以下是本網誌一系列文章

心態決定境界:多是講人,用以投射一般膠人膠事,免各位中人生誤區。

我可以唔撈嗎:純粹以時間倒數紀錄自身情況,現在回看,得啖笑。

我的財富大道:被我太太喻為三幅被,不停重覆,多為資產與時間描述,亦有提及我的工作/生意如何煉成。

我的實習時代:就係小弟大學修物理治療時實習經歷

砌模型玩期權用IB?
小弟聲音導航YOUTUBE頻道

2019年6月17日 星期一

虛擬與現實世界的我 心態決定境界26

一晚出左兩篇,上一篇講出水豆,要CLICK入去才看到。

難得今日同女主人一齊收工,坐的士順手車埋佢(平時分開坐,浪費金錢呢!)

有唔少野,係屋企時好少講,一黎唔想長輩知(錢銀又好,人生去向也好),二黎又唔想會搭咀0既小朋友八卦。(若小朋友想了解多D爸爸,到我死左,睇我個BLOG就知了。)

小弟的父親節禮物!
(阿囡越黎越靚,開始有種仙氣。。。)

的士上,好多時會講下自己野,老婆話,講錢怕的士佬老笠(哈!)

近日遊行反惡法一事,我支持年輕人去追自己想要的東西,背後會否有大人/人大陰謀,我就唔知了。

這不是重點,而是多得whatsapp吹水group一眾谷友都好克制,至少都好比面小弟,無乜亂子出現,罵戰當然無,連post link迫人睇都唔多。

這也不是重點(不要打頭),我同太太講,在虛擬世界裏,大家都好客氣好比面,現實生活裏,大家都以為我on9的(或者咁講,驚死我害佢/覺得我吹水)。箇中原因,女主人一矢中的:

"佢地唔知你做d乜,咪覺得你好似好勁law!現實生活d人會覺得:車,你好巴閉咩?!"

所以,佢再一次千叮萬囑,要我繼續保持神秘感(哈)!同樣地,我一向都話我0既小生意係一d好低微好不值一提,一d都無謙虛成份

不過,blog文中的事情的確真實,收入是真的,資產是真的,唔駛受氣也是真的,非常想點就點也是真的!最引以為傲的,是我不吸年青一輩錢,全是上一輩港人資金貢獻上。

好比水電工一樣,你唔整?你識唔識整丫?shut up and give the money 啦!

另,我唔會(亦無需要)特別提我公屋出身,父母親基層,仲加個廢柴爛賭父親,憑著自己點努力點奮鬥達到今日財自!咪玩啦。如果我要厄人,話我係神秘ANGEL FUND 咪得LAW!係咪?(上到鏡頭,支支吾吾扮專家攪掂啦!)


現實世界,有冇人信我D屎橋最後掂左?梗係有啦!我老婆咪係其一,當然仲有舊同學,講得出來,有時雖然ON9無道理,但這些奇兵方法,正常人只有保守正常思維,又點會比到你?

若然你網上睇到我,覺得我好攪笑又另類,恭喜你,你搵到一片ON9新大陸,錢就唔會多左,不過人生不只一條路,講都講到我口爛了。(記得BOOKMARK啊!)

相反,現實生活中,常被人誤解,年紀越大0既,佢地個框框越細,越比人當你老點!

上星期本熊兄福䘵壽兄及一眾吹水谷一圍十一人的聚會,食左餐飯,其實席間我都係好怕講錯野,如有無心得罪,你就當係我細路仔/傻仔吧。(當天細節,我唔記得哂啦,過程可以另文再述)

女主人又再次講得好好:財自後,唔應該搵疏遠了的舊朋友,應該去識D新朋友。

人生另一階段,不用再抱殘守缺,既然以前你睇唔透我+我又點唔明你,不如今生就此作罷。

****

最後,先不論小生意係咪真係咁低下,我對我自已就有以下意見:

要估一個壞人幾時做壞事係好易,要估佢幾時做好事就極難;同樣,要估明哥幾時派飯好易,要估葉繼歡幾時會扶阿婆過馬路就好難!

結果,往績唔好0既(以訛傳訛也可以,並非真實往績,真實世界中有人鐘意安安份份,請你別另類,OK?),或者好似我咁有個句就講出0既,一定比人定左型。

講多次,"要估一個壞人幾時做壞事係好易,要估佢幾時做好事就極難"

政局有時也如是;股市有時也如是。

16 則留言:

  1. 沙發。老闆谷的確是極少數保持理性討論的群組。
    阿囝都迷上"三人行"這首歌,他當成是兒歌,實質這首歌不是兒歌,是講離群、獨處、以心做伴。有一天,他會明白這首歌談甚麼。可幸他應該不用以心做伴,我的太太是上佳的聆聽者。

    回覆刪除
    回覆
    1. "離群、獨處"可以是個人選擇,咁就是另一故事。
      只是隨年紀大,朋友數目變少而已。

      呢類人,應該自然會識揀一個溝通到的好老婆。

      刪除
  2. 「女主人又再次講得好好:財自後,唔應該搵疏遠了的舊朋友,應該去識D新朋友。」

    齋係啲句已經足顯女主人智慧,老闆好幸福喔

    回覆刪除
    回覆
    1. 佢同我的長處是互補的。哈哈。。。
      所以有D野我信佢(例如著衫),有D野佢要信我(例如教仔)

      刪除
  3. 好人和壞人很難分辦, 樣衰和樣靚的就一眼看得到
    而林鄭由於比巫婆更醜更樣衰, 所以無法湊倒瘋狂哭鬧中的BB

    回覆刪除
    回覆
    1. 何必每事皆政?
      一個人人口中的壞人永遠做壞事?
      大把表面好人,天天在侵蝕你的利益呢。

      刪除
    2. "要估一個壞人幾時做壞事係好易,要估佢幾時做好事就極難"
      我以為係講緊點解怕政府修例吧... 可能我誤會左!

      很同意 "大把表面好人,天天在侵蝕你的利益呢"
      我份人可能都唔係好正常, 唔係咁鐘意表面似係好人, 望落觀感比較靚果邊

      刪除
  4. 喜歡女主人呢句, 財自後唔應該揾疏遠離你朋友,應該去識D新朋友。好正!!!
    人生另一階段,不用再抱殘守缺,既然以前你睇唔透我+我又點唔明你,不如今生就此作罷。非常同意!!!

    皮老闆,很久不見^^ 魚兒妹

    回覆刪除
    回覆
    1. 魚兒妹, 好耐無見.

      我今天是財自第一天. 亦是我覆的第一個留言.

      女主人個人單純, 表達偶有驚喜.

      刪除
    2. 作者已經移除這則留言。

      刪除
    3. 當然唔係得男士啦! BLOGGER 界就男人多.
      我無統計過, 純粹靠估, 男女比例 2.66:1
      (唔好問我點計出黎, 有少少根據0既)

      刪除
    4. 按更改無效變咗刪除...哈哈!
      男女比例2.66:1(咁科學計算我不懂吖,所以唔識問^^)

      刪除
  5. 想加入老闆個谷,有咩條件架?

    回覆刪除
  6. //收入是真的,資產是真的,唔駛受氣也是真的,非常想點就點也是真的!
    //若然你網上睇到我,覺得我好攪笑又另類,恭喜你,你搵到一片ON9新大陸,錢就唔會多左,不過人生不只一條路,講都講到我口爛了。(記得BOOKMARK啊!)

    果然心態決定境界,同皮老闆直接不轉彎抹角既態度係小弟非常之佩服
    極之同意人生不止一條路,直家回望番讀書果陣有少少後悔唔玩/試多D野

    回覆刪除
    回覆
    1. 係, 我都有後悔.
      我地無時光機, 只能寄語年青一輩, 唔好用我地0既價值當係普世價值.

      路唔係得一條, 即使香港人思維如何單一.

      做個與別不同既乞兒, 好過做倒模出黎0既西裝友

      刪除

各位每個留言,係我繼續9UP動力,必覆。

Related Posts Plugin for WordPress, Blogger...