以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2019年6月17日 星期一

出水豆!忙過番工! 我可以唔撈嗎50

我成日想更新呢度架。。。

話說五月中,我個女出水豆!

家中未出過0既人:女主人、阿仔

家中出過0既人:工人、外母(佢偶爾過來)

我?我印象中無出過,但唯人可以知我出過未0既阿媽已經不在人世,無得問要等報夢,我老豆係廢0既,不提也罷。

為免大家中招,阿女被隔離在房兩星期。

到佢好番,就到女主人中水豆。。。佢自我隔離,我?訓廳!就係咁,一直提唔起勁出文,今天只能作個生活UPDATE。

而BLOG文都偏向講生活多,始終現時無乜新資金再投入,同埋一動不如一靜吧。

****

一日作息,可以好忙,亦可以好得閒,今個星期已經試過一連四日無番工,其中一日屋企打機,仲攰過番工呢!哈哈!!

打乜?打呢個。。。

唔好笑我低能,呢套卡通片其實好有意思,比海綿寶寶更神。
講好多人生,包括愛情0既取捨,友情0既偉大!
仲要係成人角度睇,非單單小朋友角度喎!

而個女已考完試(趕得切係考試前好番),我又唔駛跟佢功課同溫書。。。

過埋今日, 仲有三日要工作, 過多四日我就唔做了。

月底交還鋪位及機器,正式同畢業後唔夠一年就開始0既炒旦工作說再見。咁就做左十幾年,有冇唔捨得?只有少少,因為心情早就收拾好了。反正炒旦這一行,鐘意可以做返(但收入得番1成都無),不過我唔會再做就是。

當初諗住做十年就會變老左,就做唔到,而家十九幾年,乜都賺左。我太太識我時都講過,估唔到彊越老越辣,後期越做感覺越輕鬆。

放棄工作值得否?若然可以早D體會別人體會唔到0既野,已經唔係用錢可以量度。再者,從來我都係獨斷獨行,如果唔係會溝女,相信現在我只是一個平日收工ON99,一個人去吉野家打邊壚0既中坑。

我唔鐘意即興,所以退休計劃早有部署,寫BLOG/VLOG其一二,減肥/湊小朋友其三四。至於其他事情,要等埋太太退出,先陪佢去做吧。

家本位之下,好多人卦住番工/打著要番工旗號,忽略身邊太多人和事/個人理想,基本生活是緊要,但再多錢的生活於我無用,若然到我80歲打回原形一窮二白,我都會選擇現在退休。

AV男優VS財自老獨L,你會點揀?

班老野叫你努力D累積財富,其實幾好笑,佢地年華已去,無得揀,唯有迫你揀同佢一樣0既路。一個無青春0既人叫你放棄青春換金錢,乖乖走所有老人走過(走錯)0既路,新時代0既你,會否太蠢?

4 則留言:

  1. 首次沙發。。。。學下三人兄先!

    ///家本位之下,好多人卦住番工/打著要番工旗號,忽略身邊太多人和事/個人理想,基本生活是緊要,但再多錢的生活於我無用,若然到我80歲打回原形一窮二白,我都會選擇現在退休。

    超like呢句,打工為咩?可能有時真係為了逃避一些應該要負的責任。有些父親如果不享受工作,只看工資,仲以為有錢拿返屋企已完成責任,結果年老時才發現兒女心裡要的東西皆不是呢啲,何苦呢?

    回覆刪除
    回覆
    1. YES。現實社會上,番工為逃避責任0既人唔少。。。所以成日比人問唔番工做咩好!

      例如舊式兩公婆,兩人都工作,但家務依然係女人做。我個仆街老豆大條道理番工搵錢,但最可恨係,一出糧就輸哂份人工。

      變相食老軟。

      刪除
  2. 老闆, 理想還理想, 但好多人的人生目標仍然係基本需要
    正如上星期三, 沒有公司內的真老闆首肯, 誰敢拿自己份工去搏走去玩罷工?
    除非份工差到唔志在, 可以隨時搵過份, 或者少數員工惡過老闆的職業吧?
    其實, 為免瓜田李下, 當日就算真係病左, 病假都唔敢隨便攞

    回覆刪除
    回覆
    1. 香港地,餓唔死吧。
      何必自己困住自己。

      做人就係有時太多顧慮, 最安全0既選擇先係最危險0既選擇。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...