以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2019年5月30日 星期四

檢視投資槓桿 我的香港務自由路(二)

皮老闆
香港人
無自住樓, 亦無收租樓
有著不一樣的價值觀
四十歲前財自, 唔搵錢, 做自己事!
(其實我都係公屋仔、無父蔭,不過我唔鐘意咁形容自己LAW...)

上面寫得幾巴閉....

事先講明

1 我投資唔叻
2 我交際都唔叻
3 唔高大唔靚仔
4 個人又懶又求其

如果你自問勁過我,請移玉步。

這個系列,希望有同道中人睇到,互相交流,亦希望後來者可以作前車之鑑。

我唔係認屎認屁,幾無料我自知,不過對於從未接觸過準備財自的朋友,應該總有點用處。

上一篇:時間的覺悟,我想帶出,能否提早財自,是自己慢慢意會到的。既然有可能,就要去準備。

我自己ON9唔買樓,否則做收租仔我應該更快可以唔撈(賣哂升值樓便可以,簡單易明),又正正我唔買樓,要財自難度都算高,如果你已經有物業,無可能做唔到,係咪?

至於投資,其實我主要都係靠一隻港股收息,內銀建設銀行。呢兩三年都提供超過60萬一年年息比我,即每月有50000港元可以用。

同時,買入六支不同月份派息,每半年派一次息0既垃圾級別債券,可惜行文之時,有一隻被提早贖回,另外有一隻違左約唔派息,可真屋漏兼逢連夜雨。

其次,我亦持有ETN/優先股,大約每息派息一次,可恨HSEA HSEB已被回,現只有C PRN 、SSW PRH及DKT 收少少利息。

最後,亦有少量月月派息的GOF(一隻CLOSE END MANAGEMENT FUND)收下息。

除此之外,持有金ETF(GLD)

最令人頭痛的,就是上年六月高位買入三球港股,以及按錯制無理0既美股ATVI,若當時沒有買入,現在資金調動應該更加輕鬆。

將上面收既息加埋,平均每月都有幾萬蚊,未到十萬(已扣利息開支),算多定少?肯定比我最初想像中少。

不過,我只係用左唔多槓桿去做。

即使跌市,資產少左,槓桿計埋都只係去到1.54

點樣係IB 睇槓桿比率?係TWS入面,按ACCOUNT,入面有得睇。如果搵唔到,係AVAILABLE FOR TRADING 右邊有個+號,可以係果度TICK番"LEVERAGE"出黎!

咁就會SHOW 到個LEVERAGE!



如果將槓桿比加到去2,買一D固定收息產品,咁就基本上可以完全應付生活有突。只是想暫時保留彈性(蝕左太多係港股同ATVI了,怕怕)

最後,仲有小量零用來自GLD,939的股票期權。每月零至幾千不等,九牛一毛,貪玩過日晨而已。

當身家跌番番兩年前水平,有咩感覺?除左平常心去面對,其實佢又唔影響生活,同時,加埋女主人個份,已經非常充裕了!

最後,係我個垃圾財自EXCEL度,入多一皮野家用比老婆(其實佢都有收息零用的),發覺剛好用哂我一年股息收入。哈哈哈~~~ 1.54槓桿已經夠食呢。

最後,賣個廣告,以下乃小弟語音導航吹水頻道,希望最後能夠做到互補長短。但首要我想要過1000個訂閱者。能否訂閱一下小弟頻道??


你無睇錯,我太太終於登場了!(雖然只得一句)

JUPAS揀物理治療定追夢? 
四十歲前財務自由只是BONUS 
DSE考生入看! 入唔到MEDIC 唔一定要入PHYSIO! 
今集回理工大學圖書館砌GUNDAM MK II EXTRA FINISH VERSION! 

24 則留言:

  1. 瞓唔著可以有沙發。我都未訂閲,稍後時間去做

    回覆刪除
  2. //最後,賣個廣告,以下乃小弟語音導航吹水頻道,希望最後能夠做到互補長短。但首要我想要過1000個訂閱者。能否訂閱一下小弟頻道??
    --> 小弟篇新文章已為老闆個YOUTUBE平台作人肉推介。可惜敝博無乜人睇。只能略盡綿力。呵呵!

    回覆刪除
    回覆
    1. 你個BLOG 都好高人流下呢!
      https://www.youtube.com/channel/UC0G5K85yPF5xU9Yd2ZwT-tg?view_as=subscriber

      等我係留言賣個廣告先!

      刪除
  3. 老實講投資方面就真係麻麻地, 買樓一定好好多, 但正因為你唔走大部份人揀既路, 當初你先會棄本科做炒旦, 變相主動收入走快人好多。

    回覆刪除
    回覆
    1. Starman收過個CASE係兩公婆持有5000萬物業(幾間夾埋),但現金流少得可憐。
      兩丁友加埋先得1-2萬。

      而我唔知點解覺得皮老板懶過個屎忽,叫佢管理物業水電煤真係開玩笑......

      刪除
    2. 哈哈, 你錯了
      我個屎忽每日都有屎疴, 但係我個腦可能一日都唔勞動一次呢~

      刪除
    3. 所以我岩,你個人懶過個屎忽~

      刪除
  4. 皮老太....唔係, 係皮太太開頻度可能更易呃LIKE。 XP

    回覆刪除
  5. 皮老闆,我一向有追看你的網誌, 但從沒有留言。我十分欣賞你寫架文章,夠獨特,夠串咀。今日第一次睇你架youtube,十分精彩,忍不住要留言,謝謝。

    回覆刪除
    回覆
    1. 謝謝支持
      我相信日子耐左, 拍YOUTUBE 方面會拍得好D (唔一定靚D), 係會好睇過文字的.

      我同好多BLOGGER 不一樣, 講野叻過打字啦.

      刪除
    2. 你把聲好好聽, 加油,謝謝你的無私分享

      刪除
    3. 謝謝
      細個時都有人講過,不過一見樣就穿煲。哈哈。

      刪除
  6. 已訂閱。另外,皮老闆10萬被動收入,絕對係舒服地財自喇。個個月仲可以有盈餘呢

    回覆刪除
  7. 皮老闆,退休在即,係咪應該考慮下不要太倚重939股息呢?話哂波幅較大、股票派息唔係保證,加埋人民幣貶值。。。

    回覆刪除
  8. 有風兄類似觀感,收息組合可以分散少少。我就大概分佈係公用股加世界各地房託,再加少量投資級別債。槓桿1.5-1.6之間。

    回覆刪除
  9. 用ib 買美股要小心美國遺產稅,外國人只有usd$60000免稅額
    e.g. https://m.xuite.net/blog/angelina_kung/twblog1/134995534

    回覆刪除
  10. 我都不太喜歡自己的專業,與身邊的同學都有些格格不入的感覺,想要轉行又發覺無咩qualifications,想知你點樣做起。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...