操fit番

    回覆刪除
    回覆
    1. 操FIT番!! 好提議...我已經無左自己條...頸.

      刪除
  17. 恭喜皮老闆,留左言幾次老闆已經成功上岸!
    我如果財自成功,會諗下人生中有咩野係令自己有成功感和滿足感,然後投入到呢一年事身上。好多退左休既人冇所事事,反而想重新投入職場,其實人生除左工作,仲有好多野可以做!

    回覆刪除
    回覆
    1. "成功感和滿足感", 呢D 可遇不可求, 我唔想強求.

      反而, 好玩最緊要, 或者可以幫到年青一輩亦唔錯.

      刪除
  18. congrats! 老闆做事說話真係有型有款! 支持支持

    回覆刪除
  19. 皮老闆如果唔介意不如喺結束最後一日工作嗰時同大家開估其實你係做邊行吖 :)

    回覆刪除
  20. 做自己,往往是最難的事。
    恭喜老闆可以「全職」做返自己!

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...